Jump to content

Սամանտա Ստոսուր

Վիքիպեդիայից՝ ազատ հանրագիտարանից
Սամանտա Ստոսուր
Սեռիգական
ՔաղաքացիությունԱվստրալիա Ավստրալիա
Բնակվելու վայրԳոլդ Քոստ
Ծննդյան ամսաթիվմարտի 30, 1984 (40 տարեկան)
ԾննդավայրԲրիսբեն, Ավստրալիա
Հասակ175[1] սմ
Քաշ68 կգ
Կարիերայի սկիզբ1999 թվական
Աշխատող ձեռքաջ
Հարված ձախիցերկձեռքանի
ՄարզիչԴավիդ Թեյլոր (2008–2013, 2015–2016)
Մայլս Մակլահան (2013–2014)
Սիմոն Ռեա (2014–2015)
Պարգևավճար, USD16,359,566
Մենախաղ
Խաղեր Հ/Պ607–457[2]
Ամենաբարձր վարկանիշ4 (2011 թվականի փետրվարի 21)
Ներկայիս վարկանիշ20 (2016 թվականի հոկտեմբերի 24)
Մեծ Սաղավարտի մրցաշարեր
Ավստրալիա4 շրջան (2006, 2010)
ՖրանսիաԵզրափակիչ (2010)
Ուիմբլդոն3 շրջան (2009, 2013, 2015)
ԱՄՆՀաղթանակ (2011)
Օլիմպիական խաղեր
Զուգախաղ
Խաղեր Հ/Պ450–258[2]
Ամենաբարձր վարկանիշ1 (2006 թվականի փետրվարի 6)
Մեծ Սաղավարտի մրցաշարեր
ԱվստրալիաԵզրափակիչ (2006)
ՖրանսիաՀաղթանակ (2006)
ՈւիմբլդոնԵզրափակիչ (2008-2009, 2011)
ԱՄՆՀաղթանակ (2005)
Թարմացվել է՝ 2016 թվականի հոկտեմբերի 24

Սամանտա Ջեյն «Սեմ» Ստոսուր (անգլ.՝ Samantha Jane "Sam" Stosur, (s т oʊ г ə / stoe -zer), մարտի 30, 1984(1984-03-30)[2][3], Բրիսբեն, Ավստրալիա[2]), ավստրալիացի պրոֆեսիոնալ թենիսիստուհի։ Աշխարհի նախկին թիվ 1 ռակետ կանանց զուգախաղի վարկանիշում, որը նա պահպանել է 61 շաբաթ, և աշխարհի թիվ 4 ռակետ կանանց մենախաղի վարկանիշում[4]։

Ստոսուրը կարիերայի ընթացքում հաղթանակ է տարել WTA մենախաղի 8 մրցաշարերում, այդ թվում 2011 թվականի Մեծ Սաղավարտի ԱՄՆ բաց առաջնությունում, եզրափակիչում հաղթելով Սերենա Ուիլյամսին և 1980 թվականին Իվոն Գուլագոնգ-Քոուլիից հետո դառնալով առաջին ավստրալիացի թենիսիստուհին, ով հաղթանակ է տարել Մեծ Սաղավարտի մենախաղի մրցաշարում[5]։ Նա մասնակցել է նաև 2010 թվականի Ֆրանսիայի բաց առաջնության մենախաղի եզրափակիչին՝ մրցաշարի ընթացքում հաղթելով քառակի չեմպիոն Ժյուստին Էնենին, աշխարհի առաջին ռակետ Սերենա Ուիլյամսին և չորրորդ ռակետ Ելենա Յանկովիչին։ Կիսաեզրափակիչ փուլ է հասել 2009, 2012 և 2016 թվականների Ֆրանսիայի բաց առաջնությունների մենախաղի մրցաշարերում։

Ստոսուրը հաղթել է նաև Մեծ Սաղավարտի ևս հինգ մրցաշարերում՝ երկուսը կանանց զուգախաղում և երեքը խառը զուգախաղում։ Կանանց զուգախաղում նա հաղթել է 2005 թվականի ԱՄՆ բաց առաջնությունում և 2006 թվականի Ֆրանսիայի բաց առաջնությունում՝ երկուսն էլ Լիզա Ռեյմոնդի հետ զույգով։ Խառը զուգախաղում նա հաղթել է 2005 թվականի Ավստրալիայի բաց առաջնությունում (Սքոթ Դրեյպերի հետ) և 2008 և 2014 թվականների Ուիմբլդոնի մրցաշարերում (Բոբ Բրայանի և Նենադ Զիմոնիչի հետ)։ Ընդհանուր առմամբ, Ստոսուրը կարիերայի ընթացքում հաղթանակի է հասել WTA կանանց զուգախաղի 24 մրցաշարերում՝ հիմնականում Լիզա Ռեյմոնդի հետ։

Վաղ տարիներ

[խմբագրել | խմբագրել կոդը]

Սամանտա Ստոսուրը ծնվել է Բրիսբենում (Քուինսլենդ նահանգ), Տոնի և Դիանա Ստոսուրների ընտանիքում։ Նա ունի երկու եղբայր՝ Դոմինիկ և Դանիել[6]։ Պապի կողմից Սամանտան ունի լեհական արմատներ[7]։ Երբ նա 6 տարեկան էր, նրանց տունը և բիզնեսը ավերվել է ջրհեղեղից, և ընտանիքը տեղափոխվել է Ադելաիդա[8]։ Այնտեղ նա սկսել է թենիս խաղալ, երբ ութ տարեկան հասակում Սուրբ Ծննդյան տոներին ռակետ է նվեր ստացել։ Այդ ժամանակ նրա ծնողները օրվա մեծ մասը անցկացնում էին սրճարանում աշխատելով, և Սամանտան իր ավագ եղբոր՝ Դանիելի հետ ժամանակ էր անցկացնում տեղական կորտերում։ Հետագայում եղբայրը ծնողներին համոզել է Սամանտային թենիսի դասերի տալ[9]։ Նրա ընտանիքը Գոլդ Քոստ է վերադարձել երբ Սամանտան 11 տարեկան էր[10]։ Նա հաճախել է Գոլդ Քոստի «Helensvale State High School» միջնակարգ դպրոցը և «Helensvale State High School» պետական դպրոցը[11]։ Նա իր առաջին արտասահմանյան ուղևորությանը մեկնել է 13 տարեկան հասակում՝ մրցակցելու Ջակարտայում անցկացվող երիտասարդների Աշխարհի գավաթին[6]։

14 տարեկան հասակում Սամանտան ընդունվել է Queensland Academy of Sport (QAS) մարզական ինստիտուտ։ 2001 թվականին, երբ նա 16 տարեկան էր, ընդունվել է Ավստրալիայի սպորտի ինստիտուտի թենիսի բաժին[6]։

Մարզական կարիերա

[խմբագրել | խմբագրել կոդը]

Վաղ կարիերա

[խմբագրել | խմբագրել կոդը]

Սամանտա Ստոսուրը պրոֆեսիոնալ թենիսում առաջին խաղին մասնակցել է 1999 թվականին՝ ITF circuit մրցաշարում։ Նա WTA մրցաշարերում նորամուտել է 2000 թվականին, պարտվելով Ավստրալիայի բաց առաջնության որակավորման փուլի առաջին շրջանում։ 2001 թվականին նա հաղթել է ITF չորս մրցաշարերում։ 2002 թվականին նա պարտվել է Գոլդ Քոստի մրցաշարի առաջին շրջանում։

2003 թվականին Ստոսուրը իր առաջին հաղթանակն է տարել WTA մենախաղի մրցաշարում, հասնելով Ավստրալիայի բաց առաջնության երրորդ շրջան։ Նա երրորդ շրջանում պարտվել է աշխարհի 7-րդ ռակետ Դանիելա Հանտուխովային։ Նա նաև որակավորվել է Մեմֆիսի WTA մրցաշարին, սակայն առաջին շրջանում պարտվել է Ալեքսանդրա Սթիվենսոնին։ Ուիմբլդոնի մրցաշարում նա առաջին շրջանում պարտվել է Լինդսեյ Դևենպորտին։

2004 թվականին Ստոսուրը հասել է Գոլդ Քոստի մրցաշարի կիսաեզրափակիչ, որտեղ պարտվել է Աի Սուգիյամային։ Հաջորդ շաբաթ նա հասել է Հոբարտի WTA մրցաշարի երկրորդ շրջան, այնուհետև դուրս է եկել Ավստրալիայի բաց առաջնության երկրորդ շրջան։ Ավելի ուշ նա որակավորվել է Ակապուլկոյի, Ինդիան Ուելսի, Վիեննայի և Բիրմինգհեմի WTA մրցաշարերին։ Ստոսուրը մրցակցել է Աթենքի Օլիմպիական խաղերում, որտեղ պարտություն է կրել առաջին շրջանում։ Նա շարունակել է խաղալ WTA ընտրական մրցաշարերում, որակավորվելով Տոկիոյի և Բալիի մրցաշարերին։ 2004 թվականի մրցաշրջանի վերջում Ստոսուրը դուրս է եկել Քվեբեկի զուգախաղի մրցաշարի եզրափակիչ՝ համագործակցելով Էլս Կալենսի հետ։

2005 թվական. Զուգախաղային հաջողություն

[խմբագրել | խմբագրել կոդը]

2005 թվականին Ստոսուրը իր առաջին եզրափակիչին է հասել հայրենի Գոլդ Քոստի մրցաշարի մենախաղում, որտեղ երեք սեթում պարտվել է 3-րդ դասակարգված Պատի Շնայդերին։ Այնուհետև նա եզրափակիչ է դուրս եկել նաև հաջորդ մրցաշարում՝ Սիդնեյում, որտեղ քառորդ եզրափակիչում հաղթել է աշխարհի թիվ 1 ռակետ Լինդսեյ Դևենպորտին և կիսաեզրափակիչում՝ Ելենա Դեմենտևային, սակայն եզրափակիչում պարտվել է հայրենակցուհի Ալիսիա Մոլիկին։ Այդ նույն մրցաշարում նա Բրիան Ստյուարտի հետ միասին հաղթել է զուգախաղի մրցաշարում։ Ավստրալիայի բաց առաջնության առաջին շրջանում Ստոսուրը պարտվել է աշխարհի թիվ 2 ռակետ Ամելի Մորեսմոյին, սակայն խառը զուգախաղում, համագործակցելով Սքոթ Դրեյպերի հետ, նրանք եզրափակիչում հաղթանակ են տարել Լիզել Հուբերի և Քևին Ուլետի նկատմամբ և Ստոսուրը տիրել է կարիերայում իր առաջին մեծ տիտղոսին։

Հուլիսին նա միավորվել է Լիզել Հուբերի հետ և մինչև տարվա վերջը միասին հաղթել են WTA յոթ մրցաշարերում, այդ թվում ԱՄՆ բաց առաջնությունում (եզրափակիչում երեք սեթում առավելության հասնելով Ելենա Դեմենտևայի և Ֆլավիա Պենետայի նկատմամբ), Կրեմլի Գավաթում և WTA Ամփոփիչ մրցաշարում։ Ստոսուրը տարին ավարտել է համաշխարհային դասակարգման վարկանիշային աղյուսակում զբաղեցնելով մենախաղի 46-րդ և զուգախաղի 2-րդ հորիզոնականները։

2006 թվական. Զուգախաղի աշխարհի թիվ 1

[խմբագրել | խմբագրել կոդը]
Սամանտա Ստոսուրը 2006 թվականին

2006 թվականին Ստոսուրը Թոդ Ռեյդի հետ միասին Ավստրալիան էր ներկայացնում Հոպմանի գավաթում, որտեղ հաղթել է բոլոր մենախաղի մրցախաղերում։ Այնուհետև նա չեխ Նիկոլ Վայդիշովային պարտվել է NSW Open / Medibank International մրցաշարի առաջին շրջանում։ Ավստրալիայի բաց առաջնությունում Ստոսուրը հասել է մինչև մենախաղի մրցաշարի չորրորդ շրջան, այնտեղ պարտվելով Մարտինա Հինգիսին։ Նա և Լիզա Ռեյմոնդը հասել են զուգախաղի մրցաշարի եզրափակիչ, որտեղ պարտվել են չինուհիներ Յան Ցզիին և Չժեն Ցզեին։

Մելբուրնում պարտվելուց հետո Ստոսուրը և Ռեյմոնդը հաղթել են 18 խաղ անընդմեջ՝ տիտղոսներ նվաճելով Տոկիոյի, Մեմֆիսի, Ինդիան Ուելսի և Մայամիի մրցաշարերում։ Մրցաշրջանի ընթացքում նրանք հաղթանակներ են տարել Չարլստոնի մրցաշարում, Ֆրանսիայի բաց առաջնությունում, որտեղ եզրափակիչում հաղթել են Դանիելա Հանտուխովա-Աի Սուգիյամա զույգին և երկրորդ տարին անընդմեջ WTA Ամփոփիչ մրցաշարում, որտեղ նրանք հաղթել են Բարա Բլեյք-Ռենե Ստաբս զույգին՝ երեք սեթում։ Օգոստոսի 28-ին Նյու Հեյվենի մրցաշարի կիսաեզրափակիչ դուրս գալուց հետո, որտեղ նա երկու սեթերի թայ-բրեյքներում պարտվել է Լինդսեյ Դևենպորտին, Ստոսուրը վարկանիշային աղյուսակում զբաղեցրել է 30-րդ հորիզոնականը։ Մադրիդում WTA Ամփոփիչ մրցաշարի զուգախաղի տիտղոսը շահելուց հետո Ստոսուրը կրկին զբաղեցրել է վարկանիշային աղյուսակի առաջին հորիզոնականը (այդ դիրքում գտնվել է նաև փետրվարին) և տարին ավարտել է որպես զուգախաղի թիվ 1 ռակետ և մենախաղի թիվ 29 ռակետ։

2007 թվական. Լայմի հիվանդություն

[խմբագրել | խմբագրել կոդը]

Ստոսուրը և Լիզա Ռեյմոնդը հաջողությամբ պաշտպանել են իրենց զուգախաղի տիտղոսները Տոկիոյում, Ինդիան Ուելսում և Մայամիում։ Զույգը նաև հաղթել է Բեռլինի մրցաշարում։ Մենախաղում Ստոսուրը երեք մրցաշարերում հասել է մինչև քառորդ եզրափակիչ՝ Գոլդ Քոստում, Տոկիոյում և Մեմֆիսում։ Հռոմի մրցաշարում նա երկրորդ շրջանում հաղթել է առաջին դասակարգված Ամելի Մորեսմոյին, սակայն այնուհետև պարտվել է Պատի Շնայդերին։

Ֆրանսիայի բաց առաջնությունից հետո, որտեղ նա երրորդ շրջանում պարտվել է Նիկոլ Վայդիշովային, Ստոսուրի մոտ սկսել է նախանշաններ հայտնվել և մի քանի ամիս անց ախտորոշվել Լայմի հիվանդություն՝ վարակ, որը վոխանցվում է տիզերի խայթոցների միջոցով։ Այդ ընթացքում նրա մարզավիճակը անկում է ապրում։ Նա պարտվել է Ուիմբլդոնի մրցաշարի երկրորդ շրջանում, հրաժարվել է ամերիկյան հարդի բազմաթիվ մրցաշարերից և ԱՄՆ բաց առաջնության առաջին շրջանում պարտվել է 96-րդ ռակետ Ալիզե Կորնեին՝ դասակարգված լինելով 29-րդ համարի տակ։ 2007 թվականի մրցաշրջանի ընթացքում Ստոսուրն այլևս ոչ մի մրցաշարի չի մասնակցել։

2008 թվական. Վերադարձ հիվանդությունից հետո

[խմբագրել | խմբագրել կոդը]
Սամանտա Ստոսուրը 2008 թվականի Ուիմբլդոնի մրցաշարում

Ստոսուրը մրցաշրջան է վերադարձել 2008 թվականի մայիսին՝ մասնակցելով մինչ Հռոմի «Մասթերս» մրցաշարը կայացած երկու ITF մրցաշարերի։ Հռոմի մրցաշարում նա երկրորդ շրջանում պարտվել է Վենուս Ուիլյամսին։ Մրցաշարում տեղի է ունեցել նաև Ստոսուր-Ռեյմոնդ զույգի վերադարձը, որտեղ նրանք պարտություն են կրել երկրորդ շրջանում։ Ֆրանսիայի բաց առաջնությունում նրանք պարտություն են կրել երրորդ շրջանում, իսկ Ստոսուրը մենախաղում հասել է մինչև երկրորդ շրջան, պարտվելով Պետրա Կվիտովային։

Ստոսուրը մեծ հույսեր էր ներշնչում Ուիմբլդոնի մրցաշարում, որտեղ նա մենախաղում դուրս է մնացել երկրորդ շրջանում՝ պարտվելով Նիկոլ Վայդիշովային։ Սակայն նա մրցաշարի եզրափակիչ է հասել թե կանանց զուգախաղում, թե խառը զուգախաղում։ Ստոսուր-Ռեյմոնդ զույգը եզրափակիչում պարտվել է Վենուս և Սերենա Ուիլյամսներ զույգին՝ ովքեր մինչ այդ միմյանց դեմ էին մրցակցել մենախաղի մրցաշարում։ Խառը զուգախաղի մրցաշարում նա համագործակցել է Բոբ Բրայանի հետ և եզրափակիչում հաղթանակ են տարել վերջինիս եղբայր Մայք Բրայանի և Կատարինա Սրեբոտնիկ զույգի նկատմամբ։

Պեկինի Օլիմպիական խաղերում Ստոսուրը պարտություն է կրել մենախաղի մրցաշարի երկրորդ շրջանում՝ զիջելով Սերենա Ուիլյամսին։ Զուգախաղում նա, որպես խաղընկեր ունենալով Ռենե Ստաբսին, երկրորդ շրջանում պարտվել է իսպանական զույգին՝ Անաբել Մեդինա Գարիգես և Վիրխինիա Ռուանո Պասկուալ, ովքեր դասակարգված էին 2-րդ համարի տակ։

ԱՄՆ բաց առաջնությունում Ստոսուրը մենախաղի մրցաշարի առաջին շրջանում պարտվել է 7-րդ դասակարգված Վենուս Ուիլյամսին։ Ստոսուրը և Մահեշ Բհուպատին խառը զուգախաղում երկրորդ շրջանում պարտվել են Ռենե Ստաբս-Ռոբերտ Լինդստեդտ զույգին։ Իսկ ահա կանանց զուգախաղում Ստոսուր-Ռեյմոնդ զույգը հասել է մինչև եզրափակիչ, որտեղ պարտություն են կրել վերին դասակարգված Կարա Բլեյք-Լիզել Հուբեր զույգից։

