Վարդան Բալայան (գրող)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Վարդան Բալայան (այլ կիրառումներ)
Վարդան Բալայան
Ծնվել էմարտի 14, 1914(1914-03-14)
ԾննդավայրԱշան, Martuni, Ադրբեջան
Վախճանվել էնոյեմբերի 24, 1966(1966-11-24) (52 տարեկանում)
Մասնագիտությունարձակագիր, դրամատուրգ և ուսուցիչ
Լեզուհայերեն
Ազգությունհայ
ԿրթությունԱդրբեջանի պետական մանկավարժական համալսարան
ԱնդամակցությունԽՍՀՄ Գրողների միություն
Վարդան Բալայան Վիքիդարանում

Վարդան Բալայան (1918, մարտի 14 - 1966, նոյեմբերի 24), հայ արձակագիր, դրամատուրգ, մանկավարժ, ԽՍՀՄ գրողների միության անդամ 1960 թվականից։

Կենսագրություն[խմբագրել | խմբագրել կոդը]

Ծնվել է Աշան (այժմ՝ ԼՂՀ Մարտունու շրջան) գյուղում։ 1936 թվականին ավարտել է Շուշիի մանկավարժական ուսումնարանը, 1947 թվականին` Ադրբեջանի Լենինի անվան մանկավարժական ինստիտուտը։ Որպես ուսուցիչ 1936-1938 թվականներին աշխատել է Մարտունու շրջանի Ղզղալա գյուղի միջնակարգ դպրոցը, 1938-1942 թվականներին՝ Աշանի միջնակարգ դպրոցում։ 1942 թվականին ծառայել է խորհրդային բանակում, մասնակցել Հայրենական մեծ պատերազմին։ Ծանր վիրավորվել է Նալչիկի համար մղված մարտում ու զորացրվել։ 1942 թվականի ապրիլից մինչև սեպտեմբեր եղել է Մարտունու շրջանային ժողկրթբաժնի տեսուչ, ապա՝ ուսուցիչ Ղզղալայի դպրոցում։ 1945 թվականին նշանակվել է նյուն գյուղի դպրոցի տնօրեն։ 1964-1966 թվականներին եղել է Աշանի կոլտնտեսության նախագահը։ 1966 թվականին նորից վերադարձել է մանկավարժական աշխատանքի՝ որպես հայրենի գյուղի դպրոցի տնօրեն։

Պատմվածքներից բացի գրել է «Ալ դրոշի ներքո» մեկ գործողությամբ պիեսը՝ նվիրված Լևոն Միրզոյանի կյանքին ու գործունեությանը։ Բեմադրվել է նաև Բալայանի «Մոր կամքը» պիեսը[1]:

Վ. Բալայանի երկերի մատենագրություն[խմբագրել | խմբագրել կոդը]

  • Իմ կյանքի լուսաբացը (պատմվածքներ), Բաքու, Ազերնեշր, 1959, 84 էջ։
  • Լեռնային վտակ (ժողովածուում տեղ է գտել Վ. Բալայանի գործերից մի քանիսը), Բաքու, Ազերնեշր, 1963, 132 էջ։
  • Լեռնային վտակ (ժողովածուում տեղ է գտել Վ. Բալայանի գործերից մի քանիսը), Բաքու, Ազերնեշր, 1967, 196 էջ։
  • Պատմվածքներ, Բաքու, Ադրբեջանի պետական հրատարակչություն, 1968, 136 էջ։

Աղբյուրներ[խմբագրել | խմբագրել կոդը]

  1. Հայկ Խաչատրյան (1986)։ Գրական տեղեկատու։ Երևան: «Սովետական գրող»։ էջ էջ 92-93