Մանագուա

Մանագուա
Քաղաք
	Մանագուա
	Managua
Դրոշ	Զինանշան
	12°9′0″N 86°16′0″W / 12.15000°N 86.26667°W
Երկիր	Նիկարագուա
Ենթարկում	Մայրաքաղաք
Համայնք	Managua Department?
Քաղաքապետ	Դեյսի Տոռես
Հիմնադրված է	մարտի 24, 1819 թ.
Տվյալ կարգավիճակում	1846 թվականից
Մակերես	267,2 կմ²
ԲԾՄ	83 մ
Պաշտոնական լեզու	իսպաներեն
Բնակչություն	▲973 087 մարդ (2025)
Ժամային գոտի	UTC-6
Փոստային ինդեքս	+505 2
Փոստային դասիչ	10000–14345
Պաշտոնական կայք	managua.gob.ni
	Մանագուա (Նիկարագուա)
	Մանագուա (Նիկարագուա)
	Մանագուա Վիքիպահեստում

Մանագուա (իսպ.՝ Managua), Նիկարագուայի մայրաքաղաքը և խոշորագույն քաղաքը, նաև համարվում է երկրի համանուն դեպարտամենտի վարչական կենտրոնը։

Բնակչությունը՝ ▲973 087 մարդ (2025)^[1]։

Աշխարհագրություն

Քաղաքը գտնվում է պետության արևմուտքում, Մանագուա լճի հարավային ափին։

Պատմություն

Մանագուան հիմնադրվել է իսպանացիների կողմից XVI դարից հայտնի հնդկացիական բնակավայրի տեղում։ 1855 թվականին քաղաքը դարձել է պետության մայրաքաղաք։ Իր պատմության ընթացքում քաղաքը բազմիցս տուժել է տարերային աղետների արդյունքում՝ 1876 թվականին ուժեղ ջրհեղեղ է տեղի ունեցել, 1885, 1931 և 1972 թվականներին ավերիչ երկրաշարժեր, 1936 թվականին՝ ուժեղ հրդեհ։

1979 թվականին Ազգային ազատագրական Սանդինիստյան ճակատի (ԱԱՍՃ) և բռնակալ Անաստասիոս Սոմոսայի զորքերի միջև քաղաքային պատերազմ (գերիլիա) էր ընթանում։ 1979 թվականի հունիսի 4-ին սկսվեց համազգային գործադուլը, իսկ հունիսի 9-ին՝ զինված ապստամբությունը։ Ապստամբության 19-րդ օրը ԱԱՍՃ-ի ստորաբաժանումները և ապստամբները (ընդամենը 6 հազար մարդ) սկսեցին նահանջել մայրաքաղաքից։ Նրանց հետ միասին մայրաքաղաքը լքեցին նաև փախստականները։

Հուլիսի 14-ին ԱԱՍՃ-ի շարասյունը կրկին հարձակվեց Մանագուայի վրա։ Քաղաքում սկսվեց բարիկադների կառուցումը։ Նախագահ Ա. Սոմոսան սկսեց պատրաստվել երկրից փախչելուն և հուլիսի 17-ին Նիկարագուայի կոնգրեսի դիմաց հրաժարական տվեց և մեկնել ԱՄՆ։ 1979 թվականի հուլիսի 19-ին ԱԱՍՃ ջոկատները հանդիսավոր կերպով մուտք են գործել երկրի մայրաքաղաք։

2009 թվականի հուլիսի 1-ին Մանագուայի քաղաքապետ, նախկին բռնցքամարտիկ Ալեքսիս Արգուելյոին իր նստավայրում մահացած են հայտնաբերել^[2]։ 2009 թվականի հուլիսի 8-ին քաղաքապետի պաշտոն է ստանձնել Դեյսի Տոռեսը^[3]։

2014 թվականի սեպտեմբերի 6-ին տեղական ժամանակով ժամը 23:04-ին Մանագուա օդանավակայանի մոտակայքում երկնաքար է ընկել՝ առաջացնելով 12 մետր տրամագծով և 5,5 մետր խորությամբ խառնարան։