Աշան

Վիքիպեդիայից՝ ազատ հանրագիտարանից
Jump to navigation Jump to search
Գյուղ
Աշան
Կոորդինատներ: 39°50′47″ հս․ լ. 46°59′49″ ավ. ե. / 39.84639° հս․. լ. 46.99694° ավ. ե. / 39.84639; 46.99694
Երկիր Արցախ Արցախ
Շրջան Մարտունու
ԲԾՄ 745 մետր
Պաշտոնական լեզու Հայերեն
Բնակչություն 588 մարդ (2005)
Ազգային կազմ Հայեր
Կրոնական կազմ Հայ Առաքելական եկեղեցի
Ժամային գոտի UTC+4
##Աշան (Լեռնային Ղարաբաղի Հանրապետություն)
Red pog.png

Աշան, գյուղ Արցախի Մարտունիի շրջանում՝ շրջկենտրոնից 25 կմ հյուսիս-արևմուտք՝ 700 մետր բարձրության վրա։ Տարածքը՝ 1344 հեկտար։ Հիմնադրվել է 13-րդ դարի կեսին։ Սողանքների պատճառով բնակիչները 1965-1968 թթ.-ին տեղափոխվել են և գյուղից 3 կմ հեռավորության վրա հիմնել Աշանը։ Զբաղվում են այգեգործությամբ, բանջարաբոստանային և հացահատիկային բույսերի մշակությամբ, անասնապահությամբ։ Ունի միջնակարգ դպրոց (Արմեն Ավագյանի անվան), մշակույթի տուն, մանկապարտեզ, բուժկետ։

Աշանում և շրջակայքում (նաև հին Աշանում) են Մեծ նահատակ (12-րդ դար), Սուրբ Աստվածածին (19-րդ դար) եկեղեցիները, Պիծի կամ Նալբադանց սուրբ, Ավետարան ուխտատեղիները, խաչքարեր, հին բնակավայրերի ավերակներ։

2012 թ.-ին Աշանում նոր բուժկետ է բացվել[1]:

Աշանը Արցախյան ազատամարտի ժամանակ[խմբագրել | խմբագրել կոդը]

1988 թ.-ին Աշանում կազմավորվել են ինքնապաշտպանական խմբեր, 1989 թ.-ին՝ կամավորական ջոկատ (հիմնադիր-հրամանատար՝ Արմեն Ավագյան)։

1989-1994 թթ.-ին Աշանի ջոկատը կամ նրա առանձին ազատամարտիկներ, համագործակցելով այլ կամավորական ջոկատների հետ, մասնակցել են Աշանի և շրջանի գյուղերի ինքնապաշտպանական, իսկ Մարտունիի պաշտպանական շրջանի ինքնապաշտպանական ստորաբաժանումների կազմում՝ Քաշաթաղի, Մարտակերտի, Աղդամի շրջանների ազատագրական մարտերին։ Աշանից հետմահու ԼՂՀ «Մարտական խաչ» 2-րդ աստիճանի շքանշանով պարգևատևվել է Արմեն Ավագյանը[2]:

Հայտնի աշանցիներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Աշան գյուղում նոր բուժկետ է բացվել
  2. Ղարաբաղյան ազատագրական պատերազմ (1988-1994). հանրագիտարան, Ե., 2004։