Գաբրիելա Սաբատինի

Գաբրիելա Սաբատինի
Սեռ	իգական
Քաղաքացիություն	Արգենտինա
Բնակվելու վայր	Բուենոս Այրես
Ծննդյան ամսաթիվ	մայիսի 16, 1970(1970-05-16) (48 տարեկան)
Ծննդավայր	Բուենոս Այրես, Արգենտինա
Հասակ	175 սանտիմետր սմ
Քաշ	59 կիլոգրամ կգ
Աշխատող ձեռք	right-handedness
Խաղեր Հ/Պ	632–189
Խաղեր Հ/Պ	252–96

Գաբրիելա Բեատրիս Սաբատինի (իսպ.՝ Gabriela Beatriz Sabatini, մայիսի 16, 1970(1970-05-16), Բուենոս Այրես, Արգենտինա), արգենտինացի թենիսիստուհի: Կանանց թենիսի համաշխարհային լիդերներից մեկը 1980-ական թվականների վերջից մինչև 1990-ական թվականները: Զբաղեցրել է երրորդ հորիզոնականը թե՛ միայնակ, թե՛ թիմային վարկանիշում:

Ձեռքբերումներ

• ԱՄՆ թենիսի բաց առաջնության 1990 հաղթող միայնակ մրցաշարում
• Ուիմբլդոնի մրցաշարի 1988 հաղթող թիմային մրցաշարում (Շտեֆի Գրաֆի հետ միասին)
• Ֆրանսիայի թենիսի բաց առաջնության եռակի ֆինալիստ թիմային մրցաշարում (Շտեֆի Գրաֆի հետ միասին) (1986, 1987, 1989).
• 17 անգամ (1985-1995 թթ.-ին) խաղացել է Մեծ սաղավարտ մրցաշարի կիսաեզրափակչում միայնակ մրցաշարում, բայց միայն երեք անգամ է կարողացել հասնել եզրափակիչ
• 15 անգամ (Ուիմբլդոնից-1990 մինչև Australian Open-1994) նվազագույնը հասել է մինչև Մեծ սաղավարտի միայնակ մրցարշավի քառորդ եզրափակիչ
• Առաջին անգամ Մեծ սաղավարտի կիսաեզրափակիչ է հասել Ֆրանսիայի թենիսի բաց առաջնությանը 1985, իր 15 ամյակից մի քանի օր անց
• Եղել է աշխարհի երրորդ ռակետան միայնակ մրցարշավում 1989 և 1991 թվականներին
• 1988 թվականին Սեուլում կայացած Օլիմպիական խաղերի միայնակ մրցարշավի արծաթե մեդալակիր (այնտեղ 18-ամյա Գաբրիելային պատվով վստահված էր ծածանել Արգենտինայի դրոշը խաղերի բացման միջոցառման ժամանակ)
• Կանանց թենիսի ասոցիացիայի տարվա վերջնական առաջնության երկակի հաղթող (1988 և 1994)

Կարիերա

Գաբրիելա Սաբատինին սկսել է թենիս խաղալ վեց տարեկանից: Սպորտսմենուհին համաշխարհային ուշադրության է արժանացել՝ լինելով պատանի մարզիկ: 1984 թվականին նա հաղթել է Orange Bowl-ը և համարվել է առաջինը պատանիների շրջանում: Այդ շրջանում նա հաղթել է մի քանի խոշոր պատանեկան մրցարշավներ, այդ թվում՝ «Ռոլան Գարոսը» պատանիների շրջանում:

1985 թվականին Սաբատինին 15 տարեկան հասակում և երեք շաբաթում հասել է մինչև «Ռոլան Գարոսի» մեծերի եզրափակիչ, որտեղ զիջել է մրցարշավի հաղթող՝ 30-ամյա Քրիս Էվերթին: Առաջին հաղթանակը, որպես մեծահասակ Սաբատինին ունեցել է 1985 թվականին Տոկիոյում: 1986 թվականից սկսվել է նրա մշտական հակամարտությունը ևս մեկ երիտասարդ և հեռանկարային գերմանացի թենիսիստուհի Շտեֆի Գրաֆի հետ, ով Սամատինից մեծ է ընդամենը 11 ամիս: Փայլուն առաջնաելույթը և Սաբատինիի կարիերայի սկիզբը, որպես չափահաս, նրան խոստանում էին մեծ հաղթանակներ ապագայում: Սակայն Գրաֆի եռանդուն առաջընթացը խազ քաշեց Գաբրիելայի հույսերի վրա՝ առաջին հորիզոնականի և Մեծ սաղավարտի մրցարշավի պարբերաբար հաղթանակների վրա: Սաբատինի հաջողությունները չհասան Գրաֆի հաջողություններին, ով թենիսի մի շարք ցուցանիշների համաձայն գերազանցում էր Գաբրիելային: Այդ պատճառով ամբողջ պրոֆեսիոնալ կարիերայի ընթացքում արգենտինացին գտնվում էր եվրոպացի թենիսուհու ստվերում: 1988-1991 թվականներին եղել է հայտնի գերմանուհու գլխավոր հակառակորդը: Նրանք հանդիպել են 40 անգամ և 29 անգամ հաղթել է Գրաֆը: Հենց ԱՄՆ-ի բաց առաջնության և 1988 թվականին Սեուլում կայացած Օլիմպիական խաղերի ժամանակ Սաբատինին հաղթելով՝ Գրաֆը ստացավ, այսպես կոչված «Ոսկե ՄԵծ գլխարկը»: 1986-1989 թվականներին Գրաֆը և Սաբատինին միասին մասնակցել են թիմային մրցույթների և մեծ հաջողությունների են հասել: Միայն է 1989 թվականին դուետը լուծարվեց՝ սպորտսմենուհիների միայնակ մրցարշավներով ծանրաբեռնված լինելու պատճառով: Սաբատինին նաև հաջողաբար ելույթ է ունեցել Մարտին Նավրատիլովայի, Զինա Հարիսոնի, Մերսեդես Փասի, Լարիսա Սավչենկոյի, Բրենդա Շուլցի և ուրիշ հայտնի սպորտսմենուհիների հետ:

