Գարբինե Մուգուրուսա

Վիքիպեդիայից՝ ազատ հանրագիտարանից
Picto infobox tenis.png
Գարբինե Մուգուրուսա
իսպ.՝ Garbiñe Muguruza
Garbiñe Muguruza (15307149788).jpg
Սեռիգական
ՔաղաքացիությունԻսպանիա Իսպանիա
Բնակվելու վայրԺնև, Շվեյցարիա[1]
Ծննդյան ամսաթիվհոկտեմբերի 8, 1993 (29 տարեկան)
ԾննդավայրԿարակաս, Վենեսուելա
Հասակ182 սմ
Քաշ73 կգ
Կարիերայի սկիզբ2011 թվական
Աշխատող ձեռքաջ
Հարված ձախիցերկձեռքանի
ՄարզիչՍեմ Սումիկ (2015-ից)
Պարգևավճար, USD9,173,265
Մենախաղ
Խաղեր Հ/Պ449–234[1]
Ամենաբարձր վարկանիշ2 (2016 թվականի հունիսի 6)
Ներկայիս վարկանիշ6 (2016 թվականի հոկտեմբերի 10)
Մեծ Սաղավարտի մրցաշարեր
Ավստրալիա4 շրջան (2014, 2015)
ՖրանսիաՀաղթանակ (2016)
ՈւիմբլդոնԵզրափակիչ (2015)
ԱՄՆ2 շրջան (2015)
Օլիմպիական խաղեր
Զուգախաղ
Խաղեր Հ/Պ82–51[1]
Ամենաբարձր վարկանիշ10 (2015 փետրվարի 23)
Մեծ Սաղավարտի մրցաշարեր
Ավստրալիա2 շրջան (2014, 2015)
Ֆրանսիա1/2 եզրափակիչ (2014)
Ուիմբլդոն3 շրջան (2014)
ԱՄՆ3 շրջան (2014)
Թարմացվել է՝ 2016 հոկտեմբերի 14

Գարբինե Մուգուրուսա Բլանկո (իսպ.՝ Garbiñe Muguruza Blanco, իսպաներեն՝ [ɡarβiɲe muɣuɾuθa], բասկերեն՝ [ɡarβiɲe muɣuɾuˌs̻a], հոկտեմբերի 8, 1993(1993-10-08)[1][2][3], Կարակաս, Վենեսուելա[1]), վենեսուելական արմատներով իսպանացի պրոֆեսիոնալ թենիսիստուհի։ թենիսային մրցաշարերում ներկայացնում է Իսպանիան և պրոֆեսիոնալ է դարձել 2011 թվականին։ Հաղթանակ է հասել WTA 3 մրցաշարերում, այդ թվում 2016 թվականի Մեծ Սաղավարտի Ֆրանսիայի բաց առաջնությունում, որտեղ նա եզրափակիչում առավելության է հասել աշխարհի թիվ 1 ռակետ Սերենա Ուիլյամսի նկատմամբ։ Մեծ Սաղավարտի Փարիզի մրցաշարում հաղթանակի արդյունքում, Մուգուրուսան դարձել է երկրորդ թենիսիստը, ով ծնված լինելով 1990-ական թվականներին, կարողացել է շահել Մեծ Սաղավարտի մրցաշարի հաղթողի տիտղոս՝ Պետրա Կվիտովայից հետո, ով հաղթանակի էր հասել 2011 թվականի Ուիմբլդոնի մրցաշարում։ Ֆրանսիայի բաց առաջնությունից հետո Մուգուրուսան հասել է կարիերայում իր բարձրագույն վարկանիշին՝ աշխարհի թիվ 2 ռակետ։

Ունենալով անդրադարձից հզոր հարված և ագրեսիվ խաղաոճ, Մուգուրուսան առաջին հաջողության հասել է 2014 թվականի Ավստրալիայի բաց առաջնությունում՝ չորրորդ շրջան, որտեղ նրա ճանապարհը փակել է Կարոլին Վոզնյացկին։ Այնուհետև նա Սերենա Ուիլյամսին հաղթել է նույն տարվա Ֆրանսիայի բաց առաջնության երկրորդ շրջանում, աշխարհի ռիվ մեկ ռակետին հաղթելով երկու սեթում և հասնելով մինչև մրցաշարի քառորդ եզրափակիչ։ 2015 թվականին նա հաղթել է China Open մրցաշարում և հասել է կարիերայում առաջին եզրափակիչին Մեծ Սաղավարտի մրցաշարում՝ Ուիմբլդոնում։ 2015 թվականին նա նաև իրավունք է ստացել մասնակցելու WTA Ամփոփիչ մրցաշարին, որտեղ խմբային փուլում հաղթել է բոլոր երեք մրցակցուհիներին և կիսաեզրափակիչում զիջել Ագնեշկա Ռադվանսկայաին։

Մուգուրուսան հաջող ելույթներ է ունեցել նաև զուգախաղում, հաղթելով հինգ WTA մրցաշարերում, եզրափակիչ դուրս գալով 2015 թվականի WTA Ամփոփիչ մրցաշարում և հասնելով 2014 թվականի Ֆրանսիայի բաց առաջնության կիսաեզրափակիչ։ Այդ արդյունքներին նա հասել է իր հայրենակցուհի Կարլա Սուարես Նավարոյի հետ զույգով։

Անձնական կյանք[խմբագրել | խմբագրել կոդը]

Գարբինեի ծնողները ծնունդով տարբեր երկրներից են՝ մայրը՝ Սկարլետ Բլանկո, Վենեսուելայից է, իսկ հայրը՝ Խոսե Անտոնիո Մուգուրուսա, ծնունդով Բասկերի երկրից է[4]։ Ինքը՝ Գարբինեն, ծնվել է Կարակասում։ Մինչև վեց տարեկան հասակը նրանք ապրել են Հարավային Ամերիկայում[5] և միայն այնուհետև վերաբնակվել են Իսպանիայում։ Իսպանուհին ունի երկու եղբայր՝ Ասեր և Իգոր, ովքեր նրանից մեծ են 10 և 11 տարիներով։

Մուգուրուսան թենիս սկսել է խաղալ երեք տարեկան հասակում։ Իսպանիայում թենիսով շարունակվել է զբաղվել Բրուգերայի թենիսի ակադեմիայում՝ Բարսելոնայից ոչ հեռու։ Թենիսում նրա կուռքը Սերենա Ուիլյամսն է[6][7]։ Սիրելի ծածկույթը հարդն է, սիրելի հարվածը՝ մատուցումը։

Գարբինեն տիրապատում է հզոր մատուցման և երկու ձեռքով էլ ուժեղ հարվածի։ Կորտում իսպանուհին նախընտրում է առավելագույն ագրեսիվ գործողություններ, նաև տիրապետելով խաղահրապարակում տեղաշարժվելու բավականին արագության։

Մարզական կարիերա[խմբագրել | խմբագրել կոդը]

2012-2013 թվականներ. Կարիերայի սկիզբ[խմբագրել | խմբագրել կոդը]

Մոգուրուսան ուայլդ-քարտ է ստացել 2012 թվականի Մայամիի մրցաշարում՝ կարիերայում իր առաջին WTA մրցաշարում[8]։ Այնտեղ նա երկրորդ և երրորդ շրջաններում առավելության է հասել աշխարհի նախկին 2-րդ ռակետ Վերա Զվոնարյովայի և աշխարհի նախկին թիվ 10 ռակետ Ֆլավիա Պենետայի նկատմամբ[8]։ Սակայն չորրորդ շրջանում երկու սեթում պարտվել է մրցաշարի ապագա հաղթող Ագնեշկա Ռադվանսկայաին[9]։

