Ձմեռումը սառույցներում

Վիքիպեդիայից՝ ազատ հանրագիտարանից
Jump to navigation Jump to search
Ձմեռումը սառույցներում
Un hivernage dans les glaces
A Winter Amid the Ice by Adrien Marie 07.jpg
ՀեղինակԺյուլ Վեռն
Տեսակգրական ստեղծագործություն
Ժանրարկածային գրականություն
Բնօրինակ լեզուֆրանսերեն
Ստեղծման տարեթիվ1855
ՆկարազարդողAdrien Marie
ԵրկիրFlag of France.svg Ֆրանսիա
Dr. Ox's Experiment Վիքիպահեստում

Ձմեռումը սառույցներում (ֆր.՝ Un hivernage dans les glaces), ֆրանսիացի գրող Ժյուլ Վեռնի արկածային պատմվածքը, որը մտնում է «Անսովոր ճանապարհորդություններ» շարքի մեջ։ Պատմվածքը գրվել է 1855 թվականին։ Առաջին անգամ հրատարակվել է Պիեռ Ժյուլ Էտցելի « Musée des familles» ամսագրում՝ 1855 թվականի ապրիլ-մայիս ամիսներին[1]։ 1874 թվականին այն նորից հրատարակվում է որպես «Դոկտոր Օքսի փորձը» պատմվածքների հավաքածուի մաս։

Սյուժե[խմբագրել | խմբագրել կոդը]

18.. թվականի մայիսի 12-ին Լուի Կորնբուտի նավը նավարկությունից վերադառնում է հայրենի Դյունկերկ քաղաք։ Ըստ նախապես որոշված ծրագրի, նույն օրը պետք է կայանա նրա և Մարիի ամուսնությունը։ Սակայն, նավի նավահանգիստ ժամանելուն պես, պարզվում է, որ Լուին նավի վրա չէ։

Նավի մատյանում արված գրանցումից պարզվում է, որ ապրիլի 26-ին, Լուին նկատելով նավաբեկության ենթարկվող նավ, որոշում է օգնության հասնել նրանց։ Սակայն նա նավակով անհետանում է անծայրածիր խավարում։

Նավի ժամանելուց մեկ շաբաթ անց Ժան Կորնբուտը նավը նորից նավարկության է նախապատրաստում։ Նա որոշում է ուղևորվել որդուն փնտրելու։ Նրա հետ համաձայնվում են լողալ նավի մյուս բոլոր անդամները։ Որոշակի երկմտանքից հետո նրանց է միանում նաև նավապետի օգնական Անդրե Վասլինգը։ Նավարկութան հաջորդ օրը Ժանը նավի վրա հայտնաբերում է Մարիին։ Բոդոեում նրան են հանձնում ջրից գտած գրություն, որում հայտնվում է, որ նավաբեկյալներին քամին քշել է դեպի հյուսիս՝ սառույցների ուղղությամբ։ Նավը ուղղություն է վերցնում դեպի Գրենլանդիա։

Հուլիսի 23-ին նրանք նկատում են սառույցի առաջին սառցաբեկորները։ Նրանք հրաշքով փրկվում են մեծ սառցաբեկորի հետ ընդհարվելուց։ Նավարկության ընթացքում նավապետի օգնական Անդրե Վասլինգը ցանկանում է զրուցել Մարիի հետ և գրավել նրա սիրտը, սակայն Պենելան, որը խնամակալում է Մարիին, խանգարում է։ Լիվերպուլ կղզում նրանք տեղեկություն են իմանում, որ կղզիաբնակները երեք ամիս առաջ տեսել են ծովում լողացող նավ և այն նավարկել է դեպի հյուսիս։ Սառցաբեկորների հետ պայքարելով նրանք շարունակում են իրենց նավարկությունը։

Սեպտեմբերի 19-ին նրանք նախապատրաստվում են ձմեռման՝ սառցե կղզիներից մեկում։ Նախապատրաստությունները ավարտելուց հետո Ժանը որոշում է ուղևորվել նավաբեկյալներին փնտրելու։ Դրա համար նրանք օգտագործում են նորվեգական ափին ձեռք բերած շնասահնակները։ Հոկտեմբերի 23-ին արշավախումբը ճանապարհ է ընկնում։ Երկարատև փնտրտուքից հետո արշավախումբը ուժասպառ է լինում և նոյեմբերի 4-ին որոշում է ընդունում ետ վերադառնալ։ Սակայն, պարզվում է, որ սարսափելի փոթորիկ է բարձրացել և նրանց հյուղակը ամբողջովին ծածկվել է ձյունով։ Նրանք բանտարկված են ձյան տակ։ Նրանք սառույցի մեջ թունել են բացում և ազատվում ձյան բանտարկությունից, սակայն հայտնաբերում են, որ շնասահնակները անհետացել են։

