Ջասթին Թիմբերլեյք

Վիքիպեդիայից՝ ազատ հանրագիտարանից
Picto infobox music.png
Ջասթին Թիմբերլեյք
Justin Timberlake

Ջասթին Թիմբերլեյքը 2013 թվականի մայիսին Կաննի կինոփառատոնում
Հիմնական տվյալներ
Ի ծնե անուն Ջասթին Ռենդալ Թիմբերլեյք
Ծնվել է հունվարի 31, 1981 (34 տարեկան)
Մեմֆիս, Թենեսի, Ամերիկայի Միացյալ Նահանգներ ԱՄՆ
Ժանրեր Փոփ, R&B
Մասնագիտություն Երգիչ-երգահան, դերասան, երաժշտական պրոդյուսեր, պարող
Գործիքներ Վոկալ, կիթառ, ստեղնաշարային գործիքներ, բիթբոքս
Գործունեություն 1992-ներկա
Լեյբլ Jive Records, RCA Records, Zomba Group of Companies
Կապված Քրիստինա Ագիլերա, Ջեյ Զի, 'N Sync, Թիմբալենդ, T.I., The Lonely Island
Կայք justintimberlake.com
Ստորագրություն
Justin Timberlake signature.svg

Ջասթին Թիմբերլեյք (անգլ.՝ Justin Timberlake, ծնվ. 1981թ. հունվարի 31, Մեմֆիս, Թենեսի), ամերիկացի երգիչ-երգահան, դերասան, երաժշտական պրոդյուսեր և պարող։ Իր կարիերան սկսել է մասնակցելով «Աստղի որոնում» և «Միկի Մաուսի ակումբ» հեռուստաշոուներին, իսկ ավելի մեծ ճանաչում է ձեռք բերել 1990-ականների կեսերին, որպես 'N Sync խմբի վոկալիստ։

2002 թվականի Ջասթինը թողարկում է իր «Justified» կոչվող անհատական դեբյուտային ստուդիական ալբոմը, իսկ 2006-ին թողարկում է իր «FutureSex/LoveSounds» անվանումը կրող երկրորդ ստուդիական ալբոմը, որը ունեցել է կոմերցիան բավականին մեծ հաջողություններ։ 2007-ից մինչև 2012 թվականը Ջասթինը կենտրոնանում է իր դերասանական կարիերայի վրա, այդ ընթացքում նկարահանվելով այնպիսի ֆիլմերում, ինչպիսին են «Սոցիալական ցանց», «Ժամանակին», «Վատ ուսուցիչ» և «Շահույթով ընկերներ» ֆիլմերը։

2013 թվականին Ջասթինը վերադառնում է իր երաժշտական կարիերային` թողարկելով իր «The 20/20 Experience» և «The 20/20 Experience – 2 of 2», համապատասխանաբար երրորդ և չորրորդ ստուդիական ալբոմները։ Իր կարիերայի ընթացքում Ջասթինը ստացել է 9 Գրեմմի և 4 Էմմի մրցանակ։

Վաղ կյանք[խմբագրել]

Ջասթին Թիմբերլեյքը ծնվել է 1981 թվականի հունվարի 31-ին Թենեսի նահանգի Մեմֆիս քաղաքում։ Նրա ծնողները` Ռենդալ Թիմբերլեյքը և Լին Հարլեսը[1][2], ամուսնալուծվել են 1985 թվականին։ Իր հոր երկրորդ ամուսնությունից հետո, նա ունի երկու խորթ եղբայր՝ Ջոնաթանը (ծնվ․ 1993թ․) և Սթիվեն Ռոբերտը (ծնվ․ 1998թօգոստոսի 14-ին)։ Նրա խորթ քույրը՝ Լաուրա Քեթրինը, մահացել Է մանուկ հասակում[3]։

Ջասթինը իր առաջին քայլերը երաժշտական կարիերայում արել է 11 տարեկանում՝ մասնակցելով «Աստղի որոնում» հեռուստատեսային շոուին, որտեղ նա հանդես էր գալիս որպես Ջասթին Ռենդալ և կատարում էր քանթրի ոճի երգեր[4]։ 1993 թվականից նա մասնակցում էր «Միկի Մաուսի ակումբ» մանկական հեռուստածրագրին, որտեղ նաև հանդես էր գալիս նրա ապագա ընկերուհի և փոփ աստղ Բրիթնի Սփիրսը, ինչպես նաև Քրիստինա Ագիլերան, Ջեյսի Չեյզեսը, Ռայան Գոսլինգը և Քերի Ռասելը[5]։