2013 թվականի Ինդիան Ուելսի «Մասթերս» մրցաշարում, որին Մուգուրուսան մասնակցելու իրավունք էր նվաճել որակավորման փուլը հաղթահարելուց հետո, հիմնական ցանցում հասել է մինչև չորրորդ շրջան, այնտեղ պարտվելով Անժելիկա Քերբերին։ Այնուհետև նա ուայլդ-քարտի է արժանացել WTA Premier Mandatory շարքի Մայամիի մրցաշարում՝ երկրորդ տարին անընդմեջ, որտեղ նա դուրս է եկել չորրորդ շրջան։ Մրցաշարում նա հաղթել է Կատերինա Սինյակովային, 23-րդ դասակարգված Անաստասիա Պավլյուչենկովային և 9-րդ դասակարգված Կարոլին Վոզնյացկիին։ Չորրորդ շրջանում նա պարտվել է 5-րդ դասակարգված Նա Լիին։

2013 թվականի Ուիմբլդոնի մրցաշարից հետո, որտեղ նա երկրորդ շրջանում պարտվել էր Եկատերինա Մակարովային, Մոգուրուսան վիրահատության է ենթարկվել ոտնաթաթի վրա և բաց թողել մրցաշրջանի մնացած մասը։ Տարին եզրափակել է որպես մենախաղի համաշխարհային դասակարգման թիվ 63 և զուգախաղի թիվ 153 ռակետ։

2014 թվական. Առաջին WTA մենախաղի տիտղոս և Մեծ Սաղավարտի մրցաշարի քառորդ եզրափակիչ[խմբագրել | խմբագրել կոդը]

Մուգուրուսան մրցաշրջանը սկսել է Օքլենդի մրցաշարում ելույթներով, որտեղ հասել է քառորդ եզրափակիչ և այնտեղ պարտվել աշխարհի նախկին թիվ 1 ռակետ Վենուս Ուիլյամսին։ Հաջորդ շաբաթ Մուգուրուսան որակավորվել է Հոբարթի մրցաշարին և իր առաջին տիտղոսն է շահել WTA մենախաղի մրցաշարում, եզրափակիչում երկու սեթում հաղթելով Կլարա Զակոպալովային[10]։

Muguruza WM14 (13) (14456980118).jpg

Ավստրալիայի բաց առաջնությունում Մուգուրուսան երեք սեթում հաղթանակ է տարել 9-րդ դասակարգված Կարոլին Վոզնյացկիի նկատմամբ[11] և կարիերայում առաջին անգամ հասել Մեծ Սաղավարտի մրցաշարի չորրորդ շրջան, որտեղ երկու սեթում պարտվել է 5-րդ դասակարգված Ագնեշկա Ռադվանսկայաին[12]։ Զուգախաղում նա Արանչա Պարա Սանտոնհաի հետ միասին հասել են երկրորդ շրջան, որտեղ պարտվել են 8-րդ դասակարգված Ռաքել Կոպս-Ջոնս - Էբիգեյլ Սփիրս զույգին։

Thailand Open մրցաշարի առաջին շրջանում երեք սեթում Կիմիկո Դատեին պարտվելուց հետո Մուգուրուսան մենախաղի իր երկրորդ եզրափակիչ է հասել Brasil Tennis Cup մրցաշարում, որտեղ նա երեք սեթում պարտվել է Կլարա Զակոպալովային[13]։ Այնուհետև Մուգուրուսան երկրորդ շրջանում պարտվել է Ինդիան Ուելսի և Մայամիի մրցաշարարում, սակայն քառորդ եզրափակիչ է հասել վերջինիս զուգախաղի մրցաշարում, որտեղ նա և իր խաղընկերուհի Կարլա Սուարես Նավարոն երեք սեթում պարտվել են 8-րդ դասակարգված Ռաքել Կոպս-Ջոնս - Էբիգեյլ Սփիրս զույգին։

Մուգուրուսան պարտվել է Monterrey Open մրցաշարի առաջին շրջանում և կիսաեզրափակիչ է հասել Marrakech Grand Prix մրցաշարում, որտեղ նա երկու սեթում պարտվել է մրցաշարի ապագա հաղթող Մարիա-Թերեզա Տորո Ֆլորին։ Այնուամենայնիվ, նրան և Ռոմինա Օպրանդիին հաջողվել է հաղթել զուգախաղի մրցաշարում՝ Կատաժինա Պիտեր-Մարյանա Զանևսկա զույգին երեք սեթում հաղթելով եզրափակիչում։ Madrid Open մրցաշարում Մուգուրուսան երկրորդ շրջանում պարտվել է Սամանտա Ստոսուրին[14], սակայն եզրափակիչ է դուրս եկել զուգախաղում՝ Կարլա Սուարես Նավարոյի հետ, որտեղ նրանք երկու սեթում պարտվել են 2-րդ դասակարգված իտալուհիներ Սառա Էրանիին և Ռոբերտա Վինչիին։

Internazionali BNL d'Italia մրցաշարի երկրորդ շրջանում Ֆրանչեսկա Սկիավոնեին պարտվելուց հետո Մուգուրուսան առաջին անգամ քառորդ եզրափակիչ է հասել խոշոր մրցաշարում՝ Ֆրանսիայի բաց առաջնությունում, որտեղ երկրորդ շրջանում առավելության է հասել աշխարհի առաջին ռակետ Սերենա Ուիլյամսի նկատմամբ, ինչը վերջինիս վատագույն արդյունքն էր Մեծ Սաղավարտի մրցաշարերում[15]։ Մինչ քառորդ եզրափակիչ ոչ մի սեթ չզիջելով մրցակիցներին, Մուգուրուսան այնտեղ երեք սեթում պարտվել է մրցաշարի ապագա հաղթող Մարիա Շարապովային[16]։ Մուգուրուսան նաև կիսաեզրափակիչ է դուրս եկել զուգախաղի մրցաշարում, որտեղ Կարլա Սուարես Նավարոյի հետ միասին երեք սեթում պարտվել են վերին դասակարգված Պեն Շուայ-Սու Վեյ Սե զույգին։ Այդ հաջող ելույթների արդյունքում Մուգուրուսան բարելավել է համաշխարհային դասակարգման մենախաղի և զուգախաղի վարկանիշները և տեղ զբաղեցրել, համապատասխանաբար, 27-րդ և 36-րդ հորիզոնականներում։

Մուգուրուսան խոտածածկի մրցաշրջանը սկսել է Rosmalen Grass Court Championships մրցաշարում, որտեղ նա հասել է մինչև քառորդ եզրափակիչ, սակայն պարտվել է ամեպիկուհի որակավորված Կոկո Վանդևենգեին երկու սեթում[17]։ Ուիմբլդոնի մրցաշարում Մուգուրուսան 27-րդ դասակարգվածն էր, սակայն կրկին Վանդևենգեին պարտվել է առաջին շրջանում[18]։ 16-րդ դասակարգված լինելով զուգախաղի մրցաշարում (Կարլա Սուարես Նավարոյի հետ, Մուգուրուսան և խաղընկերուհին հաղթել են Այլա Տոմյանովիչ-Քրիստինա ՄակՀեյլ, Մոնիկա Նիկուլեսկու-Կլարա Կոուկալովա զույգերի նկատմամբ և դուրս են եկել երրորդ շրջան, որտեղ երկու սեթում պարտվել են Անդրեա Պետկովիչ-Մագդալենա Ռիբարիկովա զույգին[19]։

