Մոսկինո

Վիքիպեդիայից՝ ազատ հանրագիտարանից
Մոսկինո
Изображение логотипа
Տեսակբիզնես ձեռնարկություն և նորաձևության տուն
Հիմնադրված է1983
ՀիմնադիրFranco Moschino?
ՎայրՄիլան, Իտալիա
Երկիր Իտալիա
Արդյունաբերություննորաձևություն
Մայր ընկերությունQ2825514?
ՍեփականատերQ2825514?
Կայքmoschino.com
 Moschino Վիքիպահեստում

Մոսկինո, իտալական նորաձևության տուն, որը ստեղծվել է 1983 թվականին Ֆրանկո Մոսկինոյի կողմից։ Ընկերությունն արտադրում է հագուստ, աքսեսուարներ, կոշիկներ, պայուսակներ, օծանելիքներ և այլն։

Պատմություն[խմբագրել | խմբագրել կոդը]

Ֆրանկո Մոսկինոն 1983 թվականին ստեղծվեց ընկերությունը։ Այն հայտնի դարձավ իր նորարարական, գունագեղ՝ երբեմն էքսցենտրիկ, և նորաձևության մասին Մոսկինոյի քննադատությունների և մտածելակերպի պատճառով[1][2]։ Նրա վաղաժամ մահից հետո (1994) իր օգնականներից մեկը՝ Ռոսելա Ջարդինին, դարձավ ընկերության ստեղծագործական տնօրենը[3][4]։ Սկսած 1999 թվականին բրենդը Aeffe նորաձևության կազմակերպության մասն է։

Մոսկինոն հիմա[խմբագրել | խմբագրել կոդը]

Ռոսելա Ջարդինին ընկերության տնօրենն էր 1994 թվականից 2013 թվականի հոկտեմբերը[5], իսկ հետո այդ կոչումը անցավ Ջերեմի Սկոթին, ում առաջին ցուցադրությունը կայացավ 2014 թվականի աշնանը[5]։

2006 թվականին Մոսկինոն ձևավորել էր Ձմեռային Օլիմպիական խաղերի բացվամ արարողության հագուստները Թուրինում[6]։ 2005 թվականին ձևավորոել Քայլի Մինոուգի Showgirl - The Greatest Hits Tour[7], Մադոննայի 2008 թվականի Sticky & Sweet Tour և Լեդի Գագայի 2011-2012 թվականների The Born This Way Ball համերգային շրջագայությունների հագուստները։

2011 թվականի հուլիսին ընկերության հավաքածուն ներկայացվեց The Brandery նորաձևության շոուի ժամանակ Բարսելոնայում։

Մոսկինոն արտադրում է նաև հագուստներ երեխաների համար՝ Moschino Teen 6–14 տարեկանների, Moschino Kid 12–18 ամսականներից մինչև 6 տարեկանների և Moschino Baby 1–3 ամսականներից մինչև 2 տարեկանների համար։

Ապրանքանիշեր[խմբագրել | խմբագրել կոդը]

Ունի տարբեր ապրանքանիշեր՝ Մոսկինոն (կանանց և տղամարդկանց հիմանական ապրանքանիշ), Moschino Cheap and Chic (կանացի երկրորդային ապրանքանիշ, ստեղծվել է 1988 թվականին), Love Moschino (կանանց և տղամարդկանց դիֆուզիոն ապրանքանիշ, ճանաչված որպես Moschino Jeans 1986–ից 2008 թվականներին)։ Ապրանքանիշերը արտադրում են կանացի և տղամարդկանց հագուստ, աքսեսուարներ, զարդեր, ժամացույցեր, օծանելիքներ, կոսմետիկա և անգամ մոտոցիկլի սաղավարտներ[8]։ Գրեթե բոլոր ժամացույցերը ստեղծվում է Binda Group ընկերության կողմից։ 2009 թվականին Միլանում ստեղծվեց Մոսկինոյի հյուրանոց, որը կոչվեց «Maison Moschino»[9]։

Մոսկինոյի խանութները[խմբագրել | խմբագրել կոդը]

Մոսկինոն ունի ավելի քան 150 բուտիկներ ամբողջ աշխարհում։ Վերջին տարիներում բացվել են խանութներ Եվրոպայում (Հռոմ, Կապրի, Լոնդոն, Փարիզ և Բեռլին), Նյու Յորքում (ԱՄՆ), Դնեպրոպետրովսկում և Կիևում (Ուկրաինա), Սանկտ Պետերբուրգում, Մոսկվայում և Եկատերինբուրգում (Ռուսաստան), Ալմաթիում (Ղազախստան), Ստամբուլում (Թուրքիա), Ալ-Ռիադում և Ջիդդայում (Սաուդյան Արաբիա), Դոհայում (Կատար), Դուբայում, Քուվեյթում, Բահրեյնում, Մումբայում և Բանգալորում (Հնդկաստան), Հոնգկոնգում, Օսակայում, Սինգապուրում, Թայբեյում, Գաոսյունում, Կուալա Լումպուրում, Շանհայում, Սեուլում, Բունդանգում, Պեկինում, Դալյանում, Հանգզուում, Շենզենում, Շենյանգում և աշխարհի այլ երկրներում։

Բացի առանձին խանութներից Մոսկինոն ունի նաև բուտիկներ բարձրակարգ հանրախանութներում, ինչպիսիք են Saks Fifth Avenue–ն ԱՄՆ–ում և Մեխիկոյում, Ճապոնիայի Isetan, Takashimaya, Daimaru, Կորեայի Shinsegae, Lotte և Hyundai, Լոնդոնի Harvey Nichols, Harrods և House of Fraser, Փարիզի Printemps, Մյունխենի Oberpollinger, Մադրիդի El Corte Ingles, Միլանի La Rinascente և Coin և այլ հանրախանութներում։

Ընկերության շահույթը ըստ երկրների (տոկոսներով)՝ Իտալիա 32%, Եվրոպա 23%, ԱՄՆ 6%, Արևելյան երկրներ 11%, մնացած երկրներ 28%։

Մոսկինոյի օծանելիքները[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. "Obituary: Franco Moschino", Wednesday, 21 September 1994. The Independent. [1]
  2. "Having fun with Moschino: A designer takes a bow", Monday, October 27, 2008. The New York Times. [2]
  3. "A fashionable life: Rosella Jardini". Harper's Bazaar
  4. «"A moment with Moschino", 28 October 2008. vogue.com». Արխիվացված է օրիգինալից 2009 թ․ սեպտեմբերի 24-ին. Վերցված է 2015 թ․ օգոստոսի 13-ին.
  5. 5,0 5,1 Zargani, Luisa (2013 թ․ հոկտեմբերի 29). «Moschino Names Jeremy Scott Creative Director». WWD. Վերցված է 2013 թ․ հոկտեմբերի 29-ին.
  6. "Moschino Gets Gold Medal:Brand designs costumes for winter Olympics," Thursday, January 19, 2006. Fashion Week Daily [3] Արխիվացված 2009-05-06 Wayback Machine
  7. "Kylie Minouge", March 21, 2005. Times Online UK
  8. "Moschino motor helmets", Tuesday, 30 October 2007. fashionunited.com. [4]
  9. "Head to Milan for Maison Moschino", 31 October 2008. Harper's Bazaar. [5] Արխիվացված 2015-05-05 Wayback Machine