Տարվա վերջին Ստոսուրը համաշխարհային դասակարգման վարկանիշային աղյուսակում զբաղեցրել է 52-րդ հորիզոնականը՝ 110 հորիզոնականով բարձր քան հունիսին։ Չնայած մրցաշրջանի առաջին չորս ու կես ամիսներին բացակայությանը, Ստոսուր-Ռեյմոնդ զույգը WTA Ամփոփիչ մրցաշարի մրցապայքարում զբաղեցրել է 7-րդ տեղը, իսկ Ստոսուրը դասակարգման աղյուսակում զբաղեցրել է 14-րդ հորիզոնականը՝ 156 հորիզոնականով բարձր այն դիրքից, որը նա զբաղեցնում էր մրցաշրջան վերադառնալու ժամանակ։

2009 թվական. Մենախաղային բեկում

[խմբագրել | խմբագրել կոդը]

Մրցաշրջանի իր առաջին մրցաշարում Ստոսուրը Բրիսբենում երկրորդ շրջանում պարտվել է Լյուսիա Շաֆարժովային։ Սիդնեյի Medibank International մրցաշարում նա առաջին շրջանում, երեք համառ սեթերում, պարտվել է վերին դասակարգված Սերենա Ուիլյամսին։ Չորրորդ դասակարգված լինելով զուգախաղի մրցաշարում, Ստոսուրը և Ռենե Ստաբսը առաջին շրջանում պարտվել են Պեն Շուայ-Սե Շուվեյ զույգին։ Ստոսուրը Ավստրալիայի բաց առաջնության առաջին շրջանում հաղթել է Կլարա Զակոպալովային և երկրորդ շրջանում առավելության է հասել Սաբինա Լիսիցկիի նկատմամբ, սակայն երրորդ շրջանում պարտություն է կրել աշխարհի 4-րդ ռակետ Ելենա Դեմենտևայից։ Նա երրորդ շրջան է հասել նաև զուգախաղի մրցաշարում, որպես խաղընկերուհի ունենալով Ռենե Ստաբսին, որտեղ, հաղթելով Ռադվանսկա քույրերին, նրանք այնուհետև պարտվել են Ուիլյամս քույրերին։ Ֆեդերացիաի գավաթի Ասիա/Օկեանիա գոտու մրցաշարում Ստոսուրը Հարավային Կորեայի, Թաիլանդի և Թայբեյի մրցակցուհիների հետ հանդիպումներում հաղթանակ է տարել բոլոր չորս մրցախաղերում։ Ավստրալիայի հավաքականը, որի կազմում ընդգրկված են եղել նաև Քեյսի Դելակուան և Ելենա Դոկիչը, դուրս է եկել Համաշխարհային II խմբի փլեյ-օֆֆ, հաղթելով բոլոր տասներկու մրցախաղերում։

Դուբայի մրցաշարում Ստոսուրը առաջին շրջանում երկու սեթում հաղթել է Մագդալենա Ռիբարիկովային և երկրորդ շրջանում պարտվել Չժեն Ցզեին։ Ռենե Ստաբսի հետ միասին նրանք կիսաեզրափակիչում պարտություն են կրել աշխարհի թիվ 1 զույգ համարվող Կարա Բլեյքին և Լիզել Հուբերին։ Ինդիան Ուելսի մրցաշարում Ստոսուրը առաջին շրջանում հաղթել է Ֆրանչեսկա Սկիավոնեին, սակայն երկրորդ շրջանում նա երեք սեթում պարտվել է 7-րդ դասակարգված Ագնեշկա Ռադվանսկային։ Զուգախաղում Ստոսուրը և Ստաբսը երկրորդ շրջանում պարտվել են Վերա Զվոնարյովային և Վիկտորիա Ազարենկային։ Մայամիի Sony Ericsson Open մրցաշարում Ստոսուրը առաջին երկու շրջաններում հաղթել է Սոֆիա Արվիդսոնին և Սիբիլ Բամերին, իսկ այնուհետև նա իր կարիերայի առաջին մեծ հաղթանակն է տարել՝ երրորդ շրջանում առավելության հասնելով աշխարհի թիվ 2 ռակետ Դինարա Սաֆինայի նկատմամբ։ Սաֆինան հաղթանակի դեպքում կարող էր դառնալ աշխարհի թիվ 1 ռակետ։ Այնուհետև Ստոսուրը չորրորդ շրջանում հաղթանակ է տարել աշխարհի նախկին թիվ 1 ռակետ Ամելի Մորեսմոյի նկատմամբ։ Քառորդ եզրափակիչում նա պարտվել է Վիկտորիա Ազարենկային։ Զուգախաղում ևս նա հասել է քառորդ եզրափակիչ, պարտվելով Աննա-Լենա Գրյոնեֆելդին և Պատի Շնայդերին։ Այդ արդյունքների շնորհիվ Ստոսուրը մենախաղի վարկանիշային աղյուսակում 41-րդ հորիզոնականից բարձրացել է 31-րդ հորիզոնական։

Պոնտե Վեդրա Բիչի MPS Group մրցաշարում Ստոսուրը երկրորդ շրջանում պարտվել է 2-րդ դասակարգված և վերջնական արդյունքում մրցաշարի հաղթող Կարոլին Վոզնյացկիին։ Այնուհետև նա Ավստրալիայի հավաքականի կազմում մասնակցել է Ֆեդերացիայի գավաթի Համաշխարհային II խմբի փլեյ-օֆֆ փուլի Շվեյցարիայի հավաքականի դեմ հանդիպմանը։ Ստոսուրը երկու սեթում հաղթել է առաջին մենախաղային հանդիպումը և այնուհետև ամրապնդել է Ավստրալիայի առավելությունը՝ երեք սեթում հաղթանակ տանելով երրորդ մենախաղում, բարելավելով Ֆեդերացիայի գավաթում մենախաղի իր արդյունքը՝ 6-0։ Այդ արդյունքների շնորհիվ Ավստրալիայի հավաքականը 2010 թվականին պահպանել է դիրքը Համաշխարհային II խմբում։

Գրունտային շրջանում Ստոսուրը առաջին շրջանում Յարոսլավա Շվեդովային պարտվել է Հռոմի «Մասթերս» մրցաշարում, ինչպես նաև, պարտվել է զուգախաղի մրցաշարի առաջին շրջանում։ Այնուհետև նա մրցակցել է Մադրիդի «Մասթերս» մրցաշարում, որտեղ առաջին շրջանում առավելության է հասել 9-րդ դասակարգված Ագնեշկա Ռադվանսկայի նկատմամբ, սակայն երկրորդ շրջանում պարտվել է Աննա Չակվետաձեին։ Ստոսուրը և Ստաբսը զուգախաղում մրցաշարից դուրս են մնացել կիսաեզրափակիչում, պարտվելով աշխարհի առաջին համար համարվող Կարա Բլեյք-Լիզել Հուբեր զույգին։ 2009 թվականի Ֆրանսիայի բաց առաջնությունում Ստոսուրը և Ստաբսը երրորդ շրջանում պարտվել են 16-րդ դասակարգված Յան Ցզի-Չժեն Ցզե զույգին։ Մենախաղում Ստոսուրը առաջին շրջանում հաղթել է Ֆրանչեսկա Սկիավոնեին, իսկ երկրորդում՝ Յանինա Վիկմայերին։ Երրորդ շրջանում նա առավելության է հասել 4-րդ դասակարգված Ելենա Դեմենտևայի նկատմամբ և չորրորդ շրջանում հաղթել է Վիրխինիա Ռազանոյին և դուրս եկել քառորդ եզրափակիչ։ Այնտեղ նա հաղթել է Սորանա Կիրստեային և իր կարիերայում առաջին անգամ դուրս եկել Մեծ Սաղավարտի մրցաշարի կիսաեզրափակիչ։ Կիսաեզրափակիչում նա մրցակցել է 7-րդ դասակարգված Սվետլանա Կուզնեցովայի հետ։ Պարտվելով առաջին սեթում, Ստոսուրը պայքար է ծավալել երկրորդում և հաղթանակի է հասել թայ-բրեյքում, սակայն, այնուամենայնիվ, պարտվել է որոշիչ սեթում և դուրս մնացել մրցաշարից։ Այդ արդյունքի շնորհիվ Ստոսուրը կարիերայում առաջին անգամ մուտք է գործել ուժեղագույն թենիսիստուհիների Թոփ 20։

Ստոսուրը խոտածածկի շրջանը սկսել է Aegon International մրցաշարում խաղալով։ Նա առաջին շրջանում հաղթել է Սաբինա Լիսիցկիին, սակայն երկրորդ շրջանում պարտվել է 6-րդ դասակարգված և մրցաշարի ապագա հաղթող Կարոլին Վոզնյացկիին։ Զուգախաղի մրցաշարում նա Ռենե Ստաբսի հետ միասին կիսաեզրափակիչում հաղթել են աշխարհի թիվ մեկ զույգ Կարա Բլեյքին և Լիզել Հուբերին, սակայն եզրափակիչում պարտություն են կրել Աի Սուգիյամայից և Ակգյուլ Ամանմուրադովայից։ 18-րդ դասակարգված լինելով Ուիմբլդոնի մրցաշարում, Ստոսուրը առաջին երկու շրջաններում հաղթել է Բեթանի Մատեկ Սանդսին և Տատյանա Մարիային, իսկ երրորդ շրջանում պարտվել է 13-րդ դասակարգված Անա Իվանովիչին։ Կանանց զուգախաղում Ստոսուրը հասել է երկրորդ անընդմեջ եզրափակիչին՝ կրկին Ռենե Ստաբսի հետ զույգով։ Երրորդ դասակարգված լինելով, նրանք կիսաեզրափակիչում հաղթել են 2-րդ դասակարգված Անաբել Մեդինա Գարիգես-Վիրխինիա Ռուանո Պասկուալ զույգին՝ երեք սեթում, սակայն եզրափակիչում երկու սեթում պարտություն են կրել 4-րդ դասակարգված Վենուս և Սերենա Ուիլյամս զույգից։ Ստոսուրը պաշտպանում էր նաև խառը զուգախաղի մրցաշարի տիտղոսը՝ Բոբ Բրայանի հետ, սակայն դասակարգված լինելով 2-րդը, նրանք քառորդ եզրափակիչում պարտություն են կրել 9-րդ դասակարգված Աննա Լենա Գրյոնեֆելդ-Մարկ Նոուլս զույգից։

Սամանտա Ստոսուրը 2009 թվականի ԱՄՆ բաց առաջնությունում

Ստոսուրը ԱՄՆ բաց առաջնության նախապատրաստական փուլը սկսել է Սթենֆորդի մրցաշարում, որտեղ նա 6-րդ դասակարգված Դոմինիկա Ցիբուլկովայի, Մոնիկա Նիկուլեսկուի և 1-ին դասակարգված Սերենա Ուիլյամսի նկատմամբ հաղթանակներից հետո դուրս է եկել կիսաեզրափակիչ։ Կիսաեզրափակիչում նա երեք սեթում պարտվել է 8-րդ դասակարգված Մարիոն Բարտոլիին։ Այնուհետև Ստոսուրը մրցակցել է Լոս Անջելեսի մրցաշարում, որտեղ նա դասակարգված էր 13-րդ համարի տակ։ Մոնիկա Նիկուլեսկուին, Մարիա Կիրիլենկոյին, Անա Իվանովիչին և Չժեն Ցզեին հաղթելուց հետո նա հասել է WTA մրցաշարի կարիերայում 5-րդ եզրափակիչին։ Եզրափակիչում նա պարտվել է 10-րդ դասակարգված Ֆլավիա Պենետային։ Հաջորդ մրցաշարում՝ Տորոնտոյում, նա հաղթել է Հեյդի Էլ Տաբահին, 6-րդ դասակարգված Սվետլանա Կուզնեցովային և Վիրխինիա Ռազանոյին, սակայն քառորդ եզրափակիչում երեք սեթում պարտվել է 4-րդ դասակարգված Ելենա Դեմենտևային։ Այդ նույն մրցաշարում Ստոսուրը և Ստաբսը կիսաեզրափակիչում հաղթել են թիվ 1 զույգ Կարա Բլեյքին և Լիզել Հուբերին, սակայն եզրափակիչում պարտվել են Նուրիա Լագոստերա Վիվես-Մարիա Խոսե Սանչես զույգին։ Այդ արդյունքներով Ստոսուրը բարելավել է մենախաղի իր վարկանիշը և հասել կարիերայում բարձրագույն ցուցանիշին՝ թիվ 15 ռակետ և ԱՄՆ բաց առաջնությունում նա դասակարգվել է վարկանիշային աղյուսակում գրաված դիրքին համապատասխան։ Նա մեկնարկում երեք սեթում հաղթել է Աի Սուգիյամային, սակայն երկրորդ շրջանում երկու սեթում զիջել է Վանիա Քինգին։ Զուգախաղում Ստոսուրը Ստաբսի հետ միասին՝ որպես 3-րդ դասակարգված, հասել են մինչև կիսաեզրափակիչ, որտեղ հանդիպել են 1-ին դասակարգված Կարա Բլեյք-Լիզել Հուբեր զույգին։ Նրանք հաղթել են առաջին սեթում, սակայն պարտվել են անձրևի պատճառով ընդմիջված, երկօրյա մրցախաղի հաջորդ երկու սեթերում։

Toray Pan Pacific Open մրցաշարում Ստոսուրը առաջին շրջանում հաղթել է Ալեքսա Գլատչին, սակայն երկրորդ շրջանում պարտվել է Մարիա Շարապովային։ 15-րդ դասակարգված լինելով Պեկինի China Open մրցաշարում, Ստոսուրը առաջին շրջանում երեք սեթում պարտվել է Ալիզե Կորնեին։ Այնուհետև նա Օսակայի մրցաշարում մրցակցել է որպես 3-րդ դասակարգված։ Ալեքսանդրա Պանովայի, Ակիկո Մորիգամիի, Ջիլ Կրեյբասի և Կարոլին Վոզնյացկիի նկատմամբ հաղթանակներից հետո նա դուրս է եկել եզրափակիչ։ Ստոսուրը կարիերայում առաջին WTA մենախաղի տիտղոսը շահել է եզրափակիչում Ֆրանչեսկա Սկիավոնեի նկատմամբ երկու սեթում հաղթանակ տանելուց հետո՝ մեկ ժամից քիչ ավել տևած մրցախաղում։ Այդ հաղթանակը նրան տեղ է ապահովել 2009 թվականին Բալիում կայանալիք WTA Ամփոփիչ մրցաշարում։ Նա նաև որակավորվել 2009 թվականի WTA Ամփոփիչ մրցաշարի զուգախաղում՝ Ռենե Ստաբսի հետ զույգով։ Մենախաղի մրցաշարում Ստոսուրը խմբում մրցակցել է Ագնեշ Սավայի և Մարիա Խոսե Մարտինես Սանչեսի հետ, ով Ստոսուրի հետ միասին երկու թենիսիստուհիներից մեկն էր, ով մասնակցում էր Ամփոփիչ մրցաշարի թե մենախաղի, թե զուգախաղի մրցաշարերին։ Ստոսուրը հաղթել է Ագնեշ Սավայի հետ մրցախաղում, սակայն պարտվել է Մարտինես Սանչեսին և զրկվել կիսաեզրափակիչին մասնակցելու իրավունքից։ Սակայն նա կիսաեզրափակիչ է հասել զուգախաղում, որտեղ պարտություն են կրել թիվ 1 զույգ Կարա Բլեյքից և Լիզել Հուբերից։

2010 թվական. Համաշխարհային Թոփ 10 և Մեծ Սաղավարտի մենախաղի մրցաշարի առաջին եզրափակիչ

[խմբագրել | խմբագրել կոդը]

Լեյթոն Հյուիթի հետ միասին Ստոսուրը Ավստրալիան է ներկայացրել Հոպմանի գավաթում։ Ավստրալիացիները վերին դասակարգվածն էին։ Նրանց առաջին հանդիպումը Ռումինիայի հավաքականի հետ էր, որտեղ Ստոսուրը երեք սեթում անսպասելիորեն զիջել է Սորանա Կիրստեային, իսկ այնուհետև պարտություն են կրել նաև խառը զուգախաղում։ Հաջորդ հանդիպումը ԱՄՆ հավաքականի հետ էր, որտեղ Ստոսուրը երկու սեթում հաղթել է Մելանի Ուդենին։ Հյուիթը նույնպես հաղթել է Ջոն Իզների հետ իր մրցախաղում։ Խառը զուգախաղում Ստոսուրը և Հյուիթը պարտվել են։ Եզրափակիչ դուրս գալու համար Ավստրալիայի հավաքականին հարկավոր էր Իսպանիայի հավաքականին հաղթել 3-0 հաշվով։ Սակայն այդ արդյունքը լրիվ հակառակն է ստացվել՝ Ավստրալիան պարտություն է կրել 0-3 հաշվով։ Ավստրալիայի բաց առաջնությունից առաջ Ստոսուրը մասնակցել է Սիդնեյի Medibank International մրցաշարին։ Այնտեղ նա առաջին շրջանում պարտվել է Ֆլավիա Պենետային։ Ստոսուրը Ավստրալիայի բաց առաջնությունում դասակարգվել էր 13 համարի տակ։ Մրցաշարի չորրորդ շրջանում Ստոսուրը երկու սեթում պարտվել է աշխարհի թիվ 1 ռակետ և գործող չեմպիոն Սերենա Ուիլյամսին։ Չնայած պարտությանը, նա դասակարգման աղյուսակում բարձրացել է 11-րդ հորիզոնական։ Զուգախաղի մրցաշարում նա համագործակցել է ռուս Նադյա Պետրովայի հետ։ Նրանք դասակարգված էին 5-րդ համար տակ և առաջին շրջանում պարտություն են կրել նույնպես ռուս-ավստրալիական Վերա Դուշևինա-Անաստասիա Ռոդիոնովա զույգից։ Այնուհետև նա ուղևորվել է Ադելաիդա, որպեսզի Ալիսիա Մոլիկի, Քեյսի Դելակուայի և Ռենե Ստաբսի հետ միասին Ավստրալիան ներկայացնի Ֆեդերացիայի գավաթում Իսպանիայի հետ հանդիպմանը։ Ստոսուրը հաղթանակ է տարել մենախաղի իր զույգ հանդիպումներում՝ հաղթելով Մարիա Խոսե Մարտինես Սանչեսին և Անաբել Մեդինա Գարիգեսին։ Ստոսուրը և Ստաբսը հաղթանակ են տարել նաև զուգախաղում՝ Ավստրալիային հաղթանակ պարգևելով 3-2 հաշվով։

