Մայքլ Լենդոն

Մայքլ Լենդոն
Ծնվել է	հոկտեմբերի 31, 1936[…]
Ծննդավայր	Ֆորեստ Հիլս, Քուինս, Նյու Յորք, Նյու Յորք, ԱՄՆ
Մահացել է	հուլիսի 1, 1991[…] (54 տարեկան)
Մահվան վայր	Մալիբու, Լոս Անջելես շրջան, Կալիֆոռնիա, ԱՄՆ
Գերեզման	Hillside Memorial Park
Կրթություն	Հարավային Կալիֆոռնիայի համալսարան և Collingswood High School?
Քաղաքացիություն	ԱՄՆ
Մասնագիտություն	հեռուստատեսային դերասան, հեռուստառեժիսոր, դերասան, կինոռեժիսոր, սցենարիստ, երգիչ, թեթևատլետ, կինոդերասան, կինոպրոդյուսեր և հեռուստատեսային պրոդյուսեր
Ժանրեր	վեսթեռն
Երեխա(ներ)	Christopher Landon?, Leslie Landon?, Michael Landon Jr.? և Jennifer Landon?
Պարգևներ և մրցանակներ	Հոլիվուդյան փառքի ծառուղու աստղ և Մրցանակ «Էմմի» միջազգային մրցանակի հիմնադրին
Անդամություն	Ամերիկա Ուեսթի գրողների գիլդիա

Մայքլ Լենդոն (անգլ.՝ Michael Landon, ծնված՝ Յուջին Մորիս Օրովից (անգլ.՝ Eugene Maurice Orowitz), հոկտեմբերի 31, 1936(1936-10-31)^[1]^[2]^[3]^[…], Ֆորեստ Հիլս, Քուինս, Նյու Յորք, Նյու Յորք, ԱՄՆ - հուլիսի 1, 1991(1991-07-01)^[1]^[2]^[3]^[…], Մալիբու, Լոս Անջելես շրջան, Կալիֆոռնիա, ԱՄՆ), ամերիկացի հեռուստատեսության դերասան, պրոդյուսեր, սցենարիստ և ռեժիսոր, որն առավել հայտնի է «Բոնանցա», «Փոքրիկ տնակ պրերիայում» և «Դրախտի խճուղի» երեք երկարատև հեռուստասերիալներում կատարած գլխավոր դերերի շնորհիվ։

Կյանք և կարիերա

Վաղ տարիներ

Յուջին Մորիս Օրովիցը ծնվել է Նյու Յորքի Քուինսի շրջանում՝ դերասանի և կատակերգական դերասանուհու ընտանիքում։ Մայրը բազմիցս փորձել է կյանքին վերջ տալ ինքնասպանությամբ, որն ազդել է երեխայի հոգեկան վիճակի վրա^[5]։ Նա գրել է դրա մասին «Մայքլ Լենդոն. Հաղթանակ և ողբերգություն» ինքնակենսագրությունում, իսկ 1976 թվականին իր մանկության պատմության մասին նկարահանել է «Միայնակ վազորդը» հեռուստաֆիլմը, որն անվանակարգվել է «Էմմի»-ի երկու մրցանակներում։ Նա սպորտային կրթաթոշակով սովորել է Հարավային Կալիֆոռնիայի համալսարանում, բայց վնասվածքից հետո ստիպված է եղել դադարեցնել ֆիզիկական գործունեությունը։

Կարիերայի սկիզբը և «Բոնանցա»

Երբ նա որոշել է կարիերան սկսել էկրանով, վերցրել է Մայքլ Լենդոն կեղծանունը. անուն, որը վերցրել է հեռախոսային տեղեկագրքից^[6]։ 1950-ական թվականների կեսերին Մայքլ Լենդոնն առաջին անգամ ձեռք է բերել հաջողություն շնորհիվ մեծ էկրանով կատարած ռոմանտիկ հերոսների դերերի^[7], ինչպես նաև «Ես պատանի մարդագայլ էի» լիամետրաժ ֆիլմում խաղացել է առաջին և միակ գլխավոր դերը։

1959 թվականին 22 տարեկան հասակում Մայքլ Լենդոնը «Բոնանցա» հեռուստատեսային վեստերնում ստացել է գլխավոր դերը, որը հետագայում ամերիկյան հեռուստատեսության պատմության մեջ դարձել է ամենահաջողված ծրագրերից մեկը^[8]։ Լենդոնը եղել է սերիալի չորս գլխավոր դերասաններից ամենաերիտասարդը, և նրա կերպարը սերիալում դարձել է առավել ճանաչված՝ հիմնականում շնորհիվ կադրում դերասանի առանց շապիկի հաճախակի երևալու և կերպարի ռոմանտիկ կերպարանքի^[6]։ Շոուն գոյություն է ունեցել մինչև 1973 թվականը և ներկայումս պրայմ թայմում ամենաերկարատև սերիալների ցուցակում զբաղեցնում է երկրորդ տեղը։

«Փոքր տնակը պրերիայում»