Մուգուրուսան հյուսիսամերիկյան հարդի մրցաշրջանը սկսել է Սթենֆորդի Stanford Classic մրցաշարում։ Նա երեք սեթում հաղթել է 6-րդ դասակարգված և գործող չեմպիոն Դոմինիկա Ցիբուլկովային[20] և որակավորված Դանիելա Հանտուխովային[21] և դուրս է եկել մրցաշարի քառորդ եզրափակիչ, որտեղ երկու սեթում պարտվել է 3-րդ դասակարգված Անժելիկա Քերբերին[22]։ Զուգախաղում Կարլա Սուարես Նավարոյի հետ դասակարգված լինելով 3-րդ համարի տակ, նրանք հաղթել են Եվա Գրդինովա-Անդրեա Կլեպաչ, Կարոլին Գարսիա-Չժան Շուայ և երկրորդ դասակարգված Անաստասիա Ռոդիոնավա-Ալլա Կուդրյավցևա զույգերին և դուրս են եկել եզրափակիչ։ Եզրափակիչում նրանք երեք սեթում առավելության են հասել Պաուլա Կանիա-Կատերինա Սինյակովա զույգի նկատմամբ և տիրել են մրցաշարի հաղթողի տիտղոսին[23]։ Հաջորդ շաբաթ Canadian Open մրցաշարում Մուգուրուսան առաջին շրջանում հաղթահարել է կանադացի Ստեֆանի Դյուբուայի արգելքը և հաջորդ շրջանում երեք սեթում զիջել է 4-րդ դասակարգված Մարիա Շարապովային[24]։ Զուգախաղում Մուգուրուսա-Սուարես Նավարո զույգը երկրորդ շրջանում պարտվել է 2-րդ դասակարգված Սե Սու Վեյ-Պեն Շուայ զույգին[25]։ Ցինցինատիի «Մասթերս» մրցաշարում Մուգուրուսան առաջին շրջանում պարտվել է գերմանացի Անիկա Բեկին[26], սակայն քառորդ եզրափակիչ է հասել զուգախաղում, որտեղ նա և Սուարես Նավարոն պարտվել են Կիմիկո Դատե-Անդրեա Հլավաչկովա զույգին[27]։ Connecticut Open մրցաշարում Մուգուրուսան հաղթել է 7-րդ դասակարգված Սառա Էրանիին[28] և չինուհի Պեն Շուային[29] և դուրս եկել քառորդ եզրափակիչ, որտեղ նա երեք սեթում պարտություն է կրել իտալուհի Կամիլա Ջորջիից[30]։ Նա Սուարես Նավարոն զուգախաղի մրցաշարի առաջին շրջանում պարտություն են կրել Մարինա Էրակովիչ-Արանչա Պարա Սանտոնհա զույգից[31]։ Մուգուրուսայի հաջորդ մրցաշարը եղել է ԱՄՆ բաց առաջնությունը, որտեղ նա մրցակցել է որպես 25-րդ դասակարգված։ Այնուամենայնիվ, նա առաջին շրջանում երկու սեթում պարտվել է Միրյանա Լուչիչ-Բարոնիին։ Զուգախաղում նրանք (Կարլա Սուարես Նավարոյի հետ) հասել են երրորդ շրջան, ճանապարհին հաղթելով Ալիզե Կորնե-Կիրստեն Ֆլիպկենս և Մարինա Էրակովիչ-Արանչա Պարա Սանտոնհա զույգերին, սակայն պարտվել են Ուիլյամս քույրերին՝ Վենուս Ուիլյամսին և Սերենա Ուիլյամսին[32]։

Գարբինե Մուսուրուսան և Կարոլին Վոզնյացկին Toray Pan Pacific Open մրցաշարում, 2014 թվական

Մուգուրուսան ասիական շրջանը սկսել է Տոկիոյի Pan Pacific Open մրցաշարում։ Նա հաղթել է Անաստասիա Պավլյուչենկովային[33], 4-րդ դասակարգված Ելենա Յանկովիչին[34] և Կեյսի Դելակվային[35] և դուրս է եկել կիսաեզրափակիչ, որտեղ նա երեք սեթում պարտվել է 2-րդ դասակարգված Կարոլին Վոզնյացկիին[36]։ Մուգուրուսան եզրափակիչ է հասել մրցաշարի զուգախաղում, Սուարես Նավարոյի հետ միասին հաղթելով Անաստասիա Պավլյուչենկովա-Լյուսիա Շաֆարժովա, Յարմիլա Հայդիշովա-Արինա Ռոդիոնովա զույգերին, երկրորդ դասակարգվածներ Ռաքել Կոպս-Ջոնս - Էբիգեյլ Սփիրս զույգին և եզրափակիչում երկու սեթում պարտություն են կրել վերին դասակարգված Կարա Բլեյք-Սանիա Միրզա զույգից[37]։ Այնուհետև Մուգուրուսան մրցակցել է Ուհանի մրցաշարում, որտեղ նա մենախաղում հասել է երրորդ շրջան, հաղթելով Մարիա Թերեզա Տորո Ֆլորին[38] և աշխարհի 2-րդ ռակետ Սիմոնա Հալեպին[39]։ Զուգախաղի երկրորդ շրջան են հասել նաև Սուարես Նավարոյի հետ զույգով՝ Մարիա Թերեզա Տորո Ֆլոր-Սիլվիա Սոլեր Էսպինոսա զույգի նկատմամբ հաղթանակից հետո[40], սակայն երկրորդ շրջանում ստիպված է եղել հրաժարվել պայքարից սրացած գաստրիտի պատճառով[41]։ Հաջորդ շաբաթ Պեկինի China Open մրցաշարում Մուգուրուսան առաջին շրջանում երեք սեթում պարտվել է Եկատերինա Մակարովային[42], սակայն զուգախաղում Սուարես Նավարոյի հետ հասել են քառորդ եզրափակիչ[43]։

Տարվա վերջին մրցաշարը եղել է WTA Ամփոփիչ մրցաշարը, որը տեղի է ունեցել Սոֆիայում, Բուլղարիա։ Չնայած խմբային փուլում Մուգուրուսան անպարտելի է մնացել՝ հաղթելով վերին դասակարգված Եկատերինա Մակարովային[44], 3-րդ դասակարգված Ֆլավիա Պենետային[45] և 6-րդ դասակագված Ալիզե Կորնեին[46], Մուգուրուսան կիսաեզրափակիչում պարտվել է մրցաշարի ապագա հաղթող Անդրեա Պետկովիչին[47]։ Մուգուրուսան տարին ավարտել է կարիերայի լավագույն վարկանիշային արդյունքով՝ տեղ զբաղեցնելով համաշխարհային դասակարգման աղյուսակի մենախաղի 21-րդ և զուգախաղի 16-րդ հորիզոնականներում։

2015 թվական. Առաջին Մեծ Սաղավարտի եզրափակիչ և առաջին Premier Mandatory մրցաշարի տիտղոս[խմբագրել | խմբագրել կոդը]