Նրա հաջորդ մրցաշարը եղել է Դուբայում, որտեղ նա 9-րդ դասակարգվածն էր։ Ստոսուրը պարտություն է կրել մրցաշարի առաջին շրջանում՝ զիջելով վետերան Տատյանա Գարբինին։ Նա առավել լավ արդյունքների է հասել զուգախաղում՝ Պետրովայի հետ։ Զույգը դասակարգված էր 4-րդ համարի տակ և հասել է մինչև մրցաշարի կիսաեզրափակիչ՝ մրցաշարի ընթացքում պայքարից դուրս թողնելով 5-րդ դասակարգված Ալիսա Կլեյբանովա-Ֆրանչեսկա Սկիավոնե զույգին։ 8-րդ դասկարգված լինելով BNP Paribas Open մրցաշարում, Ստոսուրը հասել է մինչև կիսաեզրափակիչ։ Քառորդ եզրափակիչում նա հաղթել է 12-րդ դասակարգված և գործող չեմպիոն Վերա Զվոնարյովային։ Նա, առաջին անգամ դուրս գալով «Մասթերս» շարքի մրցաշարի կիսաեզրափակիչ, երկու սեթում պարտություն է կրել մրցաշարի ապագա չեմպիոն Ելենա Յանկովիչից։ Այդ հաջողությունը նրան թույլ է տվել վարկանիշային աղյուսակում բարձրանալ 10-րդ հորիզոնական, ինչը նրան դարձրել է երրորդ ավստրալիացի թենիսիստուհին, ով հասել է այդ արդյունքին՝ 2002 թվականին Ելենա Դոկիչի 4-րդ և 2005 թվականին Ալիսիա Մոլիկի 8-րդ հորիզոնական հասնելուց հետո։ Զուգախաղում Ստոսուրը Նադյա Պետրովայի հետ 3-րդ դասակարգվածն էին։ Նրանք մինչև եզրափակիչ հաջող ելույթներ են ունեցել՝ պարտվելով ընդամենը մեկ սեթ, իսկ եզրափակիչում զիջել են Կվետա Պեշկեին և Կատարինա Սրեբոտնիկին։ Հաջորդ մրցաշարը եղել է Մայամիի «Մասթերսը», որտեղ նա 9-րդ դասակարգվածն էր, ինչը նրան հնարավորություն էր տվել ազատ լինելու առաջին շրջանում։ Նա հասել է մինչև մրցաշարի քառորդ եզրափակիչ, որտեղ զիջել է Կիմ Կլեյստերսին։ Զուգախաղում Ստոսուր-Պետրովա զույգը դասակարգված էր 3-րդ համարի տակ և դուրս է եկել եզրափակիչ՝ մրցակիցներին չզիջելով ոչ մի սեթ։ Այնուամենայնիվ, Ստոսուրը և Պետրովան երկրորդ եզրափակիչն անընդմեջ պարտություն են կրել, Գիսելա Դուլկո-Ֆլավիա Պենետա զույգին զիջելով սուպեր թայ-բրեյքում՝ 3-6, 6-4, 7-10։

Սամանտա Ստոսուրը 2010 թվականի Ֆրանսիայի բաց առաջնությունում, որտեղ նա հասել է կարիերայում առաջին եզրափակիչին Մեծ Սաղավարտի մրցաշարում

Գրունտային շրջանը Ստոսուրը սկսել է Family Circle Cup մրցաշարում, որտեղ նա դասակարգված էր 4-րդ համարի տակ։ Նա հասել է մինչև եզրափակիչ և եզրափակիչում հաղթանակ տարել Վերա Զվոնարյովայի նկատմամբ՝ տանելով հինգերորդ անընդմեջ հաղթանակը մրցակցուհու նկատմամբ։ Դա նրա երկրորդ և ամենախոշոր հաղթանակն էր WTA մենախաղի մրցաշարերում, ինչը նրան թույլ է տվել հետ վերադառնալ Թոփ 10-յակ՝ զբաղեցնելով 10-րդ հորիզոնականը։ Այնուհետև Ստոսուրը Ուկրաինայում, Ֆեդերացիայի գավաթի շրջանակներում, մասնակցել է Համաշխարհային խմբի փլեյ-օֆֆ մրցախաղին։ Առաջին օրվանից հետո Ավստրալիան առավելություն ուներ Ուկրաինայի նկատմամբ 2-0 հաշվով՝ շնորհիվ Մարիա Կորիտցևայի նկատմամբ Ստոսուրի և Ալյոնա Բոնդարենկոյի նկատմամբ Անաստասիա Ռոդիոնովայի հաղթանակների։ Այնուհետև Ստոսուրը Ավստրալիայի հավաքականի համար վերջնական հաղթանակ է ապահովել Լյուդմիլա Կիչենոկին երկու սեթում հաղթելուց հետո։ Դրա շնորհիվ Ավստրալիան Համաշխարհային խմբի 2011 թվականի խաղարկությունում մրցակցելու էր վերին դասակարգված Իտալիայի հավաքականի հետ։ Այնուհետև Ստոսուրը մասնակցել է Շտուտգարտի Porsche Tennis Grand Prix մրցաշարին։ Նրա 11 խաղից բացկացած անպարտելի շարքը ընդհատվել է եզրափակիչում՝ աշխարհի նախկին թիվ 1 ռակետ Ժյուստին Էնենի կողմից։ Չնայած այդ արդյունքին, Ստոսուրը նոր բարձունք է նվաճել համաշխարհային դասակարգման աղյուսակում՝ հասնելով վարկանիշային 8-րդ հորիզոնականին։

Նրա հաջորդ ծրագրավորված մրցաշարը պետք է լիներ Հռոմի «Մասթերս»-ը։ Սակայն Ստոսուրը ստիպված է եղել հոգնածության պատճառով հրաժարվել մրցաշարին մասնակցելուց։ Հաջորդ ծրագրավորված մրցաշարը Մադրիդի «Մասթերս»-ն էր, որտեղ նա դասակարգված էր 8-րդ համարի տակ։ Քառորդ եզրափակիչում Ստոսուրը 3-6, 3-6 հաշվով պարտություն է կրել Վենուս Ուիլյամսից։ Մրցաշարի քառորդ եզրափակիչը նրան թույլ է տվել բարձրանալ վարկանիշային աղյուսակի 7-րդ հորիզոնական։ Զուգախաղում Ստոսուրը վերականգնել է համագործակցությունը Նադյա Պետրովայի հետ և մրցաշարում դասակարգվել են 3-րդ համարի տակ։ Այնուամենայնիվ, նրանք երկրորդ շրջանում պարտություն են կրել Անաստասիա Ռոդիոնավա-Պատի Շնայդեր զույգից։ Ֆրանսիայի բաց առաջնությունում նա դասակարգված էր 7-րդը և համարվում էր մրցաշարի հավակնորդներից մեկը՝ 2009 թվականի նրա կիսաեզրափակիչի և մրցաշրջանի գրունտային շրջանում 14-2 հարաբերակցության պատճառով։ Նրա հավակնություններն ավելի են մեծացել մրցաշարի ընթացքում աշխարհի նախկին երեք թիվ 1 ռակետների պարտություններից հետո (Ժյուստին Էնեն, Սերենա Ուիլյամս և Ելենա Յանկովիչ)։ Սակայն եզրափակիչում նրան կանգնեցրել է Ֆրանչեսկա Սկիավոնեն։

Զուգախաղում Ստոսուրը և նրա խաղընկերուհի Նադյա Պետրովան 4-րդ դասակարգվածն էին։ Նրանք առաջին շրջանում հաղթել են Իրինա Պավլովիկին և Լորա Տորպին և երկրորդ շրջանում՝ Վանիա Քինգին և Միխաելա Կրայչեկին։ Նրանց մասնակցությունը ավարտվել է երրորդ շրջանում, որտեղ նրանք պարտվել են Ալյոնա Բոնդարենկո և Կատերինա Բոնդարենկո քույրերին։ Հաջորդ մրցաշարը եղել է Իսթբորնի Aegon International-ը։ Այնտեղ նա հասել է մինչև կիսաեզրափակիչ, որտեղ պարտվել է Եկատերինա Մակարովային։ Իսթբորնի մրցաշարի կիսաեզրափակիչը նրան վարկանիշային աղյուսակում բարձրացրել է 6-րդ հորիզոնական։ Բացի այդ, նա առաջին հորիզոնական է բարձրացել Դոհայի WTA Ամփոփիչ մրցաշարի մրցարշավում։ Հաջորդ մրցաշարը եղել է Ուիմբլդոնի մրցաշարը, որտեղ նա դասակարգված էր 6-րդ համարի տակ։ Սակայն առաջին շրջանում նա երկու սեթում պարտվել է Կայա Կանեպիին։ Քանի որ Ֆրանսիայի բաց առաջնության հաղթող Ֆրանչեսկա Սկիավոնեն նույնպես պարտվել էր առաջին շրջանում, Ստոսուրը և Սկիավոնեն դարձել են պատմության մեջ առաջին կին թենիսիստուհիները, ովքեր հասնելով Ֆրանսիայի բաց առաջնության եզրափակիչ, չեն կարողացել հաղթանակ տանել Մեծ Սաղավարտի հաջորդ մրցաշարի՝ Ուիմբլդոնի գոնե մեկ խաղում։ Չնայած պարտությանը, Ստոսուրը ևս մեկ հորիզոնականով բարելավել է իր վարկանիշը՝ զբաղեցնելով 5-րդ հորիզոնականը, քանի որ Ելենա Դեմենտևան վնասվածքի պատճառով չէր մասնակցել մրցաշարին։ Ստոսուրը մասնակցել է նաև զուգախաղի մրցաշարին։ Նա Պետրովայի հետ զույգով մենարկել է որպես 3-րդ դասակարգված, սակայն երրորդ շրջանում պարտվել են Վանիա Քինգ-Յարոսլավա Շվեդովա զույգին։ Խառը զուգախաղի մրցաշարում նա Նենադ Զիմոնիչի հետ դասակարգված էին որպես առաջին համար։ Երկրորդ շրջանում նրանք հաղթել են Կոլին Ֆլեմինգին և Կարա Բորվելին, իսկ երրորդ շրջանում երկու սեթում պարտվել են բելգիական Խավիեր Մալիս-Կիմ Կլեյստերս զույգին։

Սամանտա Ստոսուրը ԱՄՆ բաց առաջնությունում

Հաջորդ մրցաշարը եղել է Սթենֆորդի մրցաշարը, որտեղ նա առաջին դասակարգվածն էր, սակայն կիսաեզրափակիչ խաղում պարտվել է Վիկտորիա Ազարենկային։ Այնուհետև նա մասնակցել է Սան Դիեգոյի Mercury Insurance Open մրցաշարին։ Որպես 2-րդ դասակարգված, նա քառորդ եզրափակիչում պարտվել է Ֆլավիա Պենետային։ Ուսի վնասվածքի պատճառով Ստոսուրը բաց է թողել Ցինցինատիի «Մասթերս» և Մոնրեալի «Rogers Cup» մրցաշարերը։ Վնասվածքը բուժելու համար որոշ ժամանակ դադար վերցնելուց հետո Ստոսուրը մասնակցել է Նյու Հեյվենի Pilot Pen Tennis մրցաշարին՝ հույս ունենալով մինչ ԱՄՆ բաց առաջնությունը վերականգնելու որոշ կորցված վարկանիշային միավորներ։ Նա քառորդ եզրափակիչում պարտվել է Նադյա Պետրովային։ ԱՄՆ բաց առաջնությունում Ստոսուրը 5-րդ դասակարգվածն էր։ Ելենա Վեսնինայի, Անաստասիա Ռոդիոնավայի, Սառա Էրանիի և Ելենա Դեմենտևայի նկատմամբ հաղթանակներ տանելուց հետո Ստոսուրը դուրս է եկել քառորդ եզրափակիչ՝ առաջին անգամ ԱՄՆ բաց առաջնությունում, որտեղ երեք սեթում պարտվել է 2-րդ դասակարգված Կիմ Կլեյստերսին։ Այնուհետև նա մրցակցել է տարվա եզրափակիչ Premier Mandatory մրցաշարին՝ Պեկինի China Open-ին, որտեղ նա առաջին շրջանում երեք սեթում պարտվել է Անաստասիա Սևաստովային։ Ստոսուրը որակավորվել է տարվա վերջին Դոհայի WTA Ամփոփիչ մրցաշարի մենախաղին՝ կարիերայում առաջին անգամ, Վենուս Ուիլյամսի հրաժարումից հետո[12]։

Մինչ այդ նա փորձել է պաշտպանել տիտղոսը Օսակայի HP Open մրցաշարում՝ որպես վերին դասակարգված, տարվա ընթացքում նրա միակ WTA International մրցաշարում։ Սակայն քառորդ եզրափակիչում նա որոշիչ սեթի թայ-բրեյքում պարտվել է Կիմիկո Դատեին, դառնալով WTA պատմության մեջ առաջին թենիսիստուհին լավագույն տասնյակից, ով պարտվել է 40 տարին բոլորած մրցակցուհուն։ WTA Ամփոփիչ մրցաշարում, որտեղ Ստոսուրը 5-րդ դասակարգվածն էր, խմբային փուլում մրցակցել է աշխարհի թիվ 1 ռակետ Կարոլին Վոզնյացկիի, թիվ 6 ռակետ Ֆրանչեկա Սկիավոնեի և թիվ 9 ռակետ Ելենա Դեմենտևայի հետ, ովքեր դասակարգված էինք որպես առաջին, չորրորդ և յոթերորդ, համապատասխանաբար՝ կապված մրցաշարին Ուիլյամս քույրերի չմասնակցելուն։ Ֆրանչեսկա Սկիավոնեի հետ առաջին հանդիպման ժամանակ նա վրեժխնդիր է եղել Ֆրանսիայի բաց առաջնության եզրափակիչում կրած պարտության համար, նրան հաղթելով երկու սեթում։ Նրա հաջորդ մրցակցուհին Կարոլին Վոզնյացկին էր։ Ստոսուրը շարունակել է իր հաղթարշավը և նրան պարտության մատնել կրկին երկու սեթում՝ ապահովելով մասնակցությունը մրցաշարի կիսաեզրափակիչին։ Այնուհետև նա պարտվել է Ելենա Դեմենտևային, նրան զրկելով կիսաեզրափակիչում մասնակցությունից՝ մրցակցուհու նկատմամբ հաղթանակ տանելով մեկ սեթում։ Ստոսուրը խմբում զբաղեցրել է առաջին տեղը և կիսաեզրափակիչում հանդիպել աշխարհի թիվ 4 ռակետ Կիմ Կլեյստերսի հետ։ Ստոսուրը ԱՄՆ բաց առաջնության եռակի հաղթողին զիջել է երկու սեթում։ Ստուսուրը տարին եզրափակել է դասակարգման աղյուսակի 6-րդ հորզոնականում։ Բացի այդ, նա միակ թենիսիստուհին էր, ով տարվա ընթացքում հաղթել է թիվ 1 ռակետներ համարվող Սերենա Ուիլյամսին և Կարոլին Վոզնյացկիին։

2011 թվական. Առաջին տիտղոսը Մեծ Սաղավարտի մենախաղի մրցաշարում և կարիերայի բարձրագույն վարկանիշ

[խմբագրել | խմբագրել կոդը]

2011 թվականի մրցաշրջանը Ստոսուրը սկսել է Բրիսբենի Brisbane International մրցաշարում մրցակցությամբ։ Նա երկրորդ շրջանում երկու սեթում պարտվել է ավստրալուհի Յարմիլա Գրոտին։ Այդ մրցաշարից հետո նա մրցակցել է Սիդնեյի Medibank Sydney International մրցաշարում, որպես 4-րդ դասակարգված, սակայն երկրորդ շրջանում պարտվել է Սվետլանա Կուզնեցովային։

Ստոսուրը 5-րդ դասակարգվածն էր Ավստրալիայի բաց առաջնությունում, որտեղ նա երրորդ շրջանում պարտվել է 25-րդ դասակարգված Պետրա Կվիտովային։ Չնայած նրա վաղ փուլերում պարտություններին, Ստոսուրի վարկանիշը բարձրացել էր մինչև թիվ 5 ռակետ։ Այնուհետև Ստոսուրը հասել է նաև վարկանիշային 4-րդ հորիզոնականին՝ Դուբայի մրցաշարում քառորդ եզրափակիչ դուրս գալուց հետո։ Ամերիկյան մայրցամաքի մրցաշարերը անհաջող են եղել Ստոսուրի համար։ Ինդիան Ուելսի մրցաշարում նա երրորդ շրջանում պարտվել է Դինարա Սաֆինային, իսկ Մայամիում, որտեղ նա 4-րդ դասակարգվածն էր, չորրորդ շրջանում երկու սեթում պարտություն է կրել 16-րդ դասակարգված և նախկին թիվ 1 ռակետ Մարիա Շարապովայից։ Մայամիից հետո նա խաղացել է Չարլստոնի մրցաշարում, որտեղ չի կարողացել պաշտպանել տիտղոսը՝ երրորդ շրջանում երկու սեթում պարտվելով Ելենա Վեսնինային։

Շտուտգարտում, որպես 5-րդ դասակարգված, Ստոսուրը կիսաեզրափակիչում պարտվել է գերմանուհի Յուլիա Գյորգեսին։ Այնուամենայնիվ, նա հաղթանակ է տարել զուգախաղում՝ որպես խաղընկերուհի ունենալով Սաբինա Լիսիցկիին և եզրափակիչում առավելության հասնելով Կրիստինա Բարուա-Յասմին Վյոր զույգի նկատմամբ։ Հաջորդ մրցաշարը եղել է Մադրիդի Mutua Madrileña Madrid Open-ը, որտեղ նա 5-րդ դասակարգվածն էր։ Երրորդ շրջանում նա երկու սեթում պարտություն է կրել Անաստասիա Պավլյուչենկովայից։ Հետագայում նա մասնակցել է Հռոմի մրցաշարին, որտեղ լինելով 6-րդ դասակարգված, դուրս է եկել եզրափակիչ, սակայն եզրափակիչում պարտություն է կրել 7-րդ դասակարգված Մարիա Շարապովայից։ Ստոսուրը 8-րդ դասակարգվածն էր Ֆրանսիայի բաց առաջնությունում, սակայն երրորդ շրջանում պարտվել է Գիսելա Դուլկոյին։ Այդ պարտության արդյունքում Ստոսուրի վարկանիշը անկում է ապրել մինչև դասակարգման աղյուսակի 10-րդ հորիզոնական։

Ստոսուրի հաջորդ մրցաշարը եղել է Իսթբորնում, որտեղ նա 7-րդ դասակարգվածն էր։ Նա հասել է մինչև կիսաեզրափակիչ, որտեղ զիջել է Մարիոն Բարտոլիին։ Ուիմբլդոնի մրցաշարում Ստոսուրը առաջին շրջանում պարտություն է կրել աշխարհի 262-րդ ռակետ Մելինդա Ցինկից։ Խառը զուգախաղի մրցաշարում Ստոսուրը միավորվել է Մայք Բրայանի հետ, սակայն պարտություն են կրել մեկնարկային փուլում։ Կանաց զուգախաղում նա համագործակցել է Սաբինա Լիսիցկիի հետ։ Եզրափակիչի ճանապարհին նրանք երկրորդ շրջանում պարտության են մատնել վերին դասակարգվածներ Վանիա Քինգին և Յարոսլավա Շվեդովային։ Եզրափակիչում նրանք պարտություն են կրել Կվետա Պեշկե-Կատարինա Սրեբոտնիկ զույգից։

Սերենա Ուիլյամսը շնորհավորում է Սամանտա Ստոսուրին ԱՄՆ բաց առաջնության եզրափակիչ խաղում հաղթանակի կապակցությամբ