Կարիերա[խմբագրել]

1995-2002[խմբագրել]

1995 թվականին ստեղծվում է 'N Sync խումբը, որի վոկալիստներն են եղել Ջասթինը և Չեյսեզը։ Խումբը սկսում է իր կարիերան 1996 թվականին Եվրոպայում և արդեն 1998 թվականին ԱՄՆ-ում թողարկում է իր «*NSYNC» կոչվող առաջին դեբյուտային ալբոմը, որը ունենում է ավելի քան 11 միլիոն վաճառք։ Խմբի «No Strings Attached» կոչվող երկրորդ ալբոմը թողարկվում է 2000 թվականին և առաջին իսկ շաբաթում վաճառվում է 2.4 միլիոն օրինակով։ 2001 թվականին խումբը թողարկում է իր «Celebrity» կոչվող երրորդ ալբոմը, որը նույնպես մեծ վաճառք է ձեռք ունենում։ 2002 թվականին «Celebrity» տուրից և «Girlfriend» սինգլի թողարկումից հետո խումբը որոշում է ժամանակավորապես դադար առնել և այնուհետև չի շարունակում իր գործունեությունը։ Խումբը իր գործունեության ընթացքում վաճառում է ավելի քան 50 միլիոն ձայնագրություն ամբողջ աշխարհում և դառնում է բոլոր ժամանակների երրորդ ամենաշատ վաճառված բոյ բենդը։

2002-04[խմբագրել]

2002 թվականի օգոստոսին MTV երաժշտական տեսահոլովակի մրցանակաբաշխությունում Ջասթինը կատարեց իր «Like I Love You» կոչվող առաջին սինգլի պրեմիերան, որը Billboard Hot 100 հիթ շքերթում զբաղեցնում է 11-րդ հորիզոնականը։ Իր առաջին սինգլի թողարկումից հետո նույն տարվա նոյեմբերի 5-ին նա թողարկեց «Justified» կոչվող իր դեբյուտային սոլո ալբոմը։ Ալբոմը իր թողարկման առաջին շաբաթում վաճառվեց 439,000 օրինակով և հայտնվեց Billboard 200 ալբոմների հիթ շքերթի 2-րդ հորիզոնականում։ Ավելի ուշ ալբոմը ամբողջ աշխարհում ունեցավ 7 միլիոն օրինակի վաճառք։ 2003 թվականի ամռանը ալբոմի վաճառքին նպաստելու նպատակով Ջասթինը ունեցավ տուր Քրիստինա Ագիլերայի հետ համագործակցությամբ։

2004 թվականի փետրվարին Գրեմմի մրցանակաբաշխությունում Ջասթինը ստացավ իր առաջին 2 մրցանակները։ «Justified» ալբոմը ստացավ «Լավագույն փոփ վոկալ ալբոմ» մրցանակը, իսկ «Cry Me a River» երգը արժանացավ «Լավագույն արական փոփ վոկալ կատարում» մրցանակը։

2004-08[խմբագրել]

Ջասթին Թիմբերլեյքը Սեյնթ Փոլում համերգներից մեկի ժամանակ (2007)

Ջասթինը իր դերասանական կարիերայի դեբյուտը կատարեց «Էդիսոն» ֆիլմում, որտեղ նա մարմնավորում էր մի լրագրողի։ «Էդիսոն» ֆիլմում նկարահանվելուց հետո, 2006 թվականին նա հայտնվեց միանգամից 4 այլ ֆիլմերում։ 2007 թվականին նա հնչյունավորեց Արթուր թագավորի կերպարը «Շրեկ երրորդ» մուլտֆիլմում։

