Նորշեն (Մշո գավառ)

Անվան այլ կիրառումների համար տե՛ս՝ Նորշեն (այլ կիրառումներ)

Նորշեն, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում էր Մուշ քաղաքից 11 կմ արևելք՝ Մշո դաշտի արևելյան կողմում. Մեղրագետի ձախ ափին՝ նրա ակունքի շրջանում։

Աշխարհարգրություն

Գյուղն հեռու էր ընկած ճանապարհից և ուներ ամուր դիրք։ Այն գտնվում էր Մեղրագետի երկու վտակների միջև, որոնք գարնանը վարարելով Նորշենը վերածում էին թերակղզու։

Պատմություն

Իր անառիկության պատճառով Նորշենը քիչ է ենթարկվել թուրքեր ու քրդերի հարձակումներին։

Նորշենը Մուշի ամենահարուստ գյուղն էր։ Բնակչության քանակով զիջում էր միայն Խասգյուղին։ Գյուղն այնքան ընդարձակ էր և մեծ, որ բնակիչներից շատերն իրար չէին ճանաչում։

Գյուղն հիմնահատակ ավերվել է 1915 թվականի Մեծ եղեռնի ժամանակ։

Բնակչություն

Նորշենը բաղկացած էր 7 թաղերից։ XX դարի սկզբին ուներ 400-500 տուն՝ 3500-4000 հայ բնակչով։

Տնտեսություն

Նորշենն ուները ընդարձակ արգավանդ հողեր։ Բնակչությունը զբաղվում էին այգեգործությամբ, բանջարաբուծությամբ, երկրագործությամբ, անանսապահությամբ, արհեստներով և առևտրով։

Պատմամշակութային կառույցներ

Նորշենն ուներ ս. Մարինե անունով եկեղեցի։

Կրթություն

Գյուղում գործում էր դպրոց։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 384)։