Կորուսյալները (հեռուստասերիալ)

Վիքիպեդիայից՝ ազատ հանրագիտարանից
(Վերահղված է Կորուսյալներըից)
Կորուսյալները
Lost
Lost letters.jpg
Սերիալի պատկերանշանը
Ժանր Ռոբինզոադա
Դրամա
Առեղծված
Գիտական ֆանտաստիկա
Ստեղծող Ջ. Ջ. Աբրամս
Դեյմոն Լինդելոֆ
Ջեֆի Լիբեր
Գլխավոր
դերերում
Nestor Carbonell, Էվանջելին Լիլլի, Էլիզաբեթ Միթչել, Իեն Սոմերհոլդեր, Միշել Ռոդրիգես, Harold Perrineau, Ադեուալե Ակինուոյե-Ագբաջե, Ջերեմի Դևիս, Kiele Sanchez, Ջոշ Հոլոուեյ, Henry Ian Cusick, Նևին Էնդրյուս, Daniel Dae Kim, Yunjin Kim, Jeff Fahey, Rebecca Mader, Michael Emerson, Էմիլի դե Ռավին, Malcolm David Kelley, Terry O'Quinn, Titus Welliver, Dominic Monaghan, Ռոդրիգո Սանտորո, Jorge Garcia, Maggie Grace, Matthew Fox, Cynthia Watros, Կեն Լյուն և Zuleikha Robinson
Երաշտություն Միշել Գիաչինո
Երկիր ԱՄՆ-ի դրոշը ԱՄՆ
Հեռուստաալիք ABC, Հ1 (Հայաստանում)
Եթերաշրջանների քանակ 6
Սերիաների քանակ 121 (Սերիաների ցանկ)
Պրոդյուսեր Ջ. Ջ. Աբրամս
Դեյմոն Լինդելոֆ
Քարլթոն Քյուզ
Ջեք Բենդեր
Բրայան Բարք և ուրիշներ
Ռեժիսոր Ջ. Ջ. Աբրամս
Ջեք Բենդեր
Սթիվեն Ուիլյամս
Փոլ Էդվարդս ևուրիշներ
Սցենարիստ Դեյմոն Լինդելոֆ
Քարլթոն Քյուզ
Ադամ Հորովիթս
Էդվարդ Քիթսիս
Էլիզաբեթ Սարնոֆ և ուրիշներ
Ընկերություն ABC Studios և Bad Robot Productions
Պատկերի ձևաչափ 480i (SDTV)
720p (HDTV)
1080i (HDTV)
Էկրաններին է 22 սեպտեմբերի, 2004 թ․-ից
23 մայիսի,[1] 2010 թ․
Սերիայի տևողություն 42-43 րոպե
Կարգավիճակ Ավարտված է
Կայք-էջ IMDb

