Հովիկ Հովեյան
Հովիկ Վաչագանի Հովեյան | |
|---|---|
 | |
| Ծնվել է | 1956 նոյեմբերի 23 |
| Ծննդավայր | Երևան, Հայկական ԽՍՀ, ԽՍՀՄ |
| Մասնագիտություն | բանաստեղծ, թարգմանիչ |
| Լեզու | հայերեն |
| Ազգություն | հայ |
| Քաղաքացիություն |  Հայաստան |
| Կրթություն | Երևանի պետական համալսարան |
| Պարգևներ | Հայաստանի Հանրապետության մշակույթի վաստակավոր գործիչ ՀՀ մշակույթի նախարարության ոսկե մեդալ և Գրիգոր Նարեկացի հուշամեդալ |
| Հովիկ Հովեյան Վիքիքաղվածքում | |
Հովիկ Վաչագանի Հովեյան (Հովհաննիսյան) (1956, նոյեմբերի 23, Երևան), հայ բանաստեղծ, թարգմանիչ։ ՀՀ մշակույթի վաստակավոր գործիչ (2011)։
Հայ բանաստեղծ, մանկավարժ, լրագրող Վաչագան Հովհաննիսյանի որդին է:
Բովանդակություն
Կենսագրություն[խմբագրել | խմբագրել կոդը]
1973 - 1978 թվականներին սովորել է Երևանի պետական համալսարանի բանասիրական ֆակուլտետում։
Աշխատանքային գործունեություն[խմբագրել | խմբագրել կոդը]
1978 թվականից աշխատել է Հայաստանի հեռուստառադիոհաղորդումների պետական կոմիտեում, 1987-2004 թվականներին` հեռուստառադիոհաղորդումների պետական կոմիտեի գրական-գեղարվեստական հաղորդումների գլխավոր խմբագրության գլխավոր խմբագիր։ 1991 թվականից Հայաստանի գրողների միության անդամ է, 1995 թվականից՝ Հայաստանի ժուռնալիստների միության անդամ։ 2001-2004 թվականներին եղել է Հայաստանի գրողների միության վարչության քարտուղարը, 2001-2006 թվականներին` Երևանի պետական համալսարանի հեռուստառադիոժուռնալիստիկայի ամբիոնի դասախոս, 2004-2006 թվականներին` ՀՀ մշակույթի և երիտասարդության հարցերի նախարար: Եղել է Օրինաց Երկիր կուսակցության անդամ։ Նախարարի պաշտոնից հրաժարական է տվել, երբ, ըստ մամուլի հրապարակումների, մասնակցել է ծեծկռտուքի, որի ժամանակ գործադրել է նաև իրեն պատկանող ատրճանակը[1]։ 2007 թվականից դասավանդում է Խաչատուր Աբովյանի անվան հայկական պետական մանկավարժական համալսարանի հեռուստառադիոժուռնալիստիկայի ամբիոնում։ 2009 թվականից Երևանի «Հովհաննես Շարամբեյանի անվան ժողովրդական ստեղծագործության կենտրոն»-ի տնօրենն է[2]։
Գրական գործունեություն[խմբագրել | խմբագրել կոդը]
Հեղինակել է տասնյոթ բանաստեղծական ժողովածու՝
- «Տունը ծաղկաթերթիկի վրա» (1979)
- «Արահետ» (1990)
- «Աստղագուշակ» (1995)
- «Արեգակն արդար» (1997)
- «Թափառական ամառներ» (1999)
- «Ծես» (2000)
- «Ժայռագրեր» (2003)
- «Մատենաշար» 21-րդ դարի հայ պոեզիա. Հ. Հովեյան – «Բանաստեղծություններ» (2004)
- «Կեսգիշերային լիբրետո» (2006)
- «Ուրարտական անձրևներ» (2009)
- «Հիշողության կավ» (2011)
- «Քամիների վերադարձը» պարսկերեն (2013 թվական- Իրանի Իսլամական Հանրապետություն)
- «Վրիպած ջրհեղեղ» (2014)
- «Անժամանակություն» (2015)
- «Նոյեմբերի ավերակները» ռուսերեն (2016)
- «Անավարտ ցամաք» (2017)
- «Բառի ալքիմիա» ֆրանսերեն (2018)
Հեղինակել է բազմաթիվ հոդվածներ, խոհագրություններ, ակնարկներ, ռադիո և հեռուստատեսային հաղորդումներ, նրա սցենարներով ու տեքստերով նկարահանվել են մի շարք փաստագրական ֆիլմեր և կինոնկարներ, նրա տեքստերով գրվել են խմբերգեր, ռոմանսներ, ջազային ստեղծագործություններ։ Իրանում թարգմանվել և պարսկերեն հրատարակվել է Հ. Հովեյանի «Քամիների վերադարձը» բանաստեղծությունների ժողովածուն։
Պարգևներ[խմբագրել | խմբագրել կոդը]
- ՀՀ մշակույթի նախարարության «Գրիգոր Նարեկացի» հուշամեդալ, 2016[3]
- ՀՀ մշակույթի վաստակավոր գործիչ (2011)[4]
- «Վազգեն Ա Կաթողիկոս Ամենայն Հայոց» ոսկե մեդալ
- «Ֆրիտյոֆ Նանսեն» հուշամեդալ
- ՀՀ մշակույթի նախարարության «Ոսկե մեդալ»
- ՀՀ Գրողների միության «Գրական վաստակի» համար մեդալ
| Նախորդող Թամարա Պողոսյան |
ՀՀ Մշակույթի և երիտասարդության հարցերի նախարար Հովիկ Հովեյան 3 մայիսի 2004— 5 հունվարի 2006 |
Հաջորդող Գևորգ Գևորգյան |
| ||||||||||||||
.svg){kind=small}
Ծանոթագրություններ[խմբագրել | խմբագրել կոդը]
- ↑ Հովիկ Հովեյանը հայտարարում է իր հրաժարականի մասին
- ↑ Հովիկ Հովեյանի կենսագրությունը Խաչատուր Աբովյանի անվան հայկական պետական մանկավարժական համալսարանի կայքում
- ↑ «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ»։ mincult.am։ Վերցված է 2017-01-19
- ↑ Հայաստանի Հանրապետության պատվավոր կոչումներ շնորհելու մասին
Արտաքին հղումներ[խմբագրել | խմբագրել կոդը]
- Երևան քաղաքում ծնվածներ
- Անձինք այբբենական կարգով
- Գրողներ այբբենական կարգով
- 1956 ծնունդներ
- Նոյեմբերի 23 ծնունդներ
- Հայ բանաստեղծներ
- Հայ թարգմանիչներ
- ՀՀ մշակույթի վաստակավոր գործիչներ
- Հայաստանի ժուռնալիստների միության անդամներ
- ԵՊՀ շրջանավարտներ
- ՀՀ մշակույթի նախարարության ոսկե մեդալակիրներ
- Հայ գրողներ
- Հայաստանի գրողների միության անդամներ