1991 թվականին Սաբատինին մոտ է եղել աշխարհի առաջին ռակետայի տիտղոսին: Միավորների տարբերությունը Գրաֆի, Սաբատինի և երիտասարդ Մոնիկա Սելեշի միջև նվազագույն էր: Բայց գագաթնակետին հասնել և նույնիսկ երկրորդ հորիզոնականին Սաբատինին չհաջողվեց: Այդ ընթացքում արգենտինուհին կարծես թե գտել էր Գրաֆին հաղթելու միջոցը: Նա սկսեց հաճախ դուրս գալ ցանցի մոտ և հարձակվել Գրաֆի վրա: 1990 թվականին նա առաջին և վերջին անգամ հաղթել է Մեծ սաղավարտի առաջնությունը: 1990 թվականին ԱՄՆ-ի բաց առաջնության եզրափակչում Սաբատանին երկու սեթերում հաղթում է Գրաֆին (6-2 7-6): 1991 թվականին նրա հաղթանակը գերմանուհու դեմ շարունակվում է (հինգ խաղ անընդմեջ), բայց Ուիմբլդոնի եզրափակչում Սաբատինին զիջում է Շտեֆին լարված 3-սեթային պայքարում (4-6 6-3 6-8), չնայած խաղի ընթացքում նրան հաղթանակից բաժանում էր միայն երկու միավորը: Այս խաղը կարծես թե դարձավ քննադատական Գրաֆի դիմակայությունում՝ Սաբատինին և գերմանուհին կրկին սկսեցին թելադրել Գաբրիելայի խաղի կանոնները: Բացի Գրաֆից թենիսահարթակում այդ ընթացքում գլխավորում էր նաև Սլեշը, ով Սաբատինիի համար ևս դարձավ բարդ հակառակորդ:

Տասը սեզոն շարունակ Սաբատինին մասնակցել է WTA վերջնական առաջնությանը՝ ուժեղագույն թենիսիստուհիների շրջանում (1986-1995): Ավելի վաղ այս առաջնությանը ընտրում էին մոլորակի առաջին 16 թենիսիստուհիներին: Երկու անգամ դարձել է այս առաջնության հաղթողը, երկու անգամ հաղթել է եզրափակչում և երեք անգամ կիսաեզրափակչի մրցույթներում:

Վերջին խոշոր մրցույթը սպորտսմենուհին հաղթել է 1995 թվականի սկզբին Սիդնեյում: Ֆինալում Սաբատինին հաղթել է Լինդսեյ Դևենպորտին: Դրանից հետո Գաբրիելայի հաջողության արդյունքները սկսեցին նվազել: Իր կարիերայի վերջին մրցույթը 26-ամյա Սաբատինին անցկացրել է Ցյուրիխում 1996 թվականին, որտեղ հոկտեմբերի 14-ին զիջել է Ջենիֆեր Կապրիատիին

Կարիերան ավարտելուց հետո Սաբատինին կայացել է որպես հաջողակ գործարար կին: Շնորհիվ իր վառ արտաքինին և հայտնիությանը՝ մեծ ճանաչում ունեն օծանելիքները և հոտավետ ջրերը Գաբրիելա Սաբատինի կողմից: Նաև հաջողվազ է նրա բիզնեսը սպորտային ապրանքների ոլորտում:

2006 թվականին առաջին է ընտրվել արգենտինացի թենիսիստուհիներից Թենիսի փառքի միջազգային սրահ:

Մեծ սաղավարտի առաջնության եզրափակիչներ (7)

Միայնակ մրցարշավ (3)

Հաղթանակ (1)

