Ջերեմի Դևիս

Վիքիպեդիայից՝ ազատ հանրագիտարանից
Jump to navigation Jump to search
Ջերեմի Դևիս
Jeremydavies.jpg
Ծնվել էհոկտեմբերի 8, 1969(1969-10-08)[1][2][3] (50 տարեկան)
ԾննդավայրTraverse City, Միչիգան, ԱՄՆ
ԿրթությունԹատերական արվեստների ամերիկյան ակադեմիա[4]
ՔաղաքացիությունFlag of the United States.svg ԱՄՆ
Մասնագիտությունդերասան, հեռուստատեսային դերասան և կինոդերասան
Պարգևներ և մրցանակներՓրայմթայմ Էմմի մրցանակ

Ջերեմի Դևիս (անգլ.՝ Jeremy Davies հոկտեմբերի 8, 1969(1969-10-08)[1][2][3], Traverse City, Միչիգան, ԱՄՆ), ծննդյամբ Ջերեմի Դևիս Բորինգ (անգլ.՝ Jeremy Davies Boring), կինեմատոգրաֆիայի և հեռուսատատեսության ամերիկյան դերասան, որը հայտնի է «Կորուսյալները» արկածային հեռուստասերիալի ֆիզիկոսի՝ Դենիել Ֆարադեյի[5], ինչպես նաև մի շարք հայտնի ֆիլմերում խաղացած դերերով, ինչպիսիք են՝ «Փրկել շարքային Ռայանին» (1998), «Հյուրանոց «Միլիոն դոլար»» (2000), «Սոլյարիս» (2002)։

Կենսագրություն[խմբագրել | խմբագրել կոդը]

Ջերեմի Դևիս Բորինգը[6] ծնվել է 1969 թվականի հոկտեմբերի 8-ին Միչիգանի Թրևերս-Սիթի քաղաքում՝ հայտնի մանկական գրող Մելա Բորինգայի ընտանքիում։ Նրա ծնողները բաժանվել են, երբ Ջերեմին եղել է երեխա, իսկ մայրը մահացել է գայլախտից, երբ նա 8 տարեկան էր: Հոր և խորթ մոր՝ Քերոլի հետ նա տեղափոխվել է Կանզաս, որտեղ ապրել է մոր հետ, ապա կալիֆոռնիական Սանտա Բարբարա, Վերմոնտ և Այովա[7]: Դպրոցն ավարտելուց հետո Ջերեմին կրկին վերադարձել է Կալիֆոռնիա և Փասադենայում ընդունվել Դերասանական արհեստի ակադեմիա, որտեղ սովորել է երկու տարի:

Կարիերա[խմբագրել | խմբագրել կոդը]

Ջերեմի Դևիսի առաջին դերը դարձել է 1990 թվականի «Երգիչը և որդիները» (անգլ.՝ Singer & Sons) հեռուստասերիալում խաղացած էպիզոդը: 1991-1992 թվականներին ոչ մեծ դերերով հանդես է եկել հեռուստաֆիլմերում և հեռուստասերիալներում , որոնց թվում են «Հրաշալի տարիներ» և «Մելրոուզ-Փլեյս» երիտասարդական հեռուստասերիալները։ 1994 թվականին Դևիդ Ռասսելի «Ազատագրում» սև կատակերգությունում ստացել է առաջին լուրջ դերը, որը քննադատների կողմից արժանացել է դրական գնահատականների, նաև անկախ կինոֆիլմերի անվանակարգում լավագույն դեբյուտի համար ստացել է մրցանակ է:

Սթիվեն Սփիլբերգի «Փրկել շարքային Ռայանին» ֆիլմի երկրորդ պլանում խաղացած դերից հետո Ջերեմի Դևիսը սկսել է հաճախ համագործակցել հայտնի ռեժիսորների հետ:

Նրա գործերի շարքում են Վիմ Վենդերսի («Հյուրանոց «Միլիոն դոլար»»), Լարս ֆոն Թրիերի («Դոգվիլ», «Մանդերլեյ») և Վեռներ Հերցոգի («Փրկարար լուսաբաց») ֆիլմերը:

