Արմեն Աշոտյան

Արտաքին տեսաֆայլեր
	Արմեն Աշոտյանը Մ.Բաղրամյան պողոտայում բողոքի ցույցերի ժամանակ տեսանյութը

	Արմեն Աշոտյան
Գիտական աստիճան՝	բժշկական գիտությունների թեկնածու
Մասնագիտություն՝	քաղաքական գործիչ և գիտակ
Ազգություն	հայ
Ծննդյան օր	հուլիսի 25, 1975 (48 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Պարգևներ	և
Armen Ashotyan

Արմեն Գևորգի Աշոտյան (հուլիսի 25, 1975(1975-07-25), Երևան, Հայկական ԽՍՀ, ԽՍՀՄ, ՀԽՍՀ), կուսակցական և քաղաքական գործիչ, Հայաստանի Հանրապետական կուսակցության փոխնախագահ։

Կրթություն[խմբագրել | խմբագրել կոդը]

1982-1990 թթ. սովորել է Երևանի Ա. Գոգոլի անվան թիվ 35 միջնակարգ դպրոցում։ 1990-1992 թթ – ին սովորել է Երևանի թիվ 45 միջնակարգ դպրոցում և ավարտել ոսկե մեդալով։

1992-1998 թթ. սովորել է Մ. Հերացու անվան պետական բժշկական համալսարանի բուժական ֆակուլտետում՝ «Բուժական գործ» մասնագիտությամբ և ավարտել գերազանցությամբ։

1998-2000 թթ. սովորել է Հերացու անվան պետական բժշկական համալսարանի կլինիկական օրդինատուրայում՝ «Դատական բժշկություն» մասնագիտությամբ և ավարտել գերազանցությամբ։

1999-2000 թթ –ին մասնակցել է Aix Marseille II (Ֆրանսիա) համալսարանի կրթաթոշակային ծրագրին և անցել կլինիկական օրդինատուրա՝ «Դատական բժշկություն» մասնագիտությամբ։

2005 թ. սովորել է ԵԽ-ին առընթեր Մոսկվայի քաղաքական հետազոտությունների դպրոցում։

2007 թ. մասնակցել է Մոսկվայի միջազգային հարաբերությունների պետական ինստիտուտի «Գլոբալ գործընթացների կառավարում» մասնագիտությամբ վերապատրաստման դասընթացներին։

1999-2000 թթ. աշխատել է ԵՊԲՀ դատական բժշկության ամբիոնի ավագ լաբորանտ, 2002-2005 թթ.–ին՝ ԵՊԲՀ ռեկտորի օգնական, 2003–2006 թթ. -ին՝ ԵՊԲՀ կենսաքիմիայի ամբիոնի ասիստենտ և 2006 թ-ից՝ ԵՊԲՀ կենսաքիմիայի ամբիոնի դոցենտ։

2005-2006 թթ. եղել է ԵՊԲՀ ռեկտորի խորհրդական՝ հասարակական կարգով։

Հասարակական գործունեությունը[խմբագրել | խմբագրել կոդը]

1996 թ. նա դարձել է ԵՊԲՀ Ուսանողական խորհրդարանի (ՈՒԽ) անդամ, 1997 թ.՝ ՈՒԽ ուսումնամեթոդական հանձնաժողովի նախագահ։

1998 թ. ընտրվել է ուսանողական խորհրդարանի փոխնախագահ, իսկ 1999-2004 թթ.՝ նախագահ։

2002-2005 թթ. աշխատել է որպես ուսանողության հետ աշխատանքների գծով ԵՊԲՀ ռեկտորի օգնական։ 2005 թ հանդիսացել է ԵՊԲՀ ռեկտորի խորհրդական։

Քաղաքական գործունեությունը[խմբագրել | խմբագրել կոդը]

