Դժար տարի
Դժար տարի | |
---|---|
Տեսակ | բանաստեղծություն |
Ժանր | բանաստեղծություն |
Ձև | բանաստեղծություն |
Հեղինակ | Հովհաննես Թումանյան |
Բնագիր լեզու | հայերեն |
Հրատարակչություն | Հասկեր |
Հրատարակվել է | 1908 |
Վիքիդարան | Դժար տարի |
«Դժար տարի», Հովհաննես Թումանյանի բանաստեղծություններից[1]։
Պատմություն[խմբագրել | խմբագրել կոդը]
Հովհաննես Թումանյանի այս բանաստեղծության գրման ստույգ տարեթիվը հայտնի չէ[1]։
Ինքնագիրը չի պահպանվել։
Եղիշե Չարենցի անվան գրականության և արվեստի թանգարանի Թումանյանի Ֆոնդում № 1402-ում պահվում է մանկական «Հասկեր» ամսագրի՝ հեղինակի սեփական օրինակը, որտեղ Թումանյանը ջնջել է «Ժողվրդականից» ենթավերնագիրը։
Առաջին անգամ լույս է տեսել 1908 թվականին տպագրված «Հասկեր» ամսագրի № 7-ում (էջ 246), այնուհետև՝ 1922 թվականին Կոստանդնուպոլիսում լույս տեսած Հովհաննես Թումանյանի բանաստեղծությունների գրքում (էջ 131), «Ժողովրդական երգեր» բաժնում, ապա՝ Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության I հատորում (էջ 155)։
Հովհաննես Թումանյանի երկերի լիակատար ժողովածուի 1-ին հատորում արտատպվել է 1922 Կոստանդնուպոլիսում լույս տեսած Հովհաննես Թումանյանի բանաստեղծությունների գրքից[1]։