Այս ընթացքում նա նաև շարունակում էր զբաղվել իր երաժշտական կարիերայով։ 2005 թվականին նա համագործակցեց The Black Eyed Peas խմբի հետ նրանց «Monkey Business» ալբոմի «My Style» երգի համար, իսկ այնուհետև համագործակցեց ռեփեր Սնուփ Դոգի հետ «Signs» երգի համար։ Նույն տարում նա հիմնադրեց իր JayTee Records ձայնագրման ստուդիան։

2006 թվականի սեպտեմբերի 12-ին թողարկվեց Ջասթինի «FutureSex/LoveSounds» կոչվող երկրորդ ստուդիական ալբոմը։ Billboard 200 ալբոմների հիթ շքերթում այն զբաղեցնում է առաջին հորիզոնականը և առաջին շաբաթում վաճառվում է 684,000 օրինակով։ Ալբոմի գլխավոր սինգլը «SexyBack» երգն է, որը Billboard Hot 100-ում զբաղեցրեց առաջին հորիզոնականը։ Այդ երգը Ջասթինը նաև կատարեց 2006 թվականի MTV երաժշտական տեսահոլովակի մրցանակաբաշխության բացմանը։

«FutureSex/LoveSounds» ալբոմի վաճառքին նպաստելու համար 2007 թվականի հունվարից Ջասթինը մեկնեց շրջագայությունների, որի ընթացքում ամբողջ աշխարհում ունեցավ 120 համերգ։

2007 թվականի հուլիսի 24-ին թողարկվեց «Ayo Technology» զուգերգը ռեփեր 50 Սենտի հետ։ Նույն տարվա նոյեմբերին բրիտանական Duran Duran խումբը Ջասթինի հետ համագործակցությամբ թողարկեց իր «Red Carpet Massacre» ալբոմը։ Շարունակելով իր համագործակցությունների շարքը՝ 2008 մարտի 17-ին թողարկվեց «4 Minutes» երգը Մադոննայի հետ, որը դարձավ երգչուհու «Hard Candy» կոչվող իններորդ ստուդիական ալբոմի գլխավոր սինգլը։

2008-12[խմբագրել]

Ջասթինը դերասան Էնդրյու Գարֆիլդի հետ (2010)

Իր երաժշտական կարիերայի հետ մեկտեղ Ջասթինը այս ընթացքում նաև շարունակում էր իր դերասանական կարիերան։ 2008-ին նա նկարահանվեց ռեժիսոր Մայք Մայերսի «The Love Guru» կատակերգական ֆիլմում։ Նույն տարում նա ստացավ ռեժիսոր Մայք Մերեդիթի «Բաց ճանապարհ» ֆիլմի գլխավոր դերերից մեկը։

2008 թվականին ռեփեր T.I.-ը ներկայացրեց իր «Dead and Gone» երգը Ջասթինի հետ համագործակցությամբ, որը այնուհետև որպես սինգլը թողարկվեց 2009 թվականին։ 2008-ի նոյեմբերին հայտնի դարձավ որ առաջիկայում Ջասթինը համագործակցելու է R&B/փոփ երգչուհի Սիարայի հետ, նրա «Fantasy Ride» ալբոմի թողարկման համար։

Շարունակելով իր դերասանական կարիերան՝ 2010-ին Ջասթինը նկարահանվեց ռեժիսոր Դեյվիդ Ֆինչերի «Սոցիալական ցանց» ֆիլմում, որին հաջորդեց Ջեյք Կեզդանի «Վատ ուսուցիչ» ֆիլմը 2011-ին։ Նրա հաջորդ մարմնավորած կերպարը ռեժիսոր Ուիլ Գլաքի «Շահույթով ընկերներ» ֆիլմում էր, որտեղ նրա խաղընկերն էր Միլա Կունիսը։

2013-ներկա[խմբագրել]