Ստուսորը ԱՄՆ առաջնության նախապատրաստական շրջանը սկսել է Սթենֆորդի մրցաշարում, որտեղ Սաբինա Լիսիցկիի հետ համագործակցությամբ զիջել են մրցաշարի երկրորդ շրջանում։ Սակայն Ստոսուրը վերականգնվել է Տորոնտոյի Rogers Cup-ում, որտեղ նա հասել է եզրափակիչ՝ մինչ այդ հաղթելով Նա Լիին և Ագնեշկա Ռադվանսկային։ Եզրափակիչում Ստոսուրը երկու սեթում պարտություն է կրել Սերենա Ուիլյամսից։ Այնուհետև նա մրցակցել է Ցինցինատիի մրցաշարում։ Այնտեղ նա առաջին շրջանում հաղթել է Ելենի Դանիլիդուին։ Երկրորդ շրջանում նա երկրորդ շաբաթն անընդմեջ հանդիպել է Սերենա Ուիլյամսի հետ։ Այնուամենայնիվ, Ուիլյասը ոտքի վնասվածքի պատճառով հրաժարվել է մրցախաղից և Ստոսուրը հեշտությամբ անցել է հաջորդ շրջան։ Երրորդ շրջանում նա երեք սեթում հաղթել է 5-րդ դասակարգված Նա Լիին՝ երկրորդ անգամ վերջին երկու շաբաթվա ընթացքում։ Քառորդ եզրափակիչում նրա մրցակցուհին Մարիա Շարապովան էր և Ստոսուրը նրան պարտվել է երկու սեթում։ ԱՄՆ բաց առաջնությունում նա 9-րդ դասակարգվածն էր և առաջին շրջանում երկու սեթում հաղթել է Սոֆիա Արվիդսոնին[13]։ Երկրորդ շրջանում նա հաղթել է ամերիկուհի Կոկո Վանդևենգեին[14]։ Երրորդ շրջանում նա հանդիպել է Նադյա Պետրովայի հետ և դա նրա ամենադժվարին հանդիպումներից մեկն էր, որտեղ Ստոսուրը 3 ժամ 16 րոպե տևած մրցախաղում հաղթանակ է տարել երեք սեթում, ինչը կանանց մենախաղի ամենաերկար հանդիպումն էր մրցաշարի պատմության մեջ (որը գերազանցվել է չորս տարի անց՝ 2015 թվականին, Յոհաննա Կոնտեի և Գարբինե Մուգուրուսայի կողմից)[15]։ Չորրորդ շրջանում նա հանդիպել է Մարիա Կիրիլենկոյի հետ և հաղթանակ է տարել երեք սեթում։ Երկրորդ սեթի թայ-բրեյքը, որն ավարտվել է 15-17 հաշվով, եղել է ամենաերկարը կանաց ցանկացած խոշոր մրցաշարերում[16]։ Քառորդ եզրափակիչում նա առավելության է հասել 2-րդ դասակարգված Վերա Զվոնարյովայի նկատմամբ և կարիերայում առաջին անգամ դուրս է եկել ԱՄՆ բաց առաջնության կիսաեզրափակիչ[17]։ Կիսաեզրափակիչում նա երեք սեթում հաղթանակ է տարել գերմանուհի Անժելիկա Քերբերի նկատմամբ և կարիերայում առաջին անգամ դուրս է եկել ԱՄՆ մենախաղի մրցաշարի եզրափակիչ[18], որտեղ նա հաղթել է մրցաշարի եռակի հաղթող Սերենա Ուիլյամսին, նրան պարտության մատնելով երկու սեթում՝ 6–2, 6–3։ Նա կարիերայում առաջին անգամ հաղթանակ է տարել Մեծ Սաղավարտի մրցաշարի մենախաղում[19][20][21], 1980 թվականին Ուիմբլդոնի մրցաշարում Իվոն Գուլագոնգ-Քոուլիի հաղթանակից հետո դառնալով առաջին ավստրալուհի թենիսիստուհին, ով տիտղոս է նվաճել Մեծ Սաղավարտի մրցաշարում[22]։

Ստոսուրը երկրորդ շրջանում դուրս է մնացել Տոկիոյի Toray Pan Pacific Open և Պեկինի China Open մրցաշարերում, երկուսում էլ պարտություն կրելով Մարիա Կիրիլենկոյից։ Այնուամենայնիվ, 2011 թվականի հոկտեմբերի 9-ին հայտնի է դարձել, որ Ստոսուրը որակավորվել է տարվա վերջին Ստամբուլում կայանալիք WTA Ամփոփիչ մրցաշարին։ Ստոսուրը Օսակայի մրցաշարում հասել է եզրափակիչ, որտեղ պարտություն է կրել 2-րդ դասակարգված Մարիոն Բարտոլիից։ Եզրափակիչի ճանապարհին նա պարտության էր մատնել Նոպավան Լետչիվականին, Միսակի Դոիին, 7-րդ դասակարգված Շանել Շեպերսին և Չժեն Ցզեին։ 2011 թվականի WTA Ամփոփիչ մրցաշարում Ստոսուրը տեղ է գտել Սպիտակ խմբում։ Ստոսուրի առաջին հանդիպումը եղել է 2-րդ դասակարգված Մարիա Շարապովայի դեմ, որտեղ նա հաղթանակ է տարել երկու սեթում։ Այդ հանդիպման արդյունքում Ստոսուրը ոչ միայն հաղթել է ռուս թենիսիստուհուն, այլ նաև հաղթել է Շարապովայի հետ իր առաջին հանդիպումում՝ նախորդ իննում պարտություն կրելուց հետո։ Բացի այդ, Ստոսուրը հաղթանակ է տարել ներկա Թոփ 2 թենիսիստուհիների հետ վերջին յոթ հանդիպումներից վեցում։ Միակ պարտությունը եղել է 2010 թվականի Ավստրալիայի բաց առաջնությունում, թիվ 1 ռակետ Սերենա Ուիլյամսից։ Խմբային մրցաշարի երկրորդ շրջանում Ստոսուրը պարտվել է 4-րդ դասակարգված Վիկտորիա Ազարենկային։ Այդ նրա հինգերորդ պարտությունն էր Ազարենկայից և մինչ այդ նա ոչ մի սեթ չի կարողացել շահել։ Երրորդ շրջանում Ստոսուրը ընդամենը մեկ սեթ է զիջել 5-րդ դասակարգված Նա Լիին և այդ հաղթանակից հետո երկրորդ տարին անընդմեջ դուրս է եկել մրցաշարի կիսաեզրափակիչ, որտեղ նա հանդիպել է կարմիր խմբի հաղթող Պետրա Կվիտովայի հետ՝ եզրափակիչ դուրս գալու համար։ Կիսաեզրափակիչում նա պարտություն է կրել, չնայած 7-5, 1-0 հաշվով առավելությանը։ Դա առաջին անգամ էր, որ Ստոսուրը սեթում հաղթանակ է տարել Կվիտովայի նկատմամբ։ Կվիտովան եզրափակիչում հաղթել է Վիկտորիա Ազարենկային, այդպիսով փաստելով, որ Ստոսուրը երկրորդ տարին անընդմեջ կիսաեզրափակիչում պարտվել է մրցաշարի ապագա հաղթողին։ WTA Ամփոփիչ մրցաշարում մասնակցության արդյունքներով նա համաշխարհային դասակարգման աղյուսակում Վերա Զվոնարյովային փոխարինել է 6-րդ հորիզոնականում և երկրորդ տարին անընդմեջ մրցաշրջանը եզրափակել որպես աշխարհի թիվ 6 ռակետ։

2012 թվական. Հաջողության շարունակություն

[խմբագրել | խմբագրել կոդը]

Դասակարգված լինելով 1-ին համարի տակ, Ստոսուրը մրցաշրջանը սկսել է Բրիսբենի մրցաշարում և առաջին շրջանում պարտվել Իվետա Բենեշովային։ Այնուհետև Ստոսուրը առաջին շրջաններում պարտություններ է կրել Ֆրանչեսկա Սկիավոնեից Սիդնեյի մրցաշարում և Սորանա Կիրստեայից Ավստրալիայի բաց առաջնությունում։ Ստոսուրը խոստովանել է, որ ինքը չի կարողացել գլուխ հանել տնային մրցաշարերի ծանրության հետ, հատկապես 2011 թվականի ԱՄՆ առաջնությունում հաղթանակից հետո[23]։ Չնայած արդյունքներին, Ստոսուրի վարկանիշը մնացել է անփոփոխ։ Այնուհետև Ստոսուրը ուղևորվել է Ֆրիբուր, որպեսզի Ավստրալիան ներկայացնի Ֆեդերացիայի գավաթի Շվեյցարիայի հետ հանդիպմանը։ Նա հաղթանակ է տարել իր երկու մենախաղերում՝ առավելության հասնելով Թիմեա Բաչինսկիի և Ստեֆանի Ֆյոգելի նկատմամբ։

Այնուհետև Ստոսուրը մրցակցել է Դոհայի մրցաշարում։ Այնտեղ նա 3-րդ դասակարգվածն էր և Ավստրալիայի բաց առաջնության առաջին շրջանում պարտության համար վրեժխնդիր է եղել Սորանա Կիրստեայից, նրան հաղթելով երկրորդ շրջանում։ Վերջ ի վերջո, նա պարտություն է կրել եզրափակիչում, աշխարհի թիվ 1 ռակետ Վիկտորիա Ազարենկայից։ Դուբայի մրցաշարում նա երկրորդ շրջանում երեք սեթում հաղթել է Լյուսիա Շաֆարժովային, սակայն, երկրորդ տարին անընդմեջ, երրորդ շրջանում պարտվել է նախկին թիվ 1 ռակետ Ելենա Յանկովիչին։ Ուղևորվելով ԱՄՆ, նա մասնակցել է BNP Paribas Open մրցաշարին, որտեղ երկրորդ շրջանում հաղթել է ամերիկուհի Իրինա Ֆալկոնեին և դուրս եկել երրորդ շրջան, որտեղ համառ պայքարում պարտվել է Նադյա Պետրովային։ Մայամիի մրցաշարում նա Շանել Շեպերսին հաղթելուց հետո հասել է քառորդ եզրափակիչ, որտեղ Սերենա Ուիլյամսը նրանից վրեժխնդիր է եղել 2011 թվականի ԱՄՆ առաջնության եզրափակիչում կրած պարտության համար, Ստոսուրին հաղթելով երկու սեթում։

Չարլստոնի Family Circle Cup մրցաշարում Ստոսուրը մասնակցել է որպես 2-րդ դասակարգված և առաջին շրջանում ազատ է եղել։ Երկրորդ շրջանում նա հաղթել է Ջեյմի Հեմփթոնին և երրորդ շրջանում պարտության մատնել Գալինա Վոսկոբոևային։ Քառորդ եզրափակիչում նա հաղթել է Վենուս Ուիլյամսին՝ առաջին անգամ, նախորդ չորս հանդիպումներում նրան պարտվելուց հետո։ Այնուամենայնիվ, Ստոսուրը կիսաեզրափակիչում կրկին պարտվել է Սերենա Ուիլյամսին։ Դրանից հետո Ստոսուրը մեկնել է Շտուտգարտ, որտեղ նա հաղթել է Գերմանիայի հավաքականի հետ Ֆեդերացիայի գավաթի Համաշխարհային խմբի փլեյ-օֆֆի շրջանակում երկու մենախաղերում։ Նա հաղթել է Թոփ 20-ի երկու թենիսիստուհիների՝ Անժելիկա Քերբերին և Անդրեա Պետկովիչին։ Porsche Tennis Grand Prix մրցաշարում Ստոսուրը հասել է քառորդ եզրափակիչ՝ Յուլիա Գյորգեսին երեք սեթում հաղթելուց հետո։ Քառորդ եզրափակիչում նա զիջել է Մարիա Շարապովային։ Այնուհետև նա խաղացել է Մադրիդի մրցաշարում, որտեղ առաջին երկու շրջաններում հաղթել է Պետրա Մարտիչին (երրորդ սեթի թայ-բրեյքում) և Քրիստինա ՄակՀեյլին։ Երկրորդ շրջանում նրա մրցակցուհին Պետրա Ցետկվսկայան էր, ում Ստոսուրը հաղթել է երկու սեթում և դուրս եկել քառորդ եզրափակիչ։ Այնտեղ նա երկու համառ սեթերում, թայ-բրեյքներում, զիջել է Լյուսիա Հրադեցկային։ Ֆրանսիայի մրցաշարից առաջ վերջին մրցաշարը եղել է Հռոմում, որտեղ նա, Սառա Էրանիին հաղթելուց հետո, երրորդ շրջանում պարտվել է նախկին 1-ին ռակետ Վենուս Ուիլյամսին։

Վեցերորդ դասակարգված լինելով Ֆրանսիայի բաց առաջնությունում, նա հասել է մինչև քառորդ եզրափակիչ՝ մրցակցուհիներին չզիջելով ոչ մի սեթ։ Երկրորդ շրջանում նա հաղթել է Նադյա Պետրովային, իսկ այնուհետև՝ Սլոան Սթիվենսին, երկու սեթում։ Քառորդ եզրափակիչում նա առավելության է հասել Դոմինիկա Ցիբուլկովայի նկատմամբ և երրորդ անգամ դուրս եկել Ֆրանսիայի բաց առաջնության կիսաեզրափակիչ[24]։ Կիսաեզրափակիչում նա երեք սեթում պարտվել է Սառա Էրանիին[25]։ Մրցաշարից հետո նա WTA վարկանիշային աղյուսակում զբաղեցրել է 5-րդ հորիզոնականը։

Սաբինա Լիսիցկին, Ագնեշկա Ռադվանսկան, Սամանտա Ստոսուրը և Կարոլին Վոզնյացկին 2012 թվականի WTA Ամփոփիչ մրցաշարի ժամանակ, Դոհա

Ուիմբլդոնի մրցաշարում Կարլա Սուարես Նավարոյին հաղթելուց հետո, Ստոսուրը երկրորդ շրջանում պարտվել է Արանչա Ռուսին[26]։ 2012 թվականի Լոնդոնի Օլիմպիական խաղերում Ստոսուրը առաջին շրջանում պարտվել է Կարլա Սուարես Նավարոյին։ Առաջին սեթում հաղթանակից հետո նա զիջել է հաջորդ երկուսում, երրորդում պարտվելով 8-10 հաշվով[27]։ Ստոսուրը նախկին թիվ 1 ռակետ Լեյթոն Հյուիթի հետ միասին մասնակցել է խառը զուգախաղի մրցաշարին, որտեղ նրանք դուրս են եկել քառորդ եզրափակիչ, սակայն պարտություն են կրել տեղական սիրելիներ Էնդի Մարրեյից և Լորա Ռոբսոնից։

Ցինցինիատիի Western & Southern Open մրցաշարում Ստոսուրը 3-րդ դասակարգվածն էր։ Առաջին շրջանում ազատ լինելուց հետո նա երկրորդ շրջանում երեք սեթում հաղթել է Անաբել Մեդինա Գարիգեսին։ Երրորդ շրջանում նա երկու սեթում հաղթել է ռուս Եկատերինա Մակարովային և դուրս եկել քառորդ եզրափակիչ։ Քառորդ եզրափակիչում Ստոսուրը խաղացել է նախկին թիվ 1 ռակետ Վենուս Ուիլյամսի հետ և պարտություն է կրել երեք սեթում։ Առաջին անգամ պաշտպանելով տիտղոսը Մեծ Սաղավարտի մրցաշարում, Ստոսուրը ԱՄՆ բաց առաջնության առաջին երեք շրջաններում հաղթել է Պետրա Մարտիչին, Էդինա Հալովից-Հոլլին և 31-րդ դասակարգված Վարվարա Լեպչենկոյին։ Չորրորդ շրջանում նա մրցակցել է ծագող աստղ Լաուրա Ռոբսոնի հետ, ով չորրորդ շրջանի ճանապարհին հաղթել էր Կիմ Կլեյստերսին և Նա Լիին։ Ստոսուրը հաղթանակ է տարել երկու սեթում։ Քառորդ եզրափակիչում նա պարտություն է կրել աշխարհի թիվ 1 ռակետ Վիկտորիա Ազարենկայից։

Տոկիոյի մրցաշարում նա դասակարգված էր 8-րդ համարի տակ։ Երկրորդ շրջանում նա հաղթել է Ֆրանչեսկա Սկիավոնեին։ 12-րդ դասակարգված Դոմինիկա Ցիբուլկովային նա երկու սեթում հաղթել է երրորդ շրջանում։ Քառորդ եզրափակիչում նա առավելության է հասել աշխարհի թիվ 2 ռակետ Մարիա Շարապովայի նկատմամբ և ընդամենը երկրորդ անգամ հաղթել նրան տասներկու հանդիպումներում։ Կիսաեզրափակիչում Ստոսուրը երկու սեթում պարտվել է զուգախաղի նախկին խաղընկերուհի Նադյա Պետրովային։

Մոսկվայի մրցաշարում նա առաջին դասակարգվածն էր և առաջին շրջանում ազատ լինելուց հետո երկրորդում հաղթել է Ալիզե Կորնեին։ Երրորդ շրջանում՝ նույն քառորդ եզրափակիչում, նա պայքարից դուրս է թողել Կլարա Կոուկալովային և կիսաեզրափակիչում նույն ճակատագրին արժանացրել 4-րդ դասակարգված Անա Իվանովիչին։ Սակայն եզրափակիչում նա պարտվել է Կարոլին Վոզնյացկիին։

Ստամբուլի WTA Ամփոփիչ մրցաշարում նա խմբային փուլում երկու պարտություն կրելուց հետո լքել է մրցաշարը՝ տանուլ տալով հանդիպումները Սառա Էրանիին և Մարիա Շարապովային։ Ստոսուրը 2012 թվականի մրցաշրջանը եզրափակել է Թոփ 10-ում, զբաղեցնելով դասակարգման աղյուսակի 9-րդ հորիզոնականը։

2013 թվական. Պայքար մարզավիճակի համար

[խմբագրել | խմբագրել կոդը]

Ստոսուրը մրցաշրջանը սկսել է Բրիսբենի մրցաշարում, որտեղ նա 7-րդ դասակարգվածն էր։ Մինչ մրցաշարը Ստոսուրը խոստովանել է, որ ինքը 10 օր ժամանակ է ունեցել մրցաշարին նախապատրաստվելու համար, քանի որ վիրահատության էր ենթարկվել ոտնաթաթի վնասվածքի պատճառով։ Դա մրցաշարից վեց շաբաթ առաջ էր։ Առաջին շրջանում Ստոսուրը պարտվել է Սոֆիա Արվիդսոնին՝ թույլ տալով 48 ոչպարտադրված սխալներ[28]։ Ստոսուրը Սիդնեյի մրցաշարի առաջին շրջանում, որտեղ նա 6-րդ դասակարգվածն էր, խաղացել է չինացի Չժեն Ցզեի հետ և պարտվել երեք սեթում։ Ավստրալիայի բաց առաջնությունում նա 9-րդ դասակարգվածն էր և առաջին շրջանում հաղթել է Կայ Չեն Չանգին[29]։ Սակայն երկրորդ շրջանում նա կրկին պարտվել է՝ այս անգամ Չժեն Ցզեին, չնայած երրորդ սեթում 5-2 հաշվով առավելությանը[30]։