Գարբինե Մուգուրուսան 2015 թվականի Ֆրանսիայի բաց առաջնությունում

2015 թվականի մրցաշրջանում Մուգուրուսայի առաջին մեկնարկը եղել է Բրիսբենի մրցաշարում, սակայն նա ստիպված է եղել հրաժարվել պայքարից ոտնաթաթի վնասվածքի պատճառով[48]։ Հաջորդ շաբաթ Մուգուրուսան որոշել է չպաշտպանել Հոբարտի մրցաշարի տիտղոսը, այլ մասնակցել է Սիդնեյի մրցաշարին, որտեղ նա հասել է մինչև քառորդ եզրափակիչ, մրցաշարի ընթացքում առաջին անգամ հաղթանակ տանելով Ագնեշկա Ռադվանսկայաի նկատմամբ[49]։ Ավստրալիայի բաց առաջնությունում նա հասել է մինչև չորրորդ շրջան՝ Մարինա Էրակովիչի, Դանիելա Հանտուխովայի և Թիմեա Բաչինսկիի նկատմամբ հաղթանակներ տանելուց հետո, սակայն այնտեղ երեք սեթում պարտվել է վերջնական արդյունքում մրցաշարի հաղթող Սերենա Ուիլյամսին։

Մուգուրուսան հաղթանակ է տարել 2015 թվականի Ֆեդերացիայի գավաթի Համաշխարհային II խմբի երկու մենախաղերում, հաղթելով Իրինա Կամելիա Բեգուին և աշխարտի 3-րդ ռակետ Սիմոնա Հալեպին, սակայն Իսպանիայի հավաքականը պարտություն է կրել 2-3 հաշվով՝ զուգախաղի որոշիչ մրցակցությունում Մուգուրուսայի և Անաբել Մեդինա Գարիգես զույգի պարտությունից հետո։ Դուբայի մրցաշարում Մուգուրուսան հասել է կարիերայում իր առաջին WTA Premier 5 մրցաշարի մենախաղի կիսաեզրափակիչ, մրցաշարի ընթացքում հաղթելով Յարմիլա Հայդաշովային, 12-րդ դասակարգված Ելենա Յանկովիչին, 5-րդ դասակարգված Ագնեշկա Ռադվանսկայաին և 13-րդ դասակարգված, իր խաղընկերուհի Կարլա Սուարես Նավարոյին, սակայն կիսաեզրափակիչում երեք սեթում պարտություն է կրել 17-րդ դասակարգված Կարոլինա Պլիշկովայից։ Նա Սուարես Նավարոյի հետ միասին դուրս է եկել նաև զուգախաղի մրցաշարի եզրափակիչ։ Հաջորդ շաբաթ, Դոհայի մրցաշարում, Մուգուրուսան առաջին շրջանում Կարլա Սուարես Նավարոյի հետ հանդիպման ժամանակ, առաջին սեթում հրաժարվել է մրցակցությունից։

Մարտին Մուգուրուսան Կարոլինա Պրիշկովային պարտվել է Ինդիան Ուելսի մրցաշարի երկրորդ շրջանում՝ առաջին շրջանում ամերիկուհի Իրինա Ֆալկոնիին հաղթելուց հետո։ Չնայած դրան, նա մրցաշարից հետո վարկանիշային աղյուսակում բարձրացել է մինչև 19-րդ հորիզոնական։ Երկու շաբաթ անց Մուգուրուսան հասել է մինչև Մայամիի մրցաշարի երրորդ շրջան, որտեղ Սեսիլ Կարատանչևայի նկատմամբ հաղթանակից հետո պարտվել է 11-րդ դասակարգված Սառա Էրանիին՝ առաջին սեթում հաղթանակի հասնելուց հետո։

Մուգուրուսան մինչև երկրորդ շրջան է հասել Ֆրանսիայի բաց առաջնությանը նախորդող գրունտային երեք մրցաշարերում։ Նա երկրորդ դասակարգված Սիմոնա Հալեպին պարտվել է Շտուտգարտի մրցաշարում, Կրիստինա Մլադենովիչին պարտվել է Մարաքեշի մրցաշարում և Սվետլանա Կուզնեցովայից պարտություն է կրել Մադրիդի մրցաշարում։ Մուգուրուսան և Սուարես Նավարոն երկրորդ տարին անընդմեջ եզրափակիչ են հասել Մադրիդի մրցաշարում, սակայն այնտեղ երեք սեթում պարտվել են Կեյսի Դելակուա-Յարոսլավա Շվեդովա զույգին։ Չնայած այդ անհաջողություններին, Մուգուրուսան Ֆրանսիայի բաց առաջնությունում երկրորդ անգամ անընդմեջ հասել է քառորդ եզրափակիչ։ Մրցաշարի ընթացքում նա հաղթել է Անժելիկա Քերբերին[50] և Ֆլավիա Պենետային[51], սակայն քառորդ եզրափակիչում անհաղթատարելի արգելք է հանդիսացել Լյուսիա Շաֆարժովան[52]։

Մուգուրուսան անհաջող մեկնարկ է վերցրել մրցաշրջանի խոտածածկի մրցաշարերում, պարտվելով Բիրմինգհեմի մրցաշարի առաջին շրջանում և Իսթբորնի մրցաշարի երրորդ շրջանում։ Այնուամենայնիվ, նա և Սուարես Նավարոն իրենց առաջին խոտածածկի մրցաշարի տիտղոսն են նվաճել Բիրմինգհեմում, եզրափակիչում երկու սեթում հաղթելով Անդրեա Հլավաչկովային և Լյուսիա Գրադեցկայաին։ Ուիմբլդոնի մրցաշարում Մուգուրուսան երրորդ շրջանում պարտության է մատնել 10-րդ դասակարգված Անժելիկա Քերբերին[53], չորրորդ շրջանում հաղթել է 5-րդ դասակարգված Կարոլին Վոզնյացկիին[54] և քառորդ եզրափակիչում հաղթել է 15-րդ դասակարգված Թիմեա Բաչինսկիին։ Կիսաեզրափակիչում նրա մրցակցուհին 13-րդ դասակարգված Ագնեշկա Ռադվանսկայան էր, որին նա պայքարից դուրս է թողել երեք սեթում և կարիերայում առաջին անգամ դուրս է եկել Մեծ Սաղավարտի մրցաշարի եզրափակիչ։ Տիտղոսի համար մրցախաղում նա աշխարհի թիվ 1 ռաեկտ Սերենա Ուիլյամսին պարտվել է երկու սեթում[55]։ Մրցաշարից հետո Մուգուրուսան առաջին անգամ մտել է համաշխարհային դասակարգման Թոփ 10-յակ՝ տեղ զբաղեցնելով WTA վարկանիշային աղյուսակի 9-րդ հորիզոնականում։

ԱՄՆ բաց առաջնության նախապատրաստման շրջանում Մուգուրուսան հաջողությունների չի հասել, պարտվելով Տորոնտոյի և Ցինցինատիի մրցաշարերի մեկնարկներում՝ Լեսյա Ցուրենըոյին և Յարոսլավա Շվեդովային։ ԱՄՆ բաց առաջնության մրցաշարի առաջին շրջանում նա հաղթել է գերմանացի Կարինա Վիթհոֆին։ Սակայն հաջորդ փուլում նա երեք սեթում պարտվել է Յոհաննա Կոնտաին, մրցախաղում, որը տևել է 3 ժամ 23 րոպե՝ ամենաերկար կանանց մենախաղը մրցաշարի պատմության ընթացքում 1970 թվականին թայ-բրեյքը մտցնելուց ի վեր։