2013 թվականի հունվարին Ջասթինը հրապարակայնորեն հայտարարեց երաժշտական ինդուստրիա իր վերադարձի մասին[6]։ Այս ընթացքում նա աշխատում էր իր «The 20/20 Experience» անվանումը կրող երրորդ ստուդիական ալբոմի վրա, որի «Suit & Tie» կոչվող առաջին սինգլը թողարկվում է 2013 թվականի հունվարի 15-ին։ Այդ երգը, որը համագործակցություն է ռեփեր Ջեյ Զիի հետ, Billboard Hot 100 հիթ շքերթում զբաղեցնում է 3-րդ հորիզոնականը։ Այս երգի թողարկումից հետո, նա սկսեց ակտիվորեն ելույթներ ունենալ տարբեր երաժշտական համերգների, այդ թվում Գրեմմիի 55-րդ ամենամյա մրցանակաբաշխությունում։ 2013 թվականի փետրվարի 11-ին Ջասթինը թողարկում է ալբոմի երկրորդ սինգլը` «Mirrors» երգը[7], որը հետագայում Billboard Hot 100-ում զբաղեցնում է 2-րդ հորիզոնականը։ «The 20/20 Experience» ալբոմը պաշտոնապես թողարկվում է 2013 թվականի մարտի 19-ին[8]։ Ալբոմը գլխավորում է Billboard 200 հիթ շքերթը և առաջին շաբաթում վաճառվում է ավելի քան 980, 000 օրինակով ամբողջ Միացյալ Նահանգներում[9]։ Այս ընթացքում Ջասթինը նաև համագործակցում է Ջեյ Զիի հետ և իր մասնակցությունն է ունենում նրա «Magna Carta... Holy Grail» անվանումը կրող թվով տասներկուերորդ ալբոմի «Holy Grail», «BBC» և «Heaven» երգերում[10]։ 2013 թվականի օգոստոսին Ջասթինը ստանում «Մայքլ Ջեսքոնի անվան տեսահոլովակի ավանգարդ մրցանակը» MTV Video Music Awards մրցանակաբաշխությունում[11]։

2013 թվականի սեպտեմբերի 30-ին Ջասթինը թողարկում է իր «The 20/20 Experience – 2 of 2» կոչվող չորորդ ալբոմը, որը նրա նախորդ ալբոմի երկրորդ մասն է[12]։ Ալբոմը գլխավորում է Billboard 200-ը[13]։ Ալբոմի երեք սինգլներն են` «Take Back the Night», «TKO» և «Not a Bad Thing» երգերը[14][15][16]։ 2014 թվականի մայիսի 2-ին թողարկվում է Մայքլ Ջեքսոնի 1983 թվականին ձայնագրած «Love Never Felt So Good» երգը, որի համար Ջասթինը ձայնագրում է իր հատվածը[17]։

Կատարողական արվեստ[խմբագրել]

«FutureSex/LoveSounds» ալբոմի ձայնագրման աշխատանքների ընթացքում Ջասթինը հետաքրքված էր ռոք երաժշտությամբ, որի արդյունքում նա ձայնագրեց երգեր այդ ժանրի էլեմենտներով։ MTV-ի հետ հարցազրույցում նա նշում է․ «Ես ուզում էի երգել երգը ռոքնռոլ երգչի նման, այլ ոչ թե R&B երգչի»[18]։ Իրեն ոգեշնչող և իր երաժշտության վրա ազդեցություն ունեցած երաժիշտների մասին նա նշել է, որ եթե իր «Justified» ալբոմը ավելի մոտ էր Մայքլ Ջեքսոնի և Սթիվի Ուանդերի երաժշտությանը, ապա «FutureSex/LoveSounds» ալբոմի ձայնագրման աշխատանքների ընթացքում նա ոգեշնչվել է Դեյվիդ Բոուիի և Փրինսի երաժշտությունից[19]։ Նրա երաժշտության վրա ազդեցություն թողած կատարողների թվին են պատկանում նաև Մայքլ Հատչենսը, Դևիդ Բիրնը, Arcade Fire, The Killers, The Strokes և Radiohead ռոք խմբերը։

Անձնական կյանք[խմբագրել]

1999 թվականին Ջասթինը սկսում է հանդիպել ամերիկացի երգչուհի Բրիթնի Սփիրսի հետ, սակայն նրանց հարաբերությունները ավարտվում են 2002 թվականի մարտին։ Հետագայում նրանց բաժանումը Ջասթինին ոգեշնչում է գրել «Cry Me a River» երգը[20]։ 2003 թվականի ապրիլից Ջասթինը սկսում է հանդիպել դերասանուհի Քեմերոն Դիազի հետ, սակայն 2006 թվականի դեկտեմբերին զույգը բաժանվում է։