Թվական	Մրցարշավ	Հակառակորդը եզրափակչում	Հաշիվ
1990	ԱՄՆ թենիսի բաց առաջնություն	Գերմանիա Շտեֆի Գրաֆ	6-2 7-64

Պարտություն (2)

Թվական	Մրցարշավ	Հակառակորդը եզրափակչում	Հաշիվ
1988	US Open	Գերմանիա Շտեֆի Գրաֆ	6-3 3-6 6-1
1991	Ուիմբլդոն	Գերմանիա Շտեֆի Գրաֆ	6-4 3-6 8-6

Թիմային մրցարշավ (4)

Հաղթանակ (1)

Թվական	Մրցարշավ	Թիմակից	Հակարակորդ	Հաշիվ
1988	Ուիմբլդոն	Գերմանիա Շտեֆի Գրաֆ	ԽՍՀՄ Նատալյա Զվերևա ԽՍՀՄ Լարիսա Սավչենկո	6-3 1-6 12-10

Պարտություն (3)

Թվական	Մրցարշավ	Թիմակից	Հակարակորդ	Հաշիվ
1986	Ռոլան Գարոս	Արևմտյան Գերմանիա Շտեֆի Գրաֆ	ԱՄՆ Մարտինա Նավրատիլովա Հունգարիա Անդրեա Թեմեշվարի	1-6 2-6
1987	Ռոլան Գարոս	Արևմտյան Գերմանիա Շտեֆի Գրաֆ	ԱՄՆ Մարտինա Նավրատիլովա ԱՄՆ Փեմ Շրայվեր	2-6 1-6
1989	Ռոլան Գարոս	Արևմտյան Գերմանիա Շտեֆի Գրաֆ	ԽՍՀՄ Նատալյա Զվերևա ԽՍՀՄ Լարիսա Սավչենկո	4-6 4-6

Տարվա վերջնական առաջնության եզրափակիչներ

Թվական		Արդյունք
1987	Շտեֆի Գրաֆ - Գաբրիելա Սաբատինի	4-6, 6-4, 6-0, 6-4
1988	Գաբրիելա Սաբատինի - Փեմ Շրայվեր	7-5, 6-2, 6-2
1990	Մոնիկա Սելեշ - Գաբրիելա Սաբատինի	6-4, 5-7, 3-6, 6-4, 6-2
1994	Գաբրիելա Սաբատինի - Լինդսեյ Դևենպորտ	6-3, 6-2, 6-4

Հետաքրքիր փաստեր

Սաբատինին գովազդում է սեփական օծանելիքը

• Մեծ սաղավարտի բոլոր 7 ֆինալների ժամանակ, որոնց մասնակցել է Սաբատինին, խաղացել է Շտեֆի Գրաֆը: Երեք անգամ նրանք եղել են հակառակորդներ մեկ հոսքում և 4 անգամ եղել են թիմակիցներ կանանց թիմային մրցարշավում: Բացի այդ, հենց Գրաֆն է հաղթել Սաբատինիին 1988 թվականին Սեուլում տեղի ունեցած Օլիմպիական խաղերի ժամանակ:
• 1992 թվականին Սաբատինիի պատվին անվանել են վարդերի հատուկ սորտ:
• 1994 թվականին ԱՄՆ-ում ստեղծել են և վաճառքի են թողարկել տիկնիկի թենիսային համազգեստով: Տիկնիկի տեսքը պատճենվել էր իրական թենիսիստուհի՝ Գաբրիելա Սաբատինիից:
• 1994 թվականին Սաբատինին հրատարակել է ինքնակենսագրական գիրք՝ «Իմ պատմությունը» անվանումով:
• Գաբրիելա Սաբատինին դարձել է առաջին սպորտսմենուհին, ով բազմամիլիոնանոց պայմանագիր է կնքել «Պեպսի»-ի հետ:
• Գաբրիելա Սաբատինին եղել է շատ շնորհալի սպորտսմենուհի, բայց հոգեբանական խնդրի պատճառով չի կարողացել հասնել բարձր արդյունքների և հաճախ պարտվել է կարծես թե հաղթած խաղեր: Վառ օրինակ է դարձել 1993 թվականին կայացած Ռոլան Գարոսի քառորդ ֆինալը, որտեղ խաղում էր Մերի-Ջո Ֆերնանդեսի դեմ: Սաբատինին խաղում էր 6:1,5:1 հաշվով, բայց արդյունքում պարտվել է խաղը: Ինչ-որ ժամանակ նրա հետ աշխատել է պրոֆեսիոնալ հոգեբան:

Արտաքին հղումներ

• Գաբրիելա Սաբատինին Women's Tennis Association կայքում
• Գաբրիելա Սաբատինին ITF female profile կայքում
• Գաբրիելա Սաբատինին Fed Cup player կայքում
• Գաբրիելա Սաբատինին International Tennis Hall of Fame կայքում

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գաբրիելա Սաբատինի կատեգորիայում։