2002 թվականից Հայաստանի Հանրապետական Կուսակցության անդամ է։
2003-2005 թթ. - ՀՀԿ երիտասարդական կազմակերպության նախագահ։
2005 - 2007 թթ. ՀՀ Ազգային Ժողովի երրորդ գումարման պատգամավոր է, Սոցիալական, առողջապահության և բնության պահպանության հարցերի մշտական հանձնաժողովի, ՀՀԿ պատգամավորական խմբակցության անդամ։
2005 թ. ընտրվել է ՀՀԿ խորհրդի անդամ։
2007 թ. ՀՀԿ համամասնական ցուցակով ընտրվել է ՀՀ Ազգային Ժողովի չորրորդ գումարման պատգամավոր, եվրաինտեգրման հարցերով մշտական հանձնաժողովի անդամ։
2008 թ. սեպտեմբերի 8-ին ընտրվել է ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ^[1]։
2009 թ մայիսի 12-ին ՀՀ Նախագահի հրամանագրով նշանակվել է ՀՀ կրթության և գիտության նախարար^[2]։
2012 թ. հունիսի 16-ին ՀՀ Նախագահի հրամանագրով վերանշանակվել է ՀՀ կրթության և գիտության նախարարի պաշտոնում։
2013 թ. մայիսի 8-ին ՀՀ Նախագահի հրամանագրով վերանշանակվել է ՀՀ կրթության և գիտության նախարարի պաշտոնում^[3]։
2014 թ. ապրիլի 26-ին ՀՀ Նախագահի հրամանագրով վերանշանակվել է ՀՀ կրթության և գիտության նախարարի պաշտոնում^[4]։
2016 թ. փետրվարի 24-ին ՀՀ Նախագահի հրամանագրով ազատվել է Հայաստանի Հանրապետության կրթության և գիտության նախարարի պաշտոնից^[5]։
2017 թ․ ապրիլի 2-ին պատգամավոր է ընտրվել ՀՀԿ ցուցակով։
2019 թ․-ից այլևս պատգամավոր չէ։

Բաղրամյանի ցույցեր[խմբագրել | խմբագրել կոդը]

2015 թ.-ի ամռան ամիսներին Երևանում տեղի ունեցան էլեկտրաէներգիայի սակագնի թանկացման դեմ բողոքի ցույցեր, մասնավորապես՝ փակվեց Մարշալ Բաղրամյան պողոտան^[6]։ Ոստիկանական բռնություններից երիտասարդներին պաշտպանելու նպատակով ՀՀ ԱԺ պատգամավոր Նիկոլ Փաշինյանը նախաձեռնեց^[7] «կենդանի պատ» ակցիան ցուցարարների և ոստիկանական ստորաբաժանումների միջև, որին արձագանքեցին տարբեր քաղաքական և հասարակական գործիչներ, այդ թվում՝ ՀՀ ԿԳ նախարար և ՀՀԿ փոխնախագահ Արմեն Աշոտյանը։ Մարշալ Բաղրամյան պողոտայում նրա հայտնվելը առաջացրեց ցուցարարների վրդովմունքը և էլենէներգիայի սակագնի թանկացման դեմ փողոքի ցույցը որոշ ժամանակով վերածվեց Ա. Աշոտյանի դեմ բողոքի ակցիայի։ Երիտասարդները սկսեցին վանկարկել «Աշոտյան հեռացիր» և «Աշոտյան սիկտիր» արտահայտություններ և նրա ուղղությամբ նետել տարբեր իրեր^[6]^[8]^[9]^[10]։ Իրավիճակը մեղմելու նպատակով մի քանի բարձրաստիճան ոստիկաններ փորձեցին Ա. Աշոտյանին հեռացնել պողոտայից, սակայն նա հեռացավ որոշ ժամանակ ցուցարարների դիմաց կանգնելուց և իր հասցեին վիրավորական արտահայտություններ լսելուց հետո։ Բազմաթիվ լրատվամիջոցներ այդ կադրերը ցուցադրում էին ուղիղ եթերում, որին հետևում էին հազարավոր հեռուստադիտողներ^[10]^[11]։

«Աշոտյան սիկտիր» արտահայտությունը հասարակության մոտ դարձավ թևավոր խոսք և հաճախ մարդիկ վիրավորական «ս...» բառի փոխարեն օգտագործում են «Աշոտյան» բառը, որոնք հասարակական որոշակի շրջանակների համար դարձել են հոմանիշներ^[12]^[13]^[14]^[15]։

