Օկտավիայի սյունասրահ

Վիքիպեդիայից՝ ազատ հանրագիտարանից
Jump to navigation Jump to search
Portico of Octavia upper detail (5832983656).jpg
Օկտավիայի սյունասրահ
930RomaPorticoOttavia.JPG

Օկտավիայի սյունասրահ (լատ.՝ Porticus Octaviae), անտիկ կառույցի ավերակներ Հռոմում: Շինությունը կառուցվել է Օգոստոսի օրոք Ք.ա. 33-23 թվականներին Մետելլի սյունասրահի տեղում, որը կառուցել էր Ցեցիլիուս Մակեդոնացին Ք.ա. 131 թվականին[1] և նվիրել կայսեր քրոջը՝ Օկտավիային։ Կառույցն իրենից ներկայացնում էր ուղղանկյուն հրապարակ՝ 118 մ. լայնությամբ, ցածր ամբիոնի վրա, շրջապատված էր կրկնակի գրանիտե սյունաշարով և զարդարված էր մարմարով ու բազմաթիվ արձաններով։ Դրանցից էին Լիսիպոսի հեծյալների 34 բրոնզե արձանները, որոնք ներկայացնում էին Ալեքսանդր Մակեդոնացուն և իր զորապետներին։ Օկտավիայի սյունասրահը տուժել է 80 թվականի հրդեհից և վերականգնվել է Դոմիցիանոսի օրոք[2]: Սյունասրահն ներառում էր Յուպիտեր Ստատորի և Յունոնա Ռեգինայի տաճարները, գրադարանը և Օկտավիայի կուրիան: 10-րդ դարում սյունասրահն ու Մարցելլա թատրոնը դարձել են կրպակներ և արհեստանոցներ, ինչպես նաև սյունասրահում էր գտնվում ձկան շուկան։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]