Ստոսուրը Southern California Open մրցաշարում հաղթանակից հետո

Այնուամենայնիվ, նա վերականգնվել է մրցաշրջանի վատ մեկնարկից և Դոհայի մրցաշարի երկրորդ շրջանում երեք սեթում հաղթել է Մոնիկա Նիկուլեսկուին[31]։ Այնուհետև նա հաղթել է Սվետլանա Կուզնեցովային և դուրս է եկել քառորդ եզրափակիչ[32]։ Ստոսուրը քառորդ եզրափակիչում պարտվել է, կրկին, Մարիա Շարապովային[33]։ Այնուհետև նա մրցակցել է Դուբայի մրցաշարում, որտեղ 7-րդ դասակարգվածն էր։ Առաջին երկու շրջաններում Եկատերինա Մակարովայի[34] և Սե Շուվեյի նկատմամբ հաղթանակներից հետո նա դուրս է եկել քառորդ եզրափակիչ[35]։ Երկրորդ շաբաթն անընդմեջ Ստոսուրը պարտություն է կրել քառորդ եզրափակիչում, այս անգամ երկու սեթում պարտվելով Ռոբերտա Վինչիին[36]։

Այնուհետև նա մեկնել է ԱՄՆ, որտեղ մասնակցել է Ինդիան Ուելսի մրցաշարին։ Մրցաշարի երկրորդ շրջանում նա հաղթել է երիտասարդ ամերիկուհի Մեդիսոն Կիսին[37]։ Այնուհետև նա երրորդ շրջանում մրցակցել է 32-րդ դասակարգված Պեն Շուայի հետ և հաղթանակ տարել երեք սեթում[38]։ Չորրորդ շրջանում նա պարտության է մատնել 24-րդ դասակարգված Մոնա Բարտելին[39], սակայն խաղի ընթացքում վնասվածք է ստացել և հրաժարվել է քառորդ եզրափակիչի Անժելիկա Քերբերի հետ հանդիպումից[40]։ Վնասվածքը Ստոսուրին ստիպել է հրաժարվել նաև Մայամիի «Մասթերս» մրցաշարին մասնակցությունից[41]։ Ստոսուրը մրցաշրջան վերադարձել է Չարլստոնի Family Circle Cup մրցաշարում, որտեղ 3-րդ դասակարգվածն էր և երկրորդ շրջանում երկու սեթում հաթանակ է տարել Մարինա Էրակովիչի նկատմամբ[42][43]։ Երրորդ շրջանի հանդիպման ժամանակ Ստոսուրը ստիպված էր դադարեցնել մրցակցությունը ձկնամկանի կրկնվող վնասվածքի պատճառով և քառորդ եզրափակիչի ուղեգիրը զիջել է Էժենի Բուշարին[44]։

Ստոսուրը վերականգնվել է և մասնակցել Ֆեդերացիայի գավաթի Համաշխարհային խմբի փլեյ-օֆֆ փուլի Շվեյցարիայի հավաքականի դեմ հանդիպմանը։ Նա խաղացել է մենախաղի երկու մրցախաղին և երկուսում էլ երկու սեթում հաղթանակներ է տարել՝ Ստեֆանի Ֆյոգելի և Ռոմինա Օպրանդիի նկատմամբ և Ավստրալիայի հավաքականի համար ապահովել տեղը 2014 թվականի Ֆեդերացիայի գավաթի Համաշխարհային խմբում[45]։ Ֆեդերացիայի գավաթում հաղթանակներից հետո Ստոսուրը պարտվել է երկու մրցաշարերի առաջին շրջաններում՝ Շտուտգարտի Porsche Tennis Grand Prix մրցաշարում, որտեղ նա 6-րդ դասակարգված լինելով պարտվել է Ելենա Յանկովիչին[46] և Մադրիդի Mutua Madrid Open մրցաշարում, որտեղ 9-րդ դասակարված լինելով պարտվել է Կարլա Սուարես Նավարոյին[47]։ Այնուհետև նա տեղափոխվել է Հռոմ և վերականգնվելով գրունտային մրցաշարում, առաջին շրջանում հաղթել է Սե Շուվեյին[48]։ Երկրորդ շրջանում նա երկու սեթում հաղթել է Պեն Շուային[49] և քառորդ եզրափակիչում երեք սեթում հաղթել է Պետրա Կվիտովային՝ առաջին անգամ հաղթանակ տանելով նրա նկատմամբ[50]։ Քառորդ եզրափակիչում Ստոսուրը ութերորդ անգամ անընդմեջ (ութ հանդիպումներից) պարտվել է Վիկտորիա Ազարենկային՝ երեք սեթում[51]։

Ֆրանսիայի բաց առաջնությունում Ստոսուրը իր մեկնարկային խաղը անց է կացրել Կիմիկո Դատեի դեմ՝ անձրևի պատճառով երկուս ու կես ժամ սպասելուց հետո։ Նա հեշտությամբ հաղթանակ է տարել և 42-ամյա Կիմիկո Դատեին մրցաշարից դուրս թողել երկու սեթում[52]։ Այնուհետև նա երկու սեթում հաղթել է Կրիստինա Մլադենովիչին[53][54]։ Երրորդ շրջանում Ստոսուրը մրցակցել է 18-րդ դասակարգված Ելենա Յանկովիչի դեմ։ Առաջին սեթում հաղթանակից հետո նա համառ պայքարում զիջել է հաջորդ երկուսում։ Չկարողանալով պաշտպանել 2012 թվականի կիսաեզրափակիչի վարկանիշային միավորները, նա դուրս է մնացել Թոփ 10-յակից[55][56]։ Ուիմբլդոնի մրցաշարում նա հասել է մինչև երրորդ շրջան՝ կարիերայում երկրորդ անգամ, Աննա Կարոլինա Շմիդլովայի և Օլգա Պուչկովայի նկատմամբ հաղթանակներից հետո, երկուսն էլ երկու սեթում[57][58]։ Երրորդ շրջանում նա երեք սեթում պարտվել է Սաբինա Լիսիցկիին[59]։ Ստոսուրը Սթենֆորդի Bank of the West Classic մրցաշարի երկրորդ շրջանում պարտություն է կրել Օլգա Գովորցովայից[60]։ Ստոսուրը վերջին պահին իրավունք է ստացել մասնակցելու Կարլսբադի մրցաշարին, որտեղ նա մեկնարկային խաղում հաղթել է Վարվարա Լեպչենկոյին[61]։ Այնուհետև նա հաղթել է Սեսիլ Կարատանչևային և քառորդ եզրափակիչում առավելության հասել Ագնեշկա Ռադվանսկայի նկատմամբ։ Կիսաեզրափակիչում նա հաղթել է Վիրխինիա Ռազանոյին[62][63]։ Եզրափակիչում նրա մրցակցուհին Վիկտորիա Ազարենկան էր, ում հետ հանդիպումներում նա ուներ 0-8 հարաբերակցություն։ Այնուամենայնիվ, Ստոսուրը երկու սեթում հաղթել է Ազարենկային և 2011 թվականի ԱՄՆ բաց առաջնությունում հաղթանակից հետո առաջին տիրել է WTA մրցաշարի հաղթողի տիտղոսին[64][65]։

Ուիմբլդոնի մրցաշարում

ԱՄՆ բաց առաջնությունում, 11-րդ դասակարգված Ստոսուրը առաջին շրջանում պարտության է մատնվել որակավորման փուլը հաղթահարած, 296-րդ ռակետ Վիկտորիա Դյուվալի կողմից, երեք սեթում[66]։ Պարտությունը նշանակում էր, որ Ստոսուրը լքելու է համաշխարհային դասակարգման Թոփ 15-ը, ինչպես նաև, որ 2013 թվականի մրցաշրջանի ընթացքում նա չի կարողացել հասնել չորրորդ շրջան Մեծ Սաղավարտի ցանկացած մրցաշարում։

ԱՄՆ բաց առաջնությունից հետո Ստոսուրը մասնակցել է Տոկիոյի Toray Pan Pacific Open մրցաշարին, որտեղ առաջին շրջանում երեք սեթում հաղթել է Ալիզե Կորնեին[67][68]։ Այնուհետև նա հաղթել է 42-ամյա տեղական սիրեցյալ Կիմիկո Դատեին[69]։ Երրորդ շրջանում Ստոսուրը պարտվել է Լյուսիա Շաֆարժովային[70][71]։ Պեկինի China Open մրցաշարի առաջին շրջանում նա կրկին հանդիպել է Լյուսիա Շաֆարժովայի հետ և կրկին պարտություն է կրել երկու սեթում[72]։ 2013 թվականի ասիական մրցաշրջանի վերջին մրցաշարը նա խաղացել է Օսակայում։ Որպես 3-րդ դասակարգված, նա մրցաշարի առաջին շրջանում հաղթանակ է տարել Յոհաննա Լարսոնի նկատմամբ, իսկ այնուհետև հաղթել է կրտսեր տարիքի աշխարհի առաջին ռակետ Բելինդա Բենչիչին[73][74]։ Քառորդ եզրափակիչում Ստոսուրը երեք սեթում հաղթել է Միսակի Դոիին[75]։ Կիսաեզրափակիչում նրա մրցակցուհին երիտասարդ Մեդիսոն Կիսն էր, ով իր առաջին կիսաեզրափակիչ խաղն էր անց կացնում WTA մրցաշարում։ Սակայն Ստսուրը ոչ մի հույս չի թողել և Կիսին հաղթել է մեկ ժամվա ընթացքում[76]։ Ստոսուրը եզրափակիչում, 2 ժամ 13 րոպեի ընթացքում, առավելության է հասել Էժենի Բուշարի նկատմամբ և տիրացել կարիերայում իր 5-րդ WTA տիտղոսին։ Սա երկրորդ անգամ էր, որ Ստսուրը հաղթանակ է տարել Օսակայի մրցաշարում[77][78]։ Այնուհետև նա դուրս է եկել Մոսկվայի Կրեմլի գավաթի եզրափակիչ՝ քառորդ եզրափակիչում Անա Իվանովիչի և կիսաեզրափակիչում Սվետլանա Կուզնեցովայի նկատմամբ հաղթանակներից հետո։ Եզրափակիչում նա պարտվել է Սիմոնա Հալեպին։ Մրցաշրջանի վերջում Ստոսուրը բաժանվել է իր մարզիչ Դավիդ Թեյլորից և սկսել է համագործակցել Մայլս Մակլահանի հետ, ով նախկինում աշխատել էր Էնդի Մարրեյի և Լորա Ռոբսոնի հետ[79]։

2014 թվական. Խառը զուգախաղի երկրորդ տիտղոսը Ուիմբլդոնում

[խմբագրել | խմբագրել կոդը]

Ստոսուրը 2014 թվականի մրցաշարջանը սկսել է Հոպմանի գավաթում, Բեռնարդ Տոմիչի հետ համագործակցությամբ[80][81]։ Այնտեղ Ստոսուրն իր բոլոր երեք մենախաղերում պարտվել է Ագնեշկա Ռադվանսկայաին, Էժենի Բուշարին և Ֆլավիա Պենետային, իսկ այնուհետև ավստրալիական զույգը եզրափակիչ դուրս չի եկել[82]։ Այնուհետև նա խաղացել է Հոբարտի մրցաշարում՝ որոշելով վերջին հինգ տարվա ընթցաքում առաջին անվգամ չմասնակցել Բրիսբենի մրցաշարին։ Մրցաշարում Ստոսուրը վերին դասակարգվածն էր[83]։ Ստոսուրը կիսաեզրափակիչի ճանապարհին հաղթել է Մեդիսոն Բրենգլին, Կրիստինա Մլադենովիչին և 8-րդ դասակարգված Բոյանա Յովանովսկաին[84], իսկ կիսաեզրափակիչում երկու սեթում պարտություն է կրել Կլարա Զակոպալովայից։ Այնուհետև նա խաղացել է Ավստրալիայի բաց առաջնությունում, որտեղ առաջին շրջանում կրկին խաղացել է Կլարա Զակոպալովայի հետ և այս անգամ հաղթանակ է տարել երկու սեթում[85]։ Երկրորդ շրջանում նա երկու սեթում հաղթել է Բրիսբենի մրցաշարի հաղթող Ցվետանա Պիրոնկովային[86]։ Երրորդ շրջանում Ստոսուրը պարտություն է կրել 14-րդ դասակարգված Անա Իվանովիչից[87]։ Մրցաշարից հետո Ստոսուրը ուղևորվել է Հոբարտ՝ մասնակցելու 2014 թվականի Ֆեդերացիայի գավաթի Համաշխարհային խմբի խաղերին։ Ստոսուրը Ավստրալիայի հավաքականին օգնել է 4-0 հաշվով հաղթանակ տանել Ռուսաստանի հավաքականի նկատմամբ։ Ստոսուրը հաղթանակ է տարել երկու մենախաղերում՝ երկու սեթում առավելության հասնելով Վերոնիկա Կուդերմետովայի և Վիկտորիա Կանի նկատմամբ[88][89]։

Այնուհետև Ստոսուրը մրցակցել է Դոհայի մրցաշարում, որտեղ նա 12-րդ դասակարգվածն էր։ Առաջին շրջանում նա երկու սեթում հաղթանակ է տարել Մարինա Էրակովիչի նկատմամբ[90]։ Սակայն երկրորդ շրջանում պարտություն է կրել Յանա Չեպելովայից[91]։ Դուբայի մրցաշարում նա առաջին շրջանում երեք սեթում պարտվել է որակավորված Անիկա Բեկին[92]։ Այնուհետև նա խաղացել է BNP Paribas Open մրցաշարում, որտեղ առաջին շրջանում ազատ լինելուց հետո երկրորդում հաղթել է Ֆրանչեսկա Սկիավոնեին՝ երկու սեթում[93]։ Սակայն նա երրորդ շրջանում պարտվել է մեկ այլ իտալուհի Ֆլավիա Պենետային։ Դա Ստոսուրտ կարիերայում հինգերորդ պարտությունն էր Պենետային WTA մենախաղի մրցաշարերում[94]։ Մրցաշարից հետո Ստոսուրը անկում է ապրել մինչև թիվ 20 ռակետ վարկանիշին։ Ստոսուրը 16-րդ դասակարգվածն էր Մայամիի «Մասթերս» մրցաշարում, որտեղ նա առաջին շրջանում ազատ էր։ Այնուհետև նա երկրորդ շրջանում հաղթել է որակավորված Կիկի Բերտենսին, սակայն երրորդ շրջանում պերտվել է Կոկո Վանդևենգեին։ Մադրիդի Mutua Madrid Open մրցաշարում նա առաջին երկու շրջաններում Դոմինիկա Ցիբուլկովայի և Գարբինե Մուգուրուսայի նկատմամբ հաղթանակներից հետո, երրորդ շրջանում, երկու սեթում պարտվել է Մարիա Շարապովային։ Հռոմի «Մասթերս» մրցաշարի երրորդ շրջանում Ստոսուրը առաջին անգամ երկու սեթում պարտվել է Նա Լիին։ Ֆրանսիայի բաց առաջնությունում Ստոսուրը հասել է մինչև չորրորդ շրջան, որտեղ առաջին սեթում հաղթելուց հետո և երկրորդ սեթում 4-3 հաշվով շահելու ժամանակ կորցրել է խաղի նկատմամբ վերահսկողությունը և զիջել հաջորդ ինը գեյմերը և պարտություն կրել Մարիա Շարապովայից[95]։

Ուիմբլդոնի մրցաշարից տաս օր առաջ նա դադարեցրել է համագործակցությունը մարզիչ Մայլս Մակլահանի հետ, հայտարարելով, որ ինքը զգում էր, որ «փոփոխություններն անհրաժեշտ էին»[96][97]։ Մրցաշարի առաջին շրջանում Ստոսուրը երկու սեթում պարտություն է կրել Յանինա Վիկմայերից։ Սակայն խառը զուգախաղում, Նենադ Զիմոնիչի հետ միասին, նրանք տիրել են մրցաշարի հաղթողի տիտղոսին։ Եզրափակիչի ճանապարհին նրանք ընդամենը մեկ սեթ են զիջել երրորդ շրջանում, իսկ եզրափակիչում երկու սեթում առավելության են հասել Չժան Հաոցինի և Մաքսիմ Միրնիի նկատմամբ։ Այնուհետև Ստոսուրը ուղևորվել է Սթենֆորդ, որտեղ նա առաջին շրջանում զիջել է որակավորված Նաոմի Օսակային։ Հաջորդ մրցաշարը եղել է Rogers Cup-ը, որտեղ նա առաջին շրջանում հանդիպել է ևս մեկ որակավորված թենիսիտուհի Մոնիկա Պյուգի հետ և հաղթանակ տանել երկու սեթում։ Սակայն երկրորդ շրջանում նա հանդիպել է վերին դասակարգված Սերենա Ուիլյամսի հետ և պարտություն կրել երկու սեթում։

Ցինցինատիի մրցաշարում նա կրկին երկրորդ սեթում պարտվել է կրկին Սերենա Ուիլյամսին։ Նյու Հեյվենի մրցաշարում նա հասել է մինչև կնսաեզրափակիչ, որտեղ պարտություն է կրել Պետրա Կվիտովայից։ ԱՄՆ բաց առաջնությունում Ստոսուրը 24-րդ դասակարգվածն էր և առաջին շրջանում Լոուրեն Դևիսին հաղթելուց հետո երկրորդ շրջանում երեք սեթում պարտվել է Կայա Կանեպիին։

Հաջորդ երկու մրցաշարերը Ստոսուրի համար բավականին արդյունավետ են եղել։ Նախ նա մասնակցել է Պեկինի խոշոր մրցաշարին և առաջին շրջանում հաղթել Ֆրանչեսկա Սկիավոնեին։ Երկրորդ և երրորդ շրջաններում նա պայքարից դուրս է թողել մրցաշարի 6-րդ դասակարգված Կարոլին Վոզնյացկիին և Ալիզե Կորնեին։ Քառորդ եզրափակիչում նրա հակառակորդը մրցաշարի վերին դասակարգված և աշխարհի թիվ 1 ռակետ Սերենա Ուիլյամսն էր, ում նկատմամբ նա վերջին անգամ հաղթանակ էր տարել 2011 թվականի ԱՄՆ բաց առաջնության եզրափակիչում, այնուհետև պարտություն կրելով հետագա չորս հանդիպումներում։ Այս անգամ նա Ուիլյամսի արգելքը հաղթահարել է առանց խաղի՝ Սերենայի վնասվածքի պատճառով, և դուրս եկել մրցաշարի կիսաեզրափակիչ։ Կիսաեզրափակիչում նա պարտություն է կրել 3-րդ դասակարգված Պետրա Կվիտովայից։ Հաջորդ և մրցաշրջանի վերջին մրցաշարը եղել է հոկտեմբերին Օսակայում, որտեղ նա վերին դաակարգվածն էր և զարգացրել է նախորդ մրցաշարի հաջողությունը և հասել մրցաշարի հաղթողի տիտղոսին՝ կիսաեզրափակիչ և եզրափակիչ փուլերում առավելության հասնելով 3-րդ դասակարգված Էլինա Սվիտոլինայի և 5-րդ դասակարգված Զարինա Դիյասի նկատմամբ։

