Վուդի Ալլեն

Վիքիպեդիայից՝ ազատ հանրագիտարանից
Picto infobox cinema.png
Վուդի Ալլեն
Ալլեն Սթյուարտ Քոնիգսբերգ
Woody Allen Cannes 2011.jpg
Վուդի Ալլենը 2011 թվականի Կանի կինոփառատոնի ժամանակ
Ընդհանուր տեղեկություններ

Բնօրինակ անուն ազգանուն

Ալլեն Սթյուարտ Քոնիգսբերգ
Ծնվել է դեկտեմբերի 1, 1935
Բրուքլին, Նյու-Յորք, ԱՄՆ
Ազգություն ԱՄՆ-ի դրոշը ԱՄՆ
Քաղաքացիություն ԱՄՆ-ի դրոշը ԱՄՆ
Գործունեության տարիներ 1950-մեր օրեր
Ոճ(եր) ինտելլեկտուալ կատակերգություն
Մասնագիտացում ռեժիսոր, դերասան, սցենարիստ, պրոդյուսեր, երաժիշտ, գրող
IMDb ID 0000095
ԿինոՊոիսկ ID 5890

Վուդի Ալլեն (անգլ.՝ Woody Allen; բնօրինակ անուն ազգանուն՝ Ալլեն Սթյուարտ Քոնիգսբերգ (անգլ.՝ Allen Stewart Konigsberg); լրիվ պաշտոնական անունը՝ Հեյվուդ Ալլեն (անգլ.՝ Heywood Allen); դեկտեմբերի 1, 1935, Բրուքլին, Նյու-Յորք, ԱՄՆ), ամերիկյան նշանավոր ռեժիսոր, սցենարիստ, պրոդյուսեր, դերասան, գրող, երաժիշտ։ Չորս Օսկար մրցանակի դափնեկիր է։ Արժանացել է նաև բազում այլ կինոմրցանակների, այդ թվում՝ Ոսկե գլոբուս, BAFTA և այլն... Ի հայտ է գալիս նաև որպես գրող, քանի որ շատ պատմվածքների ու պյեսների հեղինակ է։ Ալլենը գրականության և երաժշտության գիտակ ու ջազային կլարնետիստ է։ Իր շատ ֆիլմերում, հանդես է գալիս որպես դերասան։

Վուդի Ալլենը կինեմատոգրաֆի մեջ, ստեղծել է մի նոր ժանր, որը ընդունված է անվանել՝ «ինտելլեկտուալ կատակերգություն»։ Այս ժանրը նա ստեղծել է՝ սրամիտ կատակերգություններից, որոնք պարունակում են իրենց մեջ՝ երգիծանքի ու աբսուրդի տեսակներ, և հոգեբանական դրամաներից։ Ալլենը շվեդ մեծ ռեժիսոր՝ Ինգմար Բերգմանի արվեստի երկրպագու է, դրա համար իր ֆիլմերում, կարելի է նկատել Բերգմանի ոճը։

Առավել հայտնի են Վուդի Ալլենի հետևյալ ֆիլմերը. «Սեր և մահ», «Էննի Հոլլ», «Մանհեթեն», «Կահիրեյի կարմրագույն վարդը», «Դեննի Ռոուզի բրոդվեյը», «Հաննան և նրա քույրերը», «Վիկի, Կրիստինա, Բարսելոնա», «Կեսգիշերը Փարիզում» և այլն...