Ռոբ Լոու

Ռոբ Լոու; անգլ.՝ Rob Lowe
Ծնվել է	մարտի 17, 1964[…] (62 տարեկան)
Ծննդավայր	Շառլոթսվիլ, Վիրջինիա, ԱՄՆ
Կրթություն	Սանտա Մոնիկա բարձրագույն դպրոց և Մալիբուի ավագ դպրոց
Քաղաքացիություն	ԱՄՆ
Մասնագիտություն	հեռուստատեսային դերասան, կինոդերասան, սցենարիստ, թատրոնի դերասան, հնչյունավորող, կինոռեժիսոր, կինոպրոդյուսեր, մոդել և հեռուստահաղորդավար
Երեխա(ներ)	John Owen Lowe?
Պարգևներ և մրցանակներ	Ոսկե ազնվամորի՝ վատագույն երկրորդ պլանի դերասանի համար և Հոլիվուդյան փառքի ծառուղու աստղ

Ռոբերտ Հեփլեր «Ռոբ» Լոու (անգլ.՝ Robert Hepler "Rob" Lowe, մարտի 17, 1964(1964-03-17)^[1]^[1]^[2]^[…], Շառլոթսվիլ, Վիրջինիա, ԱՄՆ), ամերիկացի դերասան։ Կինոյում վաղ շրջանի աշխատանքների թվում են «Վտարվածները», «Սուրբ Էլմի լույսերը», «Անցած գիշերվա մասին» ֆիլմերում առաջատար դերերը։ Հեռուստատեսության առավել հայտնի դերերը «Արևմտյան թև» (NBC), «Զբոսայգիներ և հանգստի գոտիներ» (NBC) և «Եղբայրներ և քույրեր» (ABC) սերիալներում են։

1980-ական թվականներին ընդգրկվել է «Brat Pack» երիտասարդ դերասանների խմբում՝ Դեմի Մուրի, Ջադ Նելսոնի, Էնթոնի Մայքլ Հոլլի, Էմիլիո Էստևեսի, Էնդրյու Մաքքարթիի, Մոլի Ռինգուոլդի և Էլի Շիդիի հետ։

Կենսագրություն

Ռոբը ծնվել է Շարլոթսվիլ ամերիկական քաղաքում՝ ուսուցչուհի Կ․ Բարբարայի (ամուսնությունից առաջ՝ Հեփլեր) և դատական փաստաբան Չարլզ Դևիս Լոուի ընտանիքում։ Ծնողները ամուսնալուծվել են, երբ նա ու իր կրտսեր եղբայրը՝ Չադ Լոուն (ծնվ. 1968 թվական), որը նույնպես դերասան է դարձել, դեռ երեխաներ են եղել։ Մանուկ հասակում վիրուսային հիվանդության պատճառով Ռոբի աջ ականջը խլացել է։ Լոս Անջելես տեղափոխվելուց հետո սովորել է Santa Monica High School միջնակարգ դպրոցում, որտեղ նույն տարիներին հաճախել են նաև այլ ապագա դերասաններ․ նրա ընկերները՝ Էմիլիո Էստևեսը և Չառլի Շինը, եղբայրները՝ Շոն Փենը, Քրիս Փենը և Ռոբերտ Դաունիը (կրտսեր)։

1979 թվականին տեղի է ունեցել նրա առաջնաելույթը հեռուստատեսությունում՝ «A New Kind of Family» (ABC) սիթքոմում։ Երիտասարդ դերասանին բավական արագ նկատել են հանդիսատեսն ու քննադատները։ Առաջին անգամ Ռոբը առաջադրվել է «Ոսկե գլոբուս» մրցանակի «Հինգշաբթու երեխան» (1983) հեռուստաֆիլմով, որտեղ խաղացել է 17-ամյա դպրոցականի և հաջողակ բեյսբոլիստի դեր, որը անսպասելիորեն ծանր հիվանդանում է և ստիպված է լինում նորովի հարմարվել կյանքին։

Կինոյում վաղ շրջանի դերերից նրա աշխատանքները առանձնանում են այնպիսի երիտասարդական ֆիլմերում, ինչպիսիք են «Վտարվածները», «Սուրբ Էլմի լույսերը» և «Ինչ է տեղի ունեցել անցած գիշերը»։ 2000-ական թվականներին իր դերերով առավել հայտնի է եղել «Արևմտյան թև» (NBC) և «Եղբայրներ և քույրեր» (ABC) սերիալներում։