«Կորուսյալները» (անգլ.՝ Lost), ռոբինզոադա ժանրի ամերիկյան կրոնական[2] հեռուստասերիալ, «Էմմի» և «Ոսկե գլոբուս» մրցանակաբաշխությունների դափնեկիր։ Ֆիլմում պատմվում է Oceanic Airlines (հայ․՝ Օշեանիկ Էյրլայնս) ավիաընկերության 815 չվերթի՝ Ավստրալիայի Սիդնեյ քաղաքից ԱՄՆԼոս-Անջելես քաղաք ուղևորվող ինքնաթիռի վթարից հետո Օվկիանիայում հանելուկներով և գաղտնիքներով լի կղզում հայտնված և ողջ մնացած ուղևորների պատմությունը։ Յուրաքանչյուր սերիա իր մեջ ներառում է երկու սյուժե՝ հիմնական և երկրորդկան։ Հիմնական սյուժեն կղզու վրա տեղի ունեցող դեպքերի մասին է։ Երկրորդական սյուժեում պատմվում է տվյալ սերիայի հերոսի՝ կյանքի այլ հատվածում տեղի ունեցած դեպքերը (առաջին երեք եթերաշրջաններում՝ միայն անցյալում, չորրորդ եթերաշրջանում՝ անցյալում և ապագայում տեղի ունեցած դեպքերը)։ Հինգերորդ եթերաշրջանի սերիաները նույնպես երկու սյուժեով են զարգանում, որոնցից մեկը ուղղակի չորրորդ եթերաշրջանի դեպքերի շարունակությունն է, իսկ մյուսի դեպքերը տեղի են ունենում 3 տարի անց ԱՄՆ-ում։ Սերիալը ստեղծվել է Ջ. Ջ. Աբրամսի, Դեյմոն Լինդելոֆի և Ջեֆի Լիբերի կողմից և հիմնականում նկարահանվել է Հավայների Օահու կղզում[3]։ Փորձնական սերիան ցուցադրվել է ABC հեռուսաընկերության եթերում 2004 թ․ սեպտեմբերի 22-ին[4] և իր էկրանների առաջ է հավաքել շուրջ 19 միլիոն մարդ[5]։ Այն բաղկացած է 6 եթերաշրջանից, որոնք ամբողջովին արդեն ցուցադրվել են։ Սերիալի գլխավոր պրոդյուսերներն են Աբրամսը, Լինդելոֆը, Քարլթոն Քյուզը, Բրայան Բարքը, Ջեք Բենդերը և ուրիշներ։ Մեծ դերասանական կազմի և Հավայներում նկարահանման բարձր գնի հետ կապված «Կորուսյալները» հեռուսասերիալն այսօր համարվում է համաշխարհային հեռուստատեսության պատմության մեջ ամենաթանկ սերիալներից մեկը։ Հեռուսադիտողների, ինչպես նաև քննադատների շրջանում հաջողություն ունեցող այս սերիալը միայն առաջին եթերաշրջանի ցուցադրման ժամանակ ԱՄՆ-ում իր շուրջն հավաքեց մոտ 16 միլիոն մարդ[6]։ Այն բազմաթիվ մրցանակների դափնեկիր է։

2007 թվականի մայիսին հայտարարվեց, որ նախատեսվում է ևս երեք եթերաշրջանների նկարահանում, յուրաքանչյուր եթերաշրջանում՝ 16 սերիա, սակայն հետագայում մտադրությունն վերանայվեց։ Արդյունքում սերիալի վերջին սերիան ցուցադրվեց 2010 թ․ մայիսի 23-ին[1]։ Այդ ամբողջ ընթացքում ցուցադրվել է ընդամները 121 սերիա[7]։ Այս պահին ԱՄՆ-ում և Հայաստանում արդեն ցուցադրվել են բոլոր 6 եթերաշրջանները։

«Կորուսյալները» սերիալը մշակութային ֆենոմեն է դարձել։ Սերիալի սյուժեով ստեղծվել են գրական աշխատանքներ, կոմիքսներ։ 2006-ի ամռանը թողարկվել է The Lost Experience համակարգչային խաղը։ Չորրորդ եթերաշրջանի նախօրյակին համացանցում տեղի ունեցավ «Find 815» խաղը։ 2008 թ․ փետրվարի 26-ին թողարկվեց Lost: Via Domus խաղը։

Ստեղծման պատմությունը[խմբագրել | խմբագրել կոդը]

«Կորուսյալները» հեռուստասերիալի ստեղծումը սկսվել է 2004 թ․ հունվարից, երբ ABC ընկերության նախագահ Լոյդ Բրաունը ռեժիսոր Ջ. Ջ. Աբրամսին առաջարկեց սերիալ նկարահանել հեռու և անմարդաբնակ կղզում ինքնաթիռի վթարի մասին։ Չնայած իր անվստահությանը, շուտով Աբրամսին սկսեց դուր գալ սերիալի միտքը, և արդյունքում նա սկսեց Դեյմոն Լորենսի հետ սկսեց համատեղ աշխատել մի ունիկալ ոճի սերիալի և դրա հերոսների վրա։ Սերիալի ստեղծումն ժամանակի առումով խիստ սահմանափակված էր։ Սակայն ստեղծողների խումը բավականին ճկուն էր ու փորձառու։ Նրանք առանց տատանվելու փոխում կամ ստեղծում էին սերիալի նոր հերոսներ, որպեսզի դրանք հարմար լինեին այն դերասանների համար, որոնց նրանք ցանկանում էին տեսնել իրենց սերիալում[8]։