Ստեղծագործական գործունեությունը[խմբագրել | խմբագրել կոդը]

Ա. Աշոտյանը ԵՊԲՀ ուսանողական խորհրդարանում նախագահության տարիներին զբաղվել է մշակութային միջոցառումների կազմակերպմամբ, մասնակցում սցենարների ստեղծմանն ու պարային համարների բեմադրմանը։ 2004 թ. լույս տեսավ Աշոտյանի բանաստեղծությունների անդրանիկ ժողովածուն, իսկ 2007 թ.՝ հեղինակային երգերի առաջին սկավառակը։

Եռանկյունի հաղորդաշար[խմբագրել | խմբագրել կոդը]

Հայաստանի Հանրային հեռուստաընկերության եթերով 2015 թ.-ի սահմանադրական հանրաքվեից առաջ սկսվեց եթեր հեռարձակվել «Եռանկյունի» լրատվական հաղորդաշարը Ա. Աշոտյանի մատուցմամբ։ 1-ին հաղորդման եթեր հեռարձակելուց հետո տարբեր հասարակական և քաղաքական գործիչներ քննադատությամբ հանդես եկան և ՀՀ-ում իշխող Հանրապետական կուսակցությանը մեղադրեցին հանրային եթերը սեփական քարոզչական նպատակներին ծառայեցնելու համար։ Մասնավորապես ՀԱԿ կուսակցությունը հայտարարություն տարածեց, որ ««Եռանկյունի» հաղորդաշարը ծաղր է քարոզչության հավասարության սկզբունքի նկատմամբ։ Այդ հաղորդաշարը վարում է ոչ այլ ոք, քան իշխող կուսակցության փոխնախագահ, կրթության և գիտության նախարար Արմեն Աշոտյանը։ Սա քիչ է, այդ հաղորդաշարի համար նաև հավաքվել է կողմնակալ լսարան՝ հաղորդման ժամանակ ընդդիմության վրա հաղորդավարի հարձակումներին ծափահարելու համար։ Ակնհայտ է, որ իշխող ռեժիմը վախենում է հանրային հեռուստատեսությամբ «Այո»-ի և «Ոչ»-ի համար հավասար պայմաններով բանավեճի կազմակերպումից։ Աշխարհում գոյություն չունի դեմոկրատական երկիր, որում հնարավոր լիներ, որ հանրային (կամ անգամ մասնավոր) հեռուստատեսությունում բանավեճի վարողի դերում լիներ ոչ թե անաչառ և անկողմնակալ լրագրող, այլ իշխող կուսակցության ղեկավարներից մեկը»^[16]^[17]։

Ընտանիք[խմբագրել | խմբագրել կոդը]

Ամուսնացած է, ունի երկու երեխա։

Այլ տվյալներ[խմբագրել | խմբագրել կոդը]

Բժշկական գիտությունների թեկնածու է, ունի երկու տասնյակ գիտական աշխատանքներ
Ամուսնացած է բժշկուհի-ներզատաբան, ԵՊԲՀ ՈՒԽ բուժական ֆակուլտետի և լրատվության հանձնաժողովի նախկին նախագահ Լուսինե Նավասարդյանի հետ
Ընկերներից շատերը ԵՊԲՀ շրջանավարտներ են կամ տարբեր ուսանողական ինքնակառավարման մարմինների նախկին ղեկավար անդամներ
Ազատ խոսում է հայերեն, ռուսերեն, ֆրանսերեն և անգլերեն
Սիրում է 80-ականների դիսկո, ֆրանսիական և վրացական երաժշտություն, ջազ
Երկար տարիներ հանդիսացել է Երևանի գիտակների ակումբի անդամ, խաղացել է տարբեր թիմերում, այդ թվում Շ. Գրիգորյանի թիմում /Գյումրի/, որի կազմում եղել է ԲՌԵՅՆ ՌԻՆԳԻ ԱՊՀ բարձրագույն լիգայի անդամ։

Պարգևներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Արմեն Աշոտյանը մեմերի հանրագիտարանում

Նախորդող
Հրանուշ Հակոբյան

ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ
Արմեն Աշոտյան
8 սեպտեմբերի 2008 թ. - 12 մայիսի 2009 թ.

