Խորխե Գարսիա

Խորխե Գարսիա; անգլ.՝ Jorge Garcia
Ծնվել է	ապրիլի 28, 1973 (51 տարեկան)
Ծննդավայր	Օմահա, Նեբրասկա, ԱՄՆ
Կրթություն	Լոս Անջելեսի կալիֆոռնյան համալսարան և San Clemente High School?
Քաղաքացիություն	ԱՄՆ
Մասնագիտություն	դերասան, բլոգեր, հեռուստատեսային դերասան, կատակերգու և կինոդերասան
Ժանրեր	կինոկատակերգություն և դրամա
Պարգևներ և մրցանակներ	Դրամատիկ սերիալում լավագույն դերասանական կազմի համար ԱՄՆ Կինոդերասանների գիլդիայի մրցանակ

Խորխե Գարսիա (անգլ.՝ Jorge Garcia, իսպ.՝ Jorge García, ապրիլի 28, 1973(1973-04-28)^[1], Օմահա, Նեբրասկա, ԱՄՆապրիլի 28, 1973(1973-04-28)^[1], Օմահա, Նեբրասկա, ԱՄՆ), ամերիկյան դերասան և կոմիկ։ Հայտնի է «Կորուսյալները» հեռուստասերիալում խաղացած Հյորլի Ռեյեսի դերով։

Կենսագրություն

Խորխեն ծնվել է Նեբրասկա նահանգի Օմահա քաղաքում։ Մայրը՝ Դորա Մեսան, կուբայական ծագմամբ պրոֆեսոր է, իսկ հայրը՝ Ումբերտո Գարսիան, բժիշկ-վիրաբուժ է՝ ծագմամբ Չիլիից^[2]^[3]։ Մեծացել է Հարավային Կալիֆոռնիայում և միջնակարգ դպրոց է հաճախել Սան Կլեմենտեում։

Խորխե Գարսիան դերասանությամբ է սկսել հետաքրքրվել դեռևս քոլեջում․ ամենից շատ նրան գրավել են կատակերգական դերերը։ Ուսումն ավարտելուց հետո միացել է Բևեռլի Հիլզի դերասանական ստուդիաներից մեկին։ Գրեթե միաժամանակ սկսել է խաղալ սերիալներում, ինչպես մշտական դերասանական կազմում, այնպես էլ որպես հրավիրված որակյալ դերասան։ Հեռուստատեսությունում նկարահանվելուն զուգահեռ Խորխեն շատ է խաղացել թատրոնում։ Որպես կոմիկ՝ նա բազմիցս հայտնվել է Լոս Անջելեսի հայտնի «Ծիծաղի ֆաբրիկա» բեմադրությունում։ Գարսիան նկարահանվել է ֆիլմերում, «Բարի գալուստ կամ հարևանների մուտքն արգելված է» (2006) ֆիլմում խաղացել է երկրորդական դերերից մեկը։ 2010 թվականին, որպես հատուկ հրավիրված աստղ, խաղացել է «Ինչպես հանդիպեցի ձեր մայրիկին» հեռուստասերիալի սերիաներից մեկում, իսկ 2011 թվականին՝ «Եզր»^[4] և «Միսթր Սանշայն» սերիալներում։

2012 թվականին հեռարձակված «Ալկատրաս» հեռուստասերիալում Խորխեն խաղացել է գլխավոր դերերից մեկը՝ դոկտոր Դիեգո Սոտոյի^[5]^[6] դերը։

Անձնական կյանք

Գարսիան ամուսնացած է 2005 թվականից, նրա կնոջ անունը Էմիլի է։ Նրանք ծանոթացել են այն բանի շնորհիվ, որ Հավայիում ամենամոտ հարևաններ էին։ Բացի լողից, Խորխեն ունի ևս մեկ սիրելի զբաղմունք, կարելի է ասել՝ կիրք։ Նա պաշտում է ուտել, հատկապես՝ յուղոտ սնունդ՝ փքաբլիթներ և պիցցա։ Մանուկ հասակում նա ստացել է «Ռոբին Բոբին Բարաբեկ» մականունը, սկզբում վիրավորվել է, բայց հետո ընտելացել է մականվանը և ուրախությամբ արձագանքել դրան։ Դեռևս ավագ դպրոցից սկսել է դրամ վաստակել խորտկարանում՝ մեծ քանակությամբ սնունդ ձեռք բերելու համար։ Այդ պատճառով հեռացվել է աշխատանքից։ Ընկերների շրջանում Խորխեն հայտնի է իր՝ ուտելի արտադրանքների փաթեթավորումների իսկապես հսկայական հավաքածուով։

2010 թվականի սեպտեմբերի 14-ին թողարկվել է Weezer խմբի «Hurley» ալբոմը, որը կոչվել է ի պատիվ Գարսիայի՝ «Կորուսյալները» սերիալում խաղացած Հյորլիի կերպարի։ Խորխեն նաև եղել է այդ խմբի համերգին հրավիրված վոկալիստ^[7]։

