Ուչ-Դերե (Լազարևսկի շրջան)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Ուչ-դերե (այլ կիրառումներ)
Գյուղ
Ուչ-Դերե
Уч-Дере
Կոորդինատներ: 43°41′07″ հս․ լ. 39°36′17″ ավ. ե. / 43.68528° հս․. լ. 39.60472° ավ. ե. / 43.68528; 39.60472
ԵրկիրՌուսաստան Ռուսաստան
Դաշնային սուբյեկտԿրասնոդարի երկրամաս
ՇրջանՍոչիի քաղաքային օկրուգ
Հիմնադրված է1915 թ.
Պաշտոնական լեզուռուսերեն
Ազգային կազմհայեր, ռուսներ
Հեռախոսային կոդ+7 862
Փոստային ինդեքս354206[1]
##Ուչ-Դերե (Լազարևսկի շրջան) (Ռուսաստան)
Red pog.png
##Ուչ-Դերե (Լազարևսկի շրջան) (Կրասնոդարի երկրամաս)
Red pog.png

Ուչ-Դերե ( ռուս.` Уч-Дере), գյուղ Ռուսաստանի Դաշնության Կրասնոդարի երկրամասի Մեծ Սոչիի Լազարևսկի շրջանում: Գտնվում է շրջկենտրոն հանդիսացող Լազարևսկոյե միկրոշրջանից 51 կմ հարավ-արևելք, իսկ Սոչիի կենտրոնից 14 կմ հյուսիս-արևմուտք, Ուչ-Դերե (նախկինում` Նիջի) գետի ձախ ափին: Ներկայումս Ուչ-Դերեն բաժանված է երեք վարչական կազմավորումների` Նիժնեե Ուչ-Դերե, Կուլտուրնոյե Ուչ-Դերե և Վերխնեե Ուչ-Դերե:

Պատմական ակնարկ[խմբագրել | խմբագրել կոդը]

1880-ական թվականների սկզբին, Նիջի և Բիտխա գետերի միջև, մեծ իշխաններ Կոնստանտին Կոնստանտինովիչ և Դմիտրի Կոնստանտինովիչ Ռոմանովները, ձեռք էին բերել կալվածք: Նշված կալվածքի կառավարիչն էր ռուս միջատաբան Ալեքսանդր Ստարկը, ով 1885 թվականին, կալվածքը վարձակալությամբ տրամադրել էր Օսմանյան կայսրությունից գաղթած 48 հայկական ընտանիքների[2]: Այդ հայկական գյուղը կոչվեց Ուչ-Դերե, որը թուրքերենից թարգմանաբար նշանակում էր «Երեք գետակ»: Հայերը եկել էին Օսմանյան կայսրությունում գտնվող Ուչ-Փինար («Երեք աղբյուր») գյուղից: 1896 թվականին Ուչ-Դերե գյուղում արդեն ապրում էր 100 հայկական ընտանիք:

1900 թվականին, Պետական գույքերի և հողագործության նախարար Ալեքսեյ Երմոլովի կողմից, կալվածքը անհատույց տրամադրվեց կայսրուհի Մարիա Ֆեոդորովնայի գերատեսչությանը, քանի որ ռուս բժիշկների և կլիմայագետների կողմից Ուչ-Դերե գյուղը ճանաչվել էր բուժավայր: Իր հերթին, Մարիա Ֆեոդորովնան այն նվիրեց որբ աղջիկներին: Կալվածքում կառուցվեց առողջարանային կայան, որը կոչվեց Ռոմանովսկայա: 1951 թվականին այդ առողջարանն ի պատիվ բժիշկ, ակադեմիկոս Նիկոլայ Սեմաշկոյի, ստացավ նրա անունը:

Որպես բնակավայր, Ուչ-Դերեի հիմնադրման թվական է համարվում 1915 թվականը: 1901-1902 թվականներին, հայտնի պետական գործիչների, բժիշկների և գիտնականների համար, այնտեղ սկսեցին ամառանոցներ կառուցել:

Գյուղը ներկայումս նույնպես բուժավայր է և զբոսաշրջության կենտրոն: Հայտնի տեսարժան վայրերից է դենդրարիումը, որտեղ կարելի է տեսնել հազվագյուտ ծառատեսակներ[3]:

Ծանոթագրություններ[խմբագրել | խմբագրել կոդը]

  1. Տեղեկություններ բնակավայրի փոստային բաժանմունքի մասին «Ռուսաստանի Փոստ»-ի (Почта России) կայքում, www.russianpost.ru (ռուս.)
  2. М.Ю. Круглякова. "Сочи. Черноморская Ривьера России". «Издательство «Вече», 2015
  3. Деревья и кустарники СССР, Том 6. Изд-во Академии Наук СССР. 1962