Սուրեն Միքայելյան

Սուրեն Միքայելյան Սուրեն Միքայելյան
Ծնվել է	հոկտեմբերի 6, 1911(1911-10-06)
Ծննդավայր	Արթիկ
Մահացել է	մարտի 17, 1995(1995-03-17) (83 տարեկան)
Մահվան վայր	Երևան, Հայաստան
Քաղաքացիություն	Ռուսական կայսրություն,  ԽՍՀՄ և  Հայաստան
Ազգություն	հայ
Կրթություն	Մոսկվայի բարձրագույն կուսակցական դպրոց
Մասնագիտություն	քաղաքական գործիչ
Քաղաքական կուսակցություն	ԽՄԿԿ
Պարգևներ և մրցանակներ	Լենինի շքանշան Հոկտեմբերյան հեղափոխության շքանշան Աշխատանքային Կարմիր դրոշի շքանշան «Պատվո նշան» շքանշան «Աշխատանքային արիության համար» մեդալ և Հայրենական պատերազմի I աստիճանի շքանշան

Սուրեն Աղասու Միքայելյան, (հոկտեմբերի 6, 1911(1911-10-06), Արթիկ - մարտի 17, 1995(1995-03-17), Երևան, Հայաստան), կուսակցական և պետական աշխատող։ ՀԽՍՀ վաստակավոր մանկավարժ (1959)։ ԽՄԿԿ անդամ 1931 թվականից։

Ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը։ 1933-1937 թվականներին եղել է Արթիկի և Իջևանի շրջկոմների առաջին քարտուղար, 1937 թվականից՝ ՀԼԿԵՄ Կենտկոմի առաջին քարտուղար։ 1939-1947 թվականներին Միքայելյանը կուսակցական ղեկավարի աշխատանք է տարել ՀԿԿ Կենտկոմում, 1939 թվականին՝ կազմ, բաժնի վարիչ։ 1940-1948 թվականներին՝ Կենտկոմի քարտուղար։ 1948-1955 թվականներին եղել է ՀԽՍՀ լուսավորության նախարար, 1955 թվականին ՀԽՍՀ պրոֆեսիոնալ տեխնիկակակն կրթության պետական կոմիտեի նախագահն է։ ՀԿԿ Կենտկոմի բյուրոյի անդամ (1940-1948), ԽՍՀՄ 2-3-րդ գումարումների Գերագույն սովետի դեպուտատ։

Պարգևատրվել է

Լենինի, Հոկտեմբերյան հեղափոխության, Հայրենական պատերազմի 1 աստիճանի, Աշխատանքային կարմիր դրոշի 2, «Պատվո նշան» շքանշաններով։

Երկեր

• Ժողովրդական կրթությունը նոր Հունգարիայում, Երևան, 1970, 113 էջ.
• Ուսման շաղկապումը արտադրողական աշխատանքի հետ երիտասարդության կոմունիստական դաստիարակության կարևորագույն պայմանն է, Երևան, Ա. հ., 1959 . 34 էջ