Չնայած «Կորուսյալների» փորձնական սերիան քննադատվեց ամբողջ հեռուստատեսային պատմության մեջ ամենաթանկ փորձնական սերիան դառնալու համար, այնուամենայնիվ հետագայում սերիալն դարձավ 2004-ի հեռուստատեսային սեզոնի ամենամեծ առևտրային հաջողություն ունեցող նախագծերից մեկը։ [9]։ Թերևս սերիալի ամենամեծ հաջողությունն «Լավագույն դրամա» անվանակարգում 2005-ի սեպտեմբերին նվաճված «Էմմին» էր։ Այդ ժամանակ «Էմմի» ստացավ նաև Աբրամսը՝ որպես փորձնական սերիայի լավագույն ռեժիսոր։

Սերիալի կառուցվածքը[խմբագրել | խմբագրել կոդը]

Սերիալն կազմված է վեց եթերաշրջաններից։ Առաջին եթերաշրջանն ունի ընդամենը 24 սերիա, երկրորդը՝ 23, երրորդը՝ 22 (յուրաքանչյուր եթերաշրջանի վերջին սերիաները կրկնապատկված են, իսկ առաջին եթերաշրջանում կրկնապատկված է նաև փորձնական սերիան)։ Մնացած եթերաշրջանները պետք է ավելի կարճ լինեին՝ յուրաքանչյուրում 16-ական սերիա։ Սակայն, 2007 թ․ նոյեմբերին սկսված սցենարիստների գործադուլի պատճառով, չորրորդ եթերաշրջանն ունեցավ ոչ թե 16, այլ 14 սերիա։ Փոխարենը հինգերորդ և վեցերորդ եթերաշրջանները պետք է ունենային 17 սերիա, սակայն վերջին եթերաշրջանն ունեցավ ընդամենը 18 մեկժամյա սերիաներ (առաջին և վերջին սերիաներն կրկնապատկված են)։ Արտոնագրված DVD-ներում կրկնապատկված սերիաներն առաձնացնում են։ Այդպիսով, առաջին եթերաշրջանն ունենում է 25, իսկ երկրորդը՝ 24 սերիա։

Սերիաների ձևաչափը[խմբագրել | խմբագրել կոդը]