Ֆիլմագրություն


Տարի		Անվանում	Բնօրինակ անվանում	Դեր
1997	ֆ	Ագռավների ժայռ	Raven's Ridge	Մոնթի
2001	ս	Սփին Սիթի	Spin City	տաքսու վարորդ
2001	ֆ	Վաղը կեսգիշերին	Tomorrow by Midnight	Ջեյ
2003	ս	Կոլոմբո	Columbo	Ջուլիուս
2003	հս	Կոլոմբոն սիրում է գիշերային կյանքը	Columbo: Columbo Likes the Nightlife	Ջուլիուս
2003	հս	Հին դպրոց	Old School	Խորխե
2004-2010	ս	Կորուսյալները	Lost	Հյուգո «Հյորլի» Ռեյես
2004	ֆ	Մեր ժամանակը վերջացել է	Our Time Is Up	պարտիզպան
2005	ֆ	Խելացին	The Good Humor Man	Ռաշմոր
2005	ֆ	Փոքր Աթենք	Little Athens	Պեդրո
2006	ֆ	Բարի գալուստ կամ հարևանների մուտքն արգելված է	Deck the Halls	Ուոլես
2006	կ	Վարձու մարդասպան։ Արյունոտ փողեր	Hitman: Blood Money	հնչյունավորող
2007	ֆ	Sweetzer	Sweetzer	Սերժիո
2007-2008	ս	Կորուսյալները:Կորած կտորներ	Lost: Missing Pieces	Հյուգո «Հյորլի» Ռեյես
2010	ս	Ինչպես հանդիպեցի ձեր մայրիկին	How I met your mother	Սթիվ Հենրի
2011	ս	Եզր	Fringe	Քևին
2011	ս	Միսթր Սանշայն	Mr. Sunshine	Բոբերտ
2011	ֆ	Մաքթուբ	Maktub	Կարլոս
2012	ս	Ալկատրաս	Alcatraz	դոկտոր Դիեգո Սոթո
2012	ս	Մի անգամ հեքիաթում	Once Upon a Time	Անտոն
2013	ֆ	Ստանալ աշխատանք	Get a Job	Ֆերնանդո
2013	ֆ	ԱյՍթիվ	ISteve	Սթիվ Ոզնիկ
2015	ֆ	Անմիտ վեցյակը	The Ridiculous 6	Համր
2015	ֆ	Վարձույթով խաչեղբայր	The Wedding Ringer	Լարչ/Գարվի
2017	մֆ	Ռոք Դոգ	Rock Dog	Հերմուր

Ծանոթագրություններ

↑ ^1,0 ^1,1 ^1,2 Internet Movie Database — 1990.
↑ «'Lost' takes an odd path to diversity». The Los Angeles Times. 2005 թ․ փետրվարի 13. Արխիվացված է օրիգինալից 2011 թ․ հունվարի 9-ին. Վերցված է 2010 թ․ դեկտեմբերի 11-ին.
↑ «Jorge GarсГa lleva su vida real a «Lost» — El Universal — EspectГЎculos». Արխիվացված է օրիգինալից 2012 թ․ փետրվարի 27-ին. Վերցված է 2019 թ․ սեպտեմբերի 10-ին.
↑ Хорхе Гарсия в следующем эпизоде Fringe
↑ «Could J.J. Abrams' new show be more bizarre than Lost? Here's everything we know so far». Արխիվացված է օրիգինալից 2011-01-28-ին. Վերցված է 2019-09-10-ին.
↑ Больше информации о новом проекте Дж. Дж. Абрамса
↑ Koch, Karl (2010 թ․ օգոստոսի 25). «"A Retraction from Brian"». Weezer Band Blog. Արխիվացված է օրիգինալից 2010 թ․ օգոստոսի 29-ին.

Վիքիպահեստն ունի նյութեր, որոնք վերաբերում են «Խորխե Գարսիա» հոդվածին։

[_66845a86a622a86d-1] 1,0 ^1,1 ^1,2 Internet Movie Database — 1990.

[2] «'Lost' takes an odd path to diversity». The Los Angeles Times. 2005 թ․ փետրվարի 13. Արխիվացված է օրիգինալից 2011 թ․ հունվարի 9-ին. Վերցված է 2010 թ․ դեկտեմբերի 11-ին.

[3] «Jorge GarсГa lleva su vida real a «Lost» — El Universal — EspectГЎculos». Արխիվացված է օրիգինալից 2012 թ․ փետրվարի 27-ին. Վերցված է 2019 թ․ սեպտեմբերի 10-ին.

[4] Хорхе Гарсия в следующем эпизоде Fringe

[a-5] «Could J.J. Abrams' new show be more bizarre than Lost? Here's everything we know so far». Արխիվացված է օրիգինալից 2011-01-28-ին. Վերցված է 2019-09-10-ին.

[6] Больше информации о новом проекте Дж. Дж. Абрамса

[weez-7] Koch, Karl (2010 թ․ օգոստոսի 25). «"A Retraction from Brian"». Weezer Band Blog. Արխիվացված է օրիգինալից 2010 թ․ օգոստոսի 29-ին.

[1]

[2]

[3]

[4]

[5]

[6]

[7]