Շուտով նրանք հորիզոնում ծուխ են նկատում և ուղղություն են վերցնում դեպի ծուխը։ Ճանապարհին հայտնաբերում են նավի նախկին նավաստի Կորտրուայի դին։ Որոշ ժամանակ առաջ շարժվելուց հետո ճանապարհորդները նկատում են փայտե հյուղակ, որի մեջ էլ գտնում են Լուիին և ևս չորս նավաբեկյալների։ Բախտի բերումով նրանք գտնում են նաև շնասահնակները։ Արշավախումբը ճանապարհ է ընկնում և դեկտեմբերի 7-ին հասնում են նավին։

Դժբախտաբար ճամբարում երկպառակություն է սկսվում։ Նորվեգացիները և նրանց միացած Վասլինգը և Օպիկը հրաժարվում են ենթակվել Լուիին։ Լուին, Ժանը, Մարին և նրանց ընկերները հիվանդանում են և ուժասպառ են լինում։ Իսկ Վասլինգը և նրա ընկերները՝ գողացված լիմոնների հաշվին, կարողանում են պահպանել իրենց տոկունությունը։

Եղանակի տաքանալուն պես, Լուին որոշում է դուրս գալ որսորդության և նավից բավականին հեռանում է։ Ետ վերադառնալով նա նկատում է, որ Սպիտակ արջերը հարձակվել են նավի վրա և ջարդում են այն։

Միևնույն ժամանակ նավում պայքար էր գնում երկու «բանակների» միջև։ Բայց պայքարի թեժ պահին նրանց վրա են հարձակվում արջերը։ Արջերը սպանում են նորվեգացիներին և Օպիկին։ Սակայն Լուիին հաջողվում է սպանել արջերից մեկին, իսկ մյուսին սպանում են Վասլինգը և Հերմինգը։ Երրորդ արջը հարձակվում է Լուիի վրա, բայց սայթաքում է և վայր ընկնում։ Լուին և Վասլինգը հայտնվում են միմյանց դեմ։ Նրանց վրա է հարձակվում արջը և սեղմում իր գրկում։ Պենելոնը հասցնում է կրակել և ազատել վիրավոր Լուիին, իսկ Վասլինգը մնում է արջի դիակի տակ։ Ճանապարհորդները փրկված են։ Սակայն Ժան Կորնբուտին նրանք գտնում են մահացած։

Մարտին սառույցը սկսվում է հալվել, իսկ ապրիլին ջերմաստիճանը բարձրանում է մինչև տասը աստիճանի։ Մայիսի 21-ին նավը ճանապարհ է ընկնում և օգոստոսի 16-ին հասնում է Դյունկերկ, որտեղ էլ, երկու օր անց, տեղի է ունենում նրանց ամուսնության արարողությունը։

Բովանդակություն[խմբագրել | խմբագրել կոդը]

Պատմվածքը բաժանված է տասնվեց գլուխների։

  • Գլուխ առաջին. Սև դրոշ
  • Գլուխ երկրորդ. Ժան Կորնբուտի նախագիծը
  • Գլուխ երրորդ. Հույսի շող
  • Գլուխ չորրորդ. Սառույցների մեջ
  • Գլուխ հինգերորդ. Լիվերպուլ կղզին
  • Գլուխ վեցերորդ. Սառույցների տատանում
  • Գլուխ յոթերորդ. Նախապատրաստություն ձմեռման
  • Գլուխ ութերորդ. Որոնողական նախագիծ
  • Գլուխ իններորդ. Ձնե հյուղակ
  • Գլուխ տասներորդ. Կենդանի թաղվածները
  • Գլուխ տասնմեկերորդ. Ծուխ
  • Գլուխ տասներկուերորդ. Վերադարձ նավ
  • Գլուխ տասներեքերորդ. Հակառակորդները
  • Գլուխ տասնչորսերորդ. Աղետալի վիճակ
  • Գլուխ տասնհինգերորդ. Սպիտակ արջերը
  • Գլուխ տասնվեցերորդ. Եզրափակում

Կերպարներ[խմբագրել | խմբագրել կոդը]

  • Օպիկ
  • Կլերբոտ
  • Ժան Կորնբուտ
  • Լուի Կորնբուտ
  • Կորտրուա
  • Ժերվիգ
  • Գրադլին
  • Հերմինգ
  • Ջոկ
  • Մարի
  • Ֆիդել Միզոն
  • Պիեռ Նուկե
  • Պենելան
  • Ալեն Թուրկետ
  • Անդրե Վասլինգ

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Bibliographie analytique de toutes les œuvres de Jules Verne, par Piero Gondolo della Riva. Tome I. Société Jules Verne. 1977.

Աղբյուրներ[խմբագրել | խմբագրել կոդը]

՚

Վիքիդարանի պատկերանիշը
Վիքիդարանում կան նյութեր այս թեմայով՝
Un hivernage dans les glaces