Սերիաներն որոշակի կառուցվածք ունեն։ Յուրաքանչյուր սերիա սկսվում է տվյալ սերիայի հետ կապ ունեցող իրադարձությունների ներկայացմամբ, որոնք արդեն ցուցադրված են եղել նախորդ սերիաներում։ Շատ սերիաներ սկսվում են ֆիլմի հերոսներից մեկի՝ խոշոր պլանով նկարահանված աչքի տեսարանով։ Հենց այդ հերոսն էլ տվյալ սերիայում գլխավոր դերն է խաղում։ Սերիալը սկսվում և վերջանում է Ջեք Շեփարդի աչքի տեսարանով։ Լարված րոպեներին պատկերը սևանում է, որից հետո էկրանին է հայտնվում սերիալի փոքր-ինչ լղոզված տարռերով գրված անվանումը (Lost), որն շարժվում է դեպի հեռուստադիտողը։ Սերիալի սկզբում վերնագրերը սովորաբար գրվում են այբբենական կարգով, երբ ցուցադրվում են սերիայի առաջին տեսարանները։ Որոշ սերիաներում վերնագրերը գրվում են մինչև սերիալի անվանման հոլովակի ցուցադրությունը։ Այդ սերիաներում cold open (սկզբի տեսարանները) սովորականից ավելի երկար են։ Յուրաքանչյուր սերիա (բացառությամբ մի քանիսի) սկսվում է մեկ-երկու օրվա իրադարձությունների կրկնությամբ, և շարունակվում է ժամանակ առ ժամանակ տվյալ սերիայում կենտրոնական գործող անձ հանդիսացող հերոսի հիշողությունների (ֆլեշբեքերի) ցուցադրությամբ։ Հաճախ ֆլեշբեքերում հերոսներից մեկի հիշողության վերադարձն է ցուցադրվում («Մայրական ուրախությունը»), հերոսի՝ իր հետ կատարված իրադարձությունների պատմությունը («Ծանոթացեք՝ Քեվին Ջոնսոն») կամ ժամանակի միջով ենթագիտակցության անոմալ տեղափոխությունը («Հաստատունը»երրորդ եթերաշրջանի վերջին սերայում («Հայելու մեջ նայելով») և չորրորդ եթերաշրջանում մեկ այլ հնարք է օգտագործվել՝ սյուժետային հայացք դեպի ապագա (ֆլեշֆորվարդՀինգերորդ եթերաշրջանում հեղինակներն սյուժեի փոխանցման նոր միջոց են ներմուծում՝ զուգահեռաբառ ներկայացվում են երկու ժամանակաշրջաններում (20-րդ դարի 70-ական թվականների և 21-րդ դարի սկզբի) տեղի ունեցած իրադարձությունները, քանի որ հերոսների մի մասը հայտնվել են անցյալում։ Սակայն վեցերորդ եթերաշրջանի առաջին սերիայում այդ երկու ժամանակաշրջանների պատմություններն հատվում են։ Հեղինակներն սկսում են օգտագործել նոր հնարք՝ այլընտրանքային իրականությունում տեղի ունեցող իրադարձությունների ցուցադրություն, որոնք առաջացել են հինգերորդ եթերաշրջանի վերջին սերիայի իրադարձություններից հետո։ Սերիաների մեծ մասն ավարտվում է իրադարձությունների անսպասելի շրջադարձով և կտրվում է ամենահետաքրքիր պահերին (այդ հնարքն կոչվում է Քլիֆհենգեր), որից հետո բարձր ձայնի ներքո ցուցադրվում է սերիալի անվանումը, սակայն այն չի շարժվում։ Սերիաների մի մասում էլ խճճված սյուժեից հետո ցուցադրվում է հարցերին մասնակի պատասխան տվող տեսարան, որից հետո էկրանը ուղղակի մթանում է։ Առանձնակի ողբերգական և հուզիչ տեսարաններով ավարտվող սերիաներում սերիալի անվանմանն ուղեկցող բարձր ձայնը բացակայում է, որն ընդգծում է միջադեպի նշանակությունը։

Եթերաշրջաններ[խմբագրել | խմբագրել կոդը]

Առաջին եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (1-ին եթերաշրջան)

Առաջին եթերաշրջանն իր մեջ ներառում է 25 սերիա, որոնք, սկսած 2004 թ․ սեպտեմբերի 22-ից, ԱՄՆ-ում եթեր էին դուրս գալիս ամեն չորեքշաբթի, ժամը՝ 20։00-ին։ Oceanic 815 չվերթի ինքնաթիռի վթարից հետո ողջ մնացածները ընկնում են թվացյալ անմարդաբնակ կղզի՝ ստիպելով անծանոթներին համագործակցել՝ ողջ մնալու համար։ Նրանց կյանքը վտանգի է ենթարկվում հանելուկային էակների՝ բևռային արջի, ջունգլիներում ձայներ արձակող անհայտ էակի և ոչ բարյացկամ կղզու բնակիչների՝ Ուրիշների կոզմից։ Նրանք ծանոթանում են Դանիել Ռուսսո անունով մի ֆրանսուհու հետ, ով ավելի քան 16 տարի առաջ նավաբեկության պատճառով այդ կղզի էր ընկել, և հողի մեջ փորված ու մետաղական դուռ ունեցող հանելուկային բունկեր են գտնում։ Ողջ մնացածների մի մասը որոշում են լքել կղզին լաստով։

Երկրորդ եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (2-րդ եթերաշրջան)

