Անատոլիա

Անատոլիա (հուն.` άνατολία - արևածագ, արևելք), Փոքր Ասիա թերակղզու արևմտյան մասը: Հնում, մոտավորապես մ.թ.ա. V-IV դարերում Անատոլիա կոչել են Փոքր Ասիա թերակղզին: Օսմանյան կայսրությունում Անատոլիա (Անադոլու) էր կոչվում Փոքր Ասիայի հյուսիս արևելյան մասն ընդգրկող վիլայեթը՝ Քյոթահյա կենտրոնով:

1923 թվականից թուրքական գրականության մեջ Անատոլիա են անվանում ողջ Ասիական Թուրքիան՝ ներառյալ Արևմտյան Հայաստանը և Քրդստանը, որով և խեղաթյուրվել է այդ տերմինի աշխարհագրական բովանդակությունը: