Ֆրենկ Սինատրա

Վիքիպեդիայից՝ ազատ հանրագիտարանից
Picto infobox film.png
Ֆրենկ Սինատրա
Ֆրենսիս Ալբերտ «Ֆրենկ» Սինատրա
Frank Sinatra by Gottlieb c1947- 2.jpg
Ֆրենկ Սինատրա
Բնօրինակ անուն Ֆրենսիս Ալբերտ «Ֆրենկ» Սինատրա
Հասակը 174 սմ
Ծնվել է՝ 1915 թ., դեկտեմբերի 12 (1915-12-12)
Ծննդավայր Հոբոքեն, Նյու Ջերսի, ԱՄՆ-ի դրոշը ԱՄՆ
Մահացել է մայիսի 14, 1998 (82 տարեկան)
Ազգություն ԱՄՆ-ի դրոշը ԱՄՆ
Այլ անուն(ներ) Ol' Blue Eyes, The Chairman of the Board

The Voice

Մասնագիտություն Դերասան, Երգիչ, Պրոդյուսեր, Ռեժիսոր, Սցենարիստ, Շոումեն
Ակտիվ շրջան 1935-1971, 1973-1995
[sinatra.com Պաշտոնական կայք]

Ֆրանսիս Ալբերտ Սինատրա (դեկտեմբերի 12, 1915 - մայիսի 14, 1998)- Ամերիկացի երգիչ, դերասան։ Երաժշտական կարիերան սկսել է Հերրի Ջեյմսի և Թոմի Դորսի ստեղծագործական գործունեության ծաղկուն շրջանում։ Աննախադեպ հաջողության է հասել 1940-ականների սկզբներին Columbia Records-ում ձայնագրվելուց հետո։ Առաջին ալբոմը թողարկել է 1946 թվականին։ Սինատրայի պրոֆեսիոնալ կարիերան անկում է ապրում 1950-ականների սկզբին, սակայն 1953 թվականին From Here to Eternity (Այստեղից մինչև հավերժություն)երգի համար նվաճած ակադեմիական մրցանակը նոր կյանք է տալիս նրա գործունեությանը։

1953-ին ձայնագրվելով Capitol Records-ում՝ Սինատրան թողարկում է մի քանի ալբոմ, որից հետո սկսվում են նրա միջազգային հյուրախաղերը։ 1961-ին նա հիմնում է Reprise Records անվանումը կրող իր ձայնագրման ստուդիան։ Այստեղ հաջողությամբ ձայնագրվում են երգչի մի շարք ալբոմներ (Ring-a-Ding-Ding!, Sinatra at the Sands and Francis Albert Sinatra & Antonio Carlos Jobim)։ Լինելով Rat Pack դերասանական խմբի հիմնադիր անդամ՝ Սինատրան մտերմություն է անում հանրաճանաչ անձանց և պետական գործիչների (այդ թվում՝ Ջոն Քենեդու)հետ։ 1965 թվականին, հիսունամյակը բոլորելուն պես, Սինատրան թողարկում է իր September of My Years (Իմ տարիների սեպտեմբերը) ալբոմը։ Նույն թվակականին նա նկարահանվում է "Ֆրանկ Սինատրա. մարդը և իր երաժշտությունը" հեռուստաֆիլմում, որը հետագայում արժանանում է Էմմի մրցանակի։ Սինատրայի "A Man and His Music" ("Մարդը և նրա երաժշտությունը") և "Strangers in the Night" ("Անծանոթները գիշերվա մեջ") երգերը դառնում են հաջողված հիթեր։ 1971-ին Սինատրան հեռանում է ասպարեզից, սակայն երկու տարի անց՝ 1973 թվականին, վերսկսկելով իր գործունեությունը, նա թողարկում է նոր ալբոմներ։ Մինչև իր մահը (1998թ.) Սինատրան հասցնում է իրականացնել ևս մի քանի հյուրախաղեր (ինչպես Միացյալ նահանգներում, այնպես էլ արտերկրում)։

Սինատրան նաև հաջողակ կինոդերասն էր։ 1953 թվականին արժանանալով Լավագույն տղամարդ դերասան կոչմանը՝ նա մրցանակ է նվաճում նաև լավագույն դերասան անվանակագում՝ "Ոսկե թևերով տղամարդը" ֆիլմի համար։ Սինատրան որպես գլխավոր դերակատար հանդես է եկել "Բարձր հասարակություն", "Փոլ Ջոյ" և "Քաղաքի մասին" ֆիլմերում։ Նա բազմիցս եղել է նաև Գրեմիի մրցանակակիր։

Արտաքին հղումներ[խմբագրել]