Երկրորդ եթերաշրջանն ներառում է 24 սերիա, որոնք, սկսած 2005 թ․ սեպտեմբերի 25-ից, ԱՄՆ-ում և Կանադայում եթեր էին դուրս գալիս ամեն չորեքշաբթի, ժամը՝ 21։00-ին։ Հիմնական իրադարձություններն, որոնք տեղի են ունենում աղետից 45 օր անց, ողջ մնացածների և Ուրիշների միջև աճող հակամարտության մասին են։ Շարունակվում է հավատի և գիտության հակադրությունը, որն դառնում է մի քանի սերիաների թեման։ Որոշ հանելուկներ բացահայտվում են, բայց դրանց փոխարեն ի հայտ են գալիս նորերը։ Սերիալում նոր հերոսներ են հայտնվում, որոնց թվում են պոչամասից ողջ մնացածներն ու կղզու մյուս բնակիչները։ Ավելի շատ բան է հայտնի դառնում կղզու անսովոր բնության և ողջ մնացածների անցյալի մասին։ Ողջ մնացածներն հետազոտում են բունկերը և իմանում են DHARMA Initiative-ի և նախագծի հովանավոր Հանսո հիմնադրամի մասին։ Երբ հանելուկային Ուրիշների մասին ճշմարտությունն սկսվում է բացահայտվել, ողջ մնացածների մեկը դավաճանում է իր ընկերներին։ Պարզվում է նաև աղետի պատճառը։

Երրորդ եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (3-րդ եթերաշրջան)

Երրորդ եթերաշրջանն իր մեջ ներառում է 23 սերիա, որոնք, սկսած 2006 թ․ հոկտեմբերի 4-ից, ԱՄՆ-ում և Կանադայում եթեր էին դուրս գալիս ամեն չորեքշաբթի, ժամը՝ 21։00-ին։ Որոշակի ընդմիջումից հետո սերիալն կրկին եթեր է դուրս գալիս 2007 թ․ փետրվարի 7-ին, ժամը՝ 22։00-ին։ Իրադարձություններն զարգանում են վթարից 69 օր անց։ Ողջ մնացածներն ավելի շատ տեղեկություններ են իմանում կղզու խորհրդավոր պատմության և Ուրիշների մասին։ Ուրիշներից մեկը միանում է ողջ մնացածներին, երբ վերջիններս Ուրիշներից փրկվելու համար լքում են ճամբարը։ Ուրիշների և ողջ մնացածների միջև պատերազմն ու լարվածությունը հասնում են իրենց կիզակետին, և ողջ մնացածներն կարողանում են կապ հաստատել փրկարարների խմբի հետ։

Չորրորդ եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (4-րդ եթերաշրջան)

Չորրորդ եթերաշրջանում նախատեսված էր (նախքան սցենարիստների գործադուլը) ներառել 16 սերիա, որոնք ԱՄՆ-ում և Կանադայում սկսեցին ցուցադրվել 2008 թ․ հունվարի 31-ին։ Սակայն սցենարիստների գործադուլի պատճառով եթերաշրջանում ներառվեց ընդամենը 14 սերիա, որոնցից 8-ը նկարահանվել էին նախքան գործադուլը, իսկ մնացած 6-ը՝ դրանից հետո։ Այս եթերաշրջանի կենտրոնում կղզի ժամանած Kahana նավի ուղևորների և փրկվածների հարաբերություններն են, ինչպես նաև «Օշեանիկի վեցնյակի» փրկության պատմությունը (կղզուց հետո նրանց կյանքի շարունակությունը ցույց է տրվում ֆլեշֆորվարդների միջոցով)։

Հինգերորդ եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (5-րդ եթերաշրջան)

Հինգերորդ եթերաշրջանը մեկնարկեց 2009թհունվարի 21-ից երեքժամանոց պրեմիերայով, որը ներառում էր կլիպ-շոու և երկու նոր սերիա։ Մյուս սերիաները Հյուսիսային Ամերիկայում եթեր էին դուրս գալիս ամեն չորեքշաբթի, ժամը՝ 21։00-ին։ 2009թմայիսի 13-ին եթերաշրջանն ավարտվեց երկժամյա վերջաբանով։ Այստեղ զուգահեռաբառ ներկայացվում էին երկու ժամանակաշրջաններում (20-րդ դարի 70-ական թվականների և 21-րդ դարի սկզբի) տեղի ունեցած իրադարձությունները, քանի որ հերոսների մի մասը հայտնվել էին 1974 թվականում, իսկ մյուսները հեռացել էին կղզուց։ Երեք տարի անց «Օշեանիկի վեցնյակը» վերադառնում է կղզի, և, ինչպես ասել է Լինդելոֆը, եթերաշրջանն այն մասին է, թե նրանք, ովքեր հեռացել էին կղզուց, ինչու պետք է վերադառնան։

