Կարլ Լագերֆելդ

Վիքիպեդիայից՝ ազատ հանրագիտարանից
Jump to navigation Jump to search
Կարլ Լագերֆելդ
Karl Lagerfeld.jpg
Լագերֆելդը Մոնակոյի Կարմիր խաչի
գնդակի ժամանակ, 2005 թ. օգոստոս
Ծնվել է սեպտեմբերի 10, 1933(1933-09-10)[1][2] (85 տարեկան) կամ 1938[3][4]
Ծննդավայր Համբուրգ, Նացիստական Գերմանիա[5]
Քաղաքացիություն Flag of Germany.svg Գերմանիա
Flag of Sweden.svg Շվեդիա
Ազգություն գերմանացի
Կրթություն Lycée Montaigne
Մասնագիտություն նորաձևության դիզայներ, լուսանկարիչ, հրատարակիչ, փոստային բացիկների դիզայներ, costume designer և fashion photographer
Աշխատավայր Chanel
Ծնողներ հայր՝ Օտտո Լագերֆելդ
Պարգևներ և
մրցանակներ
Սպայական շքանշանի խաչ «Գերմանիայի Դաշնային Հանրապետությանը մատուցած ծառայությունների համար» Սպայական շքանշանի խաչ «Գերմանիայի Դաշնային Հանրապետությանը մատուցած ծառայությունների համար» և Պատվո լեգեոնի շքանշանի ասպետ
Կայք karllagerfeld.com
Ստորագրություն
Signature Karl Lagerfeld.jpg
Karl Lagerfeld Վիքիպահեստում

Կարլ Օտտո Լագերֆելդ (գերմ.՝ Karl Lagerfeld, սեպտեմբերի 10, 1933(1933-09-10)[1][2] կամ 1938[3][4], Համբուրգ, Նացիստական Գերմանիա[5]), առավել հայտնի որպես՝ Կարլ Լագերֆելդ (գերմ.՝ Karl Lagerfeld), գերմանացի նորաձևության մոդելյոր, դերասան և լուսանկարիչ, գործում է Փարիզում։ Նա «Շանել» նորաձևության տան, ինչպես նաև իտալական «Ֆենդի» և սեփական ապրանքանիշի նորաձևության տների գլխավոր դիզայներ և ստեղծագործական տնօրենն է։ Տասնամյակներ շարունակ նա մասնակցություն է ունեցել մի շարք նորաձևության և արվեստի հետ կապված նախագծերի։ Ողջ աշխարհում առավել ճանաչված է իր «ապրանքանիշային» սպիտակ մազերով, սև ակնոցով և օսլայած բարձր օձիքով։

Կենսագրություն[խմբագրել | խմբագրել կոդը]

Կարլ Լագերֆելդը ծնվել է Համբուրգում 1933 թ. սեպտեմբերի 10-ին, Քրիստիան և Էլիզաբետ Լագերֆելդների միակ որդին։

1952 թ. տեղափոխվեց Փարիզ։ Սովորել է դպրոցում՝ համատեղելով բարձր նորաձևությունը։ 1955 թ. Կարլը ստացել է առաջին մրցանակը վերարկուի դիզայնի մրցույթում, որը կազմակերպել էր Միջազգային Բուրդի քարտուղարությունը։ Հետո դարձավ Պիեռ Բալմենի օգնականը, ում հետ աշխատեց մինչև 1958 թ.։

1959 թ. Լագերֆելդին հրավիրում են Ժանա Պատուի տուն, որտեղ նա ստանում է գեղարվեստական ղեկավարի պաշտոն։ Այստեղ նա աշխատում է մինչև 1963 թ.։

1963 թ.-ից սկսեց աշխատել միանգամից չորս նորաձևության տներում՝ Chloé, Krizia, Charles Jourdan և Fendi՝ ստեղծելով յուրաքանչյուրի համար բոլորովին տարբեր հավաքածուներ։

1974 թ. Կարլ Լագերֆելդը հիմնադրեց իր սեփական գիծը՝ Karl Lagerfeld Impression։ 1979 թ. նա ստացել է հրավեր դասավանդելու Վիեննայի ավագ դպրոցում կիրառական արվեստ որպես դասախոս։

1983 թ. դարձել է Chanel-ի գեղարվեստական ղեկավարը։ Աշխատել է Chanel–ի prêt-à-porter հավաքածուի ստեղծման վրա։ Հիմնադրեց KL and KL by Karl Lagerfeld գիծը։

1987 թ.-ից զբաղվում է լուսանկարչությամբ, հրատարակել է մի քանի գիրք։ 1993 թ. արժանացել է Lucky Strike Designer Award մրցանակին։ 1987-1995 թթ. Կարլը համագործակցել է խոշորագույն գերմանական հագուստ արտադրող Կլայս Շտայլմանի հետ։

1992-1997 թթ. նորից դարձել է Chloé –ի գլխավոր դիզայներ։

1996 թ. ստացել է մրցանակ գերմանական լուսանկարչության միության կողմից։ 1998 թ. Փարիզում բացել է Karl Lagerfeld պատկերասրահ։ Կարլ Լագերֆելդը հայտնի է, որպես օծանելիքի ստեղծող։ Նա ստեղծել է բուրմունքներ. Chloé (1975), KL (1982), KL pour Homme (1986), Lagerfeld Photo (1990), Jako (1997)։ Ստեղծել է գրքի հոտով բուրմունք։

Կարլ Լագերֆելդին է պատկանում Փարիզում գտնվող գեղարվեստական պատկերասրահը, որի անվանումն է Lagerfeld Gallery — Studio 7L։ 2000 թ. Փարիզում հիմնում է իր սեփական հրատարակչությունը, որը կոչվում է 7L։ Նույն տարում նա իր գրքերի հավաքածուի մի մասը XVIII դարի ֆրանսիական արվեստի վերաբերյալ, վաճառում է Christie's աճուրդում։ Ղեկավարում է Փ արիզում գտնվող "7L" գրախանութը։ Մեծ գրքասեր է, ունի սեփական գրադարան, 300 հազար հատոր գրքով։

2007 թ. Բեռլինի միջազգային կինոփառատոնում կայացավ Ռոդոլֆ Մարկոնիի «Լագերֆելդի գաղտնիքները» (Lagerfeld. Confidential) ֆիլմի պրեմիերան։

Ամուսնացած չի եղել, երեխաներ չունի[6]։ 1989 թ. ՁԻԱՀ-ից մահացած իր ուղեկցից՝ Ժակա դե Բաշերայից հետո ապրում է մենակ[7]։ Իր տանը աշխատում են միայն խոհարարը, վարորդը և տնային աշխատողը, որոնք իր տրամադրության տակ են շուրջօրյա[8]։

2014 թ. դուրս է եկել ֆրանսիացի ռեժիսոր Ջալիլյա Լեսպերի «Իվ Սեն-Լորան» ֆիլմը, որտեղ ցույց է տալիս երկու երիտասարդ դիզայներների Կարլ Լագերֆելդի և Իվ Սեն Լորանի բարեկամական հարաբերությունները։ Լագերֆելդի դերը կատարել է Նիկոլայ Կինսկին։

Ծանոթագրություններ[խմբագրել | խմբագրել կոդը]