Վիեննայի պետական օպերա

Վիքիպեդիայից՝ ազատ հանրագիտարանից
Jump to navigation Jump to search
Picto infobox masks.png
Վիեննայի պետական օպերա
Staatsoper-DSC 0231a.jpg
Տեսակ թատրոն և մշակութային արժեք[1]
Երկիր Flag of the Habsburg Monarchy.svg Ավստրիա[1][2]
Գտնվելու վայրը Ներքին Քաղաք[1][2]
Հիմնադրման ամսաթիվ 1869 և մայիսի 25, 1869
Ճարտարապետ August Sicard von Sicardsburg և Eduard van der Nüll
Կոորդինատներ: 48°12′10.000000100811″ հս․ լ. 16°22′6.5000000991986″ ավ. ե. / 48.20277777780577821° հս․. լ. 16.368472222249778270° ավ. ե. / 48.20277777780577821; 16.368472222249778270
Կայք
Vienna State Opera Վիքիպահեստում

Վիեննայի պետական օպերա (գերմ.՝ Wiener Staatsoper, հիմնադրվել է 1869 թվականին) (մինչև 1918 թվականը՝ Վիեննայի պալատական օպերա), խոշորագույն օպերային թատրոն, Ավստրիայի երաժշտական մշակույթի կենտրոն։

Պատմություն[խմբագրել | խմբագրել կոդը]

Վիեննայի պետական օպերա։ 1898 թվական

Վիեննայի պալատական օպերան ստեղծվել է 17-րդ դարի կեսին։ 17-18-րդ դարերին ներկայացումները տրվել են տարբեր թատրոններում։ 17-րդ դարի վերջերին և 18-րդ դարի սկզբին թատրոնի խաղացանկի հիմքը կազմել են իտալական օպերաները։

18-րդ դարի կեսից Վիեննայի պալատական օպերայի վրա էական ազդեցություն է գործել Ք․ Վ․ Գւյուկի օպերային ռեֆորմը, ձեավորվել է ազգային օպերային ոճ (Ի․ Ումլաուֆի, Կ․ Դիտերսդորֆի, Ամադեուս Մոցարտի օպերաների բեմադրությունը)։

19-րդ դարում թատրոնում բեմադրվել են գերմանական, ավստրիական, իտալական և ֆրանսիական կոմպոզիտորների օպերաներ, հանդես են եկել Եվրոպայի ականավոր շատ երգիչներ։

1880-ական թվականներին Ռիխտերի (երաժշտական տնօրեն և դիրիժոր՝ 1875 թվականից) և հատկապես Գ․ Մահլերի (թատրոնը ղեկավարել է 1897-1907 թվականներին) գործունեության շնորհիվ Վիեննայի պետական օպերան դարձել է Եվրոպայի լավագույն օպերային թատրոններից մեկը։ 1869 թվականին թատրոնը ստացել է սեփական շենք։ Այստեղ բեմադրվել են Ամադեուս Մոցարտի, Լուդվիգ վան Բեթհովենի, Ռիխարդ Վագների, Ջուզեպպե Վերդիի, Կ․ Դեբյուսիի, Ռիխարդ Շտրաուսի, ինչպես և (Վիեննայում առաջին անգամ) Պյոտր Չայկովսկու («Եվգենի Օնեգին», «Պիկովայա դամա», «Իոլանտա») օպերաները։

1920-ական թվականներին․ թատրոնի խաղացանկում մեծ տեղ են գրավել Ա․ Շյոնբերգի, Է․ Կշենեկի, Ա․ Բերգի, Է․ Կոռնգոլդի օպերաները։ Ֆաշիստական օկուպացիայի տարիներին (1938-1944) թատրոնը ճգնաժամ է ապրել։ 1945 թվականին Վիեննայի ռմբակոծման ժամանակ թատրոնի շենքը ավերվել է (վերականգնվել է 1955 թվականին)։ 1945 թվականին երկրի ազատագրումից հետո Վիեննայի պետական օպերան կրկին նվաճել է Ավստրիայի առաջատար երաժշտական կենտրոնի փառքը։

1940-1960-ական թվականներին թատրոնի խաղացանկում դասական գործերի կողքին տեղ են գրավել ժամանակակից կոմպոզիտորների օպերաներ (Կ․ Օրֆ, Վ․ էգկ, Պ․ Հինդեմիթ, Ֆ․ Պուլենկ, Ի․ Պիցետտի և ուրիշներ)։ Այստեղ հանդես են եկել Ավստրիայի և այլ երկրների լավագույն երգիչները, խոշորագույն դիրիժորներ Կ․ Կրաուսը, Ռ․ Շտրաուսը, Բ․ Վալտերը, Օ․ Կլեմպերերը, Վ․ Ֆուրտվենգլերը, Ցո․ Կրիպսը, Վ․ դե Սաբատան, Կ․ Բյոմը, Դ․ Միտրոպուլոսը, Լ․ Բեռնստայնը և ուրիշներ։

Տես նաև[խմբագրել | խմբագրել կոդը]

Angizia — рок-группа, работающая в стиле авангардный метал, все участники которой являются музыкантами Венской государственной оперы.

Գրականություն[խմբագրել | խմբագրել կոդը]

  • Stefan, Paul. Das neue Haus. Ein Halbjahrhundert Wiener Opernspiel und was voranging. — Wien/Leipzig: Strache, 1919.

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 428 CC-BY-SA-icon-80x15.png

  • 1,0 1,1 1,2 Monuments database — 2017.
  • 2,0 2,1 ArchINFORM