Վեցերորդ եթերաշրջան[խմբագրել | խմբագրել կոդը]

    1rightarrow.png Հիմնական հոդված՝ Կորուսյալները (6-րդ եթերաշրջան)

2007 թ․ մայիսի 7-ին ABC Entertainment-ի նախագահ Սթիվեն ՄաքՖերսոն հայտարարել էր, որ հեռուստասերիալը կավարտվի 2009-2010 հեռուստաեթերաշրջանում՝ ցնցող վերջաբանով։

Սերիալի գլխավոր պրոդյուսերներ Լինդելոֆը և Քյուզը հաստատում էին, որ իրենք միշտ էլ պատկերացրել են հեռուստասերիալն իր սկզբով, միջնամասով և ավարտով, և քանի որ արդեն հայտարարվել էր՝ երբ սերիալը կավարտվի, հեռուստադիտողները կարող էին հանգիստ լինել, որ այն կավարտվի այնպես, ինչպես պրոդյուսերները նախատեսել էին։ Լինդելոֆը և Քյուզը նշել էին, որ 2010 թվականը սերիալի ավարտի տարի թողնելը չափազանց ազատական էր և օգնեց նրանց կրկին բացահայտել, թե ինչի մասին է այն։ Լինդելոֆն ընդգծել էր, որ հեռուստասերիալն այլևս չի երկարաձգվի։ Իսկ Մեթյու Ֆոքսը մի անգամ հայտարարել էր, որ վերջին եթերաշրջանում Ջեք Շեփարդի և Ջոն Լոքի կերպարները դուրս կգան միմյանց դեմ։

Վեցերորդ եթերաշրջանը բացում է արդեն վաղուց ձգվող գաղտնիքները, օրինակ՝ ծխանման հրեշը, չորս մատ ունեցող հսկայական կոթողը, կմախքները, որոնց Ջոն Լոքն անվանել էր կղզու Ադամ ու Եվա։ Վերջին եթերաշրջանում ժամանակային գծերը հատվում են՝ դառնալով միայն մեկը, և այլևս չկան ֆլեշբեքեր։

Comic-Con 2009-ի ընթացքում հայտարարվել էր, որ կվերադառնան դերասաններ Ջերեմի Դևիսը, Էլիզաբեթ Միտչելը և Դոմինիկ Մոնագանը, իսկ Նեստոր Կարբոնելը կմիանա հիմնական դերասանական կազմին։ Քյուզը հայտնել էր, որ ֆլեշֆորվարդների ու ժամանակային ճամփորդությունների եթերաշրջանն ավարտվել է, և վեցերորդ եթերաշրջանում կլինի պատմողական այլ հնարք։

Հեռուստասերիալի վերջին սերիան ԱՄՆ-ում ցուցադրվեց 2010թմայիսի 23-ին։ Այն տևեց 2,5 ժամ, հեռուստաալիքին արժեցավ 12 000 000 $ և հեռուստաէկրանների առջև հավաքեց ավելի քան 13 միլիոն ամերիկացի հեռուստադիտող։

Դերերում[խմբագրել | խմբագրել կոդը]

815 չվերթի ուղևորները[խմբագրել | խմբագրել կոդը]

Միջնամաս[խմբագրել | խմբագրել կոդը]

