Վիլլա Ֆարնեզինա

Վիլլա Ֆարնեզինա
Villa Farnesina
Վիլլա Ֆերնեզինա
Ժամանակակից կարգավիճակ`	Դել Լինչեի անվան ազգային ակադամիա
Երկիր`	Իտալիա, Հռոմ
Ճարտարապետական ոճ`	Բարձր Վերածնունդ
Հիմնող`	Ագոստինո Կիջի
Ճարտարապետ`	Բալթազար Պերուցի
Կառուցման ժամանակաշրջան`	1506 թվական-1510 թվական

Վիլլա Ֆարնեզինա (իտալերեն՝ Villa Farnesina), բարձր Վերածննդի ժամանակաշրջանի ճարտարապետական և գեղանկարչական հուշարձան, որը գտնվում է Տիբեր գետի աջ ափին, Հռոմի Տրանստևերե շրջանում։

Պատմություն

Վիլլան կառուցվել է սիենյան հարուստ բանկիր և Հռոմի պապ Հուլիոս II-ի գանձապետ Ագոստինո Կիջիիի համար։ 1506-1510 թվականներին սիենացի նկարիչ և Բրամանտեի աշակերտ Բալթազար Պերուցին նախագծում և կառուցում է վիլլան։ Վիլլան տարբերվում է Վերածննդի դարաշրջանին յուրահատուկ պալատներից, այն նախատեսված էր որպես ամառային լայնարձակ հանգստավայր։ Սկզբնական շրջանում գլխավոր մուտքը գտնվում էր հյուսիսային կողմում։ Իսկ այժմ այցելուները մուտք են գործում հարավային կողմից։

Կիջին ֆրեսկայով ձևավորումը հանձնարարում է Ռաֆայելին, Սեբաստիան դել Պյոմբոյին, Ջուլիա Ռոմանոին և Սոդոմին։ Ռաֆայելի առավել հայտնի ֆրեսկաները գտնվում են առաջին հարկում՝ «Ամուրը և Փսիխեան», «Գալատեայի Տրիումֆը»։ Հարևան ննջարանում Սոդոմը պատկերում է դրվագներ Ալեքսանդր Մակեդոնացու կյանքից, Ալեքսանդրի և Ռոքսանայի ամուսնությունը։

1577 թվականին վիլլան դառնում է Ֆարնեզե ընտանիքի սեփականությունը։ XVI դարում Միքելանջելոն առաջարկում է Պալացո Ֆարնեզեն, որը գտնվում է Տիբերի հակառակ ափին և որում նա աշխատում էր, միացնել Վիլլա Ֆարնեզեին կամրջի միջոցով։ Աշխատանքները սկսվում են, սակայն ավարտին չեն հասցվում։

Ավելի ուշ վիլլայի տնօրինումը անցնում է Բուրբոնների տանը, իսկ 1861 թվականին՝ Հռոմում Իսպանիայի դեսպան Բերմուդես դե Կաստրոյին։ Այժմ այն պատկանում է Իտալիայի կառավարությանը և այնտեղ տեղակայված է Դել Լինչեի անվան ազգային ակադեմիան։

Պատկերներ

• Ռաֆայելի Փսիխեա լոջիան Archived 2004-11-04 at the Wayback Machine.
• Ճակատամաս և ֆրեսկաներ
• Այգին
• Ճարտարապետություն Archived 2016-01-11 at the Wayback Machine.
• Արբանյակային լուսանկար

Աղբյուրներ

• Virtual tour of Villa Farnesina on romainteractive.com Archived 2013-02-28 at the Wayback Machine.

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Վիլլա Ֆարնեզինա կատեգորիայում։