Վարդանե

Միկրոշրջան
Վարդանե
Вардане
Երկիր	Ռուսաստան
Դաշնային սուբյեկտ	Կրասնոդարի երկրամասԿրասնոդարի երկրամաս
Շրջան	Սոչիի քաղաքային օկրուգ
Համայնք	Լազերևի շրջան
Հիմնադրված է	1872 թ.
Տվյալ կարգավիճակում	1961 թվականից
ԲԾՄ	36 մ
Պաշտոնական լեզու	ռուսերեն
Ազգային կազմ	հայեր, ռուսներ
Հեռախոսային կոդ	+7 862
Փոստային ինդեքս	354 200
Փոստային դասիչ	354209
Վարդանե (Ռուսաստան) Վարդանե (Կրասնոդարի երկրամաս)
Վարդանե Վիքիպահեստում

Վարդանե (ռուսերեն` Вардане), միկրոշրջան Ռուսաստանի Կրասնոդարի երկրամասի Մեծ Սոչիի Լազարևսկի շրջանում։ Գտնվում է շրջկենտրոն հանդիսացող Լազարևսկոյե միկրոշրջանից 37 կմ հարավ-արևելք, իսկ Սոչիի կենտրոնից 40 կմ հյուսիս-արևմուտք, Սև ծովի ափին և Բուու գետի գետաբերանի մոտ, ծովի մակարդակից 36 մ բարձրության վրա։

Պատմական ակնարկ

Վարդանեն հանդիսանում է ժամանակակից Սոչիի տարածքի ամենահին բնակավայրերից մեկը։ Առաջին բնակավայրերն այս տարածքում հիմնադրվել են դեռևս քարի դարում։ Ներկայիս ավանի տեղում, միջնադարից մինչ 19-րդ դարը, եղել է ուբիխների գլխավոր բնակավայրերից մեկը։

1864 թվականին, Կովկասյան պատերազմի ավարտից հետո, այս հողատարածքները տրվել էին մեծ իշխան Միխայիլ Նիկոլաևիչին։ Այնտեղ գտնվող ավանում աստիճանաբար սկսեցին բնակություն հաստատել ռուս վերաբնակիչներ, հայեր և պոնտացի հույներ, ովքեր գաղթել էին Օսմանյան կայսրությունից։

1961 թվականին Վարդանե ավանը մտել է Սոչի քաղաքի կազմի մեջ և ստացել միկրոշրջանի կարգավիճակ։ Ներկայումս բնակչության մեծամասնությունը հայեր են և ռուսներ, չնայած բնակվում են նաև հույներ, գերմանացիներ, ուկրաինացիներ, մոլդովացիներ և ադըղեներ։

Գրականություն

• Барыщенко К. С., Постникова Е. Е. Посёлок Вардане: страницы истории //Большой Сочи в прошлом и настоящем. — Сочи, 2006

Արտաքին հղումներ

• Արխիվացված 2017-09-15 Wayback Machine Վարդանե