Դերասան Դեր
Մեթյու Ֆոքս Ջեք Շեփարդ Ջեք Շեփարդ
Էվանջելին Լիլի Քեյթ Օսթին Քեյթ Օսթին
Ջոշ Հոլոուեյ Ջեյմս «Սոյեր» Ֆորդ Ջեյմս «Սոյեր» Ֆորդ
Դոմինիկ Մոնագան Չարլի Փեյս Չարլի Փեյս
Թերրի Օ՝Քուին Ջոն Լոք Ջոն Լոք
Նավին Էնդրյուս Սայիդ Ջարահ Սայիդ Ջարահ
Դերասան Դեր
Խորխե Գարսիա Հյուգո Ռեյես Հյուգո Ռեյես
Դանիել Դե Քիմ Ջին Քվոն Ջին Քվոն
Քիմ Յուջին Սուն Քվոն Սուն Քվոն
Էմիլի դե Ռևին Քլեր Լիթլթոն Քլեր Լիթլթոն
Հարոլդ Պերինո Մայքլ Դոուսոն Մայքլ Դոուսոն
Մալքոլմ Դեյվիդ Քելի Ուոլթ Լլոյդ Ուոլթ Լլոյդ
Դերասան Դեր
Մեգի Գրեյս Շենոն Ռութերֆորդ Շենոն Ռութերֆորդ
Իեն Սոմերհոլդեր Բուն Կարլայլ Բուն Կարլայլ
Լ. Սքոթ Կոլդուել Ռոուզ Նեդլեր Ռոուզ Նեդլեր
Մեդիսոն և Փոնո (շներ) շունը Վինսենթ շունը
Կիլե Սանչեզ Նիքքի Ֆերնանդես Նիքքի Ֆերնանդես
Ռոդրիգո Սանտորո Պաուլո Պաուլո

Պոչամաս[խմբագրել | խմբագրել կոդը]

Դերասան Դեր
Ադևալե Ակինուոյե-Ագբաջե Միսթեր Էկո Միսթեր Էկո
Միշել Ռոդրիգես Անա-Լուսիա Քորտեզ Անա-Լուսիա Քորտեզ
Դերասան Դեր
Սինթիա ՈՒոթրոս Լիբի Սմիթ Լիբի Սմիթ
Սեմ Անդերսոն Բերնարդ Նեդլեր Բերնարդ Նեդլեր

«Ուրիշներ»[խմբագրել | խմբագրել կոդը]

Դերասան Դեր
Մարկ Պելեգրինո Ջեյքոբ Ջեյքոբ
Մայքլ Էմերսոն Բենջամին Լայնուս Բենջամին Լայնուս
ՈՒիլյամ Մեյփոթեր Իթան Ռոմ Իթան Ռոմ
Դերասան Դեր
Էլիզաբեթ Միտչել Ջուլիետ Բյորկ Ջուլիետ Բյորկ
Նեստոր Կարբոնել Ռիչարդ Ալփերտ Ռիչարդ Ալփերտ
Մայք Քոնոր Գեյնի Թոմ Ֆրենդլի Թոմ Ֆրենդլի
Դերասան Դեր
Տանյա Ռեյմոնդ Ալեքս Ռուսսո Ալեքս Ռուսսո
Թայթուս ՈՒելիվեր Սևի մեջ մարդը Սևի մեջ մարդը
Հիրոյուկի Սանադա Դոգեն Դոգեն

Այլ[խմբագրել | խմբագրել կոդը]

Դերասան Դեր
Միրա Ֆուրլան Դանիել Ռուսսո Դանիել Ռուսսո
Հենրի Իեն Քյուսիք Դեսմոնդ Հյում Դեսմոնդ Հյում
Ջերեմի Դևիս Դենիել Ֆարադեյ Դենիել Ֆարադեյ
Կեն Լյուն Մայլզ Սթրոմ Մայլզ Սթրոմ
Դերասան Դեր
Ռեբեկա Մեյդեր Շարլոտա Լյուիս Շարլոտա Լյուիս
Սոնյա ՈՒոլգեր Պենելոպա Հյում Պենելոպա Հյում
Ջեֆ Ֆահի Ֆրենկ Լապիդուս Ֆրենկ Լապիդուս
Քեվին Դյուրանդ Մարտին Քիմի Մարտին Քիմի
Դերասան Դեր
Ալան Դեյլ Չարլզ ՈՒիդմոր Չարլզ ՈՒիդմոր
Ջոն Թերրի Քրիստիան Շեփարդ Քրիստիան Շեփարդ
Զուլեյկա Ռոբինսոն Իլանա Վերդանսկի Իլանա Վերդանսկի
Ֆրանսու Շո Պիեր Չենգ Պիեր Չենգ