2015 թվական. Կարիերայի 500-րդ հաղթանակը

[խմբագրել | խմբագրել կոդը]

2015 թվականի մրցաշրջանի նրա առաջին մրցաշարը եղել է Բրիսբենի Brisbane International-ը, որտեղ նա առաջին շրջանում պարտվել է Վարվարա Լեպչենկոյին, չնայած որոշիչ սեթում 5-1 հաշվով առավելությանը։ Սիդնեյում նա հասել է երկրորդ շրջան, որտեղ պարտություն է կրել Բարբորա Ստրիցովայից։ Այնուհետև Ստոսուրը խաղացել է Ավստրալիայի բաց առաջնությունում, որպես 20-րդ դասակարգված։ Առաջին շրջանում նա հաղթել է Մոնիկա Նիկուլեսկուին, սակայն երկրորդ շրջանում պարտվել է Կոկո Վանդևենգեին։

Փետրվարին Ստոսուրը Ավստրալիան էր ներկայացնում Գերմանիայի հավաքականի դեմ Ֆեդերացիայի գավաթի խաղում։ Նա պարտվել է մենախաղի երկու հանդիպումներում՝ զիջելով Անդրեա Պետկովիչին և Անժելիկա Քերբերին։ Այնուհետև նա մասնակցել է Դուբայի մրցաշարին, որտեղ երկրորդ շրջանում պարտվել է 3-րդ դասակարգված Կարոլին Վոզնյացկիին։ Դոհայի մրցաշարում նա առաջին շրջանում պարտվել է մրցաշարի ապագա հաղթող Լյուսիա Շաֆարժովային։ Ինդիան Ուելսում Ստոսուրը հասել է երրորդ շրջան, որտեղ պարտվել է Ֆլավիա Պենետային։ Մրցաշարի զուգախաղում նա միավորվել է Լիզա Ռեյմոնդի հետ և հասել մինչև կիսաեզրափակիչ, որտեղ զիջել են Մարտինա Հինգիս-Սանիա Միրզա զույգին։ Մայամիի մրցաշարում նա նույնպես հասել է երրորդ շրջան և պարտություն կրել Վենուս Ուիլյամսից։

Ստոսուրը գրունտային շրջանը սկսել է Չարլստոնի մրցաշարում, որտեղ նա դասակարգված էր 9-րդ համարի տակ և երկրորդ շրջանում պարտվել է Լարա Արաուբարենային։ Հաջորդ մրցաշարը եղել է Մադրիդի Premier Mandatory մրցաշարը, որտեղ նա առաջին շրջանում հաղթել է աշխարհի թիվ 12 ռակետ և մրցաշարի 12-րդ դասակարգված Անժելիկա Քերբերին։ Այնուհետև նա երկրորդ շրջանում երկու սեթում հաղթել է Կայա Կանեպիին։ Երրորդ շրջանում նա պարտվել է Սվետլանա Կուզնեցովային։ Հռոմի մրցաշարում նա առաջին իսկ շրջանում պարտվել է Անաստասիա Պավլյուչենկովային։ Ստրասբուրգի մրցաշարին մասնակցելու իրավունք նվաճելուց հետո, որտեղ նա դասակարգվել էր 3-րդ համարի տակ, նա առաջին շրջանում երկու սեթում հաղթել է Մոնիկա Պուիգին։ Առանց խաղի նա հաղթահարել է երկրորդ շրջանը՝ հաղթանակ գրանցելով Լեսյա Ցուրենկոյի նկատմամբ։ Քառորդ եզրափակիչում և կիսաեզրափակիչում նա առավելության է հասել Այլա Տոմլյանովիչի և Սլոան Սթիվենսի նկատմամբ և դուրս եկել եզրափակիչ։ Այնտեղ նա բախվել է ֆրանսուհի Կրիստինա Մլադենովիչի հետ և նրա նկատմամբ առավելության հասել երեք սեթում, տիրելով մենախաղի կարիերայում իր 7-րդ տիտղոսին և առաջինին կարմիր գրունտի վրա։ Ֆրանսիայի բաց առաջնությանը նա մասնակցել է որպես 26-րդ դասակարգված և առաջին երկու շրջաններում Մեդիսոն Բրենգլի և Ամանդին Հեսեի նկատմամբ հաղթանակներից հետո, երրորդ շրջանում պարտվել է Մարիա Շարապովային[98]՝ կրելով 15-րդ պարտությունը Շարապովայից, 2 հաղթանակի դեպքում։

Խոտածածկի մրցաշրջանը Ստոսուրը սկսել է Իսթբորնի կորտերում, որտեղ նա 16-րդ դասակարգվածն էր և մրցաշարին հրաժեշտ է տվել երկրորդ շրջանում՝ երկու սեթում պարտվելով Ցվետանա Պիրոնկովային։ Այնուհետև Ստոսուրը խաղացել է Ուիմբլդոնի մրցաշարում, որտեղ նա առաջին երկու շրջաններում հաղթել է Դանկա Կովինիչին և Ուրսուլա Ռադվանսկային, իսկ երրորդ շրջանում երկու սեթում պարտություն է կրել Կոկո Վանդևենգեից։ Նա նաև մասնակցություն է ունեցել կանանց զուգախաղի մրցաշարին՝ Դանիելա Հանտուխովայի հետ, սակայն երկրորդ շրջանում պարտվել են Քեյսի Դելակուա-Յարոսլավա Շվեդովա զույգին։

Ստոսուրը Ստոկհոլմի մրցաշարին մասնակցել է որպես 2-րդ դասակարգված։ Նա երկրորդ շրջանում դուրս է մնացել մրցաշարից՝ պարտվելով Լարա Արաուբարենային։ Այնուհետև նա մասնակցել է Gastein Ladies մրցաշարին՝ կրկին որպես 2-րդ դասակարգված։ Նա հաջորդաբար հաղթանակներ է տարել Անաստասիա Սևաստովայի, Կլարա Կոուկալովայի, Դանկա Կովինիչի նկատմամբ և դուրս եկել կիսաեզրափակիչ։ Այնտեղ Ստոսուրը երկու սեթում հաղթանակ է տարել 7-րդ դասակարգված Աննա Կարոլինա Շմիդլովայի նկատմամբ։ Եզրափակիչում նա երեք սեթում առավելության է հասել 3-րդ դասակարգված Կարին Կնապի նկատմամբ և 2015 թվականի մրցաշրջանի ընթացքում նվաճել իր երկրորդ տիտղոսը։

Ստոսուրը հարդի շրջանը սկսել է Վաշիգտոնի մրցաշարում ելույթներով, որտեղ նա Կրիստինա Մլադենովիչի, Իրինա Ֆալկոնեի և Մոնիկա Նիկուլեսկուի նկատմամբ հաղթանակներից հետո դուրս է եկել կիսաեզրափակիչ, սակայն այնտեղ պարտվել է Սլոան Սթիվենսին։ Այնուհետև Ստոսուրը Դարյա Գավրիլովային պարտվել է Rogers Cup մրցաշարի առաջին շրջանում։ Դրանից հետո նա կրկին առաջին շրջանում պարտվել է Թիմեա Բաբոշին Ցինցինատիի Western & Southern Open մրցաշարում։ 2015 թվականի ԱՄՆ բաց առաջնությունում Ստոսուրը 2012 թվականից ի վեր առաջին անգամ հասել է մրցաշարի չորրորդ շրջան։ Առաջին շրջանում նա վրեժխնդիր է եղել Թիմեա Բաբոշին։ Այնուհետև նա հաղթել է Եվգենիա Ռոդինային և 16-րդ դասակարգված Սառա Էրանիին։ Սակայն նա չորրորդ շրջանում պարտվել է 26-րդ դասակարգված և վերջնական արդյունքում մրցաշարի հաղթող Ֆլավիա Պենետային։

Այնուհետև նա տեղափոխվել է ասիական մայրցամաք, սակայն այնտեղ հարդի վրա մրցաշարերը նրան հաջողություն չեն բերել։ Նա Տոկիոյի մրցաշարից դուրս է մնացել երկրորդ շրջանում, պարտվելով Բելինդա Բենչիչին, Ուհանի մրցաշարում նա առաջին շրջանում զիջել է Միրյանա Լուչիչ Բարոնին։ Պեկինի մրցաշարը կրկին ավարտվել է երկրորդ շրջանում՝ Անդրեա Պետկովիչից պարտությամբ։ Հոնգկոնգի մրցաշարում նա հասել է մինչև կիսաեզրափակիչ, որտեղ երկու սեթում պարտվել է 2-րդ դասակագված և մրցաշարի ապագա հաղթող Անժելիկա Քերբերին։

2016 թվական. Վերադարձ Մեծ Սաղավարտի մրցաշարի կիսաեզրափակիչ

[խմբագրել | խմբագրել կոդը]

Ստոսուրը 2016 թվականի մրցաշրջանը սկսել է Բրիսբենի մրցաշարում, որտեղ նա իր մեկնարկային խաղում հաղթանակ է տարել որակավորված Յանա Չեպելովայի նկատմամբ, սակայն երկրորդ շրջանում պարտություն է կրել 6-րդ դասակարգված Կարլա Սուարես Նավարոյից։ Այնուհետև նա հասել է Սիդնեյի մրցաշարի քառորդ եզրափակիչ՝ հաղթանակներ տանելով Ռոբերտա Վինչիի և Դանիելա Հանտուխովայի նկատմամբ։ Քառորդ եզրափակիչում նա պարտվել է Մոնիկա Պուիգին։ Ավստրալիայի բաց առաջնության առաջին շրջանում նա երկու սեթում պարտություն է կրել Կրիստինա Պլիշկովայից։

Փետրվարին նա պարտություն է կրել Ֆեդերացիայի գավաթի Համաշխարհային II խմբի մենախաղի երկու հանդիպումներում՝ զիջելով սլովակներ Յանա Չեպելովային և Աննա Կարոլինա Շմիդլովային։

Հյուսիսամերիկյան հարդային մրցաշարերում Ստոսուրը հասել է Ինդիանա Ուելսի մրցաշարի չորրորդ շրջան՝ Յանինա Վիկմայերի և Քրիստինա ՄակՀեյլի նկատմամբ հաղթանակներից հետո։ Այնուհետև նա պարտություն է կրել Վիկտորիա Ազարենկայից։ Նա Մայամիի մրցաշարի մեկնարկային խաղում երեք սեթում պարտվել է Յուլիա Գյորգեսին։

Սամանտա Ստոսուրը Ուիմբլդոնի մրցաշարում

Գրունտային մրցաշրջանը սկսել է Չարլստոնում, որտեղ քառորդ եզրափակիչում երկու սեթում պարտվել է Սառա Էրանիին։ Չնայած Բրիսբենում Ֆեդերացիայի գավաթի Համաշխարհային խմբի փլեյ-օֆֆ փուլում Քրիստինա ՄակՀեյլից և Կոկո Վանդևենգեից կրած պարտություններին, Ստոսուրը Պրահայի մրցաշարում կարողացել է վերականգնվել և հասնել մրցաշարի եզրափակիչ, որտեղ երկու սեթում պարտվել է 2-րդ դասակարգված Լյուսիա Շաֆարժովային[99]։ Լավ մարզավիճակը պահպանվել է նաև Մադրիդի մրցաշարում, որտեղ նա հասել է մինչև կիսաեզրափակիչ, այնտեղ պարտվելով Սիմոնա Հալեպին։ Այնուհետև նա հաղթել է Էլիսոն Ռիսկեի դեմ մեկնարկային խաղը Հռոմի «Մասթերս»ում։ Սակայն երկրորդ շրջանում նա պարտվել է Սվետլանա Կուզնեցովային։ Ստրասբուրգի մրցաշարի առաջին երկու շրջաններում նա հաղթանակներ է տարել երկու սեթում, սակայն քառորդ եզրափակիչի Կարոլին Գարսիայի հետ հանդիպումից նա հրաժարվել է դաստակի վնասվածքի պատճառով։ Ֆրանսիայի բաց առաջնությունում Ստոսուրը հաղթանակներ է տարել Միսակի Դոիի և Չժան Շուայի նկատմամբ։ Այնուհետև նա առավելության է հասել 2015 թվականի մրցաշարի եզրափակիչի մասնակից և 11-րդ դասակարգված Լյուսիա Շաֆարժովայի նկատմամբ և հինգերորդ անգամ հասել է մրցաշարի չորրորդ շրջան։ Անձրևի պատճառով 3 օր տևած խաղում Ստոսուրը առաջին սեթում 3-5 հաշվի պայմաններում վերագտել է խաղը և հաղթանակ տարել 6-րդ դասակարգված Սիմոնա Հալեպի նկատմամբ՝ 7-6(0), 6-3, և 2012 թվականի ԱՄՆ բաց առաջնությունից հետո առաջին անգամ հասել Մեծ Սաղավարտի մրցաշարի քառորդ եզրափակիչ։ Քառորդ եզրափակիչում նա համառ պայքարում կարողացել է հաղթանակ տանել Ցվետանա Պիրոնկովայի նկատմամբ՝ 6-4, 7-6(6)։ Կիսաեզրափակիչում նա խաղացել է աշխարհի թիվ 4 ռակետ Գարբինե Մուգուրուսայի հետ և պարտություն կրել երկու սեթում[100]։ Այդ արդյունքները Ստոսուրին թույլ են տվել վերադառնալ ուժեղագույն թենիսիստուհիների լավագույն Թոփ 15։

Այնուհետև նա մասնակցել է Իսթբորնի խոտածածկի մրցաշարին, որտեղ երկրորդ շրջանում պարտվել է Կարոլին Վոզնյացկիին։ Ուիմբլդոնի մրցաշարում նա առաջին շրջանում հաղթել է Մագդա Լինետին, սակայն երկրորդ շրջանում երկու սեթում պարտվել է Սաբինա Լիսիցկիին։

Տեղափոխվելով ամերիկյան մայրցամաք, Ստուսորը Վաշինգտոնի մրցաշարում դասակարգվել է 1-ին համարի տակ և առաջին երկու շրջաններում հաղթել Ալլա Կուդրյավցևային և Կարոլին Վոզնյացկիին։ Երրորդ շրջանում նա անսպասելիորեն, երկու սեթում, պարտվել է աշխարհի 173-րդ ռակետ Ջեսիկա Պեգուլային։ Մոնրեալի մրցաշարում նա երկրորդ շրջանում երկու սեթում պարտվել է Դարյա Կասատկինային։

Ռիո դե Ժանեյրոյի Օլիմպիական խաղերում նա առաջին շրջանում հաղթել է Ելենա Օստապենկոյին։ Երկրորդ շրջանում նա պայքարից դուրս է թողել Միսակի Դոիին, սակայն երրորդ շրջանում ստիպված է եղել անձամբ լքել մրցաշարը՝ երկու սեթում պարտվելով Անժելիկա Քերբերին։ Ցինցինատիի մրցաշարում, որտեղ նա 14-րդ դասակարգվածն էր, երկրորդ շրջանում պարտվել է Բարբորա Ստրիցովային։ Մրցաշարից հետո Ստոսուրը դասակարգման աղյուսակում իջել է 17-րդ հորիզոնական։

ԱՄՆ բաց առաջնությունում Ստոսուրը 16-րդ դասակարգվածն էր։ Առաջին շրջանում նա երեք սեթում հաղթել է Կամիլա Ջորջիին, սակայն երկրորդ շրջանում երկու սեթում պարտություն է կրել Չժան Շուայից։ Զուգախաղի մրցաշարում նա համագործակցել է նույն Չժան Շուայի հետ և առաջին շրջանում երեք սեթում հաղթել են Ելենա Յանկովիչ-Քսենիա Կնոլ զույգին։ Երկրորդ շրջանում նրանք համառ պայքարում զիջել են 5-րդ դասակարգված Եկատերինա Մակարովա-Ելենա Վեսնինա զույգին։

Ուհանի մրցաշարում նա 16-րդ դասկարգվածն էր, սակայն առաջին իսկ շրջանում պարտվել է Կարոլին Վոզնյացկիին։ Հոկտեմբերի սկզբին Պեկինի մրցաշարում նա նույնպես առաջին շրջանում լքել է մրցաշարը, երկու սեթում պարտվելով չինուհի Չժան Շուային։ Առաջին շրջանում են ավարտել ելույթները նաև Հոնգկոնգի մրցաշարում, պարտվելով Նաո Հիբինոյին։

Հանդերձանք և մարզագույք

[խմբագրել | խմբագրել կոդը]

Ստոսուրը կրում է ASICS մարզահագուստ և օգտագործում է Babolat ռակետ, նա նաև կրում է Oakley ակնոցներ։

Մրցակցություն

[խմբագրել | խմբագրել կոդը]

Ստոսուրն ընդդեմ Սերենա Ուիլյամսի

[խմբագրել | խմբագրել կոդը]

Սամանտա Ստոսուրի և Սերենա Ուիլյամսի միջև կայացած հանդիպումների արդյունքում Ուիլյամսը առաջելություն ունի 8-3 հաշվով։ Նրանց առաջին հանդիպում կայացել է 2008 թվականի Պեկինի Օլիմպիական խաղերի ժամանակ, երկրորդ շրջանում, երբ Ուիլյամսը թիվ 4 ռակետն էր և հաղթանակ է տարել 6-2, 6-0 հաշվով։ Սակայն Ստոսուրը հաղթանակ է տարել իր համար կարևորագույն հանդիպման ժամանակ՝ 2011 թվականի ԱՄՆ բաց առաջնության եզրափակիչում, չնայած Ուիլամսը համարվում էր ակնհայտ հավակնորդ՝ 6-2, 6-3։ Ուիլյամսը վրեժխնդիր է եղել 2012 թվականի Մայամիի «Մասթերս» մրցաշարում, որտեղ նա Ստոսորին հաղթել է 7-5, 6-3 հաշվով։ Այնուհետև նրանք հանդիպել են մեկ շաբաթ անց 2012 թվականի Չարլստոնի մրցաշարում, որտեղ Ուիլյամսը կրկին հաղթանակ է տարել՝ 6-1, 6-1։

Երկու թենիսիստուհիներն էլ որոշ խաղերում առավելություն են ունեցել, սակայն վերջնական արդյունքում պարտություն են կրել։ 2009 թվականի Սիդնեյի մրցաշարում Ստոսուրին չորս միավոր էր բաժանում հաղթանակից, սակայն վերջնական արդյունքում նա պարտություն է կրել։ Այլ օրինակ է հանդիսանում 2010 թվականի Ֆրանսիայի բաց առաջնությունը, որտեղ Ուիլյամսը մաթչ-փոինթ ուներ, սակայն Ստոսուրը հաղթանակ է տարել։