Մուգուրուսան ասիական մրցաշարերում մեկնարկել է Տոկիոյի Pan Pacific Open-ում, որտեղ նա հաջողությամբ հասել է մինչև քառորդ եզրափակիչ, որտեղ պարտվել է Բելինդա Բենչիչին։ Ուհանի մրցաշարում Մուգուրուսան երկրորդ մրցաշարում անընդմեջ հասել է քառորդ եզրափակիչ՝ Սլոան Սթիվենսի և Անա Իվանովիչի նկատմամբ հաղթանակներից հետո։ Այնուհետև նա առավելության է հասել Աննա Կարոլինա Շմիդլովայի և Անժելիկա Քերբերի նկատմամբ և դուրս եկել եզրափակիչ։ Եզրափակիչում նա մրցակցել է Վենուս Ուիլյամսի հետ, սակայն երկրորդ սեթում ստիպված է եղել դադարեցնել պայքարը ոտնաթաթի վնասվածքի պատճառով։ Մրցաշարից արդյունքում Մուգուրուսան առաջին անգամ կարողացել է տեղ գրավել ուժեղագույն թենիսիստուհիների Թոփ 5-ում[56]։ Պեկինի China Open մրցաշարում Մուգուրուսան առաջին երկու շրջաններում հաղթել է Իրինա Ֆալկոնիին և Միրյանա Լուչիչ Բարոնիին և դուրս եկել քառորդ եզրափակիչ։ Քառորդ եզրափակիչում հաղթանակը Մուգուրուսային թույլ կտար առաջին անգամ մասնակցութուն ունենալ WTA Ամփոփիչ մրցաշարում։ Բեթանի Մաթեկ Սանդսի նկատմամբ հաղթանակը քառորդ եզրափակիչում նրան դարձրել է առաջին իսպանացի թենիսիտուհին, 2001 թվականին Արանչա Սանչես Վիկարիոյից հետո, ով մրցակցել է տարվա ամփոփիչ մրցաշարին։ Կիսաեզրափակիչում նա հաղթել է 4-րդ դասակարգված Ագնեշկա Ռադվանսկայաին և կարիերայում առաջին անգամ դուրս եկել Premier Mandatory մրցաշարի եզրափակիչ։ Ռադվանսկայաի նկատմամբ հաղթանակը նրան թույլ է տվել վարկանիշային աղյուսակում բարձրանալ 4-րդ հորիզոնական։ Եզրափակիչում Մուգուրուսան հաղթանակ է տարել 12-րդ դասակարգված Թիմեա Բաչինսկիի նկատմամբ և հասել կարիերայում իր ամենամեծ հաջողությանը՝ WTA Premier Mandatory մրցաշարի հաղթողի տիտղոսին։

Այնուհետև Մուգուրուսան ուղևորվել է Սինգապուր՝ WTA Ամփոփիչ մրցաշար։ Խմբային փուլում նա հաղթանակներ է տարել Պետրա Կվիտովայի, Անժելիկա Քերբերի և Լյուսիա Շաֆարժովայի նկատմամբ և դուրս եկել կիսաեզրափակիչ, որտեղ նա պարտություն է կրել Ագնեշկա Ռադվանսկայաից։ Մուգուրուսան Սինգապուրում մասնակցություն է ունեցել նաև զուգախաղի մրցաշարին, որտեղ իր խաղընկերուհի Կարլա Սուարես Նավարոյի հետ դուրս է եկել եզրափակիչ։ Եզրափակիչում նրանք պարտվել են 1-ին դասակարգված Մարտինա Հինգիս-Սանիա Միրզա զույգին։

2016 թվական. Ֆրանսիայի բաց առաջնության չեմպիոն և նորամուտ Թոփ 2[խմբագրել | խմբագրել կոդը]

Գարբինե Մուգուրուսան 2016 թվականի Ֆրանիսայի բաց առաջնությունում հաղթանակից հետո

Մուգուրուսան իր մրցաշրջանը սկսել է Բրիսբենի մրցաշարում, որտեղ նա առաջին իսկ շրջանում հեռանում է մրցաշարից վնասվածքի պատճառով[57]։ Հաջորդ մրցաշարը եղել է Ավստրալիայի բաց առաջնությունը, որտեղ նա հասել է մինչև երրորդ շրջան՝ նախորդ երկուսում հաղթանակներ տանելով Անեթ Կոնտավեյթի և Կիրստեն Ֆլիպկենսի նկատմամբ։ Երրորդ շրջանում նա պարտվել է Բարբորա Ստրիցովային։ Ֆեդերացիայի գավաթում Մուգուրուսան օգնել է Իսպանիայի հավաքականին հաղթելու Սերբիայի ընտրանում՝ հաղթանակներ տանելով Իվանա Յորովիչի և Ելենա Յանկովիչի նկատմամբ[58]։

Դուբայի մրցաշարում Մուգուրուսան երկրորդ շրջանում պարտվել է Էլինա Սվիտոլինային։ Նրա հաջորդ մրցաշարը եղել է Դոհայում, որտեղ նա հասել է տարվա ընթացքում առաջին քառորդ եզրափակիչ, պարտության մատնելով Նաո Հիբինոյին և Թիմեա Բաբոշին, սակայն երեք սեթում պարտվել է Անդրեա Պետկովիչին։ Այնուհետև նա խաղացել է Ինդիան Ուելսի մրցաշարում, որտեղ մեկնարկային խաղում պարտվել է Քրիստինա ՄակՀեյլին։ Miami Open մրցաշարում նա երեք սեթում հաղթել է Դոմինիկա Ցիբուլկովային, երկու սեթում Նիկոլ Գիբսին և չորրորդ շրջանում պարտություն է կրել Վիկտորիա Ազարենկայից՝ երկու թայ-բրեյքներում։

Մուգուրուսան գրունտային շրջանի մեկնարկը սկսել է Իտալիայի հավաքականի դեմ Ֆեդերացիայի գավաթի խաղում։ Այնտեղ նա հաղթանակներ է տարել Ֆրանչեսկա Սկիավոնեի և թիվ 7 ռակետ Ռոբերտա Վինչիի նկատմամբ և Իսպանիայի հավաքականին օգնել է հաջորդ տարի ելույթ ունենալ Համաշխարհային խմբում։ Այնուհետև նա խաղացել է Շտուտգարտի մրցաշարում, որտեղ հասել է տարվա մեջ երկրորդ քառորդ եզրափակիչին՝ պարտվելով Պետրա Կվիտովային։ Մադրիդի մրցաշարում նա երկրորդ շրջանում պարտվել է Իրինա Կամելիա Բեգուին։ Այնուհետև մրցաշարջանում առաջին WTA մրցաշարի կիսաեզրափակիչ է հասել Հռոմի մրցաշարում՝ 11-րդ դասակարգված Թիմեա Բաչինսկիին քառորդ եզրափակիչում հաղթելուց հետո։ Սակայն կիսաեզրափակիչում նա երկու սեթում պարտվել է Մեդիսոն Կիսին։

