Դասթին Հոֆման
 | |||||||||
|---|---|---|---|---|---|---|---|---|---|
 | |||||||||
| Հասակը | 166 սմ | ||||||||
| Ծնվել է | օգոստոսի 8, 1937 (81 տարեկան) | ||||||||
| Ծննդավայր |
Լոս Անջելես,  ԱՄՆ | ||||||||
| Կրթություն | Սանտա Մոնիկա քոլեջ և Neighborhood Playhouse թատերական դպրոց | ||||||||
| Քաղաքացիություն |
Ամերիկայի Միացյալ Նահանգներ | ||||||||
| Ազգություն |
ԱՄՆ | ||||||||
| Մասնագիտություն | Դերասան, Պրոդյուսեր, Ռեժիսոր | ||||||||
| Ակտիվ շրջան | 1958–այժմ | ||||||||
| Ժանրեր |
Կատակերգություն, Դրամա, Ընտանեկան | ||||||||
| Ամուսին(ներ) |
Լիզա Գոթսեգան (4 երեխա), Էնն Բրին Հոֆման (ամուսնալուծված) (2 երեխա) | ||||||||
| Երեխա(ներ) | 6 երեխա | ||||||||
| Պարգևներ և մրցանակներ | Արվեստների և գրականության շքանշանի կոմանդոր, Դոնոսիտա պարգև, Էնի պարգև, Օսկար լավագույն դերասանի համար, Օսկար լավագույն դերասանի համար, Թատերական համաշխարհային մրցանակ, «Ոսկե գլոբուս» Սեսիլիա Բ․ Դե Միլի մրցանակ, Քենեդու անվան կենտրոնի պատվոգիր և AFI կյանքի նվաճումներ մրցանակ | ||||||||
| IMDb | ID 0000163 | ||||||||
| ԿինոՊոիսկ | ID 22234 | ||||||||
| hoffmanfan.com | |||||||||
| |||||||||
Դասթին Հոֆման (անգլ.՝ Dustin Lee Hoffman, իսկական անուն ազգանունը՝ Դասթին Լի Հոֆման, օգոստոսի 8, 1937[1][2][3], Լոս Անջելես, Կալիֆոռնիա, Ամերիկայի Միացյալ Նահանգներ[4]), ամերիկացի հայտնի դերասան։
Նկարահանվել է ամերիկյան նշանավոր շատ ռեժիսորների հայտնի ֆիլմերում։ Դասթին Հոֆմանը իր խաղացած դերերով և ստացած մրցանակներով, արժանի է կոչվելու ամերիկյան բոլոր ժամանակների լավագույն դերասաններից մեկը։ Հատկապես տպավորիչ են նրա խաղացած հոգեբանական, մելոդրամիկ բարդ դերերը։
Բովանդակություն
Կենսագրություն[խմբագրել | խմբագրել կոդը]
Դասթին Լի Հոֆմանը ծնվել է 1937 թվականի Լոս-Անջելեսում (նրան կոչել են Դասթին ի պատիվ Դասթին Ֆարնումի ամերիկյան պարող ու համր կինոյի դերասան)։ Նրա նախնիները Ռուսական կայսրությունից և Ռումինիայից են։ Մի առիթով Հոֆմանը ասել է, որ նրանք թերևս աթեիստներ են եղել[5]։ Հայրը՝ Գարրի Հոֆմանը (մահացել է 1946 թ.) աշխատել է Columbia Pictures ընկերությունում, տարբեր մասնագիտություններով՝ բեմադրող նկարիչի օգնական, դեկորացիաների ձևավորող, ռեկվիզիտոր և այլն։ Փորձել է նաև բացել սեփական բիզնես՝ «Harry Hoffman Furniture Company» կահույքի արտադրամասը, սակայն անհաջող[6], ապա աշխատել է կահույքի վաճառքի գործակալ։ Մայրը՝ Լիլլան, ջազային դաշնակահարուհի էր (1909 - 1981)։
Դասթինը ընտանիքում երկրորդ երեխան էր։ Մեծ եղբայրը՝ Ռոնալդը, հաջողակ փաստաբան և էկոնոմիստ էր։ Մայրը Դասթինին երաժշտության դասեր է տվել երբ նա 5 տարեկան էր։ Նա նույնիսկ ուզում էր դառնալ ջազ երաժիշտ։ Արդեն դպրոցից սկսած նա հետաքրքրվում է թատրոնով և կինոյով։ 1995 թվականին ավարտելով Լոս Անջելեսի դպրոցը ընդունվում է Սանտա-Մոնիկայի երկամյա ուսուցմամբ քոլեջը։ Մեկ տարի անց կիսատ թողնելով այնտեղ ուսումը սկսում է հաճախել ԱՄՆ-ի ամենահին պետական թատրոններից մեկի՝ «Pasadena Playhouse» դերասանական կուրսերին։