«Բոնանցա» ֆիլմի ավարտից հետո՝ մեկ տարի անց, Մայքլ Լենդոնը թողարկել է «Փոքր տնակը պրերիայում» ֆիլմը, որտեղ նա եղել է ոչ միայն գլխավոր դերակատարը, այլ նաև պրոդյուսերը։ Շոուն պատմում է մի ընտանիքի մասին, որը 1870 և 1880 թվականներին ապրում էր Մինեսոտա նահանգի Ուոլնատ Գրով քաղաքի ֆերմայում։ Սերիալը հիմնված է գրող Լորա Ինգլզ Ուայլդերի համանուն գրքի շարքի վրա և 1974-1983 թվականներին ինը եթերաշրջանների ընթացքում հեռարձակվել է NBC հեռուստաալիքով^[7]։ Սերիալում իր հերոսի կնոջ դերում նկարահանվել է Կարեն Գրասելը, իսկ իրենց դստրերի դերերում՝ Մելիսա Գիլբերտը և Մելիսա Սյու Անդերսոնը։ Սերիալը տևել է ինը եթերաշրջան և արժանացել մի քանի «Էմմի» մրցանակի։ Այն նկարահանել է մի քանի հեռուստաֆիլմ-սիքվելներ և տասնամյակներ անց շարունակել է թողարկվել ԱՄՆ-ի սինդիկացիաներում։ Չնայած շոուն սիրված էր քննադատների կողմից, սակայն Լենդոնը դրամատիկ հեռուստասերիալում տղամարդկային լավագույն դերի համար երբեք չի առաջադվել «Էմմի» մրցանակի և միայն մեկ անգամ՝ 1979 թվականին, հեռուստատեսային սերիալում կամ դրամայում լավագույն տղամարդկային դերի համար առաջադրվել է «Ոսկե գլոբուս»-ի^[9]։

Վերջին տարիներ և մահ

«Փոքր տնակը պրերիայում» սերիալի ավարտից հետո դերասանը շարունակել է իր հեռուստատեսային կարիերան «Դրախտի խճուղի» հեռուստասերիալի դերով, որտեղ նա խաղացել է հրեշտակի դերը՝ օգնելով մարդկանց։ Ինչպես նաև NBC-ով չափավոր հաջողությամբ հեռարձակված սերիալն ավարտվել է 1989 թվականին և ունեցել է հինգ եթերաշրջան՝ ընդհանուր առմամբ ներառելով 111 էպիզոդ։

1991 թվականի ապրիլի 5-ին Լենդոնի մոտ ախտորոշվել է ենթաստամոքսային գեղձի ուռուցք՝ լյարդի և ավիշային հանգույցների մետաստազներով^[6]։ Դեղին մամուլը շուտով հայտարարել է գոյություն չունեցող հիվանդության մասին, քանի որ քաղցկեղը վիրահատությանը ենթակա չի եղել, իսկ դերասանը մինչ մահը հայտնվել է հեռուստաէկրաններին՝ լուրերը հերքելու համար, իսկ հունիսին իր կյանքի մասին հարցազրույց է տվել Life ամսագրին։ Լենդոնը մահացել է 1991 թվականի հուլիսի 1-ին Կալիֆոռնիա նահանգի Մալիբու քաղաքում^[10]։ Լենդոնն ամուսնացել է երեք անգամ և ունեցել է ինը երեխա, որոնցից երկուսը եղել են որդեգրված։

1984 թվականին Մայքլ Լենդոնն Հոլիվուդյան փառքի ծառուղում արժանացել է անվանական աստղի^[9]։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Discogs — 2000.
↑ ^4,0 ^4,1 Freebase — 2007.
↑ «HIS EARLY DAYS WERE FUN, PALS RECALL SOME REFUTE IMAGE OF A TROUBLED CHILDHOOD». Philadelphia Daily News. 2 июля 1991. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.
↑ ^6,0 ^6,1 ^6,2 Mark Goodman (15 июля 1991). «Goodbye, Little Joe». People. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.
↑ ^7,0 ^7,1 «Michael Landon- Biography». Yahoo!. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.
↑ Antonio LaPastina. «BONANZA». Museum of Broadcast Communications. Արխիվացված է օրիգինալից 2012 թ․ նոյեմբերի 13-ին. Վերցված է 2012 թ․ նոյեմբերի 14-ին.
↑ ^9,0 ^9,1 «Awards for Michael Landon». Internet Movie Database. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.
↑ Peter B Flint (2 июля 1991). «Michael Landon, 54, Little Joe On 'Bonanza' for 14 Years, Dies». The New York Times. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

Վիքիպահեստն ունի նյութեր, որոնք վերաբերում են «Մայքլ Լենդոն» հոդվածին։

[_c5dbcbee1df5facc-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_03de40f237af9168-2] 2,0 ^2,1 ^2,2 ^2,3 ^2,4 Encyclopædia Britannica

[_2ce4d3170c15101e-3] 3,0 ^3,1 ^3,2 ^3,3 ^3,4 Discogs — 2000.

[_d426b77caae92fe4-4] 4,0 ^4,1 Freebase — 2007.

[5] «HIS EARLY DAYS WERE FUN, PALS RECALL SOME REFUTE IMAGE OF A TROUBLED CHILDHOOD». Philadelphia Daily News. 2 июля 1991. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

[people-6] 6,0 ^6,1 ^6,2 Mark Goodman (15 июля 1991). «Goodbye, Little Joe». People. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

[yahoo-7] 7,0 ^7,1 «Michael Landon- Biography». Yahoo!. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

[museum-8] Antonio LaPastina. «BONANZA». Museum of Broadcast Communications. Արխիվացված է օրիգինալից 2012 թ․ նոյեմբերի 13-ին. Վերցված է 2012 թ․ նոյեմբերի 14-ին.

[awards-9] 9,0 ^9,1 «Awards for Michael Landon». Internet Movie Database. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

[10] Peter B Flint (2 июля 1991). «Michael Landon, 54, Little Joe On 'Bonanza' for 14 Years, Dies». The New York Times. Արխիվացված օրիգինալից 2013 թ․ փետրվարի 5-ին. Վերցված է 2013 թ․ հունվարի 22-ին.

[1]

[2]

[3]

[4]

[5]

[6]

[7]

[8]

[9]

[10]