Ֆրանսիայի բաց առաջնությունում Մուգուրուսան անսպասելիորեն մեծ հաջողության է հասել և շահել մրցաշարի հաղթողի և Մեծ Սաղավարտի մրցաշարերում իր առաջին տիտղոսը։ Նա առաջին շրջանում առաջին սեթը պարտվել է Աննա Կարոլինա Շմիդլովային, սակայն մրցախաղը շահել է երեք սեթում։ Դրանից հետո նա հեշտությամբ հասել է մինչև մրցաշարի եզրափակիչ՝ կարիերայում երկրորդ եզրափակիչը Մեծ Սաղավարտի մրցաշարերում, ոչ մի սեթ չպարտվելով հետագա հինգ հանդիպումներում, այդ թվում Սվետլանա Կուզնեցովային չորրորդ շրջանում։ Քառորդ եզրափակիչում նա հաղթել է Շելբի Ռոջերսին և կիսաեզրափակիչում առավելության է հասել Սամանտա Ստոսուրի նկատմամբ[59]։ Եզրափակիչում նրա մրցակիցը աշխարհի թիվ 1 ռակետ և մրցաշարի 1-ին դասակարգված Սերենա Ուիլյամսի հետ՝ նախորդ տարվա Ուիմբլդոնի մրցաշարի եզրափակիչի ռևանշ-մրցախաղը։ Մուգուրուսան հաղթանակ է տարել երկու սեթում և շահել կանանց մենախաղի կարիերայի իր գլխավոր տիտղոսը[60][61]։ Մրցաշարում հաղթանակից հետո նա 2016 թվականի հունիսի 6-ին WTA վարկանիշային աղյուսակում բարձրացել է կարիերայում իր բարձրագույն հորիզոնականը՝ աշխարտի թիվ 2 ռակետ։ Նա առաջին իսպանուհի թենիսիստուհին է, ով 1998 թվականին Արանչա Սանչես Վիկարիոյի հաղթանակից հետո կարողացել է տիտղոս շահել Մեծ Սաղավարտի մրցաշարում[60]։

Մուգուրուսան խոտածածկի շրջանը սկսել է հայրենի Մալյորկայի մրցաշարում մրցելույթներով, որտեղ նա 1-ին դասակարգվածն էր։ Այնուամենայնիվ, նա առաջին շրջանում երկու սեթում պարտություն է կրել Կիրստեն Ֆլիպկենսից՝ առաջին շրջանում դուրս մնալով արդեն տարվա ընթացքում երրորդ մրցաշարում և երկրորդ անգամ պարտություն կրելով Ֆլիպկենսից։ Մուգուրուսան Ուիմբլդոնի մրցաշարում մեկնարկել է որպես 2-րդ դասակարգված՝ հույս ունենալով վարկանիշային աղյուսակի վերին հորիզոնականը շահել Սերենա Ուիլյամսից։ Չնայած Մուգուրուսան մեկնարկային խաղում հաղթել է Կամիլա Ջորջիին, այնուամենայնիվ, երկրորդ շրջանում պարտվել է Յանա Չեպելովային։ Չկարողանալով պաշտպանել նախորդ տարվա եզրափակիչի վարկանիշային միավորները, Մուգուրուսան դասակարգման աղյուսակում իջել է 3-րդ հորիզոնական։ Օգոստոսին նա մասնակցել է Ռիո դե Ժանեյրոյի Օլիմպիական խաղերին։ Առաջին շրջանում նա հաղթել է ռումինուհի Անդրեա Միտուին և երկրորդ շրջանում՝ Նաո Հիբինոյին։ Երրորդ շրջանում Մուգուրուսան պարտություն է կրել մրցաշարի ապագա հաղթող և ոսկե մեդալակիր Մոնիկա Պյուիգին Պուերտո Ռիկոյից։ Զուգախաղի մրցաշարում նա համագործակցել է Կարլա Սուարես Նավարոյի հետ և հասել են մինչև քառորդ եզրափակիչ, որտեղ պարտվել են Օլիմպիական խաղերի ապագա ոսկե մեդալակիրներ Եկատերինա Մակարովա-Ելենա Վեսնինա զույգին։

Օլիմպիադայից հետո Մուգուրուսան մասնակցել է Ցինցինատիի մրցաշարին, որտեղ դասակարգված էր 4-րդ համարի տակ։ Երկրորդ շրջանում նա հաղթել է Կոկո Վանդևենգեին, երրորդ շրջանում առավելության հասել 16-րդ դասակարգված Անաստասիա Պավլյուչենկովայի նկատմամբ։ Քառորդ եզրափակիչում Թիմեա Բաբոշին հաղթելուց հետո Մուգուրուսան դուրս է եկել կիսաեզրափակիչ, որտեղ, սակայն, երկու սեթում պարտվել է մրցաշարի ապագա հաղթող, 15-րդ դասակարգված Կարոլինա Պլիշկովային։

ԱՄՆ բաց առաջնությունում Մուգուրուսան դասակարգված էր 3-րդ համարի տակ և առաջին շրջանում երեք սեթում հաղթել է Էլիս Մերտենսին։ Երկրորդ շրջանում նա երկու սեթում պարտվել է Անաստասիա Սևաստովային։

Տոկիոյի մրցաշարում նա դասակարգված էր 1-ին համարի տակ և երկրորդ շրջանում ռևանշ է վերցրել ԱՄՆ-ու իրեն պարտության մատնած Անաստասիա Սևաստովայից, հաղթելով նրան երկու սեթում։ Քառորդ եզրափակիչում նա երեք սեթում պարտվել է Էլինա Սվիտոլինային։ Ուհանի մրցաշարում նա դասակարգված էր 2-րդ համարի տակ, սակայն երկրորդ շրջանում պարտվել է Ելենա Յանկովիչին։ Հոկտեմբերին նա մասնակցել է Պեկինի մրցաշարին, որտեղ 2-րդ դասակարգվածն էր։ Առաջին շրջանում Մուգուրուսան հաղթել է Իրինա Կամելիա Բեգուին, իսկ երկրորդում՝ Յուլիա Պուտինցևային։ Երրորդ շրջանում նա երկու սեթում պարտվել է Պետրա Կվիտովային։

Այնուհետև Մուգուրուսան մասնակցել է Լինցի մրցաշարին, որտեղ առաջին երկու շրջաններում հաղթանակներ է տարել Կայլա Բույուկակչայի և Մոնիկա Նիկուլեսկուի նկատմամբ, իսկ քառորդ եզրափակիչի երրորդ սեթում հրաժարվել է Վիկտորիա Գոլուբիչի հետ պայքարից՝ վնասվածքի պատճառով։

Հոկտեմբերի վերջին Մուգուրուսան մասնակցել է WTA Ամփոփիչ մրցաշարին, որտեղ ընդգրկված էր Սպիտակ խմբում՝ Ագնեշկա Ռադվանսկաի, Կարոլինա Պլիշկովայի և Սվետլանա Կուզնեցովայի հետ։ Խմբային փուլում նա երկու սեթում պարտվել է Ռնդվանսկաին և Պլիշկովային և երեք սեթում հաղթել է Կուզնեցովային, սակայն դուրս է մնացել մրցաշարից։

Կարիերայի վիճակագրություն[խմբագրել | խմբագրել կոդը]

Հիմնական հոդված՝ Գարբինե Մուգուրուսայի կարիերայի վիճակագրություն

Մեծ Սաղավարտի մրցաշարերի եզրափակիչներ[խմբագրել | խմբագրել կոդը]

Մենախաղ 2 (1 տիտղոս, 1 պարտություն)[խմբագրել | խմբագրել կոդը]

Արդյունք Թվական Մրցաշար Ծածկույթ Մրցակից Հաշիվ
Պարտություն 2015 Ուիմբլդոն Խոտածածկ Ամերիկայի Միացյալ Նահանգներ Սերենա Ուիլյամս 4–6, 4–6
Հաղթանակ 2016 Ֆրանսիայի բաց առաջնություն Գրունտ Ամերիկայի Միացյալ Նահանգներ Սերենա Ուիլյամս 7–5, 6–4

Մեծ Սաղավարտի մրցաշարերի վիճակագրություն[խմբագրել | խմբագրել կոդը]

Մենախաղ[խմբագրել | խմբագրել կոդը]