Հաջորդող
Արտակ Դավթյան

Նախորդող
Սպարտակ Սեյրանյան

Հայաստանի կրթության և գիտության նախարար
Արմեն Աշոտյան
12 մայիսի 2009 թ. - 24 փետրվարի 2016 թ.

Հաջորդող
Լևոն Մկրտչյան

[1] «ԱՐՄԵՆ ԱՇՈՏՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ԳԻՏՈՒԹՅԱՆ, ԿՐԹՈՒԹՅԱՆ, ՄՇԱԿՈՒՅԹԻ, ԵՐԻՏԱՍԱՐԴՈՒԹՅԱՆ ԵՎ ՍՊՈՐՏԻ ՀԱՐՑԵՐԻ ՄՇՏԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀ ԸՆՏՐԵԼՈՒ ՄԱՍԻՆ».

[2] Ա. Աշոտյանին Հայաստանի Հանրապետության կրթության և գիտության նախարար նշանակելու մասին

[3] Ա. Աշոտյանին Հայաստանի Հանրապետության կրթության և գիտության նախարար նշանակելու մասին

[4] Ա. ԱՇՈՏՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ ՆՇԱՆԱԿԵԼՈՒ ՄԱՍԻՆ

[5] Ա. ԱՇՈՏՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

[Կենդանի_պատնեշ_Բաղրամյան_պողոտայում-6] 6,0 ^6,1 Կենդանի պատնեշ Բաղրամյան պողոտայում:(չաշխատող հղում)

[7] Պատգամավորները և հայտնիները կժամանեն Բաղրամյան՝ կենդանի պատնեշ ստեղծելու համար:

[Ցուցարարներն_առաջարկում_են_Արմեն_Աշոտյանին_«սիկտիր»_լինել-8] Ցուցարարներն առաջարկում են Արմեն Աշոտյանին «սիկտիր» լինել

[9] «Աշոտյան, սիկտիր, Աշոտյան՝ Բիբին», ցուցարարները զայրացել են Արմեն Աշոտյանի ներկայությունից:

[Արմեն_Աշոտյանին_դիմավորեցին_հայհոյանքներով._ինչ_է_կատարվում_Բաղրամյան_պողոտայում._ուղիղ_միացում-10] 10,0 ^10,1 Արմեն Աշոտյանին դիմավորեցին հայհոյանքներով. ինչ է կատարվում Բաղրամյան պողոտայում. ուղիղ միացում:

[11] «Ուղիղ միացում Բաղրամյան պողոտայից։». Արխիվացված է օրիգինալից 2016 թ․ մարտի 4-ին. Վերցված է 2017 թ․ մարտի 21-ին.

[12] «Բախում ոստիկանների և ՖԱՖ-ի անդամների միջև. ակցիան ավարտվեց։». Արխիվացված է օրիգինալից 2015 թ․ նոյեմբերի 28-ին. Վերցված է 2015 թ․ դեկտեմբերի 4-ին.

[13] «Սերժիկ, հեռացիր», «Սերժիկ, Աշոտյան»:

[14] «Ազատություն քաղբանտարկյալներին». ցուցարարները վանկարկում են Սերժիկ՝ աշոտյան:(չաշխատող հղում)

[15] Արմեն Աշոտյանն ընդդեմ Կարեն Անդրեասյանի. «սերիալը» շարունակվում է Ֆեյսբուքում:

[16] Աշոտյանի «Եռանկյունի» հաղորդաշարը ծաղր է քարոզչության հավասարության սկզբունքի նկատմամբ. ՀԱԿ:

[17] Լևոն Զուրաբյան. «Հլը մի բան էլ հատուկ հավաքած լսարան են բերում, որ ծափահարի Աշոտյան Արմենին»:

[18] Ա. Գ. ԱՇՈՏՅԱՆԻՆ «ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 2-ՐԴ ԱՍՏԻՃԱՆԻ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ

[19] Հայաստանի Հանրապետության մեդալներով պարգևատրելու մասին

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]