Վերոնա (գավառ)

Վերոնա
Դրոշ	Զինանշան
;	;
Երկիր	Իտալիա
Կարգավիճակ	Իտալիայի պրովինցիաներ
Մտնում է	Վենետո
Վարչկենտրոն	Վերոնա
Տարածք	3121 կմ²
Սահմանակցում է	Տրենտո, Վիչենցա, Պադովա, Ռովիգո, Մանտուա և Բրեշիա
Ժամային գոտի	UTC+1 և UTC+2
ISO 3166-2 կոդ	IT-VR
Հեռախոսային կոդ	045 և 0442
Փոստային ինդեքսներ	37121–37142 և 37010–37069
Ավտոմոբիլային կոդ	VR
	web.provincia.vr.it

Վերոնա (իտալերեն՝ Provincia di Verona), գավառ Իտալիայի Վենետո մարզում։ Գարդա լճի արևելյան ափը հարում է պրովինցիային^[1]։ Գավառի մայրաքաղաքը Վերոնան է։ Այն ընդգրկվել է ՅՈՒՆԵՍԿՕ-ի Համաշխարհային ժառանգության օբյեկտների ցանկում^[2]։ Վերոնան հյուսիսից սահմանակից է իտալական Տիրոլին, իսկ արևելքից Վիչենցային և Պադովային։ Հարավում սահմանակից է Ռովիգո և Մանտուա գավառներին, իսկ արևմուտքում՝ Գարդա լճին։ Վերոնայի երկարությունը հյուսիսից հարավ 50 մղոն է, իսկ արևելքից արևմուտք՝ 25 մղոն^[3]։

Ակնարկ[խմբագրել | խմբագրել կոդը]

Վերոնան զբաղեցնում է 3109 քառ․կմ և ունի 0,9 միլիոն բնակչություն։ Այն ունի 98 կոմունաներ։ Նշանակալից են Բովոլոնե, Բոնավիգո, Բուսոլենգո, Չերեա, Իզոլա դելա Սկալա, Լենյագո, Նեգրար, Պեսկիերա դել Գարդա, Սան Բոնիֆաչո, Սան Ջովաննի Լուպատոտո, Սան Մարտինո Բուոն Ալբերգո, Սոավե, Սոնա, Վալեջո սուլ Մինչո, Վիլաֆրանկա դի Վերոնա կոմունաները ^[4]։ Ուիլյամ Շեքսպիրի «Ռոմեո և Ջուլիետ» ստեղծագործության դեպքերը կատարվում են Վերոնայում։ «Վերոնացի երկու ազնվական» պիեսի որոշ տեսարաններ ևս նկարագրվում են Վերոնայում։ Այն վիլլան, որտեղ «ապրել» է Ջուլիետան, մեծ մասսայականություն է վայելում այցելուների շրջանում։ Վերոնան ամեն տարի իրեն է ձգում մեծ թվով զբոսաշրջիկների։ Բազմաթիվ ամրոցները, աշտարակները, կացարանները, վանքերը, սրբավայրերն ու հին ռոմանական եկեղեցական օջախներն ունեն պատմական կարևոր նշանակություն։ Տարածքային զբոսայգին գտնվում է Լեսինիայում։ Վալպոլիչելան հայտնի է իր գինիներով, որոնք պատրաստվում են տեղական տեխնիկայով։ Եվրոպայում ամենախոշոր բնական կամուրջը՝ Պոնտե դի Վեժան, տեղակայված է մարզի տարածքում։ Գավառի հյուսիսային մասը հիմնականում լեռնային է։ Կիրճերով անցնում են մի քանի գետեր։ Դրանցից են Տարտարոն, Կասլագնարոն և Ադիջեն^[3]։