Անձնական կյանք[խմբագրել | խմբագրել կոդը]
Դասթին Հոֆմանը երկու անգամ է ամուսնացել։
Նրա առաջին կինը Էնն Բյոռնն էր (ծն. 1943 թ.), նրանք ամուսնացել են 1969 թվականին մայիսի 4-ին։ Նրանք ունեցել են երկու աղջիկ՝ Կարինը (ծն. 1966, մինչև օրինական ամուսնությունը), ով հետագայում որդեգրվել է Հոֆմանի կողմից և Ջենը (ծն. 1970)։ Նրանց համատեղ ամուսնական կյանքը կարելի է ասել չի ստացվում և 1980 թվականի հոկտեմբերի 6-ին ամուսնալուծվում են։
Ամուսնալուծությունից մի քանի օր անց՝ 1980 թվականի հոկտեմբերի 12-ին, Հոֆմանը ամուսնանում է փաստաբան Լայզա Գոտտսգենի հետ։ Նրան ունեցել են 4 երեխա՝ Ջեկոբ Էդուարդս (1981), Ռեբբեկա (1983), Մաքսվելլ Գեոֆրի (1984) և Ալեքսանդրա Լիդիա (1987)։
Դերասանը ընկերական մոտիկ կապերի մեջ է հայտնի դերասաններ Ուորեն Բիթիի, Ռոբերտ Դյուվալի և իր ուսանողական ընկեր Ջին Հեքմենի հետ։
Քաղաքականություն[խմբագրել | խմբագրել կոդը]
Դասթին Հոֆմանը ունի լիբերալ հայացքներ։ Նա երկար ժամանակ աջակցում էր ԱՄՆ-ի դեմոկրատական կուսակցությանը և անկախ թեկնածու Ռալֆ Նեյդերին[7]։
1997 թվականին Հոլիվուդի մի քանի այլ աստղերի ու հայտնի կինոդեմքերի հետ ստորագրում է գերմանիայի կանցլեր Հելմուտ Քոլին ուղղված բաց նամակ, որը տպագրվում է «International Herald Tribune» թերթում։ Նամակը վերաբերվում էր Գերմանիայի Սաենտոլոգիայի կրոնական ուղղության հետևորդների իրավունքների պաշտպանությանը[8]։
Ֆիլմագրություն[խմբագրել | խմբագրել կոդը]
Սկզբնականում շրջանում խաղացել է հեռուստաֆիլմերում, սկսած 1961 թվականից, իսկ կինոյում առաջին դերը 1967 թվականին «Վագրի ելքը» ֆիլմում էր, իսկ նույն տարում նրա մասնակցությամբ «Շրջանավարտը» ֆիլմը լուրջ հաջողություն ունեցավ։
Ընդհանուր թվով խաղացել է 70-ից ավելի ֆիլմերում, 5 ֆիլմի պրոդյուսեր է։
Առավել նշանավորներ ֆիլմերն են.
Մրցանակներ[խմբագրել | խմբագրել կոդը]
52 տարբեր կինոմրցանակ է ստացել, ներկայացված է եղել ևս 25-ի։ Դրանց թվում՝
- 2 Օսկար - «Կրամերն ըննդեմ Կրամերի» և «Անձրևի մարդը» ֆիլմերի համար Օսկար լավագույն դերասանի համար
- 6 «Ոսկե Գլոբուս»
- 5 «BAFTA»
- 1 «Սեզար»
- 4 Դավիթ դի Դոնատելլո
- 1 «Էմմի (մրցանակ)»
- Բեռլինի, Սան Ֆրանցիսկոյի և Չիկագոյի կինոփառատոնների մեկական մրցանակ և այլն
Ծանոթագրություններ[խմբագրել | խմբագրել կոդը]
- ↑ SNAC
- ↑ Internet Broadway Database — 2000.
- ↑ Encyclopædia Britannica
- ↑ 4,0 4,1 German National Library, Berlin State Library, Bavarian State Library et al. Record #118552414 // Gemeinsame Normdatei — 2012—2016.
- ↑ Դասթին Հոֆմանի կենսագրություն
- ↑ Դասթին Հոֆմանի կենսագրություն Yahoo! Movies կայքում
- ↑ NEWSMEAT ▷ Dustin Hoffman’s Federal Campaign Contribution Report
- ↑ Nelan Bruce W. (1997-02-10)։ «Does Germany Have Something Against These Guys?»։ Time։ ISSN 0040-781X։ Վերցված է 2016-08-22
Գրականություն[խմբագրել | խմբագրել կոդը]
- Lenburg, Jeff Dustin Hoffman։ Hollywood’s Antihero. - iUniverse, 2001. - 206 с. - ISBN 9780595182701
- Игорь Мусский 100 великих актеров. - ВЕЧЕ, 2003. - 528 с.
