Jump to content

Շոն Փեն

Վիքիպեդիայից՝ ազատ հանրագիտարանից
Շոն Փեն
անգլ.՝ Sean Penn
Հարվի Միլք ֆիլմի պրեմիերայի ժամանակ, 2008 թ. լուսանկար
Հասակը177 սմ[1]
Ծնվել էօգոստոսի 17, 1960 (66 տարեկան)[1]
ԾննդավայրՍանտա Մոնիկա, Կալիֆոռնիա, ԱՄՆ
ԿրթությունՍանտա Մոնիկա քոլեջ և Սանտա Մոնիկա բարձրագույն դպրոց
Քաղաքացիություն ԱՄՆ
ԱզգությունԱՄՆ-ի դրոշը ԱՄՆ
Կրոնagnostic theism?[2]
ՄասնագիտությունԴերասան, Ռեժիսոր, Պրոդյուսեր, Սցենարիստ[1]
Ակտիվ շրջան1973–այժմ
ԺանրերԴրամա,
Քրեական,
Թրիլեր[1]
Ընտրանի"Կառլիտոյի ուղին",
"Խաղը"
Ծնողներհայր՝ Լեո Փեն, մայր՝ Այլին Ռայան[3]
Ամուսին(ներ)Մադոննա (1985–1989), Ռոբին Ռայթ Փեն (1996–2010)
(2 երեխա)[1]
Համատեղ ապրող(ներ)Շարլիզ Թերոն, Էլիզաբեթ ՄակԳովերն և Սյուզան Սարանդոն
Երեխա(ներ)2 երեխա
Պարգևներ և մրցանակներ
«Վաստակի համար» ІІІ աստիճանի շքանշան (Ուկրաինա)[4]

Օսկար լավագույն դերասանի համար

Օսկար լավագույն դերասանի համար

«Ոսկե գլոբուս» մրցանակ լավագույն դրամատիկ դերասան անվանակարգում

Կաննի կինոփառատոնի մրցանակ տղամարդու լավագույն դերակատարման համար

Վոլպի գավաթ լավագույն դերասանին

Վոլպի գավաթ լավագույն դերասանին

Producers Guild Stanley Kramer Award?

BAFTA մրցանակ երկրորդ պլանի տղամարդու լավագույն դերակատարման համար

[5]

ԱՄՆ կինոդերասանների գիլդիայի մրցանակ երկրորդ պլանի տղամարդու լավագույն դերակատարման համար

[5]
և

Օսկար երկրորդ պլանի լավագույն դերասանի համար

[6]
ԱնդամությունԱմերիկա Ուեսթի գրողների գիլդիա

Շոն Փեն (անգլ.՝ Sean Justin Penn, օգոստոսի 17, 1960(1960-08-17)[7][8][9][…], Սանտա Մոնիկա, Լոս Անջելես շրջան, Կալիֆոռնիա, ԱՄՆ[10]), ամերիկացի դերասան, ռեժիսոր, սցենարիստ և պրոդյուսեր։ Ամուսնացած է եղել հայտնի երգչուհի Մադոննայի ու դերասանուհի Ռոբին Ռայթի հետ։

Կենսագրություն

[խմբագրել | խմբագրել կոդը]

Շոն Փենը ծնվել է 1960 թվականի օգոստոսի 17-ին Սանտա Մոնիկա քաղաքում (Կալիֆոռնիայի նահանգ)՝ ռեժիսոր Լեո Փենի և դերասանուհի Այլին Ռայանի ընտանիքում։ Նրա հոր՝ Լեո Փենի (Leo Z. Penn, 1921-1998) ծնողները հրեա ներգաղթյալներ էին Լիտվայից և Ռուսաստանից[11], ովքեր ԱՄՆ էին եկել 1898 և 1914 թվականներին[12][13][14]։ Շոնի մայրը՝ Այլին Ռայան (Eileen Ryan, ծննդյան անունը՝ Անուչի, ծնվ․ 1928), իտալական և իռլանդական ծագմամբ կաթոլիկ է։ Փենը մեծացել է աշխարհիկ ընտանիքում և համարվում է ագնոստիկ[15][16]։ Դպրոցում Փենը սովորել է Էմիլիո Էստևեզի, Չառլի Շինի և Ռոբ Լոուի հետ, ովքեր հետագայում դարձան դերասաններ։ Նրա փոքր եղբայրը՝ Քրիս Փենը, նույնպես դարձավ դերասան։

19 տարեկանում Փենը տեղափոխվում է Նյու Յորք։ 1985 թվականին ԶԼՄ-ների ուշադրությունը գրավեց նրա ամուսնությունը փոփ երգչուհի Մադոննայի հետ։ 1989 թվականին նրանք ամուսնալուծվեցին։ 1996 թվականին Փենն ամուսնանում է դերասանուհի Ռոբին Ռայթի հետ։ 2010 թվականին լրագրողի ծեծելու համար 3 տարի պայմանական ազատազրկման է դատապարտվել։

Ֆիլմագրություն

[խմբագրել | խմբագրել կոդը]

