Վահան Մինախորյան

Վիքիպեդիայից՝ ազատ հանրագիտարանից
Jump to navigation Jump to search
Վահան Մինախորյան
Vahan Minakhoryan.jpg
Ծնվել է1884
ԾննդավայրԳանձակ, Ռուսական կայսրություն
Մահացել է1946
Մահվան վայրԲելգրադ, ՀՍՖՀ
Մասնագիտությունքաղաքական գործիչ
Vahan Minakhoryan Վիքիպահեստում

Վահան Մինախորյան (1884, Գանձակ, Ռուսական կայսրություն - 1946, Բելգրադ, ՀՍՖՀ), հայ քաղաքական գործիչ: Սոցիալ-հեղափոխական Հնչակյան կուսակցության անդամ[1]:

Կենսագրություն[խմբագրել | խմբագրել կոդը]

Վահան Մինախորյանը ծնվել է 1884 թվականին Գանձակ քաղաքում: Սովորել է Մոսկվայի առևտրի դպրոցում, այնուհետև տեղափոխվել է Բաքու, որտեղ Հայ հեղափոխական դաշնակցության համար հիմնել է ընդհատակյա հրատարակչություն և կազմակերպել գործադուլներ: Ռոստոմից հրաման ստանալով մեկնել է Սամսուն, աշխատել տեղի հայկական դպրոցում: Կարինում մասնակցել է ՀՅԴ 8-րդ համաժողովին: Հայոց ցեղասպանության ժամանակ Սամսունի հայ բնակչության հետ միասին տեղահանվել է և աքսորվել Օսմանյան կայսրության հարավային շրջաններ, սակայն կարողացել է փախչել, որի մասին հիշողությունների հիման վրա գրել է «Արհավիրքի օրեր» գիրքը:

Հետագայում միացել է Սոցիալ-հեղափոխական Հնչակյան կուսակցությանը, 1918 թվականից եղել է Հայաստանի Դեմոկրատական Հանրապետության Ազգային ժողովի անդամ: 1919 թվականին սոցիալ-հեղափոխական կուսակցությունից Արշամ Խոնդկարյանի հետ հակադրվել է ՀՅԴ՝ Երևանի նահանգում մուսուլմանական ապստամբությունները զսպելու համար կանոնավոր բանակ օգտագործելու որոշմանը[2], սակայն հաջողության չեն հասել:

1920 թվականի նոյեմբերի 23-ին Սիմոն Վրացյանի կառավարության կազմում նշանակվել է Հանրային կրթության նախարար և պաշտոնը զբաղեցրել 1920 թվականի նոյեմբերի 23-ից մինչև 1920 թվականի դեկտեմբերի 2-ը[3]: Մասնակցել է Ալեքսանդրապոլի հայ-թուրքական բանակցություններին, եղել է պատվիրակության անդամ[4]:

1921 թվականի փետրվարի 18-ից եղել է Փրկության կոմիտեի անդամ: 1921 թվականին անցել է Պարսկաստան, այնուհետև՝ Պրահա, 1934 թվականին՝ Բելգրադ:

Մահ[խմբագրել | խմբագրել կոդը]

Մահացել է Բելգրադում, 1946 թվականին:

Երկեր[խմբագրել | խմբագրել կոդը]

  • 1915 թուականը: Արհաւիրքի օրեր / Վահան Մինախորյան: Վենետիկ: Յ. Կոբոյեան, 1949[5]:
  • Վերհիշումներ: Թալեաթի ահաբեկումը / Ս. Թեհլիրյան: Կազմ.՝ Վ. Մինախորյան: Երևան։ Հայաստանի ԳԱԱ հրատ, 1993:

Ծանոթագրություններ[խմբագրել | խմբագրել կոդը]

  1. Kaligian Dikran Mesrob։ Armenian organization and ideology under Ottoman rule, 1908-1914 (Rev. ed.)։ New Brunswick, N.J.: Transaction Publishers։ ISBN 9781412842457 
  2. The Republic of Armenia: The first year, 1918-1919 By Richard G. Hovannisian; ISBN 0520018052, p. 153-154
  3. «Նախարարներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ»։ mincult.am։ Վերցված է 2016-09-27 
  4. The Republic of Armenia: The first year, 1918-1919 By Richard G. Hovannisian; ISBN 0520018052, p. 418
  5. ՀՀ Գիտությունների ազգային ակադեմիայի հիմնարար գիտական գրադարան