Հավատորիկ

Հավատորիկ, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում է Մուշ քաղաքից 4-5 կմ հարավ-արևելք, Մեղրագետի ձախ վտակներից մեկի աջ ափին՝ Սև սարի հյուսիսային փեշերին։ Գյուղի մոտակայքում է գտնվում Մշո Առաքելոց վանքը։

Պատմություն

Գյուղն ավերվել է 1915 թվականի Մեծ եղեռնի ժամանակ։ Բնակչության մեծ մասը դարձել է թուրքական յաթաղանի զոհը։

Բնակչություն

Եղել է զուտ հայամարդ, բազմամարդ գյուղ։ 1880-ական թվականներին ուներ 157 տուն՝ 2000 հայ բնակչով։ 1915 թվականին ուներ 65 տուն հայ բնակիչ։

Տնտեսություն

Բնակչության հիմնական զբաղմունքը անասնապահությունն ու երկրագործությունն էր։

Պատմամշակութային կառույցներ

Հավատորիկն ուներ եկեղեցի։

Կրթություն

Գյուղում գործում էր վարժարան։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 265)։