Արմեն Ավագյան

Վիքիպեդիայից՝ ազատ հանրագիտարանից
Jump to navigation Jump to search
Արմեն Ավագյան
Armen Avagyan.jpg
հոկտեմբերի 31, 1967(1967-10-31) - մայիսի 15, 1992(1992-05-15) (24 տարեկանում)
Մահվան վայրԼՂՀ Գյուլափլու
ՔաղաքացիությունԼՂՀ (ԼՂՀ) ՊԲ
Ծառայության տարիներԽորհրդային Սոցիալիստական Հանրապետությունների Միություն 1985-1987 թվականներին
ՊաշտոնՊԲ լեյտենանտ
ՊարգևներՄարտական խաչ» 2-րդ աստիճանի շքանշան, «Մայրական երախտագիտություն» մեդալ և ՀՀ Երկրապահ կամավորականների հուշամեդալ

Արմեն Ժորիկի Ավագյան, (հոկտեմբերի 31, 1967, Աշան, Մարտունու շրջան - մայիսի 15, 1992, Գյուլափլու, Աղդամի շրջան), հայ ազատամարտիկ, ՀՅԴ անդամ, ՊԲ լեյտենանտ[1]։

Կենսագրություն[խմբագրել | խմբագրել կոդը]

Սկզբնական կրթությունը ստացել է Աշանի միջնակարգ դպրոցում, այնուհետև՝ Մարտունու արհեստագործական ուսումնարանում` ստանալով գինեգործի մասնագիտություն: Միաժամանակ սովորել է դերձակություն: 1985-1987 թվականներին ծառայել է ԽՍՀՄ Զինված ուժերում: 1988 թվականին ամուսնանում է: Ունի մեկ դուստր:

Արցախյան շարժում[խմբագրել | խմբագրել կոդը]

Արցախյան շարժումը սկսվելու հետ մեկտեղ դարձավ դրա ակտիվ մասնակիցներից:

Կազմավորել է Աշանի ինքնապաշտպանական ջոկատը, որի հրամանատարն էր, որը զինված էր նրա պատրաստած ինքնաշեն զենքերով: Աշանի ինքնապաշտպանական ջոկատը օգնության էր հասնում հարևան Հացի, Նորշեն, Ավդուռ, Մյուրիշեն գյուղերին: «Կոլցո» օպերացիայի ժամանակ ակտիվ մասնակցություն է ունեցել հայ պատանդների փոխանակման գործին:

Արմենը Մոնթե Մելքոնյանի զինակիցն էր. Մոնթեն նրան անվանում էր «Աշանի արծիվ»:

Մահ[խմբագրել | խմբագրել կոդը]

1992 թվականի մայիսի 15-ին Մոնթե Մելքոնյանի գլխավորությամբ կազմակերպվեց Գյուլաբլու (այժմ՝ Վազգենաշեն) գյուղի ազատագրումը, որին մասնակցում էր նաև Արմենը՝ իր վաշտով: Այդ ռազմական գործողության ժամանակ էլ, դեռ մինչև այսօր ամբողջովին չբացահայտված պայմաններում, նահատակվեց հրամանատար Արմեն Ավագյանը: Այժմ այդ տեղամասում հուշարձան է կանգնեցված՝ ի հիշատակ Արմեն Ավագյանի և նրա հետ նահատակված չորս ընկերների: Նրա երազանքն էր՝ Միացյալ Հայաստանը.

Aquote1.png Մեր կռիվը ազնիվ գործի համար է, իսկ Աստված չի կարող դավաճանել ազնիվներին: Այս կռվի վերջը հաղթանակն է միայն Aquote2.png

Պարգևներ և շքանշաններ[խմբագրել | խմբագրել կոդը]

Արմեն Ավագյանը հետմահու պարգևատրվել է «Մարտական խաչ» 2-րդ աստիճանի շքանշանով, «Մայրական երախտագիտություն» մեդալով և ՀՀ Երկրապահ կամավորականների հուշամեդալով: Թաղված է Աշանում։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png