Նիկոլ Աղբալյան

Վիքիպեդիայից՝ ազատ հանրագիտարանից
Նիկոլ Աղբալյան
Nikol Aghbalyan.jpg
Ծնվել է մարտի 24, 1875({{padleft:1875|4|0}}-{{padleft:3|2|0}}-{{padleft:24|2|0}})
Ծննդավայր Թբիլիսի
Մահացել է օգոստոսի 15, 1947({{padleft:1947|4|0}}-{{padleft:8|2|0}}-{{padleft:15|2|0}}) (72 տարեկանում)
Մահվան վայր Բեյրութ
Ազգություն հայ
Կրթություն Ներսիսյան դպրոց, Գևորգյան Հոգևոր Ճեմարան, Մոսկվայի պետական համալսարան, Լոզանի համալսարան և Փարիզի համալսարան
Մասնագիտություն գրականագետ, հասարակական գործիչ և գրականագետ
Աշխատավայր Մուրճ, Հորիզոն և Համազգայինի Մելանքթոն և Հայկ Արսլանյան ճեմարան
Քաղաքական կուսակցություն Հայ Հեղափոխական Դաշնակցություն
Անդամություն Վերնատուն
Nikol Aghbalyan Վիքիպահեստում

Նիկոլ Պողոսի Աղբալյան (մարտի 24, 1875, Թբիլիսի - օգոստոսի 15, 1947, Բեյրութ), հասարակական-քաղաքական գործիչ, գրականագետ, մանկավարժ, ՀՅԴ կուսակցության անդամ։

Կենսագրություն[խմբագրել | խմբագրել կոդը]

Ծնվել է 1873 թվականին Թիֆլիսում։ Նախնական կրթությունը ստացել է Թիֆլիսի Ներսիսյան դպրոցում, այնուհետև՝ Գևորգյան ճեմարանում։ Ուսանել է Մոսկվայի, Լոզանի, Սորբոնի համալսարաններում։ Ուսուցչություն է արել Կաղզվանում, Շուշիում, Թիֆլիսում և այլուր։ Առաջին աշխարհամարտի սկզբից դարձել է Ազգային բյուրոյի, ապա՝ խորհրդի և կամավորական գնդերի կարգադրիչ անդամ, զբաղվել է հայ գաղթականների տեղափոխման հարցերով։ 1918-1920 թվականներին եղել է ՀՀ խորհրդարանի անդամ, իսկ 1919-ին նշանակվել է լուսավորության և արվեստի նախարար։

Եղել է Վերնատան և Հայ գրողների ընկերության անդամ։ Աշխատակցել է «Մուրճ», «Հորիզոն», «Նոր Հոսանք», «Հանդես ամսօրյա» և այլ պարբերականների։ Հայաստանում խորհրդային իշխանություն հաստատվելուց հետո՝ 1921–ին, նախ բանտարկվել է, ապա Խորհրդային Հայաստանից տարագրվել է արտասահման։ 1930 թվականից ցկյանս բնակություն է հաստատել Բեյրութում և եղել է Ազգային Նշան Փալանճյան Ճեմարանի տնօրենը[1][2]։

Նիկոլ Աղբալյանը մահացել է 1947 թվականին Բեյրութում։

Հիշատակ[խմբագրել | խմբագրել կոդը]

Երևանում 1991 թվականից գործում է ՀՅԴ «Նիկոլ Աղբալյան» ուսանողական միությունը, Աղբալյանի անունով է կոչվել թիվ 19 միջնակարգ դպրոցը։

Աշխատություններ[խմբագրել | խմբագրել կոդը]

  • «Բանասէրի յուշագիրը» (1937-38)
  • «Գրակամ քննադատական երկեր» (1959)
  • «Սայաթ Նովայի հետ» (1966)
  • «Պատմութիւն հայոց գրականութեան» (1944)
  • «Ամբողջական երկեր» (1959-1970)

Գրականություն[խմբագրել | խմբագրել կոդը]

  • Գառնիկ Անանյան, Նիկոլ Աղբալյան, կյանքը և գրական-հրապարակախոսական գործունեությունը, Երևան, 2002։

Ծանոթագրություններ[խմբագրել | խմբագրել կոդը]

  1. Baghdasaryan Aram։ «AV Production - Նիկոլ Աղբալյան»։ avproduction.am։ Վերցված է 2017-03-24 
  2. «ՆԻԿՈԼ ՊՈՂՈՍԻ ԱՂԲԱԼՅԱՆ»։ ysu.am։ Վերցված է 2017-03-24