Մրցաշար 2012 2013 2014 2015 2016 ՀՄ Հ–Պ
Մեծ Սաղավարտի մրցաշարեր
Ավստրալիայի բաց առաջնություն ՉՄ 2 շրջան 4 շրջան 4 շրջան 3 շրջան 0 / 4 9–4
Ֆրանսիայի բաց առաջնություն Ո3 2 շրջան 1/4 1/4 Հ 1 / 4 16–3
Ուիմբլդոն Ո2 2 շրջան 1 շրջան Ե 2 շրջան 0 / 4 8–4
ԱՄՆ բաց առաջնություն 1 շրջան ՉՄ 1 շրջան 2 շրջան 2 շրջան 0 / 4 2–4
Հ–Պ 0–1 3–3 7–4 14–4 11–3 1 / 16 35–15

Զուգախաղ[խմբագրել | խմբագրել կոդը]

Մրցաշար 2013 2014 2015 2016 ՀՄ Հ–Պ
Մեծ Սաղավարտի մրցաշարեր
Ավստրալիայի բաց առաջնություն ՉՄ 2 շրջան 2 շրջան ՉՄ 0 / 2 2–2
Ֆրանսիայի բաց առաջնություն 1 շրջան 1/2 1 շրջան ՉՄ 0 / 3 4–3
Ուիմբլդոն 1 շրջան 3 շրջան 2 շրջան ՉՄ 0 / 3 3–3
ԱՄՆ բաց առաջնություն ՉՄ 3 շրջան 2 շրջան ՉՄ 0 / 2 3–2
Հ–Պ 0–2 9–4 3–4 0–0 0 / 10 12–10

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 1,5 WTA կայքէջ
  2. ↑ Enciclopèdia de l'esport català (կատ.) — Grup Enciclopèdia, 2012.
  3. ↑ As (իսպ.) — Madrid: Grupo PRISA, 1967.
  4. ↑ Echániz P (դեկտեմբերի 11, 2012)։ «Mi gran sueño es ganar el Open USA» [My great dream is to win the US Open]։ Diario Vasco (Spanish)։ Վերցված է հուլիսի 9, 2015 
  5. ↑ Rada Galindo Nolan (մայիսի 29, 2014)։ «5 datos que debe saber sobre Garbiñe Muguruza» [5 things you should know about Garbiñe Muguruza]։ Prodavinci (Spanish)։ Վերցված է հուլիսի 10, 2015 
  6. ↑ «The NY Times: Muguruza realizes a dream»։ Վերցված է հուլիսի 10, 2015 
  7. ↑ «WTA bio»։ WTA։ Վերցված է հուլիսի 10, 2015 
  8. ↑ 8,0 8,1 Mateo Juan José, Train Rob (մարտի 26, 2012)։ «Muguruza's Miami arrival»։ El País։ Վերցված է հունիսի 10, 2016 
  9. ↑ «Radwanska pone fin al sueño de Garbiñe Muguruza en Miami» [Radwanska ends the dream of Garbiñe Muguruza in Miami]։ Terra Deportes (Spanish) (Terra Networks)։ EFE։ մարտի 26, 2012։ Արխիվացված է օրիգինալից 2016-08-18-ին։ Վերցված է հունիսի 10, 2016 
  10. ↑ Garbine Muguruza defeats Klara Zakopalova to win Hobart International, ABC Grandstand Sport, 11 January 2014
  11. ↑ «Australian Open: Caroline Wozniacki shocked by Garbine Muguruza as Maria Sharapova advances»։ ABC։ հունվարի 19, 2014։ Վերցված է հունիսի 19, 2014 
  12. ↑ «Agnieszka Radwanska beats Garbine Muguruza to make quarters/»։ MVP Genius։ հունվարի 20, 2014։ Վերցված է հունիսի 19, 2014 
  13. ↑ «Klara Zakopalova beats Garbine Muguruza in Brazil Cup final»։ Sports Illustrated։ մարտի 1, 2014։ Վերցված է հունիսի 19, 2014 
  14. ↑ «Sam Stosur's French Open optimism against Australian Open finalist Dominika Cibulkova»։ Sydney Morning Herald։ 2014-05-29։ Վերցված է 2014-06-19 
  15. ↑ «French Open: Garbine Muguruza beats Serena Williams at the French Open»։ Sydney Morning Herald։ մայիսի 29, 2014։ Վերցված է հունիսի 19, 2014 
  16. ↑ «French Open: Maria Sharapova advances to semi-finals after beating Spain's Garbine Muguruza»։ The Telegraph։ հունիսի 3, 2014։ Վերցված է հունիսի 19, 2014 
  17. ↑ «Vandeweghe sees off Muguruza»։ Sportal։ հունիսի 19, 2014։ Արխիվացված է օրիգինալից 2014-07-14-ին։ Վերցված է հունիսի 20, 2014 
  18. ↑ «Coco Vandeweghe upsets Garbine Muguruza for first win at Wimbledon»։ Journal Star։ հունիսի 23, 2014։ Վերցված է հունիսի 24, 2014 
  19. ↑ «Wimbledon Women's Doubles Draw»։ Wimbledon.com։ Վերցված է հուլիսի 3, 2014 
  20. ↑ «Defending champion Dominika Cibulkova stunned by Garbine Muguruza in Stanford»։ Tennis World USA։ Վերցված է հուլիսի 30, 2014 
  21. ↑ «Williams, Ivanovic reach Bank of West quarters»։ Boston Herald։ Վերցված է օգոստոսի 1, 2014 
  22. ↑ «Petkovic Beats Venus Williams at Stanford»։ abcnews.go.com։ Վերցված է օգոստոսի 2, 2014 
  23. ↑ «2014 Bank of The West Classic – Women's Doubles Draw»։ Women's Tennis Association։ Վերցված է օգոստոսի 21, 2014 
  24. ↑ «Power and order restored as Maria Sharapova advances in Montreal»։ ibnlive.in.com։ Արխիվացված է օրիգինալից 2014-08-21-ին։ Վերցված է օգոստոսի 21, 2014 
  25. ↑ «2014 Rogers Cup – Women's Doubles Draw»։ Women's Tennis Association։ Վերցված է օգոստոսի 21, 2014 
  26. ↑ «Sports results for Wednesday, August 13»։ Sydney Morning Herald։ Վերցված է օգոստոսի 21, 2014 
  27. ↑ «2014 Western & Southern Open – Women's Doubles Draw»։ Women's Tennis Association։ Վերցված է օգոստոսի 21, 2014 
  28. ↑ «Samantha Stosur wins Connecticut Open first-round match»։ Sydney Morning Herald։ Վերցված է օգոստոսի 21, 2014 
  29. ↑ «Bouchard, Wozniacki Upset at Connecticut Open»։ abcnews.go.com։ Վերցված է օգոստոսի 21, 2014 
  30. ↑ «Stosur through to last four in Connecticut»։ au.news.yahoo.com։ Արխիվացված է օրիգինալից 2014-08-26-ին։ Վերցված է օգոստոսի 22, 2014 
  31. ↑ «2014 Connecticut Open – Women's Doubles Draw»։ Women's Tennis Association։ Վերցված է օգոստոսի 21, 2014 
  32. ↑ «2014 US Open – Women's Doubles Draw»։ Women's Tennis Association։ Վերցված է սեպտեմբերի 21, 2014 
  33. ↑ «Safarova beats Keys in Tokyo tennis»։ sbs.com.au։ Վերցված է սեպտեմբերի 21, 2014 
  34. ↑ «Casey Dellacqua through to Pan Pacific Open quarter-finals; Jarmila Gajdosova out»։ Courier Mail։ Վերցված է սեպտեմբերի 21, 2014 
  35. ↑ «Dellacqua goes down to Muguruza»։ tennis.com.au։ Վերցված է սեպտեմբերի 21, 2014 
  36. ↑ «Caroline Wozniacki beats Garbine Muguruza to set up Pan Pacific Open final clash with Ana Ivanovic»։ abc.net.au։ Վերցված է սեպտեմբերի 22, 2014 
  37. ↑ «2014 Toray Pan Pacific Open – Women's Doubles Draw»։ Women's Tennis Association։ Վերցված է սեպտեմբերի 21, 2014 
  38. ↑ «Tennis: Maria Sharapova has secured her place in the third round of the inaugural Dongfeng Motor Wuhan Open»։ Sky Sports։ Վերցված է սեպտեմբերի 23, 2014 
  39. ↑ «Simona Halep and Serena Williams make early exits in China»։ Sky Sports։ Վերցված է սեպտեմբերի 25, 2014 
  40. ↑ «2014 Wuhan Open – Doubles Draw»։ Women's Tennis Association։ Վերցված է սեպտեմբերի 23, 2014 
  41. ↑ «Australian Casey Dellacqua humbled by Caroline Wozniacki’s quick win at Wuhan Open»։ Courier Mail։ Վերցված է սեպտեմբերի 26, 2014 
  42. ↑ «2014 China Open – Women's Singles Draw»։ Women's Tennis Association։ Վերցված է նոյեմբերի 1, 2014 
  43. ↑ «2014 China Open – Women's Doubles Draw»։ Women's Tennis Association։ Վերցված է նոյեմբերի 1, 2014 
  44. ↑ «Muguruza beats Makarova at WTA Tournament of Champions»։ Fox Sports։ Վերցված է նոյեմբերի 3, 2014 
  45. ↑ «Petkovic into Sofia WTA semis»։ SBS։ Վերցված է նոյեմբերի 3, 2014 
  46. ↑ «Navarro, Muguruza into Sofia semi-finals»։ Yahoo!։ Վերցված է նոյեմբերի 3, 2014 
  47. ↑ «Flavia Pennetta to meet Andrea Petkovic in WTA Tournament of Champions final»։ abc.net.au։ Վերցված է նոյեմբերի 3, 2014 
  48. ↑ «Brisbane International 2015: Eighth seed Garbine Muguruza withdraws»։ Fox Sports։ Վերցված է ապրիլի 26, 2015 
  49. ↑ «Muguruza upsets Radwanska, Kvitova powers through»։ apiainterinational.com.au։ Վերցված է ապրիլի 26, 2015 
  50. ↑ «Muguruza beats in-form Kerber to reach fourth round»։ AXS։ մայիսի 29, 2015։ Վերցված է հուլիսի 7, 2015 
  51. ↑ «Muguruza into another French quarters»։ EFE։ հունիսի 1, 2015։ Վերցված է հուլիսի 7, 2015 
  52. ↑ «Safarova beats Muguruza to make last four»։ Yahoo! Sport։ հունիսի 2, 2015։ Վերցված է հուլիսի 7, 2015 
  53. ↑ «Garbine Muguruza to face world No. 5 Caroline Wozniacki at Wimbledon 2015 after third round scalp of Angelique Kerber»։ Daily Mail։ Վերցված է հուլիսի 7, 2015 
  54. ↑ «Wimbledon 2015: Caroline Wozniacki goes out to Garbine Muguruza – and takes a swipe at officialdom»։ independent.co.uk։ Արխիվացված է օրիգինալից 2015-09-25-ին։ Վերցված է հուլիսի 7, 2015 
  55. ↑ «Serena Williams beats battling Garbiñe Muguruza to win Wimbledon»։ The Guardian։ հուլիսի 11, 2015։ Վերցված է հուլիսի 14, 2015 
  56. ↑ «GARBIÑE MUGURUZA: The New world No. 5=WTATennis.com»։ հոկտեմբերի 5, 2015։ Վերցված է հոկտեմբերի 5, 2015 
  57. ↑ «Muguruza retires with foot injury»։ Brisbane International։ հունվարի 6, 2016։ Վերցված է հունիսի 6, 2016 
  58. ↑ «Spain one step far from Fed Cup world group»։ InSerbia News։ փետրվարի 6, 2016։ Վերցված է հունիսի 6, 2016 
  59. ↑ «Samantha Stosur beaten in straight sets by Garbine Muguruza in French Open semi-finals»։ Fox Sports։ Արխիվացված է օրիգինալից 2016-09-09-ին։ Վերցված է հունիսի 3, 2016 
  60. ↑ 60,0 60,1 «Garbine Muguruza upsets Serena Williams for French Open women's title»։ CNN։ հունիսի 4, 2016։ Վերցված է հունիսի 6, 2016 
  61. ↑ Nick McCarvel (հունիսի 4, 2016)։ «Serena Williams' six losses in Grand Slam finals»։ 9News։ Վերցված է հունիսի 4, 2016 (չաշխատող հղում)