Երիտասարդ տարիքում Ռոբ Լոուն երկար ժամանակ հանդիպել է Մելիսա Գիլբերտի հետ։ Սիրավեպեր է ունեցել նաև Նաստասյա Կինսկիի և Սթեֆանիի հետ։ 1991 թվականի հուլիսից Ռոբ Լոուն ամուսնացած է եղել դիմահարդար Շերիլ Բերկոֆի հետ։ Նրանք ունեն երկու որդի՝ Մեթյու Էդվարդը (ծնվ․ 1993 թվական) և Ջոն Օուեն (ծնվ․ 1995 թվական)։ Ապրում են Կալիֆոռնիա նահանգի Սանտա Բարբարա քաղաքում^[5]^[6]։

2011 թվականի մայիսին Ռոբ Լոուն թողարկել է իր «Պատմություններ միայն իմ ընկերների համար» (անգլ.՝ Stories I Only Tell My Friends)^[7] ինքնակենսագրությունը, որտեղ անկեղծորեն պատմել է իր երիտասարդության շրջանում ալկոհոլից և թմրանյութերից կախվածության մասին և թե ինչպես է կարողացել ազատվել կախվածությունից։

Ֆիլմագրություն

Կինո

Տարի	Հայերեն անվանում	Բնօրինակ անվանում	Դեր	Ծանոթագրություն
1983	Վտարվածները	The Outsiders	Սոդապոպ Կյորտիս
1983	Դաս	Class	Ֆրանկլին «Սկիպ» Բերոուզ
1985	Սուրբ Էլմի լույսերը	St. Elmo’s Fire	Բիլի Հիքս
1986	Երիտասարդ արյուն	Youngblood	Դին Յանգբլադ
1986	Անցած գիշերվա մասին	About Last Night…	Դենի
1990	Վատ ազդեցություն	Bad Influence	Ալեքս
1992	Ուեյնի աշխարհը	Wayne’s World	Բենջամին Քեյն
2001	Սահման	Proximity	Ուիլյամ Քոնրոյ
2009	Ստի հայտնագործումը	The Invention of Lying	Բրեդ Քեսլեր
2011	Ես հալչում եմ քեզ հետ	I Melt with You	Ջոնաթան
2012	Ընտրություններ	Knife Fight	Փոլ Թերներ
2014	Լուսնի պահապանը	Mune, le Gardien de la Lune	Սոհոն	մուլտֆիլմ, հնչյունավորում
2014	Հարցազրույց	The Interview	ինքն իր դերում	տիտրերում նշված չէ
2016	Monster Trucks	Monster Trucks	Ռիս Թենեսոն
2018	Սուպեր ոստիկանություն 2	Super Troopers 2	Գայ Լեֆրանկ

Հեռուստատեսություն

Տարի	Հայերեն անվանում	Բնօրինակ անվանում	Դեր	Ծանոթագրություն
1980—1981	ABC հատուկ դպրոցից հետո	ABC Afterschool Specials	Ջեֆ Բարթլեթ / Չարլզ Էլդերբերրի	հեռուստասերիալ․ 2 էպիզոդ
1983	Հինգշաբթու երեխան	Thursday’s Child	Սեմ Օլդեն	հեռուստաֆիլմ
1994	Դիմակայություն	The Stand	Նիկ Անդրոս	մինի-սերիալ․ հիմնական դեր
1999	Ատոմային գնացք	Atomic Train	Ջոն Սիգեր	մինի-սերիալ․ հիմնական դեր
1999—2006	Արևմտյան թև	The West Wing	Սեմ Սիբորն	հեռուստասերիալ․ հիմնական դեր
2002	Ամանորյա կոշիկներ	The Christmas Shoes	Ռոբերտ Լեյտոն	հեռուստաֆիլմ
2004	Սալեմի ճակատագիրը	Salem’s Lot	Բեն Միրս	մինի-սերիալ․ հիմնական դեր
2004—2006	Բժիշկ Վեգաս	Dr. Vegas	բժիշկ Բիլլի Գրանտ	հեռուստասերիալ․ հիմնական դեր
2006	Մի գեղեցիկ օր	A Perfect Day	Ռոբ Հարլան	հեռուստաֆիլմ
2006—2010	Եղբայրներ և քույրեր	Brothers & Sisters	Ռոբերտ Մաքքալիստեր	հեռուստասերիալ․ երկրորդ պլանի դեր
2007—2009	Գրիֆինների ընտանիքը	Family Guy	Ստենֆորդ Կորդրեյ / ինքն իր դերում	մուլտսերիալ․2 էպիզոդ․ ձայնային
2011—2014	Californication	Californication	Էդի Նիրո	հեռուստասերիալ․ 6 էպիզոդ
2015	Գեղեցիկ ու խենթ	Beautiful & Twisted	Բեն Նովակ կրտսեր	հեռուստաֆիլմ
2015	Դու, ես և աշխարհի վերջը	You, Me and the Apocalypse	հայր Ջուդ	մինի-սերիալ․ հիմնական դեր
2016—2018	Սև կոդ	Code Black	Բժիշկ Էթան Ուիլիս	հեռուստասերիալ․ հիմնական դեր
2016—2019	Պահապան առյուծ	The Lion Guard	Սիմբա	մուլտսերիալ, հիմնական դեր, հնչյունավորում
2020	9-1-1․ միայնակ աստղ	9-1-1: Lone Star	Օուեն Ստրենդ	հեռուստասերիալ, հիմնական դեր

