Ծաղկաշատ (գյուղ, Ասկերանի շրջան)

Անվան այլ կիրառումների համար տե՛ս՝ Ծաղկաշատ (այլ կիրառումներ)

Գյուղ
Ծաղկաշատ
ադրբ.՝ Qışlaq
Երկիր	Արցախ
Շրջան	Ասկերանի
ԲԾՄ	813 մետր
Բնակչություն	202 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	ծաղկաշատցի
Ժամային գոտի	UTC+4
Ծաղկաշատ (գյուղ, Ասկերանի շրջան) (Լեռնային Ղարաբաղի Հանրապետություն)
Ծաղկաշատ Վիքիպահեստում

Ծաղկաշատը գյուղ է Արցախի Հանրապետության Ասկերանի շրջանում։ Տեղաբաշխված է հանրապետության հյուսիսարևելյան հատվածում։ Ասկերան շրջկենտրոնից գտնվում է 7 կմ հեռավորության վրա, իսկ մայրաքաղաք Ստեփանակերտից՝ 23 կմ հեռավորության վրա։ Համայնքը լեռնային է, ունի 943.9 հա տարածք, որից 777.2 հա գյուղատնտեսական նշանակության, 102.49 հա անտառային հողեր։ Ծակաշատ համայնքի սահմանային գոտով հոսում է Կարկառ գետի վտակը։ Ծաղկաշատ համայնքի բնակչության թվաքանակը կազմում է 172 մարդ, կա 55 տնտեսություն։ Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ: Համայնքում գործում են գյուղապետարան, մշակույթի տուն, բուժկետ, միջնակարգ դպրոց, որտեղ սովորում են 22 աշակերտներ։

Տեսարժան վայրեր

Կան պատմամշակույթային հուշարձաններ՝ Սբ. Աստվածածին եկեղեցի (19-րդ դ.), գերեզմանոց (18-19դ.), աղբյուր(19-րդ դ.), ջրաղաց (19-րդ դ.), ձիթահանք(19-րդ դ.), խաչքար (13-րդ դ.), գյուղատեղի «Վաքա» (12-13դդ.), ամրոց (վաղ միջնադար), դամբարաններ (մ.թ.ա. 2-1 հազ.), հաշվառված է 35 հուշարձան։

Պատկերասրահ

• 
  Նիկոլ Դումանի տուն-թանգարան
• 
  Հուշարձան 2-րդ աշխարհամարտում զոհված Ղշլաղցիների
• 
  Հուշաղբյուր Գրիգոր Սողոմոնյանի

Արտաքին հղումներ

• Հակոբ Ղահրամանյան, ՏԵՂԵԿԱՏՈւ Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.