2007 թվականի հունվարին Ջասթինը սկսում է հանդիպել դերասանուհի Ջեսիկա Բիլի հետ[21]։ Նրանց ամուսնական արարողությունը տեղի է ունենում 2012 թվականի հոկտեմբերի 19-ին Ֆազանոյում, Իտալիա[22]։ 2015 թվականի ապրիլին ծնվում է նրանց որդին` Սայլասը[23]։

Սկավառակագրություն[խմբագրել]

Ստուդիական ալբոմներ[խմբագրել]

Ֆիլմագրություն[խմբագրել]

Ֆիլմեր
Տարի Անվանում Դեր
2000 «Longshot» ինքը
«Model Behavior» Ջեյսոն Շարփ
2005 «Edison» Ձոշուա Փոլակ
2006 «Alpha Dog» Ֆրենկի Բոլենբաքեր
2007 «Black Snake Moan» Ռոնի Մորգան
«Southland Tales» օդաչու Աբիլեն
«Shrek the Third» Արթի (հնչյունավորում)
2008 «The Love Guru» Ժակ Գրանդե
2009 «The Open Road» Կարլտոն Գարեթ
2010 «The Social Network» Շոն Փարքեր
«Yogi Bear» Բու Բու (հնչյունավորում)
2011 «Bad Teacher» Սքոթ Դելակոր
«Friends with Benefits» Դիլան Հարփեր
«In Time» Ուիլ Սալաս
2012 «Trouble with the Curve» Ջոնի Ֆլենագան
2013 «Runner Runner» Ռիչի Ֆյորսթ
«Inside Llewyn Davis» Ջիմ Բերկի

Ծանոթագրություններ[խմբագրել]