Իր կինոկարիերան սկսել է հեռուստասերիալներում նկարահանվելով։ 1991 թվականին Փենը հանդես է գալիս որպես ռեժիսոր՝ իր իսկ սցենարի հիման վրա նկարահանելով «Վազող հնդկացի» ֆիլմը։ 1995 թվականին նա Սյուզան Սարանդոնի հետ խաղում է Թիմ Ռոբբինսի «Մեռյալն է գալիս» դրամայում, և այդ դերի համար արժանանում է «Օսկար» մրցանակի։ Նրա ռեժիսորական հաջորդ ֆիլմը եղել է «Դիրքապահը խաչմերուկում»-ը, որում գլխավոր դերը կատարել է Ջեք Նիկոլսոնը։ 1997 թվականին Փենը Կաննի կինոփառատոնում մրցանակ է ստանում լավագույն դերասան անվանակարգում Նիկ Կասսավետեսի «Նա հիասքանչ է» ֆիլմում խաղացած դերի համար։ Այդ ֆիլմում նրա հետ խաղում էին կինը՝ Ռոբին Ռայթը, և Ջեն Տրավոլտան։ 1999 թվականին Փենը ստանում է երկրորդ Օսկարը Վուդի Ալենի «Քաղցր և զզվելի» ֆիլմի դերի համար։ 2003 թվականին Վենետիկյան կինոփառատոնի Վոլպի գավաթ մրցանակն է ստանում տղամարդու լավագույն դեր անվանակարգում՝ «21 գրամ» ֆիլմում խաղացած դերի համար։ Նա իր կինոկարիերայի ընթացքում 54 տարբեր կինոմրցանակ է ստացել։ Խաղացել է մոտ 50 ֆիլմում, 8-ական ֆիլմերի ռեժիսոր և պրոդյուսեր է, 4 ֆիլմի սցենարի հեղինակ։
Առավել նշանավոր ֆիլմերից են՝

  • 1988 - «Գույներ»
  • 1989 - «Մենք հրեշտակներ չենք»
  • 1993 - «Կառլիտոյի ուղին»
  • 1995 - «Մեռյալն է գալիս»
  • 1997 - «Խաղը»
  • 1997 - «Շրջադարձ»
  • 1998 - «Բարակ կարմիր գիծ»
  • 2001 - «Ես Սեմն եմ»
  • 2003 - «21 գրամ»
  • 2003 - «Խորհրդավոր գետը»
  • 2005 - «Թարգմանչուհին»
  • 2006 - «Ողջ թագավորական շքախումբը»
  • 2008 - «Միլք»
  • 2010 - «Արդար խաղ»
  • 2011 - «Կենաց ծառը»

54 տարբեր կինոմրցանակ է ստացել, ներկայացված է եղել ևս 57-ի, որոնց թվում՝

Ծանոթագրություններ

[խմբագրել | խմբագրել կոդը]
  1. 1 2 3 4 5 «kinopoisk». Վերցված է 2015 Նոյեմբերի 26-ին.
  2. ↑ https://hollowverse.com/sean-penn/
  3. ↑ Deutsche Nationalbibliothek Record #129660833 // Gemeinsame Normdatei (գերմ.) — 2012—2016.
  4. ↑ https://www.president.gov.ua/documents/5952022-43765
  5. 1 2 tweet — 2006.
  6. ↑ https://www.oscars.org/oscars/ceremonies/2026
  7. ↑ Internet Broadway Database — 2000.
  8. ↑ filmportal.de — 2005.
  9. ↑ Brockhaus Enzyklopädie (գերմ.) — F.A. Brockhaus, 1796.
  10. ↑ Store norske leksikon(նորվ.) — 1978. — ISSN 2464-1480
  11. ↑ «Генеалогия на портале Ancestry». Արխիվացված է օրիգինալից 2008 թ․ դեկտեմբերի 30-ին. Վերցված է 2015 թ․ դեկտեմբերի 26-ին.
  12. ↑ Փեն ընտանիքի ծագումնաբանությունը։ Նրա փոքր եղբայրը` Կրիս Փենը, նույնպես դարձել է դերասան։ Նրան մեծ ճանաչում բերեց «Վատ տղաներ» ֆիլմում խաղացած դերը։ Դերասանի պապը՝ Մոյշե Փինոն (Մորիս Դանիել Փեն, 1897-1981), ԱՄՆ ներգաղթել է 1914 թվականին Մերկինեից, տատիկը՝ (Լեյա (Էլիզաբեթ Մերիոն) Մելնիկով, 1895—?), ծնողների հետ գաղթել է 1898 թվականին Ռուսական կայսրությունից։
  13. ↑ «Dead Myth Walking». Արխիվացված է օրիգինալից 2013 թ․ հոկտեմբերի 6-ին. Վերցված է 2015 թ․ դեկտեմբերի 26-ին.
  14. ↑ Келли, Ричард Т., «Шон Пенн, Жизнь и времена», 2004 год. С. 9-10. ISBN 1-84195-623-6
  15. ↑ «Հրեաներ, ովքեր [[Օսկար]] են ստացել». Արխիվացված է օրիգինալից 2010 թ․ մարտի 3-ին. Վերցված է 2015 թ․ դեկտեմբերի 26-ին.
  16. ↑ «Շոն Փենն աթեիստ». Արխիվացված է օրիգինալից 2011 թ․ հունիսի 14-ին. Վերցված է 2015 թ․ դեկտեմբերի 26-ին.
Վիքիպահեստն ունի նյութեր, որոնք վերաբերում են «Շոն Փեն» հոդվածին։