Շոգետուն (վեպ)

Շոգետուն; ֆր.՝ La Maison à vapeur
Հեղինակ	Ժյուլ Վեռն
Տեսակ	գրական ստեղծագործություն
Ժանր	պատմական գեղարվեստական գրականություն, գիտական ֆանտաստիկա և արկածային
Բնօրինակ լեզու	ֆրանսերեն
Ստեղծման տարեթիվ	1880
Նկարագրում է	Հնդկաստան
Շարք	Անսովոր ճանապարհորդություններ
Նախորդ	Չինացու ձախորդությունները Չինաստանում
Հաջորդ	Ժանգադա. 800 լյո Ամազոնի վրայով
Նկարազարդող	Լեոն Բենետ
Երկիր	Ֆրանսիա
Հրատարակիչ	Պիեր-Ժուլ Հետցել
Հրատարակման տարեթիվ	1880
OCLC	2653988
	The Steam House Վիքիպահեստում

«Շոգետուն» (ֆր.՝ La Maison à vapeur), ֆրանսիացի գրող Ժյուլ Վեռնի գիտաֆանտաստիկ վեպը, որը մտնում է «Անսովոր ճանապարհորդություններ» շարքի կազմի մեջ։ Գրված է 1880 թվականին։

Հրատարակությունը[խմբագրել | խմբագրել կոդը]

Վեպի առաջին հրատարակումը կայացել է Էտցելի «Magasin d’Éducation et de Récréation» ամսագրում՝ 1879 թվականի դեկտեմբերի 1–ից մինչև 1880 թվականի դեկտեմբերի 15–ը՝ «Շոգետուն։ Ճանապարհորդություն Հյուսիսային Հնդկաստանով» անվան տակ։

Վեպից հատվածներ հեղինակը կարդացել է Ամենի ակադեմիայում 1880 թվականի ապրիլի 23–ին։

Վեպը առանձին հրատարակությամբ (նույն անվանումով) սկզբնապես հրատարակվել է երկու գրքով, առաջինը՝ 1880 թվականի հուլիսի 5–ին, երկրորդը՝ նոյեմբերի 11–ին։ 1880 թվականի նոյեմբերի 15–ին լույս ընծայվեց վեպի պատկերազարդ հրատարակությունը՝ նույն անվանումով, (Լեոն Բենետտի 99 նկարազարդումներով)։ Դա հեղինակի տասնհինգերորդ «երկակի» հատորն էր «Անսովոր ճանապարհորդություններ» շարքից։

Նույն 1880 թվականին հայտնվեց վեպի առաջին թարգմանությունը ռուսերեն լեզվով, այն հրատարակվում էր «Новое время» թերթում։ Գրքային հրատարակությունները լույս ընծայվեցին 1882 թվականին համարյա միաժամանակ Մոսկվայում (Խլեբնիկովի հրատարակություն) և Պետերբուրգում (Ա․ Ա․ Կրաևսկու տպագրատուն)^[1]։

Սյուժե[խմբագրել | խմբագրել կոդը]

Երեք անգլիացի ջենտլմեններ և մեկ ֆրանսիացի ուղևորվում են ճանապարհորդության Հյուսիսային Հնդկաստանով զարմանահրաշ «Շոգետան» օգնությամբ՝ ինժեներական մտքի բացառիկ հայտնագործության։