Զիարեթ (Մշո գավառ)

Անվան այլ կիրառումների համար տե՛ս՝ Զիարեթ (այլ կիրառումներ)

Գյուղ
Զիարեթ
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառ	Մշո գավառ
Այլ անվանումներ	Զիաթաթ, Զիյարեթ
Պաշտոնական լեզու	Հայերեն
Բնակչություն	1500 մարդ (XX դարասկիզբ)
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Զիարեթ, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում է Մուշ քաղաքից 25 կմ հյուսիս-արևմուտք՝ Արածանիի աջ կողմի վտակներից մեկի մոտ՝ Քարքե լեռան փեշերի վրա։

Անվան ստուգաբանություն

Զիարեթ անվանումը թուրքերեն է և այն տրվել է մոտակայքում գտնվող Ս. Կարապետ վանքի համար։ Զիարեթը թուրքերենից թարգմանաբար նշանակում է ուխտատեղի, ուխտավայր։

Պատմություն

Գյուղը թուրքերի ձեռքով ավերվել է, իսկ բնակչության մեծ մասը կոտորվել 1915 թվականի Մեծ եղեռնի ժամանակ։ Փրկվածները տարագրվել են։

Բնակչություն

XX դարի սկզբին գյուղն ուներ 160-180 տուն՝ 1500 հայ բնակչով։

Պատմամշակութային կառույցներ

Զիարեթում կար 1268 թ.-ին կառուցված եկեղեցի։ Բնակավայրի մոտակայքում կար բերդի ավերակներ։

Հասարակական կառույցներ

Գյուղում գործում էր վարժարան, որը հիմնադրվել էր Պոլսի միացյալ ընկերության կողմից 1885 թ.-ին։

Անվանի մարդիկ

Զիարեթում է ծնվել բանաստեղծ Կորյուն Մկրտչյանը (1866)։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Բիթլիսի նահանգի հայաբնակ բնակավայրեր