  1. «Ancestry of Justin Timberlake (1981–)»։ Ancestry.com։ http://freepages.genealogy.rootsweb.ancestry.com/~celebrities/timberlake.html։ Վերցված է March 19, 2013։ 
  2. Summers, Kimberly Dillon։ «Justin Timberlake: A Biography»։ Google Books։ http://books.google.ca/books?id=RDgCNMmdAQ8C&pg=PA1&lpg=PA1&dq=%22Justin+Randall+Timberlake+was+born+to+Lynn+and+Randall%22&source=bl&ots=rG7WUWjiNM&sig=qmJqSQ2fJtKEXS0c8glejOMefaU&hl=en&sa=X&ei=jlP2UoPDC434qAHdsICgDQ&ved=0CB0Q6AEwAA։ Վերցված է March 19, 2013։ 
  3. «RootsWeb's WorldConnect Project: Celebrity Genealogy!»։ Ancestry.com։ http://wc.rootsweb.ancestry.com/cgi-bin/igm.cgi?op=GET&db=celebrities&id=I2450։ Վերցված է March 19, 2013։ 
  4. «Justin Timberlake»։ AskMen։ http://www.askmen.com/men/entertainment_60/98_justin_timberlake.html։ Վերցված է March 19, 2013։ 
  5. Stephen Thomas Erlewine։ «Justin Timberlake – Biography»։ AllMusic։ http://www.allmusic.com/artist/justin-timberlake-mn0000312890։ Վերցված է March 19, 2013։ 
  6. O'Donnell, Kevin (January 10, 2013)։ «Justin Timberlake: 'I'm Ready' to Release New Music»։ People։ http://www.people.com/people/article/0,,20663389,00.html։ Վերցված է January 10, 2013։ 
  7. Atkinson, Katie (February 11, 2013). «Justin Timberlake Drops Self-Reflective Song 'Mirrors' After Grammys». MTV News. http://www.mtv.com/news/1701735/justin-timberlake-grammy-new-song-mirrors-2020-experience/։ Վերցված է December 18, 2014. 
  8. «Justin Timberlake sets release date for new album 'The 20/20 Experience'»։ Hearst Magazines UK։ January 25, 2013։ http://www.digitalspy.com/music/news/a453822/justin-timberlake-sets-release-date-for-new-album-the-2020-experience.html։ Վերցված է January 25, 2013։ 
  9. «News»։ HITS Daily Double։ March 26, 2013։ http://www.hitsdailydouble.com/news/newsPage.cgi?news09335m01։ Վերցված է March 31, 2013։ 
  10. Lee, Christina (June 29, 2013)։ «Jay-Z’s "BBC" Features Nas, Beyonce, Justin Timberlake & More: See The Lyrics»։ Idolator։ http://www.idolator.com/7467615/jay-z-bbc-lyrics-features-nas-beyonce-justin-timberlake։ Վերցված է December 18, 2014։ 
  11. Coulehan, Erin (August 25, 2013). «'NSync Reunites for Justin Timberlake's 2013 VMAs Video Vanguard Honor». Rolling Stone. http://www.rollingstone.com/music/videos/watch-justin-timberlake-accept-the-michael-jackson-vanguard-award-20130825։ Վերցված է December 18, 2014. 
  12. Nicolas James (May 5, 2013)։ «Justin Timberlake Announces "The 20/20 Experience" Sequel Release Date»։ HotNewHipHop.com։ http://www.hotnewhiphop.com/news.5552.html։ Վերցված է May 5, 2013։ 
  13. Caulfield, Keith (October 9, 2013). «Justin Timberlake's 'The 20/20 Experience, 2 of 2' Debuts at No. 1». The Hollywood Reporter. http://www.hollywoodreporter.com/news/justin-timberlakes-20-20-experience-646387։ Վերցված է February 5, 2014. 
  14. Mikael Wood (July 12, 2013). «Listen to Justin Timberlake's new single 'Take Back the Night'». Los Angeles Times (Tribune Company). http://www.latimes.com/entertainment/music/posts/la-et-ms-listen-to-justin-timberlakes-new-single-take-back-the-night-20130713,0,4643671.story։ Վերցված է July 13, 2013. 
  15. «Listen To Justin Timberlake’s New Single ‘TKO’ From ‘The 20/20 Experience Pt 2′ - Music News, Reviews, Interviews and Culture»։ Music Feeds։ September 20, 2013։ http://musicfeeds.com.au/news/listen-to-justin-timberlakes-new-single-tko-from-the-2020-experience-pt-2/։ Վերցված է February 5, 2014։ 
  16. «All Access»։ All Access։ February 23, 2014։ http://www.webcitation.org/6Nd2QNO9B։ Վերցված է February 23, 2014։ 
  17. «New Song! Michael Jackson + JT's "Love Never Felt So Good"»։ justintimberlake.com։ May 1, 2014։ http://justintimberlake.com/news/215403։ Վերցված է December 18, 2014։ 
  18. Vineyard, Jennifer (July 6, 2006)։ «'Back' In Style: Justin Timberlake Mixes Funk, Rock On New Single»։ MTV News. Viacom։ http://www.mtv.com/news/articles/1535791/justin-back-style-on-new-single.jhtml։ Վերցված է Սեպտեմբեր 11, 2011։ 
  19. Long, Camilla (July 16, 2006). «'I'm bringing back sexy'». The Observer (London: Guardian News and Media Limited). http://www.guardian.co.uk/music/2006/jul/16/popandrock.justintimberlake?INTCMP=SRCH։ Վերցված է Սեպտեմբեր 15, 2011. 
  20. Smith, Sean (October 4, 2005)։ Justin: The Unauthorized Biography։ Pocket Books։ ISBN 1-4165-0773-6։ 
  21. «Justin Sneaks in with Jessica Biel»։ TMZ.com։ http://www.tmz.com/2007/05/16/justin-sneaks-in-with-jessica-biel/։ Վերցված է April 22, 2008։ 
  22. Donnelly, Matt (October 19, 2012). «Justin Timberlake-Jessica Biel wedding: 'It's great to be married'». Los Angeles Times. http://www.latimes.com/entertainment/gossip/la-et-mg-justin-timberlake-married-jessica-biel-italy,0,6727139.story։ Վերցված է October 19, 2012. 
  23. Leon, Anya (Ապրիլի 11, 2015)։ «Justin Timberlake and Jessica Biel Welcome Son Silas Randall»։ People։ http://celebritybabies.people.com/2015/04/11/justin-timberlake-jessica-biel-welcome-son-silas-randall/։ Վերցված է Ապրիլի 11, 2015։ 

Արտաքին հղումներ[խմբագրել]