Արտաքին հղումներ[խմբագրել | խմբագրել կոդը]

Վիիքպահեստ
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Tennis ball.svg
Ֆրանսիայի թենիսի բաց առաջնության կանանց մենախաղի հաղթողներ

(1968)Նենսի Ռիչի  •(1969)Մարգարետ Կուրտ  •(1970)Մարգարետ Կուրտ  •(1971)Իվոն Գուլագոնգ  • (1972)Բիլի Ջին Քինգ  •(1973)Մարգարետ Կուրտ  •(1974)Կրիս Էվերտ  •(1975)Կրիս Էվերտ  •(1976)Սու Բարկեր  •(1977)Միմա Յաուշովեց  •(1978)Վիրջինիա Ռուզիչի  •(1979)Կրիս Էվերտ  •{(1980)Կրիս Էվերտ  •(1981)Հանա Մանդլիկովա  •(1982)Մարտինա Նավրատիլովա  •(1983)Կրիս Էվերտ  •(1984)Մարտինա Նավրատիլովա  •(1985)Կրիս Էվերտ  •(1986)Կրիս Էվերտ  •(1987)Շտեֆի Գրաֆ  •(1988)Շտեֆի Գրաֆ  •(1989)Արանչա Սանչես-Վիկարիո  •(1990)Մոնիկա Սելեշ  •(1991)Մոնիկա Սելեշ  •(1992)Մոնիկա Սելեշ  •(1993)Շտեֆի Գրաֆ  •(1994)Արանչա Սանչես-Վիկարիո  •(1995)Շտեֆի Գրաֆ  •(1996)Շտեֆի Գրաֆ  •(1997)Իվա Մաջոլի  •(1998)Արանչա Սանչես-Վիկարիո  •(1999)Շտեֆի Գրաֆ  •(2000)Մարի Պիրս  •(2001)Ջենիֆեր Կապրիատի  •(2002)Սերենա Ուիլյամս  •(2003)Ժյուստին Էնեն  •(2004)Անաստասիա Միսկինա  •(2005)Ժյուստին Էնեն  •(2006)Ժյուստին Էնեն  •(2007)Ժյուստին Էնեն  •(2008)Անա Իվանովիչ  •(2009)Սվետլանա Կուզնեցովա  •(2010)Ֆրանչեսկա Սկիավոնե  •(2011)Լի Նա  •(2012)Մարիա Շարապովա  •(2013)Սերենա Ուիլյամս  •(2014)Մարիա Շարապովա  •(2015)Սերենա Ուիլյամս  •(2016)Գարբինե Մուգուրուսա

 
Ստացված է «https://hy.wikipedia.org/w/index.php?title=Գարբինե_Մուգուրուսա&oldid=8540755» էջից