Դերասանների ընտրություն[խմբագրել | խմբագրել կոդը]

Երաժշտությունը[խմբագրել | խմբագրել կոդը]


«Կորուսյալները» Հայաստանում[խմբագրել | խմբագրել կոդը]

Հեռուստասերիալը ցուցադրվոել է Հ1 հեռուստաալիքով, հայերեն կրկնօրինակմամբ (դուբլյաժով)։

Քննադատություն[խմբագրել | խմբագրել կոդը]

Մրցանակներ[խմբագրել | խմբագրել կոդը]

Սերիալից հետո[խմբագրել | խմբագրել կոդը]

«Aloha, LOST!» հեռուստաշոուն[խմբագրել | խմբագրել կոդը]

6-րդ եթերաշրջանի վերջին սերիայի ավարտից անմիջապես հետո ABC ընկերության կողմից ցուցադրվեց հրաժեշտի «Aloha, LOST!» հեռուսատշոուին, որի վարողն էր Ջիմմի Կիմմելը։ Դեկորացիաների ներքո և նվագախմբի նվագակցության տակ հեռուստասերիալի դերասանները և ռեժիսորները, ովքեր այդ պահին կրում էին Dharma Initiative - ի հագուստները, հրաժեշտ տվեցին։

«The New Man in Charge» վերջաբանը[խմբագրել | խմբագրել կոդը]

    1rightarrow.png Հիմնական հոդված՝ The New Man in Charge

2010 թ․ օգոստոսի 24-ին թողարկված Lost: The Complete Collection DVD-սկավառակում, որն իր մեջ ներառում է Կորուսյալների բոլոր եթերաշրջանների բոլոր սերիաները, որպես վերջաբան տեղադրված էր 12 րոպե տևողությամբ «Նոր առաջնորդը» հոլովակը։

Ֆիլմում օգտագործված առարկաների աճուրդ[խմբագրել | խմբագրել կոդը]

Mega Millions վիճակահանությունը[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 Forids, Jeff (3 փետրվարի 2010 թ․)։ «ABC’s Lost Series Finale Date Announced (5/23)»։ ABC Medianet։ Արխիվացված օրիգինալից-ից 2012-02-08-ին։ Վերցված է 2010 թ․ մարտի 10 
  2. Jeff Jensen (21 հունիսի 2009 թ․)։ «'Lost': The cult of 'cult TV' (Part 1)» (անգլերեն)։ Entertainment Weekly։ Արխիվացված օրիգինալից-ից 2012-02-08-ին։ Վերցված է 2009 թ․ օգոստոսի 15–ին 
  3. «''Lost'': About the Show – ABC.com»։ Abc.go.com։ Արխիվացված օրիգինալից-ից 2012-02-08-ին։ Վերցված է 2010 թ․ հուլիսի 24 
  4. J. J. Abrams (2004-09-22). «Pilot: Part 1». Lost. Season 1. Episode 1. ABC. 
  5. Kissell Rick (23 սեպտեմբերի, 2004 թ․)։ «ABC, Eye have quite some night (անգլ.)»։ Variety 
  6. «Season Program Rankings from 09/20/04 through 05/19/05»։ ABC Medianet։ հունիսի 21, 2005։ Արխիվացված օրիգինալից-ից 2012-02-08-ին։ Վերցված է փետրվարի 3, 2009 
  7. «"Lost" set for three more years» (անգլերեն)։ Variety.com։ 6 մայիսի, 2007 թ․։ Արխիվացված օրիգինալից-ից 2012-02-08-ին 
  8. Abrams, J. J and Lloyd Braun, Lost Season 1 DVD (extras), Buena Vista Home Entertainment, 6 սեպտեմբերի, 2005 թ․
  9. Bianco Robert (26 ապրիլի, 2005 թ․)։ «A good season, with reason (անգլ.)»։ USA Today 

Հղումներ[խմբագրել | խմբագրել կոդը]