Պադովան ընդգրկում է 2142 քառ․կմ տարածք և ունի 940090 բնակչություն (2012 թվականի տվյալներով), ըստ այդմ համարվում է ամենաբնակեցված գավառը Վենետո նահանգում։ Պադովայում կա 104 կոմունա։
Տարածքն ընդգրկում է Պադովա քաղաքն ու հարակից մունիցիպալիտետները[1] Ալտա Պիանուրան՝ քաղաքի հյուսիսից, Bassa Pianura՝ հարավից, և Էուգանեի բլուրները հարավարևմուտքից։
Գավառի սահմանները գրեթե նույն են, ինչ միջնադարյանկոմունայում՝ հյուսիսարևելյան կողմում՝ որոշ փոփոխություններով։ Տարածքը վարչականորեն պատկանել է Վենետիկի հանրապետությանը, սակայն ներկայիս գավառը վարչականորեն բաժանված է եղել Լոմբարդի-Վենետիկ թագավորության կողմից։ Պադովայի միաբանությունը ընդգրկում է գավառի մեծ մասը, ինչպես նաև շրջակա գավառների տարածքները։
Պադովան հարուստ է զբոսաշրջային վայրերով։ Գավառում կան միջնադարյան և Վերածննդի արվեստի և ճարտարապետության գլուխգործոցներ։ Չիտադելլա և Մոնտանյանա քաղաքները հայտնի են լավ պահպանված միջնադարյան պարիսպներով։ Տարածքում կան շատ հին և գեղեցիկ վիլաներ, որոնցից մի քանիսը ձևավորվել են ճարտարապետ Անդրեա Պալլադիոյի կողմից։ Ուշագրավ են Կոնտարինի (Պիացոլա սուլ Բրենտա) և Բարբարիգո (Գալցինյանո Տերմեում) վիլաները։ Էուգանեի լեռների անտառածածկ տարածքներում կան հանգստավայրեր, իսկ արևելյան զառիթափ լանջերին կան հնագույն հանքային աղբյուրներ՝ ինչպիսիք են Էյգենե Տերմեն, Աբանո Տերմեն, Մոնտեգրոտո Տերմեն, Գալցինյանո Տերմեն, Բատալիա Տերմեն։ Վենետիկյան ծովածոցի մի փոքր մասը գտնվում է նահանգի ներսում։ Valle Millecampi և գետային լանդշաֆտների ծայրամասում կան բնական ուղիներ՝ նույնիսկ հեծանիվի և ձիավարության համար։ Այստեղ նաև հնարավոր է ճամփորդել նավով։
Իտալիա.svg)