Երկու անգամ Ստոսուրը Ուիլյամսի նկատմամբ առավելության է հասել առանց խաղի՝ 2011 թվականի Ցինցինատիի մրցաշարում և 2014 թվականի Պեկինի մրցաշարում։

Ստոսուրն ընդդեմ Սկիավոնեի

[խմբագրել | խմբագրել կոդը]

Սամանտա Ստոսուրը և Ֆրանչեկա Սկիավոնեն միմյանց հետ պանդիպել են 13 անգամ և Ստոսուրը առավելություն ունի 9-4 հաշվով։ Նրանց միջև կայացած կորևոր հանդիպումների շարքին են դասվում 2009 թվականի Օսակայի HP Open մրցաշարի եզրափակիչը, որտեղ Ստոսուրը շահել է WTA կանանց մենախաղի մրցաշարի առաջին տիտղոսը, և 2010 թվականի Ֆրանսիայի բաց առաջնության եզրափակիչը։ Դա երկու թենիսիստուհիների առաջին Մեծ Սաղավարտի մրցաշարի եզրափակիչն էր կարիերայում և Սկիավոնեն հաղթանակ է տարել։

Ստոսուրն ընդդեմ Զվոնարյովայի

[խմբագրել | խմբագրել կոդը]

Սամանտա Ստոսուրի և Վերա Զվոնարյովայի միջև կայացած 10 հանդիպումների արդյունքում Ստոսուրն առավելություն ունի 8-2 հաշվով։ Առաջին երկու հանդիպումներում Զվոնարյովան հաղթանակ է տարել, որից հետո Ստոսուրը շահել է հաջորդ ութ հանդիպումները, այդ թվում 2010 թվականի Չարլստոնի Family Circle Cup մրցաշարի եզրափակիչը և 2011 թվականի ԱՄՆ բաց առաջնության քառորդ եզրափակիչի հանդիպումը։

Ստոսուրն ընդդեմ Շարապովայի

[խմբագրել | խմբագրել կոդը]

Սամանտա Ստոսուրի և Մարիա Շարապովայի միջև կայացած 17 հանդիպումների արդյունքում Շարապովան ակնհայտ առավելություն ունի՝ 15-2։ Շարապովան հաղթանակ է տարել առաջին ինը հանդիպումներում։ Այնուհետև Ստոսուրը հաղթել է 2011 թվականի WTA Ամփոփիչ մրցաշարի խմբային փուլում։ Եվս մեկ հաղթանակ Ստոսուրը տարել է 2012 թվականի Տոկիոյի մրցաշարի քառորդ եզրափակիչում։ Այնուհետև Շարապովան առավելության է հասել հաջորդ հինգ հանդիպումներում անընդմեջ, որոնցից երկուսը 2014 և 2015 թվականների Ֆրանսիայի բաց առաջնություններում։

Ստոսուրն ընդդեմ Լիի

[խմբագրել | խմբագրել կոդը]

Սամանտա Ստոսուրի և Նա Լիի միջև կայացած 7 հանդիպումների արդյունքում Ստոսուրը առավելություն ունի 6-1 հաշվով։ Ստոսուրը հաղթանակ է տարել առաջին վեց հանդիպումներում, դրանցից հինգը երկու սեթում, այդ թվում 2011 թվականի WTA Ամփոփիչ մրցաշարում, բացահայտ առավելությամբ՝ 6-1, 6-0։ Միակ պարտությունը գրանցվել է 2014 թվականի Հռոմի մրցաշարի երրորդ շրջանում։

Ստոսուրն ընդդեմ Շաֆարժովայի

[խմբագրել | խմբագրել կոդը]

Սամանտա Ստոսուրի և Լյուսիա Շաֆարժովայի միջև կայացած 15 հանդիպումների արդյունքում առավելությունը չեխ թենիսիստուհու կողմն է՝ 4-11։ Նրանց առաջին հանդիպումը տեղի է ունեցել 2006 թվականին Չարլստոնի մրցաշարում, որտեղ Շաֆարժովան հաղթանակ է տարել 5-7, 6-1, 6-4 հաշվով։ Շաֆարժովայի հաջորդ երկու հաղթանակներից հետո Ստոսուրը հաղթել է նրանց միջև կայացած չորրորդ հանդիպումում՝ Մայամիի մրցաշարում, իսկ այնուհետև նաև Դուբայում։ Դրանից հետո Շաֆարժովան երկու հաղթանակ է տարել թայ-բրեյքներում՝ Մոնրեալում և Օստրավայում, 2013 թվականի Ֆեդերացիայի գավաթի շրջանակներում։ Շաֆարժովան ևս երեք անգամ հաղթանակ է տարել 2013 թվականի ընթացքում՝ Իսթբուրնում, Տոկիոյում և Պեկինում։ 2014 թվականի ընթացքում նրանք հանդիպել են Չարլստոնի մրցաշարի երրորդ շրջանում, որտեղ Շաֆարժովան կրկին հաղթել է, սակայն 2015 թվականին Ստոսուրը Սիդնեյում հաղթել է երեք սեթում, բայց Շաֆարժովան ռևանշ է վերցրել Դոհայի մցաշարում։ Նրանք կրկին հանդիպել են 2016 թվականի Պրահայի մրցաշարի եզրափակիչում, որում Շաֆարժովան հաղթանակ է տարել երեք սեթում։ Այնուհետև Ստոսուրը հաղթանակ է տոնել 2016 թվականի Ֆրանսիայի բաց առաջնությունում՝ երեք սեթում։

Կարիերայի վիճակագրություն

[խմբագրել | խմբագրել կոդը]
Հիմնական հոդված՝ Սամանտա Ստոսուրի կարիերայի վիճակագրություն

Մեծ Սաղավարտի մրցաշարերի եզրափակիչներ

[խմբագրել | խմբագրել կոդը]

Մենախաղ 2 (1–1)

[խմբագրել | խմբագրել կոդը]
Արդյունք Թվական Մրցաշար Ծածկույթ Մրցակից Հաշիվ
Պարտություն 2010 Ֆրանսիայի բաց առաջնություն Գրունտ Իտալիա Ֆրանչեսկա Սկիավոնե 4–6, 6–7(2–7)[101]
Հաղթանակ 2011 ԱՄՆ բաց առաջնություն Հարդ Ամերիկայի Միացյալ Նահանգներ Սերենա Ուիլյամս 6–2, 6–3[19]

Զուգախաղ 7 (2 տիտղոս, 5 պարտություն)

[խմբագրել | խմբագրել կոդը]
Արդյունք Թվական Մրցաշար Ծածկույթ Խաղընկեր Մրցակիցներ Հաշիվ
Հաղթանակ 2005[102] ԱՄՆ բաց առաջնություն Հարդ Ամերիկայի Միացյալ Նահանգներ Լիզա Ռեյմոնդ Ռուսաստան Ելենա Դեմենտևա
Իտալիա Ֆլավիա Պենետա 		6–2, 5–7, 6–3
Պարտություն 2006[103] Ավստրալիայի բաց առաջնություն Հարդ Ամերիկայի Միացյալ Նահանգներ Լիզա Ռեյմոնդ Չինաստանի Ժողովրդական Հանրապետություն Յան Ցզի
Չինաստանի Ժողովրդական Հանրապետություն Չժեն Ցզե 		6–2, 6–7(7–9), 3–6
Հաղթանակ 2006[104] Ֆրանսիայի բաց առաջնություն Գրունտ Ամերիկայի Միացյալ Նահանգներ Լիզա Ռեյմոնդ Սլովակիա Դանիելա Հանտուխովա
Ճապոնիա Աի Սուգիյամա 		6–3, 6–2
Պարտություն 2008[105] Ուիմբլդոն Խոտածածկ Ամերիկայի Միացյալ Նահանգներ Լիզա Ռեյմոնդ Ամերիկայի Միացյալ Նահանգներ Սերենա Ուիլյամս
Ամերիկայի Միացյալ Նահանգներ Վենուս Ուիլյամս 		2–6, 2–6
Պարտություն 2008[106] ԱՄՆ բաց առաջնություն Հարդ Ամերիկայի Միացյալ Նահանգներ Լիզա Ռեյմոնդ Զիմբաբվե Կարա Բլեյք
Ամերիկայի Միացյալ Նահանգներ Լիզել Հուբեր 		3–6, 6–7(6–8)
Պարտություն 2009[107] Ուիմբլդոն Խոտածածկ Ավստրալիա Ռենե Ստաբս Ամերիկայի Միացյալ Նահանգներ Սերենա Ուիլյամս
Ամերիկայի Միացյալ Նահանգներ Վենուս Ուիլյամս 		6–7(4–7), 4–6
Պարտություն 2011 Ուիմբլդոն Խոտածածկ Գերմանիա Սաբինա Լիսիցկի Չեխիա Կվետա Պեշկե
Սլովենիա Կատարինա Սրեբոտնիկ 		3–6, 1–6

Խառը զուգախաղ 3 (3 տիտղոս)

[խմբագրել | խմբագրել կոդը]
Արդյունք Թվական Մրցաշար Ծածկույթ Խաղընկեր Մրցակիցներ Հաշիվ
Հաղթանակ 2005[108] Ավստրալիայի բաց առաջնություն Հարդ Ավստրալիա Սքոթ Դրեյպեր Հարավաֆրիկյան Հանրապետություն Լիզել Հուբեր
Զիմբաբվե Քևին Ուլետ 		6–2, 2–6, 7–6(8–6)
Հաղթանակ 2008[109] Ուիմբլդոն Խոտածածկ Ամերիկայի Միացյալ Նահանգներ Բոբ Բրայան Սլովենիա Կատարինա Սրեբոտնիկ
Ամերիկայի Միացյալ Նահանգներ Մայք Բրայան 		7–5, 6–4
Հաղթանակ 2014 Ուիմբլդոն Խոտածածկ Սերբիա Նենադ Զիմոնիչ Բելառուս Մաքսիմ Միրնի
Չժան Հաոցին 		6–4, 6–2

Մեծ Սաղավարտի մրցաշարերի մասնակցության վիճակագրություն

[խմբագրել | խմբագրել կոդը]

Մենախաղի մրցաշարերի վիճակագրություն

[խմբագրել | խմբագրել կոդը]
Մրցաշար 2002 2003 2004 2005 2006 2007 2008 2009 2010 2011 2012 2013 2014 2015 2016 Հ–Պ
Մեծ Սաղավարտի մրցաշարեր
Ավստրալիայի բաց առաջնություն 1 շրջան 3 շրջան 2 շրջան 1 շրջան 4 շրջան 2 շրջան ՉՄ 3 շրջան 4 շրջան 3 շրջան 1 շրջան 2 շրջան 3 շրջան 2 շրջան 1 շրջան 18–14
Ֆրանսիայի բաց առաջնություն ՉՄ ՉՄ 1 շրջան 2 շրջան 1 շրջան 3 շրջան 2 շրջան 1/2 Ե 3 շրջան 1/2 3 շրջան 4 շրջան 3 շրջան 1/2 34–13
Ուիմբլդոն ՉՄ 1 շրջան 1 շրջան 1 շրջան 2 շրջան 2 շրջան 2 շրջան 3 շրջան 1 շրջան 1 շրջան 2 շրջան 3 շրջան 1 շրջան 3 շրջան 2 շրջան 11–14
ԱՄՆ բաց առաջնություն ՉՄ ՉՄ 2 շրջան 1 շրջան 1 շրջան 1 շրջան 1 շրջան 2 շրջան 1/4 Հ 1/4 1 շրջան 2 շրջան 4 շրջան 2 շրջան 22–12
Հ–Պ 0–1 2–2 2–4 1–4 4–4 4–4 2–3 10–4 13–4 11–3 10–4 5–4 6–4 8–4 7–4 85–53

Զուգախաղի մրցաշարերի վիճակագրություն

[խմբագրել | խմբագրել կոդը]
Մրցաշար 2002 2003 2004 2005 2006 2007 2008 2009 2010 2011 2012 2013 2014 2015 2016 Հ–Պ
Մեծ Սաղավարտի մրցաշարեր
Ավստրալիայի բաց առաջնություն 1 շրջան 1 շրջան 2 շրջան 2 շրջան Ե 1/2 ՉՄ 3 շրջան 1 շրջան ՉՄ ՉՄ 2 շրջան 2 շրջան 3 շրջան 2 շրջան 18–12
Ֆրանսիայի բաց առաջնություն ՉՄ ՉՄ 3 շրջան 3 շրջան Հ 1/2 3 շրջան 3 շրջան 3 շրջան ՉՄ 1 շրջան 3 շրջան 1 շրջան 3 շրջան 1 շրջան 24–11
Ուիմբլդոն ՉՄ 2 շրջան 2 շրջան 1/2 3 շրջան 1/2 Ե Ե 3 շրջան Ե 2 շրջան 1 շրջան 3 շրջան 2 շրջան ՉՄ 32–12
ԱՄՆ բաց առաջնություն ՉՄ 2 շրջան 3 շրջան Հ 1/2 3 շրջան Ե 1/2 ՉՄ 1 շրջան ՉՄ 2 շրջան ՉՄ 1 շրջան 2 շրջան 26–9
Հ–Պ 0–1 2–3 6–4 13–3 17–3 14–4 12–3 13–4 4–3 5–2 1–2 4–4 1–2 5–4 2–3 94–41