Անձնական կյանք[խմբագրել | խմբագրել կոդը]

Ջերեմին Մելա Բորինգայի չորս երեխաներից երկրորդն է: Նա ունի մեծ եղբայր՝ Ջոշը, որն օդաչու է, խորթ եղբայր՝ Զաքարը և քույր՝ Քեյթը: Հանդիպել է Դրյու Բերիմորի և Միլա Յովովիչի հետ:

Ֆիլմագրություն[խմբագրել | խմբագրել կոդը]

Տարի Անվանում Բնօրինակ անվանում Դեր
1994 ֆ Ազատագրում Spanking the Monkey Ռեյ Այբելի
1994 ֆ Նելլ Nell ցրիչ Բիլլի Ֆիշեր
1996 ֆ Մրրկասյուն Twister Լորենս
1997 ֆ Մորեխ The Locusts Ջոզեֆ Փոթս
1997 ֆ Ուղեկիցներ Going All the Way Ուիլլարդ (Սոննի) Բյորնս
1998 ֆ Փրկել շարքային Ռայանին Saving Private Ryan կապրալ Տիմոտի Ափխեմ
1999 ֆ Մարդակեր Ravenous շարքային Թոֆլեր
1999 ֆ Ֆլորենտին The Florentine Թրուբի
2000 ֆ Վիլլայում Up at the Villa Քարլ Ռիխտեր
2000 ֆ Հյուրանոց «Միլիոն դոլար» The Million Dollar Hotel Թոմ Թոմ
2001 ֆ Լրտես «Ճպուռը» CQ Փոլ
2002 ֆ Լարամի նախագիծը The Laramie Project Ջեդադիա Շուլտց
2002 ֆ Քարտուղարուհի Secretary Փիթեր
2002 ֆ Դրախտի որոնումներում Searching for Paradise Ադամ
2002 ֆ 29 արմավենի 29 Palms ձկնորս
2002 ֆ Սոլյարիս Solaris Սնոու
2003 ֆ Դոգվիլ Dogville Բիլլ Հենսոն
2004 ֆ Helter Skelter Helter Skelter Չարլզ Մենսոն
2005 ֆ Մանդերլեյ Manderlay Նիլս
2006 ֆ Փրկարար լուսաբաց Rescue Dawn Ջին
2008-2010 ս Կորուսյալները Lost Դենիել Ֆարադեյ
2010-2013 ս Արդարադատություն Justified Դիկի Բենետ
2010 ֆ Սա զվարճալի պատմություն է It's Kind of a Funny Story Սմիթթի
2013-2014 ս Հաննիբալ Hannibal Փիթեր Բերնարդոնե
2014 ս Կոստանդին Constantine Ռիչի Սիփսոն
2017 ս Թվին Փիկս Twin Peaks Ջիմի
2017 ս Ամերիկյան աստվածներ American Gods Հիսուս Քրիստոս
2018 ֆ Տուն, որը կառուցեց Ջեքը The House that Jack Built Էլ
2018 կ Պատերազմի ասվածը God of War Բալդուր

Մրցանակներ և անվանակարգ[խմբագրել | խմբագրել կոդը]

Մրցանակներ[խմբագրել | խմբագրել կոդը]

Անվանակարգում[խմբագրել | խմբագրել կոդը]

  • 1995 - Independent Spirit Awards - Լավագույն դեբյուտ - «Ազատագրում»
  • 1999 - Ամերիկյան կինոդերասանների գիլդիա մրցանակ - «Փրկել շարքային Ռայանին»-ի լավագույն դերասանական անսամբլ
  • 1999 - Blockbuster Entertainment Awards - «Փրկել շարքային Ռայանին» ֆիլմի երկրորդ պլանի լավագույն դերասան
  • 2003 - Golden Satellite Award - հեռուստասերիալի, փոքր սերիալի կամ հեռուստաֆիլմի երկրորդ պլանի լավագույն դերասան՝ « Լարամի նախագիծը»
  • 2003 - Golden Satellite Award - երկրորդ պլանի լավագույն դերասան՝ «Սոլարիս»

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]