Ռազդոլնոյե (Խոստայի շրջան)
| Գյուղ | |||
|---|---|---|---|
| Ռազդոլնոյե | |||
| ռուս.՝ Раздольное | |||
 | |||
| Երկիր |  Ռուսաստան | ||
| Դաշնային սուբյեկտ | Կրասնոդարի երկրամաս | ||
| Քաղաքային օկրուգ | Սոչիի քաղաքային օկրուգ | ||
| Հիմնադրված է | 1870 թ. | ||
| ԲԾՄ | 100 մ | ||
| Պաշտոնական լեզու | ռուսերեն | ||
| Բնակչություն | 2243 մարդ (2010[1]) | ||
| Ազգային կազմ | հայեր, ռուսներ | ||
| Ժամային գոտի | UTC+3 | ||
| Փոստային դասիչ | 354055 | ||
| ՍՎՏԲՀԴ | 03 426 945 006 | ||
| |||
Ռազդոլնոյե (ռուսերեն՝ Раздольное), գյուղ Ռուսաստանի Դաշնության Կրասնոդարի երկրամասի Մեծ Սոչիի Խոստայի շրջանում, Բզուգու գետի հովտում։ Գտնվում է շրջկենտրոն հանդիսացող Խոստա միկրոշրջանից 12 կմ հյուսիս-արևմուտք, իսկ Սոչիի կենտրոնից 4 կմ հյուսիս-արևելք, ծովի մակարդակից 100 մ բարձրության վրա։
Բնակչությունը[խմբագրել | խմբագրել կոդը]
Համաձայն 2002 թվականի տվյալների, գյուղն ուներ 1988 բնակիչ, իսկ 2010 թվականին, այնտեղ արդեն ապրում էր 2243 մարդ, հիմնականում հայեր։
Պատմությունը[խմբագրել | խմբագրել կոդը]
Գյուղը հիմնադրվել է 1870 թվականին։ Սկզբնական շրջանում այնտեղ բնակություն էին հաստատել լեհեր և բելառուսներ։ 1872 թվականին գյուղում ապրում էր 133 մարդ։ Հայերը եկել են Տրապիզոնի շրջակայքի գյուղերից` 1894 թվականին։
1920 թվականի հունվարի 26-ից մինչև փետրվարի 2-ը, Նիկոլայ Վորոնովիչի գլխավորությամբ գյուղն զբաղեցրել էին Կանաչ բանակայինները[2], ովքեր մարտնչում էին Սպիտակների և Կարմիրների դեմ։ Այդ մարտերին մասնակցում էին նաև գյուղի բնակիչները[3]։ Սակայն Կանաչներին, Բզուգու գետի մոտ տեղի ունեցած մարտերի ժամանակ, պարտության են մատնել Անտոն Դենիկինի զորախմբերը։
1966 թվականին, Վերխնեռազդոլնոյե, Նիժնեռազդոլնոյե և Սրեդնեռազդոլնոյե գյուղերը միավորվել են և գյուղին տրվել է Ռազդոլնոյե անվանումը։
Խորհրդային տարիներին գյուղն ուներ ութամյա դպրոց և ակումբ։ Ներկայումս գործում են Ծաղկաբուծության ինստիտուտը և 1980 թվականին կառուցված սեյլինգի (առագաստային սպորտ) ուսումնա-մարզական կենտրոնը (ներկայումս` Яхтклуб Сочи):
Ծանոթագրություններ[խմբագրել | խմբագրել կոդը]
- ↑ 2010 թվականի Համառուսաստանյան մարդահամարի արդյունքներ (ռուս.)
- ↑ Особое задание Шевцов Иван Борисович
- ↑ Архив русской революции том 7 Воронович Николай Владимирович Меж двух огней стр. 121-122.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ 
|
