Քրիստա Լյուդվիգ

Վիքիպեդիայից՝ ազատ հանրագիտարանից
(Վերահղված է Կրիստա Լյուդվիգից)
Քրիստա Լյուդվիգ
KS Christa Ludwig, geboren am 16. März 1928 in Berlin, deutsche Opern- und Konzertsängerin (Mezzosopran) wurde zur Ehrenpräsidentin der Hilde Zadek Stiftung ernannt. (17122239712).jpg
Ծնվել է մարտի 16, 1928({{padleft:1928|4|0}}-{{padleft:3|2|0}}-{{padleft:16|2|0}})[1] (88 տարեկան)
Ծննդավայր Բեռլին[2]
Քաղաքացիություն Flag of Germany.svg Գերմանիա
Մասնագիտություն օպերային երգիչ, երգիչ և երաժիշտ
Ամուսին Պոլ-Էմիլ Դեբե և Վալտեր Բերրի
Պարգևներ և
մրցանակներ
Պատվո լեգեոնի շքանշանի ասպետ և Մեծ արծաթե պատվավոր նշան Ավստրիայի Հանրապետությանը մատուցած ծառայությունների համար
Christa Ludwig Վիքիպահեստում

Քրիստա Լյուդվիգ ( գերմ.՝ Christa Ludwig, մարտի 16, 1928[1], Բեռլին[2]), գերմանացի օպերային երգչուհի (մեցցո-սոպրանո)։ Առավելապես հայտնի է Մոցարտի, Ռիխարդ Վագների և Ռիխարդ Շտրաուսի օպերաներում դերերգերի կատարմամբ, ինչպես նաև գերմանական երգերի, կամերային և եկեղեցական երաժշտության իր մեկնաբանություններով։

Ձայնի դիապազոնը թույլ է տվել երգչուհուն կատարել նաև դրամատիկ սոպրանոյի համար նախատեսված դերերգեր։

Կենսագրություն[խմբագրել | խմբագրել կոդը]

Քրիստա Լյուդվիգը ծնվել է երգիչների ընտանիքում։ Երգելու արվեստին սկզբում սովորել է մորից, այնուհետև Մայնի Ֆրանկֆուրտի բարձրագույն երաժշտական դպրոցում։ Հենց Ֆրանկֆուրտում էլ կայացել է նրա առաջնախաղը. 1946 թվականին նա հանդես է եկել Օռլովսկու դերերգով Յոհան Շտրաուսի «Չղջիկ» օպերետում։

1946—1952 թվականներին նա հանդես է եկել Մայնի Ֆրանկֆուրտում, 1952—1955 թվականներին` Դարմշտադտում, 1954—1957 թվականներին` Հանովերում, 1957 թվականից` Վիեննայի պետական օպերայում։ 1955 թվականից պարբերաբար մասնակցել է Զալցբուրգի փառատոնին, իսկ 1966-ից` Բայրոյթի վագներյան փառատոնին։

Շրջագայել է Մյունխենում, Համբուրգում, Հռոմում, Բրյուսելում, Չիկագոյում (1959), Նյու Յորքում (Մետրոպոլիտեն, 1959), Միլանում (Լա Սկալա, 1960—1961), Բուդապեշտում (1970), Տորոնտոյում (1970), Սան Ֆրանցիսկոյում (1971), Բուենոս Այրեսում (1971), Մոսկվայում (1971), Փարիզում (1972—1987), Լոնդոնում (Քովենթ Գարդեն, 1976) և այլն։

Մասնակցել է մի շարք համաշխարհային պրեմիերաների, այդ թվում` Գոտֆրիդ ֆոն Էյնեմի «Ծեր տիկնոջ այցը» օպերայի պրեմիերային (Վիեննա, 1971)։

Երգչուհու վերջին ելույթը կայացել է 1995 թվականին Վիեննայի օպերայում (Ռիխարդ Շտրաուս, «Էլեկտրա», Կլիտեմնեստրայի դերերգ)։

Խաղացանկ[խմբագրել | խմբագրել կոդը]

Քրիստա Լյուդվիգը կատարել է դերերգեր Վոլֆգանգ Ամադեուս Մոցարտի (Քերուբինո` «Ֆիգարոյի ամուսնությունը», Դորաբելլա` «Այդպես են վարվում բոլորը», Դոննա Էլվիրա` «Դոն Ժուան»), Ռիխարդ Վագների (Ադրիանո` «Ռիենցի», Վեներա` «Տանհոյզեր», Օրտրուդ` «Լոհենգրին», Ֆրիկա և Վալթրաուտե` «Նիբելունգի մատանին», Կունդրի` «Պարսիֆալ»), Ռիխարդ Շտրաուսի (Կլիտեմնեստրա` «Էլեկտրա», Օկտավիան և Մարշալուհի` «Վարդերի ասպետը», Ներկարարի կինը` «Առանց ստվերի կինը»), Ջուզեպպե Վերդիի (Լեդի Մակբեթ` «Մակբեթ», Ազուչենա` «Տրուբադուր», Էբոլի` «Դոն Կառլոս», Ամներիս` «Աիդա»), Լյուդվիգ վան Բեթհովենի (Լեոնորա` «Ֆիդելիո»), Ժորժ Բիզեի (Կարմեն` «Կարմեն»), Ժյուլ Մասնեի (Շառլոտ` «Վերթեր»), Հեկտոր Բեռլիոզի (Դիդոնե` «Տրոյացիներ»), Քամիլ Սեն-Սանսի (Դալիլա` «Սամսոն և Դալիլա»), Ջակոմո Պուչինիի (Սուձուկի` «Մադամ Բատերֆլայ») և այլ օպերաներում։

Լյուդվիգի խաղացանկն ընդգրկում էր նաև Բախի, Շուբերտի, Բեթհովենի, Բրամսի, Մալերի, Ռավելի և այլոց երգերը, կամերային և օրատորիալ ստեղծագործությունները։ Երգչուհին համագործակցել է բազմաթիվ հռչակավոր դիրիժորների հետ (Հերբերտ ֆոն Կարայան, Կարլ Բյոմ, սըր Գեորգ Շոլթի, Օտտո Կլեմպերեր, Իշտվան Կերտես և այլք)։

Ծանոթագրություններ[խմբագրել | խմբագրել կոդը]

  1. 1,0 1,1 Record #118729489 // Gemeinsame Normdatei Ստուգված է ապրիլի 27-ին 2014:
  2. 2,0 2,1 2,2 Record #118729489 // Gemeinsame Normdatei Ստուգված է դեկտեմբերի 12-ին 2014:

Աղբյուրներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]