Վիչենցա (գավառ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Վիչենցա
Villa Cordellina Lombardi.jpg
ԵրկիրԻտալիա Իտալիա
ԿարգավիճակԻտալիայի պրովինցիաներ
Մտնում էՎենետո
ՎարչկենտրոնՎինչենցա
Բնակչություն869 813 մարդ[1]
Տարածք2722,76 կմ²
Vicenza in Italy.svg
Սահմանակցում էՏրենտո, Բելունո, Տրևիզո, Պադովա և Վերոնա
Ժամային գոտիUTC+1 և UTC+2
ISO 3166-2 կոդIT-VI
Ավտոմոբիլային կոդVI
Կոորդինատներ: 45°33′ հս․ լ. 11°33′ ավ. ե. / 45.550° հս․. լ. 11.550° ավ. ե. / 45.550; 11.550
provincia.vicenza.it

Վիչենցա (իտալ.՝ Provincia di Vicenza), գավառ Իտալիայի հյուսիսում, Վենետո մարզում։ Մայրաքաղաքը Վիչենցան է։ Գավառն ունի 2723 քառ․կմ տարածք, ընդհանուր բնակչությունը կազմում է 874630 մարդ (2012 թվականի դրությամբ)։ Կա 121 կոմունա (մունիցիպալիտետ) այստեղ[2]։ Պրովինցիայի կարևոր քաղաքներն ընդգրկում են Բասանո դել Գրապա, Մոնտեքիո Մաջորե, Տորի դի Կուարտեզոլո, Սկիո, Նովենտա Վիչենտինա, Տիենե, Մարոստիկա, Լոնիգո, Արցինյանո և Վալդանո կոմունաները։

Սկսած 2014 թվականից գավառի նախագահը Աքիլլե Վարիատին է Դեմոկրատական կուսակցությունից։ Պրովինցիայի նախագահը, 2007 թվականից մինչև 2014 թվականը եղել է Ատտիլիո Շնեկը՝ Լիգա Վենետա կուսակցությունից։ Լիգա Վենետետան Լեգա Նորդ քաղաքական կուսակցական խմբի անդամ է։ Նախքան Ատտիլո Շնեկը, նախագահը եղել է Մանուելա Դալ Լագոն, ով նաև Լիգա Վենետա կուսակցության անդամներից է։

Գավառում բնակչությունը անհավասարաչափ է տեղաբաշխված։ Բնակչության ավելի քան 60%-ը բնակվում է արևելյան, արևմտյան և հյուսիսային (հայտնի է որպես Ալտո Վիչենտինոն) փակուղիների խիտ արդյունաբերական տարածքներում, ինչպես նաև Բասանո դել Գրապա տարածքի շրջակայքում։ Մնացած 40%-ը բնակվում է գավառի հարավային մասում՝ հիմնականում գյուղական բնակավայրերում։

Արդյունաբերական և գյուղատնտեսական ճգնաժամը խոչընդոտում է որոշ ոլորտների տնտեսական աճին։ Արևմտյան մասում տեղակայված քաղաքները, ինչպիսիք են Վալդանոն և Մոնտեքյոն, ունեն բարձր գործազրկություն, որն ուղեկցվում է պղնձի ու տեքստիլ արդյունաբերության անկմամբ։ Կոլլի Բերիչին և Բասսո Վինչենտոն, որոնք մնում են մեծամասամբ գյուղատնտեսական տարածքներ, նույնպես ունեն գործազրկության բարձր մակարդակ։ Խիստ արդյունաբերական Ալտո Վիչենտինո տարածքը միայն տալիս է գավառների համախառն ներքին արդյունքի կեսը։

Հնդկաստանի նախկին վարչապետ Ռաջիվ Գանդիի այրին՝ Սոնյա Գանդին (ծնվել է Էդվիջ Անտոնիա Ալբինա Մայինոյի՝ Լուզիանա փոքր գյուղում) , ծնվել է Վիչենցա գավառում։ Այժմ նա ապրում է Նյու Դելիում։ Նա համարվել է երրորդ ամենաազդեցիկ կինը Ֆորբս ամսագրում 2004 թվականին։ Սոնյա Գանդին նաև ընդգրկվել է Time ամսագրի աշխարհի 100 ամենաազդեցիկ մարդկանց շարքում 2007 և 2008 թվականներին։

Իտալացի հայտնի գյուտարար, ֆիզիկոս և ինժեներ Ֆեդերիկո Ֆաջին, նույնպես ծնվել է Վիչենցայում։ Նա ձևավորել է առաջին միկրոպրոցեսորը։

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 http://demo.istat.it/bil2013/index.html
  2. The Italian institute of statistics, Istat, see this link

Արտաքին հղումներ[խմբագրել | խմբագրել կոդը]