Հակոբավանք

Հակոբավանք
Վանքային համալիր
Վանքային համալիրը
Տեղադրություն	ԼՂՀ Մարտակերտի շրջան, Քոլատակ
Աշխարհ	Արցախ
Երկիր	ԼՂՀ
Կրոնադավանություն	Հայ Առաքելական եկեղեցի
Ճարտարապետություն
Կարգավիճակ	Կիսավեր
Ճարտարապ. ոճ	Հայկական
Կառուցման սկիզբ	7-րդ դար
Կառուցման ավարտ	853 թ.

Հակոբավանք կամ Մեծառանից Սուրբ Հակոբա վանք, հայկական ճարտարապետական հուշարձանախումբ Մեծ Հայքի Արցախ նահանգի Մեծառանք գավառում (այժմ՝ ԼՂՀ Մարտակերտի շրջան, Քոլատակ գյուղի մոտ, 1,5 կմ հս.): Վանքը եղել է նշանավոր ուխտատեղի, գավառի կրթության ու գրչության կարևոր կենտրոններից: Հիմնադրման ժամանակը հայտնի չէ: Պահպանված ամենահին արձանագրությունը վերաբերում է 853 թ.: Ըստ գրավոր տեղեկության՝ վանքի եկեղեցին նորոգվել է XII դ.: Համալիրի կառույցների մեծ մասը ստեղծվել է XII-XIII դդ., արլ. կողմի պարսպապատին կից բնակելի և տնտ. շենքերը, ըստ արձանագրության՝ XVII- XVIII դդ.: Պարսպապատ համալիրի կազմում են երկու միանավ եկեղեցիներ, երկու գավիթ, բնակելի շենքեր: Բազմերանգ խաչքարերի, գերեզմանաքարերի ու վիմագիր սալաքարերի (երկարությունն ավելի քան 2 մ ) օգտագործմամբ ուշագրավ է եկեղեցիների ծավալային հորինվածքի օրգ. մասը կազմող եռակամար գավիթ-սրահը:

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանի ց, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։