Պրատեր
 | |
|---|---|
 | |
| Տեսակ | պուրակ |
| Կազմված է | Wurstelprater? |
| Երկիր |  Ավստրիա |
| Վարչատարածք | Լեոպոլդշտադտ |
| Հիմնվել է | ապրիլի 7, 1766 |
| Կարգավիճակը | գործում է |
| Կոորդինատներ: 48°12′58.000000099591″ հս․ լ. 16°23′44.000000101604″ ավ. ե. / 48.21611111113877257° հս․. լ. 16.39555555558377975° ավ. ե. | |
  | |
.svg) | |
Պրատեր (գերմ.՝ Wiener Prater), հանրային զբոսայգի և հանգստի գոտի Ավստրիայի մայրաքաղաք Վիեննայում:
Այն գտնվում էլեոպոլդստադտի հարավային մասում՝ մինչև Դանուբ գետ: Զբոսայգին ձգվում է 5 կմ ափագծի երկայնքով: Պուրակի անվանումը գալիս է լատիներեն պրատում (լատ.՝ pratum) բառից, որը թարգմանաբար նշանակում է «մարգագետին»:
Հանգստի գոտու մեծ մասը ընդգրկում է այսպես կոչված «Կանաչ Պրատերը» (գերմ.՝ Grüner Prater), որի մեջ ներառված է միջազգային տոնավաճառ, ձիարշավարան, մարզադաշտ, հեծանվահրապարակ և այլ սպորտային հրապարակներ:
Պրատերի հյուսիսում տեղակայված է «Վուրստելպրատերը» (գերմ.՝ Wurstelprater)` ատրակցիոնների գոտին, որը հաճախ կոչվում է պարզապես Պրատեր: Այգու այս հատվածում վեր է խոյանում մի մեծ անիվ, որը կառուցվել է 1896-1897 թվականներին անգլիացի ինժեներ Վալտեր Բազետի նախագծմամբ:
Անիվը կանգնեցվել է Ավստրո-Հունգարիայի կայսր Ֆրանց Յոզեֆ I-ի հիսուներորդ տարեդարձի կապակցությամբ: 60 մետրանոց այս անիվը առաջարկում է տեսնել Վիեննան վերևից: Այն համարվում է Վիեննայի խորհրդանիշներից մեկը:
Այգում է գտնվում նաև աշխարհի ամենաբարձր շղթա-ատրակցիոնը՝ «Պրատեր Թաուերը»: Այս ատրակցիոնի պտտվող մասը բարձրանում է մինչև 117 մետր, որը համապատասխանում է 33 հարկանի շենքի բարձրության հետ:
Արտաքին հղումներ[խմբագրել | խմբագրել կոդը]
- Պրատերի պաշտոնական կայք
- Պրատեր զբոսայգու մասին (գերմ.)
- Վիեննայի զբոսաշրջության պաշտոնական կայք. Պրատեր
| ||||||||||||||||||||||||||
| ||||||||||
