Դագոմիս

Վիքիպեդիայից՝ ազատ հանրագիտարանից
Jump to navigation Jump to search
Միկրոշրջան
Դագոմիս
Дагомыс
Sochi Dagomys Storm 02-07-2013.jpg
Կոորդինատներ: 43°39′37″ հս․ լ. 39°39′27″ ավ. ե. / 43.66028° հս․. լ. 39.65750° ավ. ե. / 43.66028; 39.65750
ԵրկիրՌուսաստան Ռուսաստան
Դաշնային սուբյեկտԿրասնոդարի երկրամաս
Քաղաքային օկրուգՍոչիի քաղաքային օկրուգ
ԲԾՄ30 մ
Պաշտոնական լեզուռուսերեն
Ազգային կազմռուսներ, հայեր
Ժամային գոտիUTC+3
Հեռախոսային կոդ+7 862
Փոստային ինդեքսներ354 207[1]
##Դագոմիս (Ռուսաստան)
Red pog.png
##Դագոմիս (Կրասնոդարի երկրամաս)
Red pog.png

Դագոմիս (ռուս.՝ Дагомыс), նախկինում ավան, ներկայումս միկրոշրջան Ռուսաստանի Դաշնության Կրասնոդարի երկրամասի Մեծ Սոչիի Լազարևսկի շրջանում, Դագոմիս գետի և Սև ծովի ափին: Գտնվում է շրջկենտրոն հանդիսացող Լազարևսկոյե միկրոշրջանից 45 կմ հարավ-արևելք, իսկ Սոչիի կենտրոնից 14 կմ հյուսիս-արևմուտք, ծովի մակարդակից 30 մ բարձրության վրա: Երկաթուղային կայարան է, ծովափնյա առողջարան և զբոսաշրջության կենտրոն:

Պատմական ակնարկ[խմբագրել | խմբագրել կոդը]

Առաջին բնակավայրերը Արևմտյան Դագոմիս և Արևելյան Դագոմիս գետերի հովտում, առաջ են եկել դեռևս քարի դարում: 1864 թվականին, Կովկասյան պատերազմի ավարտից հետո, տեղանքի ողջ բնիկ ազգաբնակչությունը, ովքեր չէին ցանկանում հպատակվել Ռուսական կայսրությանը, աքսորվեցին Օսմանյան կայսրություն: Արդյունքում նրանց բոլոր աուլները դատարկվեցին, իսկ հողատարածքները սկսեցին բաժանել ռուսական բանակի թոշակառու զինվորականներին: 1880-1890-ական թվականներին, այս տարածքներում սկսեցին բնակություն հաստատել Օսմանյան կայսրությունից գաղթած հայերն ու հույները:

19-րդ դարի վերջերին, ծովի ափին գտնվող արժեքավոր հողատարածքները սկսեցին գնել ցարական չինովնիկները, նախարարները և խոշոր կալվածատերերը: Այդպիսի խոշոր հողատարածք էր ձեռք բերել նաև Նիկոլայ II կայսրը, Դագոմիս գետի` Սև ծով թափվելու վայրում: Այստեղ հիմնվել է ցարական արքունիքին ենթակա անասնապահական ֆերմա: Աշխատող գեղջուկների համար շուտով կառուցվել է ոչ մեծ ավան` ապագա Դագոմիսը:

20-րդ դարի սկզբին ավանում ապրում էր ընդամենը 300 մարդ: 1905 թվականին այն արդեն ուներ 575 բնակիչ: Հայերը եկել են շրջակա գյուղերից` 1930 թվականին: 1961 թվականին Դագոմիս ավանը ընդգրկվել է Սոչի քաղաքի կազմի մեջ և դարձել միկրոշրջան[2]: Ներկայումս բնակվում են հայեր, ռուսներ, էստոնացիներ և այլ ազգություններ: Բնակիչներն զբաղվում են թեյի մշակությամբ, պտղաբուծությամբ և բանջարաբուծությամբ:

Դագոմիսն ունի թեյամշակման գործարան, կահույքի ֆաբրիկա, միջնակարգ դպրոց, հիվանդանոց, պոլիկլինիկա, հանգստյան տներ, առողջարաններ և հյուրանոցներ: Այն զբոսաշրջության հայտնի կենտրոններից մեկն է:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Տեղեկություններ բնակավայրի փոստային բաժանմունքի մասին «Ռուսաստանի Փոստ»-ի (Почта России) կայքում, www.russianpost.ru (ռուս.)
  2. Азаренкова А. С., Бондарь И. Ю., Вертышева Н. С. Основные административно-территориальные преобразования на Кубани (1793-1985 гг.). — Краснодар: Краснодарское книжное издательство, 1986. — С. 248. — 395 с.

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png