Սոխակի վիշտը
| Սոխակի վիշտը | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Հրատարակչություն | «Հասկեր» |
| Հրատարակվել է | 1910 |
| Վիքիդարան | Սոխակի վիշտը |
«Սոխակի վիշտը», Հովհաննես Թումանյանի բանաստեղծություններից[1]։
Պատմություն[խմբագրել | խմբագրել կոդը]
Բանաստեղծության գրման ստույգ տարեթիվը հայտնի չէ[1]։
Առաջին անգամ տպագրվել է 1910 թվականին «Հասկեր» ամագրի № 11-ում (էջ 309)` «Ժողովրդական» ենթավերնագրով, ստորագրված՝ «Կազմեց Հ․ Թ․»: Այնուհետև՝ Կոստանդնուպոլսում՝ 1922 թվականին լույս տեսած Հովհաննես Թումանյանի բանատեղծությունների գրքի «Ժողովրդական երգեր» բաժնում( էջ 137-138), առանց ենթավերնագրի, ապա Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 162)[1]։
Բանաստեղծության ակունքը ժողովրդական է։ Տպագրվել է նաև Կոմիտասի և Մանուկ Աբեղյանի «Հազար ու մի խաղ» ժողովածուում։
Բանաստեղծը պահել է ժողովրդական երգի լեզվաոճական տարրերը, կրճատել որոշ տողեր, ավելացրել նորերը, փոխել տողերի դասավորությունը, վերնագրել «Սոխակի վիշտը» և ստեղծել բոլորովին նոր բանաստեղծություն[1]։
Ինքնագիրը չի պահպանվել։
Հովհաննես Թումանյանի երկերի լիակատար ժողովածուի 1-ին հատորում արտատպվել է Կոստանդնուպոլսում լույս տեսած բանաստեղծությունների գրքից[1]։