Ծանոթագրություններ

[խմբագրել | խմբագրել կոդը]
  1. ↑ «Samantha Stosur». tennisexplorer.com. Վերցված է 2014 թ․ հունվարի 21-ին.
  2. ↑ 2,0 2,1 2,2 2,3 2,4 WTA կայքէջ
  3. ↑ Internet Movie Database — 1990.
  4. ↑ «Samantha Stosur». Վերցված է 2013 թ․ հունիսի 5-ին.
  5. ↑ «Samantha Stosur wins US Open: blow-by-blow blog». Վերցված է 2013 թ․ հունիսի 5-ին.
  6. ↑ 6,0 6,1 6,2 «Bio – Sam's story». Արխիվացված է օրիգինալից 2008 թ․ սեպտեմբերի 12-ին. Վերցված է 2008 թ․ սեպտեմբերի 30-ին.
  7. ↑ «Samantha Stosur Interview – French Open, June 4». Tennis-X. 2010 թ․ հունիսի 4. Արխիվացված օրիգինալից 2010 թ․ հուլիսի 12-ին. Վերցված է 2016 թ․ օգոստոսի 24-ին. «Well, my grandfather is Polish, and it's a Polish name.»
  8. ↑ Halloran, Jessica (2006 թ․ հունվարի 21). «Play it again, Sam». The Sydney Morning Herald. Վերցված է 2008 թ․ սեպտեմբերի 30-ին.
  9. ↑ Hawkins, Joanne (2007 թ․ հունվարի 14). «Court of appeal». The Sunday Telegraph. Արխիվացված է օրիգինալից 2012 թ․ դեկտեմբերի 6-ին. Վերցված է 2008 թ․ սեպտեմբերի 30-ին.
  10. ↑ Schlink, Leo (2011 թ․ հունվարի 5). «Sam Stosur's fans are keeping the faith». Courier Mail.
  11. ↑ «Samatha Stosur – Tennis». Athlete Bios. Australian Olympic Committee. Արխիվացված է օրիգինալից 2009 թ․ հոկտեմբերի 2-ին. Վերցված է 2010 թ․ հունիսի 17-ին.
  12. ↑ «WTA | News | Latest News | Schiavone & Stosur Qualify For Doha». Sonyericssonwtatour.com. Արխիվացված է օրիգինալից 2010 թ․ հոկտեմբերի 11-ին. Վերցված է 2012 թ․ հունվարի 28-ին.
  13. ↑ Tan, Gillian (2011 թ․ օգոստոսի 30). «Sam Stosur powers through to second round». The Sydney Morning Herald. Վերցված է 2011 թ․ սեպտեմբերի 12-ին.
  14. ↑ Wald, Tom (2011 թ․ սեպտեմբերի 2). «Stosur not getting ahead of herself». The Canberra Times. Վերցված է 2011 թ․ սեպտեմբերի 12-ին.(չաշխատող հղում)
  15. ↑ «Stosur edges Petrova in 38-game marathon at Open». The Wall Street Journal. 2011 թ․ սեպտեմբերի 3. Վերցված է 2011 թ․ սեպտեմբերի 12-ին.
  16. ↑ Gloster, Rob (2011 թ․ սեպտեմբերի 4). «Stosur, Kirilenko Play Longest Tiebreaker in Women's History at U.S. Open». Bloomberg. Վերցված է 2011 թ․ սեպտեմբերի 12-ին.
  17. ↑ Linden, Julian (2011 թ․ սեպտեմբերի 8). «Stosur overpowers Zvonareva to reach semis». Reuters. Արխիվացված է օրիգինալից 2015 թ․ սեպտեմբերի 24-ին. Վերցված է 2011 թ․ սեպտեմբերի 9-ին.
  18. ↑ Myles, Stephanie (2011 թ․ սեպտեմբերի 11). «U.S. Open:». The Gazette. Montreal. Արխիվացված է օրիգինալից 2011 թ․ դեկտեմբերի 9-ին. Վերցված է 2011 թ․ սեպտեմբերի 11-ին.
  19. ↑ 19,0 19,1 Bernstein, Viv (2011 թ․ սեպտեմբերի 11). «Stosur plays match of her life to win first major». ESPN. Վերցված է 2011 թ․ սեպտեմբերի 12-ին.
  20. ↑ «Sam Stosur Wins US Open After Serena Williams Shout Controversy». The Age. Melbourne, Australia. 2011 թ․ սեպտեմբերի 12.
  21. ↑ Mitchell, Kevin (2011 թ․ սեպտեմբերի 12). «Samantha Stosur shocks Serena Williams to take first major». The Guardian. London. Վերցված է 2011 թ․ սեպտեմբերի 12-ին.
  22. ↑ Hinds, Richard (2011 թ․ սեպտեմբերի 13). «A triumph of hard work and sacrifice». The Sydney Morning Herald. Վերցված է 2011 թ․ սեպտեմբերի 13-ին.
  23. ↑ Le Grand, Chip (2012 թ․ հունվարի 18). «Stosur blown away, Hewitt finds way to grind on». The Australian. Վերցված է 2012 թ․ փետրվարի 11-ին.
  24. ↑ «Samantha Stosur». Վերցված է 2012 թ․ հունիսի 5-ին.
  25. ↑ «Sam Stosur». Վերցված է 2012 թ․ հունիսի 7-ին.
  26. ↑ «Wimbledon 2012». Վերցված է 2012 թ․ հունիսի 28-ին.
  27. ↑ «Արխիվացված պատճենը». Արխիվացված է օրիգինալից 2012 թ․ հուլիսի 31-ին. Վերցված է 2016 թ․ օգոստոսի 24-ին.
  28. ↑ «Samantha Stosur ousted from Brisbane International in straight sets». The Daily Telegraph (News Limited). Վերցված է 2013 թ․ սեպտեմբերի 23-ին.
  29. ↑ «Samantha Stosur struggles to victory against Kai-Chen Chang». news.com.au. News Limited. Արխիվացված է օրիգինալից 2013 թ․ հունվարի 18-ին. Վերցված է 2013 թ․ հունիսի 4-ին.
  30. ↑ «Australian Open 2013: Sam Stosur chokes again on home soil as China's Zheng Jie goes through». The Telegraph.UK. Վերցված է 2013 թ․ հունիսի 5-ին.
  31. ↑ «Stosur reaches third round in Doha». Tennis Australia. Վերցված է 2013 թ․ սեպտեմբերի 23-ին.
  32. ↑ «Samantha Stosur Svetlana Kuznetsova Match Result in Doha». Tennis4WTA.com. Արխիվացված է օրիգինալից 2013 թ․ սեպտեմբերի 27-ին. Վերցված է 2013 թ․ սեպտեմբերի 23-ին.
  33. ↑ «Maria Sharapova reaches semifinals of Qatar Open with straight-set victory over Sam Stosur». Fox News.com. Վերցված է 2013 թ․ սեպտեմբերի 23-ին.
  34. ↑ «Stosur through in Dubai Open». The Age.com.au. Վերցված է 2013 թ․ սեպտեմբերի 23-ին.
  35. ↑ «Sam Stosur, Agnieszka Radwanska advance to quarter-finals of Dubai Open, Serena Williams withdraws». Fox News.com. Վերցված է 2013 թ․ սեպտեմբերի 23-ին.
  36. ↑ «Stosur bows out of Dubai Open». ABC News (Australian Broadcasting Corporation). Վերցված է 2013 թ․ սեպտեմբերի 23-ին.
  37. ↑ «Lleyton Hewitt, Sam Stosur fly Aussie flag at Indian Wells». Courier Mail. Վերցված է 2013 թ․ սեպտեմբերի 24-ին.
  38. ↑ «Sam Stosur beats Peng Shuai at Indian Wells». Courier Mail. Վերցված է 2013 թ․ սեպտեմբերի 24-ին.
  39. ↑ «Indian Wells: Stosur storms into quarterfinals». Tennis Australia. Վերցված է 2013 թ․ սեպտեմբերի 24-ին.
  40. ↑ «Injured Sam Stosur out of Indian Wells». The Age (Australia). Վերցված է 2013 թ․ հունիսի 3-ին.
  41. ↑ «Calf injury forces Sam's withdrawal from Miami». Sam Stosur.com. Արխիվացված է օրիգինալից 2016 թ․ ապրիլի 11-ին. Վերցված է 2013 թ․ սեպտեմբերի 24-ին.
  42. ↑ «Samantha Stosur on comeback trail in Charleston». Courier Mail. Վերցված է 2013 թ․ հոկտեմբերի 8-ին.
  43. ↑ «Sam cruises in Charleston opener». Sam Stosur.com. Արխիվացված է օրիգինալից 2016 թ․ ապրիլի 13-ին. Վերցված է 2013 թ․ հոկտեմբերի 8-ին.
  44. ↑ «Injury forces Stosur out of Charleston». Fairfax Digital. Վերցված է 2013 թ․ հոկտեմբերի 8-ին.
  45. ↑ «Samantha Stosur and Ashleigh Barty secure Fed Cup win for Australia». Courier Mail. Վերցված է 2013 թ․ հունիսի 3-ին.
  46. ↑ «Stosur, Wozniacki bundled out in Stuttgart». Fairfax Digital. Վերցված է 2013 թ․ հոկտեմբերի 9-ին.
  47. ↑ «Samantha Stosur crashes out of the Madrid Open». Courier Mail. Վերցված է 2013 թ․ հոկտեմբերի 9-ին.
  48. ↑ «Stosur scores much-needed win in Rome». tennis.com.au. Վերցված է 2013 թ․ հոկտեմբերի 9-ին.
  49. ↑ «Stosur advances in Rome». ABC News (Australian Broadcasting Corporation). Վերցված է 2013 թ․ հոկտեմբերի 9-ին.
  50. ↑ «Stosur turns tables on Kvitova». tennis.com.au. Վերցված է 2013 թ․ հունիսի 4-ին.
  51. ↑ «Stosur falls to Azarenka in Rome». tennis.com.au. Վերցված է 2013 թ․ հունիսի 4-ին.
  52. ↑ «Samantha Stosur advances». ESPN Tennis. Վերցված է 2013 թ․ հոկտեմբերի 10-ին.
  53. ↑ «Thunderous serve rocks Kristina Mladenovic as Sam Stosur marches into French Open third round». Courier Mail.com. Վերցված է 2013 թ․ հոկտեմբերի 10-ին.
  54. ↑ «French Open: Samantha Stosur sets up Jelena Jankovic meeting». The Guardian.com. Վերցված է 2013 թ․ հոկտեմբերի 10-ին.
  55. ↑ «Samantha Stosur laments huge missed chance at French Open». Վերցված է 2013 թ․ հունիսի 3-ին.(չաշխատող հղում)
  56. ↑ «French Open: Samantha Stosur loses to Jelena Jankovic at Roland Garros». ABC News.com. Վերցված է 2013 թ․ հոկտեմբերի 10-ին.
  57. ↑ «Wimbledon 2013: Samantha Stosur beats Anna Schmiedlova in first round». ABC Radio Australia. Վերցված է 2013 թ․ դեկտեմբերի 21-ին.
  58. ↑ «Bernard Tomic and Sam Stosur record Wimbledon wins». The Guardian. Վերցված է 2013 թ․ դեկտեմբերի 21-ին.
  59. ↑ «Wimbledon 2013: Sam Stosur's campaign comes to an end after defeat to Sabine Lisicki». ABC News.com. Վերցված է 2013 թ․ դեկտեմբերի 21-ին.
  60. ↑ «Samantha Stosur loses opening match of US hardcourt season at Stanford Classic». The Daily Telegraph. Վերցված է 2013 թ․ դեկտեմբերի 21-ին.
  61. ↑ «Stosur Wins In Straight Sets Over Lepchenko In Carlsbad». Վերցված է 2013 թ․ սեպտեմբերի 23-ին.
  62. ↑ «Sam Stosur reaches Southern California Open semi-finals by beating Agnieszka Radwanska». Վերցված է 2013 թ․ սեպտեմբերի 23-ին.
  63. ↑ «Sam Stosur reaches her first tennis final since last October ahead of the US Open». Courier Mail. Վերցված է 2013 թ․ սեպտեմբերի 23-ին.
  64. ↑ «Samantha Stosur beats Victoria Azarenka to win Carlsbad Open». Վերցված է 2013 թ․ սեպտեմբերի 23-ին.
  65. ↑ «Samantha Stosur beats Victoria Azarenka to claim Carlsbad Open title in California». Արխիվացված է օրիգինալից 2015 թ․ հունիսի 11-ին. Վերցված է 2013 թ․ սեպտեմբերի 23-ին.
  66. ↑ «Sam Stosur out of US Open after first-round loss to American teenager Victoria Duval». Herald Sun. Վերցված է 2013 թ․ դեկտեմբերի 21-ին.
  67. ↑ «Samantha Stosur enjoys winning start at Pan Pacific Open in Tokyo over Alize Cornet». news.com.au. Արխիվացված է օրիգինալից 2013 թ․ սեպտեմբերի 28-ին. Վերցված է 2013 թ․ սեպտեմբերի 23-ին.
  68. ↑ «Samantha Stosur enjoys winning start at Pan Pacific Open in Tokyo over Alize Cornet». Courier Mail. Վերցված է 2013 թ․ սեպտեմբերի 23-ին.
  69. ↑ «Stosur survives Date-Krumm in Tokyo». Tennis Australia. Վերցված է 2013 թ․ սեպտեմբերի 24-ին.
  70. ↑ «Samantha Stosur loses in third round of Pan Pacific Open». ABC News.com. Վերցված է 2013 թ․ հոկտեմբերի 8-ին.
  71. ↑ «Stosur foiled by Safarova in Tokyo». Tennis Australia. Վերցված է 2013 թ․ հոկտեմբերի 8-ին.
  72. ↑ «Australia's Samantha Stosur is knocked out in the first round at the China Open, Li Na through». ABC News.com. Վերցված է 2013 թ․ հոկտեմբերի 8-ին.
  73. ↑ «Samantha Stosur wins first round match of WTA tournament in Osaka». Fairfax Digital. Վերցված է 2013 թ․ հոկտեմբերի 8-ին.
  74. ↑ «Stosur blasts Bencic to reach Osaka quarters». Tennis Australia. Վերցված է 2013 թ․ հոկտեմբերի 9-ին.
  75. ↑ «Sam Stosur battles into Japan Open semifinals». stuff.co.nz. Վերցված է 2013 թ․ հոկտեմբերի 12-ին.
  76. ↑ «Sam Stosur powers into Japan Open final». Herald Sun. Վերցված է 2013 թ․ հոկտեմբերի 12-ին.
  77. ↑ «Sam Stosur beats Canadian teenager Eugenie Bouchard to win Japan Womens Open». Herald Sun. Վերցված է 2013 թ․ հոկտեմբերի 17-ին.
  78. ↑ «WTA Japan Open: Sam Stosur beats Eugenie Bouchard to win in Osaka». Sky Sports. Վերցված է 2013 թ․ հոկտեմբերի 17-ին.
  79. ↑ http://www.wtatennis.com/news/article/3527279/title/stosur-enlists-maclagan-as-coach
  80. ↑ «Sam Stosur opts for Perth start instead of Brisbane International». Courier Mail. Վերցված է 2013 թ․ սեպտեմբերի 24-ին.
  81. ↑ «Stosur, Tomic to represent Australia at Hopman Cup 2014». Tennis Australia. Վերցված է 2013 թ․ սեպտեմբերի 24-ին.
  82. ↑ «Bernard Tomic wins but no joy for Sam Stosur at Hopman Cup in Perth». Perth Now. Վերցված է 2014 թ․ հունվարի 3-ին.
  83. ↑ «Top seed Sam Stosur comfortable wearing target in Hobart International». Courier Mail. Վերցված է 2014 թ․ հունվարի 5-ին.
  84. ↑ «Samantha Stosur saves match points to advance to quarter-finals». Hobart International. Վերցված է 2014 թ․ հունվարի 8-ին.
  85. ↑ «Australian Open: Samantha Stosur beats Klára Zakopalová to advance to second round». ABC News. Վերցված է 2014 թ․ հունվարի 14-ին.
  86. ↑ «Australian Open: Samantha Stosur through to third round after straight-sets win over Tsvetana Pironkova». ABC News. Վերցված է 2014 թ․ փետրվարի 12-ին.
  87. ↑ «Samantha Stosur falls to Ana Ivanovic at Aussie Open». The Australian. Վերցված է 2014 թ․ հունվարի 17-ին.
  88. ↑ «Sam Stosur and Casey Dellacqua give Australia 2–0 Fed Cup lead over Russia». ABC News. Վերցված է 2014 թ․ փետրվարի 12-ին.
  89. ↑ «Sam Stosur helps Australia storm into Fed Cup semis with victory over Russia». Courier Mail. Վերցված է 2014 թ․ փետրվարի 12-ին.
  90. ↑ «Stosur through to second round in Doha». Tennis Australia. Վերցված է 2014 թ․ փետրվարի 13-ին.
  91. ↑ «Samantha Stosur loses in Qatar as Li Na wins in first match since Australian Open». ABC News. Վերցված է 2014 թ․ մարտի 11-ին.
  92. ↑ «Stosur upset in Dubai opener». Tennis Australia. Վերցված է 2014 թ․ մարտի 11-ին.
  93. ↑ «Lleyton Hewitt out, but Sam Stosur wins at Indian Wells Masters». Sydney Morning Herald. Վերցված է 2014 թ․ մարտի 11-ին.
  94. ↑ «Rafael Nadal, Samantha Stosur bundled out of Indian Wells». The Australian. Վերցված է 2014 թ․ մարտի 11-ին.
  95. ↑ «Samantha Stosur sizzles in Sony Open debut». Tennis World USA. Վերցված է 2014 թ․ մարտի 21-ին.
  96. ↑ «Արխիվացված պատճենը». Արխիվացված է օրիգինալից 2014 թ․ հուլիսի 14-ին. Վերցված է 2016 թ․ օգոստոսի 25-ին.
  97. ↑ http://www.tennisworldusa.org/Sam-Stosur-splits-with-Miles-MacLagan--articolo18631.html
  98. ↑ «French Open: Samantha Stosur loses to Maria Sharapova in third round at Roland Garros». 2013 թ․ մայիսի 29. Վերցված է 2015 թ․ մայիսի 30-ին.
  99. ↑ «Safarova Storms Past Stosur In Prague». 2016 թ․ ապրիլի 30. Վերցված է 2016 թ․ հունիսի 5-ին.
  100. ↑ «Muguruza Rolls Into Roland Garros Final». 2016 թ․ հունիսի 3. Վերցված է 2016 թ․ հունիսի 5-ին.
  101. ↑ «Francesca Schiavone climbs to sixth in world rankings after French Open victory». The Daily Telegraph. London. 2010 թ․ հունիսի 7. Վերցված է 2010 թ․ նոյեմբերի 17-ին.
  102. ↑ «US Open 2005». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  103. ↑ «Australian Open 2006». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  104. ↑ «French Open 2006». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  105. ↑ «Wimbledon 2008». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  106. ↑ «US Open 2008». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  107. ↑ «Wimbledon 2009». ITFTennis.com. Արխիվացված է օրիգինալից 2020 թ․ հուլիսի 20-ին. Վերցված է 2010 թ․ նոյեմբերի 17-ին.
  108. ↑ «Mixed doubles champions». AustralianOpen.com. Վերցված է 2010 թ․ նոյեմբերի 17-ին.
  109. ↑ «Mixed Doubles Finals 1913–2008». Wimbledon.org. Վերցված է 2010 թ․ նոյեմբերի 17-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Սամանտա Ստոսուր» հոդվածին։
Ֆեյսբուք (անգլ.) · X (անգլ.)
Ֆոտո, վիդեո և աուդիո
Ինստագրամ (անգլ.)
Թեմատիկ կայքեր
Բառարաններ և հանրագիտարաններ
Չափորոշչային վերահսկողություն
GTAA: 223611 · ISNI: 0000000399750911 · VIAF: 295206378 · WorldCat VIAF: 295206378
Թենիսի կանանց զուգախաղի առաջին ռակետներ

ՉեխիաԱմերիկայի Միացյալ ՆահանգներՄարտինա Նավրատիլովա  •Ամերիկայի Միացյալ ՆահանգներՊեմ Շրայվեր  •Չեխիա Հելենա Սուկովա  •Չեխիա Յանա Նովոտնա  •Ամերիկայի Միացյալ ՆահանգներՊուերտո Ռիկո Ջիջի Ֆերնանդես  •Խորհրդային Սոցիալիստական Հանրապետությունների ՄիությունՆատաշա Զվերևա  • ԼատվիաԼարիսա Սավչենկո-Նեյլանդ  •Իսպանիա Արանչա Սանչես-Վիկարիո  •Ամերիկայի Միացյալ Նահանգներ Լինդսեյ Դևենպորտ  • Շվեյցարիա Մարտինա Հինգիս  • ՌուսաստանԱննա Կուրնիկովա  •Ամերիկայի Միացյալ Նահանգներ Կորինա Մորարիու  •Ամերիկայի Միացյալ Նահանգներ Լիզա Ռեյմոնդ  • ԱվստրալիաՌենե Ստաբս  •Ֆրանսիա Ժյուլի Ալար  •Ճապոնիա Աի Սուգիյամա  •Արգենտինա Պաոլա Սուարես  • ԲելգիաԿիմ Կլեյստերս  •Իսպանիա Վիրխինիա Ռուանո Պասկուալ  •Զիմբաբվե Կառա Բլեկ  • Ավստրալիա Սամանտա Ստոսուր  •Հարավաֆրիկյան ՀանրապետությունԱմերիկայի Միացյալ Նահանգներ Լիզել Հուբեր  •Ամերիկայի Միացյալ Նահանգներ Վենուս Ուիլյամս  • Ամերիկայի Միացյալ ՆահանգներՍերենա Ուիլյամս  •Արգենտինա Գիսելա Դուլկո  •ԻտալիաՖլավիա Պենետա  •Սլովենիա Կատարինա Սրեբոտնիկ  •Չեխիա Կվետա Պեշկե  •Իտալիա Սառա Էրանի  •Իտալիա Ռոբերտա Վինչի  •Չինաստանի Ժողովրդական Հանրապետություն Պեն Շուայ  •{{{2}}} Սե Շուվեյ  •Հնդկաստան Սանիա Միրզա

 
ԱՄՆ թենիսի բաց առաջնության կանանց մենախաղի հաղթողներ

(1968)Վիրջինիա Վայդ  •(1969)Մարգարետ Կուրտ  •(1970)Մարգարետ Կուրտ  •(1971)Բիլի Ջին Քինգ  • (1972)Բիլի Ջին Քինգ  •(1973)Մարգարետ Կուրտ  •(1974)Բիլի Ջին Քինգ  •(1975)Կրիս Էվերտ  •(1976)Կրիս Էվերտ  •(1977)Կրիս Էվերտ  •(1978)Կրիս Էվերտ  •(1979)Թրեյսի Օստին  •{(1980)Կրիս Էվերտ  •(1981)Թրեյսի Օստին  •(1982)Կրիս Էվերտ  •(1983)Մարտինա Նավրատիլովա  •(1984)Մարտինա Նավրատիլովա  •(1985)Հանա Մանդլիկովա  •(1986)Մարտինա Նավրատիլովա  •(1987)Մարտինա Նավրատիլովա  •(1988)Շտեֆի Գրաֆ  •(1989)Շտեֆի Գրաֆ  •(1990)Գաբրիելա Սաբատինի  •(1991)Մոնիկա Սելեշ  •(1992)Մոնիկա Սելեշ  •(1993)Շտեֆի Գրաֆ  •(1994)Արանչա Սանչես-Վիկարիո  •(1995)Շտեֆի Գրաֆ  •(1996)Շտեֆի Գրաֆ  •(1997)Մարտինա Հինգիս  •(1998)Լինդսեյ Դևենպորտ  •(1999)Սերենա Ուիլյամս  •(2000)Վենուս Ուիլյամս  •(2001)Վենուս Ուիլյամս  •(2002)Սերենա Ուիլյամս  •(2003)Ժյուստին Էնեն  •(2004)Սվետլանա Կուզնեցովա  •(2005)Կիմ Կլեյստերս  •(2006)Մարիա Շարապովա  •(2007)Ժյուստին Էնեն  •(2008)Սերենա Ուիլյամս  •(2009)Կիմ Կլեյստերս  •(2010)Կիմ Կլեյստերս  •(2011)Սամանտա Ստոսուր  •(2012)Սերենա Ուիլյամս  •(2013)Սերենա Ուիլյամս  •(2014)Սերենա Ուիլյամս  •(2015)Ֆլավիա Պենետա  •(2016)Անժելիկա Քերբեր

 
✯
 Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Սամանտա_Ստոսուր&oldid=9768229» էջից