Էլվիս Փրեսլի

Էլվիս Փրեսլի
Հիմնական տվյալներ
Ի ծնե անուն	Էլվիս Աարոն Փրեսլի
Ծնված	Հունվարի 8, 1935թ. Տուպելո, Միսիսիպի, ԱՄՆ
Վախճանված	Օգոստոսի 16, 1977թ. (42 տարեկանում) Մեմֆիս, Թենեսի, ԱՄՆ
Ժանրեր	Ռոք 'ն' ռոլ, փոփ, ռոքաբիլի, քանթրի, բլյուզ, գոսպել, R&B
Մասնագիտություն	Երգիչ, Երաժիշտ, դերասան
Գործունեություն	1953–1977թթ.
Լեյբլ	Sun Records, RCA Victor
Կապված	The Blue Moon Boys, The Jordanaires, The Imperials
Կայք	elvis.com Ստորագրությունը

Էլվիս Աարոն Փրեսլի (անգլ.` Elvis Aaron Presley, հունվարի 8, 1935թ. - օգոստոսի 16, 1977թ.), առավել հայտնի պարզապես որպես Էլվիս, եղել է 20-րդ դարի ամենահայտնի և նշանավոր ամերիկացի երգիչներից: Փրեսլիին հաճախ կոչում էին «Ռոքն'ռոլի արքա» ("King of Rock and Roll"): Նրա փառքը շարունակվում է մահվանից հետո: Եղել է նաև կինոդերասան:

Կյանքը

Փրեսլին ծնվել է 1935թ.-ի հունվարի 8-ին` ԱՄՆ Միսիսիպի նահանգի Տուպելո քաղաքում: 13 տարեկանում ընտանիքը տեղափոխվում է Թենեսի նահանգի կենտրոն Մեմֆիս քաղաք: Փրեսլին եղել է «ռոքաբիլի» կոչվող երաժշտական ոճի առաջին երաժիշտ-ջատագովներից:Էլվիսի թողարկած առաջին սինգլը` "Heartbreak Hotel"-ը դառնում է հիթային կատարում և այմ էլ համարվում է ռոք'ն'ռոլի գոհարներից մեկը:

1958թ.-ին Էլվիս Փրեսլին անցնում է զինվորական ծառայության և ուղարկվում Գերմանիա: 2 տարի անց նա պատվով զորացրվում է բանակից և վեևադառնում Միացյալ Նահանգներ: 1967թ.-ին Էլվիսն ամուսնանում է Պրիսցիլլա Փրեսլի հետ, ում հետ նա ծանոթացել էր Գերմանիայում: Իրենց համատեղ կյանքում զույգն ունենում է 1 դուստր` Լիզա Մարի Փրեսլին: Վերջինս հետագայում ամուսնանում է փոփի արքա Մայքլ Ջեքսոնի հետ:

1973թ.-ին զույգն ամուսնալուծվում է: Այդ ժամանակներում Էլվիսն արդեն տրվել էր թմրադեղերին: 1977թ.-ին Էլվիսին հայտնաբերում են մահացած վիճակում` իր բնակարանի բաղնիքում:

Արտաքին հղումներ

• Էլվիս Փրեսլի IMDb էջ
• Elvis Presley Enterprises «Էլվիս Փրեսլի» ապրանքանիշի պաշտոնական կայքը
• Elvis Resources - Հարցազրույցներ և նյութեր Էլվիս Փրեսլիի մասին

Էլվիսի հայրենի տունը Տուպելոյում

Տես նաև

Էլվիս Փրեսլիի երգերի ցանկ