Արաբական թերակղզի
Արաբական թերակղզի (արաբ.جزيرة العرب, Ջազիրաթ ալ-Արաբ), Արաբիա, — թերակղզի Հարավ-արևմտյան Ասիայում:
Արաբական թերակղզին գրավում է Արաբական սարահարթը, որը աստիճանաբար ցածրանում է արևելյան ուղղությամբ, դեպի Պարսից ծոցը, որի ափերի մոտ գտնվում են նավթի մի շարք խոշոր հանքավայրեր: Թերակղզու հարավ-արևմուտքում գտնվում են հնագույն լեռներ, որոնք զառիկող իջնում են դեպի առափնյա դաշտավայրային շերտը:
Արևելքում ափերը ողողում են Պարսից և Օմանի ծոցերը, հարավից` Արաբական ծովը և Ադենի ծոցը, արևմուտքից` Կարմիր ծովը:
Արաբական թերակղզին գրեթե ամբողջությամբ պատված է ավազոտ ու քարքարոտ անապատներով. հյուսիսում` Նեֆուդ, հարավում` Ռուբ-Էլ-Խալի անապատներով: Այստեղ ստորգետնյա ջրերի և ջրհորների շրջանում հանդիպում են օազիսներ, ուր աճում են արմավենիներ:
Թերակղզու հարավ-արևմուիտքում գտնվող լեռներում բավականաչափ տեղումներ են լինում (տարեկան մինչև 1000 մմ.): Այստեղ կան սավաննային տարածություններ և թփուտների մացառուտներ: Լեռնամիջյան հովիտներում տարածվում են անտառները:
Արաբական թերակղզում և հարակից կղզիներում գտնվում են հետևյալ ժամանակակից պետությունները` Սաուդյան Արաբիա, Եմեն, Օման, Միացյալ Արաբական Էմիրություններ, Բահրեյն, Կատար և Քուվեյթ: Թերակղզուն շատ մոտ են գտնվում Եգիպտոսը, Հորդանանը և Իրաքը:
|
|
|
|---|---|
 Բահրեյն •  Եմեն •  ՄԱԷ •  Սաուդյան Արաբիա •  Քատար •  Քուվեյթ •  Օման•  Հորդանան•  Սիրիա1•  Իրաք1 |
|
| 1 Մասամբ մտնում են Արաբական թերակղզու կազմի մեջ։ |