Ծանոթագրություններ

1 2 3 4 Internet Broadway Database — 2000.
1 2 GeneaStar
↑ https://people.com/all-about-rob-lowe-son-john-owen-lowe-8686701#:~:text=A%20household%20name%20for%20his,with%20longtime%20wife%20Sheryl%20Berkoff.
↑ https://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=26
↑ Berens, Jessica (2001 թ․ հուլիսի 8). «Lowe profile». The Observer (անգլերեն). Արխիվացված օրիգինալից 2012 թ․ մարտի 21-ին. Վերցված է 2010 թ․ օգոստոսի 7-ին.
↑ Ogunnaike, Lola (2006 թ․ մարտի 19). «Sex, Lawsuits and Celebrities Caught on Tape». New York Times (անգլերեն). Վերցված է 2011 թ․ մայիսի 15-ին.
↑ «Stories Rob Lowe Only Tells His Friends». The Oprah Winfrey Show (անգլերեն) — Роб Лоу на шоу Опры Уинфри представляет свою книгу. 2011 թ․ ապրիլի 28. Արխիվացված է օրիգինալից 2011 թ․ հոկտեմբերի 24-ին. Վերցված է 2011 թ․ հոկտեմբերի 14-ին.

Վիքիպահեստն ունի նյութեր, որոնք վերաբերում են «Ռոբ Լոու» հոդվածին։

[_07796a4c4217b6c9-1] 1 2 3 4 Internet Broadway Database — 2000.

[_fb8de0e6816cf0ff-2] 1 2 GeneaStar

[_3abf2ab133e8516b-3] ttps://people.com/all-about-rob-lowe-son-john-owen-lowe-8686701#:~:text=A%20household%20name%20for%20his,with%20longtime%20wife%20Sheryl%20Berkoff.

[_be3fcea78e03267f-4] ttps://web.archive.org/web/20110715155800/http://razzies.com/asp/content/XcNewsPlus.asp?cmd=view&articleid=26

[5] Berens, Jessica (2001 թ․ հուլիսի 8). «Lowe profile». The Observer (անգլերեն). Արխիվացված օրիգինալից 2012 թ․ մարտի 21-ին. Վերցված է 2010 թ․ օգոստոսի 7-ին.

[6] Ogunnaike, Lola (2006 թ․ մարտի 19). «Sex, Lawsuits and Celebrities Caught on Tape». New York Times (անգլերեն). Վերցված է 2011 թ․ մայիսի 15-ին.

[7] «Stories Rob Lowe Only Tells His Friends». The Oprah Winfrey Show (անգլերեն) — Роб Лоу на шоу Опры Уинфри представляет свою книгу. 2011 թ․ ապրիլի 28. Արխիվացված է օրիգինալից 2011 թ․ հոկտեմբերի 24-ին. Վերցված է 2011 թ․ հոկտեմբերի 14-ին.

[1]

[2]

[3]

[4]

[5]

[6]

[7]