Լյութերական եկեղեցի (Հռոմ)

Լյութերական եկեղեցի;
Հիմնական տվյալներ
Տեսակ	եկեղեցի
Երկիր	Իտալիա
Տեղագրություն	Հռոմ
Դավանանք	լյութերականություն
Հիմնական ամսաթվերը	1922
Նվիրված	Հիսուս
Անվանված	Հիսուս
Ճարտարապետ	Franz Schwechten?
Ճարտարապետական ոճ	Նեոռոմանական ճարտարապետություն
Հիմնադրված	1922
	Christuskirche (Rome) Վիքիպահեստում
	ev-luth-gemeinde-rom.org

Հռոմի լյութերական եկեղեցի (իտալ.՝ La chiesa Evangelica Luterana di Roma), հայտնի է նաև որպես Քրիստոսի եկեղեցի (գերմ.՝ Christuskirche, իտալ.՝ Chiesa di Cristo)), եկեղեցական կառույց Հռոմում, որը պատկանում է լյութերական համայնքին։ Վերջինս մտնում է Իտալիայի Ավետարանչական-լյութերական եկեղեցու կազմում։ Տեղակայված է Վիա Սիցիլիա և Վիա Տոսկանա փողոցների անկյունում։

Պատմություն[խմբագրել | խմբագրել կոդը]

Հռոմում Ավետարանչական համայնքը գործում է 1819 թվականից^[1], սակայն շուրջ 100 տարի շարունակ այն չի ունեցել եկեղեցական կառույց։ 20-րդ դարի սկզբում ապագա եկեղեցու նախագծի ստեղծման աշխատանքում ներգրավվեց գերմանացի ականավոր ճարտարապետ Ֆրանց Շվեխտենը, որը կառուցել էր Կայսր Վիլհելմի Հիշատակության եկեղեցին Բեռլինում։ Եկեղեցու շինարարությունը ընթացել է Առաջին համաշխարհային պատերազմի ժամանակ, ըստ այդմ կառուցումը տևել է 12 տարի։ 1922 թվականին շինությունը լուսավորվեց և սկսեց գործել։

Նկարագրություն[խմբագրել | խմբագրել կոդը]

Որպես լյութերական եկեղեցական ճարտարապետության օրինակ՝ կառույցն ինքնատիպ է։ Ունի ոչ թե մեկ ամ երկու, այլ երեք աշտարակ, երկուսը՝ ճակատամասի կողմերում, իսկ երրորդը՝ ամենաբարձրը, գտնվում է շինության խորանի կողմում։ Ճակատամասի կամարամուտքի վերևում կերտված են երեք արձաններ՝ Հիսուսինը, Պողոս և Պետրոս առաքյալներինը։

Ներսակողմում կառույցը բաժանված է երեք նավի։ Խորանի հատվածը զարդարված էր խճանկարով, որում պատկերված է Հիսուսը։