Վարդաձոր (Ասկերանի շրջան)

Անվան այլ կիրառումների համար տե՛ս՝ Վարդաձոր

Գյուղ
Վարդաձոր
Երկիր	Արցախ
Շրջան	Ասկերանի
ԲԾՄ	778 մ
Բնակչություն	268 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	Վարդաձոր
Ժամային գոտի	UTC+4
Վարդաձոր Վիքիպահեստում

Վարդաձոր (նախկինում՝ Փիրջամալ), գյուղական համայնք Արցախի Հանրապետության Ասկերանի շրջանում։ Տեղաբաշխված է կենտրոնական արևելյան հատվածում։ Ասկերան շրջկենտրոնից գտնվում է 9 կմ հեռավորության վրա, իսկ մայրաքաղաք Ստեփանակերտից՝ 26 կմ հեռավորութան վրա։

Աշխարհագրություն

Համայնքը հարթավայրային է, ունի 2358,0 հա տարածք, որից 1817,48 հա գյուղատնտեսական նշանակություն, 430,9 հա անտառային հողեր։ Համայնքի տարածքում առկա են թվով 13 աղբյուրներ` «Սև քարեն», «Թըխկըճրին», «Թեղուն», «Եղճնջուր», «Եխծունջուր», «Ղազան», «Ծարավաջուր», «Բլասեն», «Տնջրե», «Ցկանեն», «Գուլալին», «Շոր» և «Շենին»։

Բնակչություն

Վարդաձոր համայնքի կազմի մեջ ընդգրկված է նաև Վաևազաբուն գյուղը, որի բնակչության թվաքանակը կազմում է 38 մարդ, կա 10 տնտեսություն։

Տարի	2008	2009	2010
Բնակիչ	268	270	268

Տնտեսություն

Վարդաձոր համայնքի բնակչության թիվը կազմում է 267 մարդ, կա 80 տնտեսություն։ Բնակչությունը հիմնականում զբաղվում է գյուղատնտեսությամբ՝ անասնապահությամբ և հողագործությամբ։

Պատմամշակութային հուշարձաններ

Կան պատմամշակութային հուշարձաններ՝ Սուրբ Աստվածածին եկեղեցի (19-րդ դար), գերեզմանոց (18-19-րդ դարեր), աղբյուր (19-րդ դար), սրբատեղի «Նահատակ» (17-18-րդ դարեր), հաշվառված է 7 հուշարձան։

Աղբյուրներ

• Հակոբ Ղահրամանյան, ՏԵՂԵԿԱՏՈւ Լեռնային Ղարաբաղի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.